Category Archives: Scoutsziedel

Fir den regelméisseg verschéckten Scoutsziedel.

Infoziedel fir Mee 2018

Fir Iech alleguer :

De Weekend vum 19-20 Mee organiséieren d’Lëtzebuerger Guiden a Scouten den Kelten-FestivalBealtaine um Neihaischen. Dir sidd all invitéiert mat der ganzer Famill kucken ze kommen, Workshops matzemaachen a keltescher Musek nozelauschteren. E puer vun eise RaRo an Albatrosse wäerten och mathëllefen a freeën sech op äre Besuch. Méi Informatioune fannt der op  https://bealtaine.lgs.lu/.

Fir d’Biber :

Hallo dier Biber, eis Weltrees geet nees wieder. Wëllt dir wësse wéie Kontinent iech erwaart? Ma da kommt de 05.Mee vu 14-16h op de Prënzenbierg. Den 12.Mee gi mir op de Gaalgebierg op Esch. Fir déi di nach net ugemellt sinn, maacht dat nach beim Anna (621 76 43 60). Rendez-vous ass um 8:30h op der Péitenger Gare. Fir matzehuelen: Picknick, Sonnecrème, K-way, Bidon mat Waasser, alles an engem klenge Rucksak agepaakt (deen si och packen), ditt iech natierlech dem Wieder no un. Retour ass da géint 14:30h op der Péitenger Gare. Den 19 a 26 Mee ass d’Päischtvakanz, do ass dann keng Versammlung.

Fir d’Wëllef :

Den nächste Samschden ass keng Versammlung well mir Sonndes de 06. Mee op Suessem op den nationale Wëllefchersrallye ginn. Dofir treffe mir eis Sonndes moies um 7h45 zu Péiteng op der Maartplaz an huelen do de Bus. Huelt ee klenge Rucksak mat Picknick, e Bidon mat Waasser, eng Kaap, a Sonnecrème mat. Optimal ass et wann der är Uniform a bequem Schong unditt. Mir sinn erëm Sonndes owes um 18h10 zréck op der Maartplaz zu Péiteng. Mellt Iech w.e.g. beim Alex (691 177 773) un. Den 12. Mee ass erëm eng ganz klassesch Versammlung vu 14:00 bis 16:00 um Prënzebierg. Freet iech op eng speziell Iwwerraschung. Bis dann 🙂 Den 19 a 26 Mee ass keng Versammlung wéinst der Vakanz.

Fir d’Avex :

Samschdes de 5. Mee hunn mer Versammlung vun 14:00-16:00. Mir schaffe weider un der Seefekescht. Bréngt en Helm mat, falls mer se testen. De Weekend vum 11-13 Mee hu mir eisen Hike-WE. Dir sollt iech och per SMS beim Fredi (621 472 510) umellen, Umeldeschluss ass de 5.05. Hei sinn déi läscht Infoen zum WE: Départ ass den 11.Mee um 19:00 zu  Kënzeg beim Scoutschalet. Deen ass vis-à-vis vum Fussballterrain bei der Spillplaz. Parkt w.e.g. um Parking beim Tennis Terrain. Retour ass den 13.05 um 14:30  zu  Kënzeg beim Scoutschalet. Et ass en Hike-WE, dat heescht mir wäerte bëssen (vill) trëppelen, huelt also net ze vill onnéideg Saache mat. Mir schlofen och dobaussen.

Fir matzehuelen:
Ënnerwäsch a Strëmp fir all Dag ze wiesselen, Wanderschong (am beschte schonn undoe fir dohin), Uniform a Foulard (Hu mir och un wann mir ukommen), Gezei wat dem Wierder ugepasst ass, Sonnekap oder -hutt, Sonnecrème, Wäschsaachen (Zännbiischt, Seef), 1Kichenduch,  Carrymatt, Schlofsak, K-Way/Reenjackett, Bidon (min. 1L), Becher a Gamelle mat Besteck, Täscheluucht, Täschemesser, AvEx Pass, eventuell Ourestepp (fir wann een net gutt bei Geschnarchs schlofe kann), perséinlech Medikamenter , Fiche médicale (fannt der op lgspeiteng.com bei den Dokumenter), WICHTEG: Markéiert är Saachen, virun allem d’Gamelle an d’Besteck, vill Leit hunn dat selwecht! Wäertsaachen (Handy, Ipod, etc) a Séissegkeete bleiwen doheem! De WE kascht 20€, gitt dat zesumme mat der Fiche médicale beim Départ of. Den 19 Mee a 26 Mee ass keng Versammlung.

Fir d’Carapio :

Bis de 4. Mee kënnt der iech umelle fir eis nächst CaraPio Süden Aktivitéit: Mir ginn den 9. Juni Nomëttes op Stengefort an den Adventure Park (www.steinfort-adventure.lu). Maacht dëse Virement fir iech un ze mellen: 16€, Mentioun “Adventure [Numm vum CaraPio]”

De 4. Mee ass et och Zäit fir den 2. Acompte vun eisem Camp an Estland (17.-26. Juli). 100€, Mentioun “Estland 2 [Numm vum CaraPio]” Eise Konto ass: LGS Péiteng  Grupp Hl. Franz vun Assisi BCEE IBAN LU 67 0019 6803 7218 2000

E Samschde 5. Mee hëllefe mer moies bei der Pabeiersammlung. Denkt drun dass de Grupp eise Summer Camp finanziell ënnerstëtzt, an déi Sue komme vun der Pabeiersammlung! Nomëttes gesi mer eis vu 14:00-16:00 um Prënzebierg. Ënner anerem wiele mer eng Wanderung fir den 12. Mee. Är Aufgab ass bis dohin ee Wanderwee ze wiele mat folgende Critèren: e soll mam Zuch erreechbar sinn, e soll 20-25km wäit sinn an entweder am Krees goen oder bei enger anerer Gare ukommen. Benotzt dëse Link fir eng gutt Iwwersiicht ze gesinn: http://g-o.lu/3/KzE2 . Wann der e Wee uklickt gesitt der wéi laang en ass an dir kënnt iech lénks de Link opschreiwen, da kënne mer se an der Versammlung gutt vergläichen. E Samschden den 12. Mee gesi mer eis moies um 9:00 zu Péiteng op der Gare. Vun do fuere mer mam Zuch bis bei eise Wanderwee. Matbréngen: alles wat der braucht fir eng Wanderung, dorënner och Iessen, Gedrénks, eventuell Medikamenter, Zuchticket. Mir wëlle géint 19:00 nees zu Péiteng sinn. Den 19. a 26. Mee ass keng Versammlung.

Fir d’RaRo : 

De 5 an den 12 Mee hu mir normal Versammlung um Prenzebierg. Denkt och un Pabeiersammlung de 5 Mee. De Weekend vum 19-20 Mee maache mir en WE um Keltefestival Bealtaine, wou mer bei de Workshops mathëllefen. Détailer kommen do per SMS oder Facebook no .

Fir d’Albatrossen:

De Freiden 11 Mee ass Versammlung um 19h. Ditt aal Kleeder un a bréngt Schaffhändsche mat, mir maachen eis ronderëm de Chalet nëtzlech.

 Fir d’CaraPio, RaRo, Albatrossen, Chef, Guilde an Mataarbechter 

De Samschden 5 Mee ass Pabeiersammlung. R.d.v. wie gewinnt um 8:30h op der Lengerstroos. E grousse Merci un Dech daats du kenns fir eise Grupp ze ënnerstëtzen. Alleng duerch d’Pabeiersammlung hu mir 70% vun eisen Einnamen fir 2017 gemaach. Des Suen erméiglechen eis d’Präisser vu Campingen a Weekender an engem soziale Beräich ze halen, an doduerch Member flott Erliefnesser ze bidden. Merci fir Däin Asaz.

 Fir d’Chef: Dënschdes, den 15 Mee ass Grupperot um 20h am Avexsall.

 

 

Infoziedel Abrëll 2018

Fir d’Biber :

Mer maachen eng Rees ronderëm d’Welt an nëmme 4 Versammlungen. Dofir kommt scho mol den 21.04 vu 14:00 bis 16:00 h op de Prënzebierg fir di 1. Etapp vun eiser Rees ze entdecken. Den 28.04 besiche mir en anere Kontinent, an dir wëllt wësse wéieen? Ma da kommt vun 14 bis 15:30h!  op de Prënzebierg!

Fir op de Kalenner: Den 12.06 maache mir eng Sortie op de Gaalgebierg op Esch. D’Infoe kommen am nächste Bréif no , mee mellt dech elo scho beim Anna um 621 75 43 60 ,un oder respektiv of.

De 26.05 maache mir een Ausfluch an de Beetebuerger Park an do sollt dir Iech och sou schnell wie méiglech beim Anna umellen.

Fir d’Wëllef :

Dir léif Wëllefcher, de Samschden 21. Abrëll ass eng ganz klassesch Versammlung vu 14h00 bis 16h00 um Prënzenbierg. Et soll waarm ginn, a mir wäerten dobausse sinn d.h. ditt Iech entspriechend un (Kaap, Sonnecrème). Dofir hunn mir awer déi Woch dono eppes méi Grousses fir: Den 28-29 Abrëll hunn mir ee Weekend zu Beggen. Hei sinn d’genau Detailer zum WE:

De WE kascht 30 € op de Kapp, an en as am Home St Christophe zu Beggen (224 Rue Des Sept Arpents L- 1149 Luxembourg). En geet Samschdes den 28 Abrëll moies um 10h30 un an dauert bis Sonndes den 29. Abrëll um 16h00. Umelle kennt dir iech beim Alex um 691 177 773 . Am beschte wär et a Fahrgemeinschaften dohinner ze fueren, sot also Bescheed ob dir selwer kennt fueren oder net.  Mathuelen: Täscheluucht, Täschemesser, Wäschsaachen, Pyjama, frësch Ënnerwäsch, Gezei fir all Wieder (mir wäerten vill dobausse sinn, also och eppes géint de Reen ), Schlofsak, déck Schong, Schlappen, déi ausgefëllte Fiche Médicale (dir fannt d’Fiche Médicale op: www.lgspeiteng.lu/doc ) a perséinlech Medikamenter. Verpaakt alles an engem Rucksak. Dir braucht näischt fir z’iesse matzebréngen.

D’Wëllefchercheféquipp hofft daat dir all eng schéi Vakanz hat:)

Fir d’Avex :

Salut AvEx, déi zwee nächst Samschdeger, den 21.04 an den 28.04, hunn mer normal Versammlung vu 14:00-16:00. Eis nei Expeditioun heescht „Seefekescht bauen“!

Fir op de Kalenner: vum 11.-13. Mee hunn mer e Weekend zesumme mat de Käerjenger an Déifferdenger AvEx, fir eis virum Camp kennen ze leieren. Mellt iech sou séier wei méiglech, per SMS beim Fredi un (621 472 510).  Detailer kommen am nächste Bréif no.

Fir d’Carapio :

De Samschden 21. Abrëll gesi mer eis vu 14-16 Auer um Bierg. Bis dohi sicht iech eraus wat der alles zu Tallinn wëllt gesinn an ënnerhuelen. Sicht och no Weeër déi mer kënnen an eiser Entreprise „Hike“ wanderen. Déi éischt Wanderung starte mer Samschdes den 28. Abrëll. Den Départ ass um 14 Auer zu Péiteng a mer versichen eis en Tuer vu 4 Stonnen eraus ze sichen. Wouhin et eis verschléit ass iech iwwerlooss!

Fir d’RaRo : 

Den 21 Abrëll an den 28 Abrëll hunn mir Versammlung um Prënzebierg as usual.

Fir d’Albatrossen:

D‘ Guilde huet den 21. Abrëll hier Generalversammlung um Prënzebierg, an d‘ Albatrosse sinn do häerzlech agelueden. Denkt drun Iech bis den 18 Abrëll beim Martine Schlottert unzemellen (GSM: 621 414 040, Mail: jschlott@pt.lu).

 Fir d’Chef:

Den Dënschden 17 Abrëll ass Grupperoot. Rdv wie ëmmer um 20h am Avexsall. 

Infoziedel Mäerz 2018

Fir Iech alleguer :

En groussen Merci fir alleguerten déi um Theater matgeschafft . Et war en vollen Erfolleg.  Alleguerten eis kleng a grouss Acteuren hunn hir Saach super gemaach .

Fir d’Biber :

Di 2 nächst  Samschdeger den 17. Mäerz an de 24. Mäerz  hu mer normal Versammlung vun 14:00-16:00 Auer um Prënzebierg..

Fir d’Wellef :

Dir léif Wëllefcher des an di nächst Woch sinn zwou speziell Versammlungen allkeiers vun 14:00 bis 16:00 Auer um Prënzebierg. Den 17. Mäerz hunn mir eng grouss Versammlung mat den Bibber zesummen an den 24. Mäerz ass eng Versammlung mam ganzen Grupp wou mir op eng Eeër-sich ginn. Dir kennt also gespaant sinn. 

Fir d’Avex :

Salut AvEx, Samschdes de 17.03, ass Versammlung vu 14:00-16:00, mir fänken dann och endlech mat eisem Projet “Seefekescht” un. Samschdes de  24.03 vu 14:00-16:00 hunn mer eng Ouschter-Versammlung, déi eis Carapio organiséiert hunn.

Fir d’Carapio :

Versammlungen

De 17.3. gesi mer eis vu 14:00-16:00 um Prënzebierg. Mir bereeden den Ouschterrally fir déi aner Branche vir a molen Ouschtereeër. Matbrénge: Schlappe fir am Chalet, 6 réi Eeër (am beschte mat heller Schuel). De 24.3. ass den Ouschterrally fir di aner Branchen um Prënzebierg. RDV ass schonn um 13:00 fir déi leschte Präparatiounen. De Rally soll um 16:00 fäerdeg sinn. De 7.4. hëllefe mer bei der Pabeiersammlung. RDV um 8:30 op der Léngerstrooss. Sidd pünktlech fir dass mer d’Ekippe maache kënnen. Iwwerleet iech e puer Destinatioune wou der fir eis nächst Entreprise HIKE wëllt hi goen, a wéi der wëllt dohi kommen (Zuch, Bus).

JoCaPi

D’Journée CaraPio ass, fir déi déi ugemellt sinn, de 25. Mäerz. Mir maachen eng Ekipp mat eise Frënn vun de Kärjenger CaraPio. RDV an Uniform ass um 7:30 zu Péiteng op der Gare. De Retour ass virgesi fir 18:43. Matbréngen: Schülerkaart fir den Zuch, déck Schong, Kleeder dem Wieder no, eng Gamelle, Besteck, e Becher, e Bidon, en Täschemesser, e Bic.

Iron Scout

Mir trëppelen bannent 24 Stonne fir de gudden Zweck bis zu 65km ronderëm de Stau. Rendez-vous fir déi wou ugemellt sinn, an Uniform, ass Freides den 13. Abrëll um 17:45 zu Péiteng op der Gare. Schluss ass Sonndes am spéide moien, de Retour zu Péiteng op der Gare ass um 13:13. Mathuelen (ënnert anerem): Carrymatt, Schlofsak, Schlappen, 1 Rouleau Toilettepabeier, Medikamenter, Wäschsaachen, Gamelle (mat Besteck a Becher), Picnic fir Freides Owes, 1 Kichenduch, groussen a klenge Rucksak, Täscheluucht, Warnwest, Bidon, gutt Wanderschung, eng ausgefëllte Fiche médicale F09 (lgspeiteng.lu/doc), an e prall gefëlltent Sponsoreblat (http://lgspeiteng.lu/8274).

Fir d’RaRo : 

Den 17.03 an den 24.03 hunn mir wéi gewinnt Versammlung vun 16-18h um Bierg. Denkt och drun ären 1. Acompte fir de Camping bis de 16.03 ze bezuelen.  

Fir d’Albatrossen:

Reminder : bis de 16.03 muss den 1. Acompte fir de Camping iwwerwise ginn. Dann hunn mir den 19-20 Mee Albatrossen- a RaRo-Weekend um Neihaischen wann de Bealtaine as. Mellt Iech beim Kim Staudt un , a sot him Bescheed a weiengem Beräich dat der schaffe wëllt. Di nächst Versammlung ass de 14.04 um 19 Auer um Bierg.

 Fir d’CaraPio, RaRo, Albatrossen, Chef, Guilde an Mataarbechter 

De Samschden 7 Abrëll ass Pabeiersammlung. R.d.v. wie gewinnt um 8:30h op der Lengerstroos. Elo schonns Merci fir Deng Hëllef.

 

Ziedel bis d'Kavalkad 2018

Fir Iech alleguer :

Scoutstheater

Wéi Dir alleguer wësst, spille mir den 02. an den 03. Mäerz Theater zu Péiteng am Home St.Hubert.

Et gëtt gespillt :

Biber: Mario& Peter , e ganzt neit Abenteuer

Wëllefcher: Grouss Klassiker

AvEx: Am Restaurant

CaraPio: Scouten a fraier Wildnis

D’Cheféquipe a Mataarbechter spillen e lëschtegen 3 Akter:

Mord aus Versinn

De Riddo ass um 19:30 (d’Kanner déi matspille sollen um 19°°Auer am grousse Sall sinn.) De Präis ass 10 € fir Erwuessener a 5€ fir d’Kanner. Déi Kanner wou matspille mussen natierlech näischt bezuelen, Kanner bis 6 Joer sinn och gratis. Reservéiert hinnen  awer eng Platz mat, sot just bei der Reservatioun Bescheed.  Dir kennt Är Platzen,  elo um 621 814 883 no 18 Auer reservéieren.

P.S Wann dir eis e klenge Cadeau fir an d’Tombola wëllt ginn, da gitt Ärem Kand et einfach mat an eng Prouf. Villmools Merci am viraus!

Kavalkad:

Mir maachen dëst Joer bei der 63ter Kavalkad zu Péiteng mat. Eise Woon gëtt ganz am Thema „Pabeiersammlung zu Péiteng“ gerëscht. All Kanner an Jugendlecher, déi wëlle matgoe sollen hir Uniform undoen, a kennen sech gären zu dësem Thema verkleeden (als Kartongskëscht, Zeitung, …). Mir treffen eis den Sonnden 11 Mäerz um 13:00 Auer zu Péiteng bei der Sportshal Bim Diederich, vun do geet dann de Cortège lass. Schluss ass nom Cortège beim groussen Zelt op der Maartplaz.

Fir d’Biber :

De Samschden 24 Februar treffe mir eis wéi gewinnt vun 14-16h um Prënzenbierg. Et ass wichteg, dass dir all do sidd well mir nach fläisseg fir den Theater prouwen. Vergiesst och net dass mer den 23.02 an den 01.03 am Home prouwen. Den 10.03 as dann erem eng normal Versammlung wou mir eis vu 14h-16h am Chalet gesinn. Dëst Joer maachen d`Péitenger Scoute bei der Kavalkad den 11 Mäerz mat. Wann dir och bei dësem Event wëllt derbäi sinn, da mellt iech beim Anna (621 754 360) un. D‘ Thema ass Pabeiersammlung , dh der kennt iech wie eng Këscht verkleeden , d’Uniform an de Foulard undoen oder eng aner kreativ Idee déi eppes mat der Pabeiersammlung ze dinn huet.

Fir d’Wëllef :

Dir léif Wëllefcher de 24. Februar schaffe mir weider un eise Kulissen. Mir hunn also Versammlung vu 14 bis 16 Auer um Prënzenbierg. Falls Schnéi leit kennt dir och ee Schlitt matbréngen.  Eis nächst Prouwe sinn den 20.02, 22.02, 26.02 an 27.02 vu 17:30-19:00 am Home.  Den 02. an 03. Mäerz ass keng Versammlung do ass jo eisen Theateroptrëtt. Kuckt uewe bei „Fir Iech alleguer“. Den 10 Mäerz hunn mer normal Versammlung vu 14h-16h um Prënzebierg. Den 11. Mäerz ass et endlech esou weit, mir ginn op der Kavalkad zu Péiteng mat. Mellt Iech w.e.g. beim Alex (691 177 773) wann der wëllt matgoen. Kuckt dofir bei „Fir Iech alleguer“.

Fir d’Avex :

De Samschden, de 24.02 hunn mer keng Versammlung well Owes den Nuetsrallye ass. Hei déi läscht Infos dozou: Départ ass um 17:30 zu Péiteng op der Gare, d’Avex iwwer 12 sollen hir Schülerkaart matbrénge Fir den Retour wieren d’Chef frou, wann d’Elteren iech géint 00:30 bei der gëlle Fra (place de la Constitution) ofhuele kommen // Matzehuelen ass: e Bidon mat Waasser / Picknick fir Owes, e Läffel, Gamelle + Becher, et gëtt zum Schluss vum Rallye Zopp an Téi / Ganz wichteg ass dass jidderee soll säi Foulard un hunn an dem Wierder ugepasst ugedoe sinn. De Rallye geet duerch d’Staat an d’Chef trëppele mat den AvEx. Samschdes, den 03.03 ass keng Versammlung wéinst dem Theater. Zur Erënnerung: eis nächst Prouwe sinn den 21.02 an 28.02 vun 18:00-19:00 an den 23.02 vu 17:00-18:00. Sidd w.e.g. pünktlech a léiert schonn ären Text. Samschdes, den 10.03 ass Versammlung vu 14:00-16:00, mir preparéieren eis do fir d’Kavalkad. Kuckt dofir och bei „ Fir Iech alleguer“.

Fier d’Carapio :

Camp

Dir hutt iech entscheet dëst Joer e Camp Volant an Estland ze maachen. Mir sinn nach um Ufank vun eise Virbereedunge, mä wëllen iech awer schonn eng Iddi ginn. Mir verreese gär fir eng gutt Woch. Dës Zäit fält zwechen den 13. an den 29. Juli. Mir probéieren eis de Präis vun eisem Camp Volant a Schweden (Fotoen: lgspeiteng.lu/7290) als iewescht Limitt ze setzen: 400€.

Well mer eis mussen ëm Reservatiounen an Transport këmmeren froe mer en éischten Acompte vun 100€ bis den 23. Februar.

LGS Péiteng  Grupp Hl. Franz vun Assisi BCEE IBAN LU 67 0019 6803 7218 2000 100€ Mentioun “Estland 1 [Numm vum CaraPio]”

Iron Scout

Wéi ugekënnegt ass déi 11. Editioun vum Iron Scout zu Bilschdrëff vum 13. Abrëll Owes bis den 15. Abrëll Mëttes. Dat ass de leschte Weekend vun der Ouschtervakanz. Mir wanderen 65km ronderëm de Stauséi a 24 Stonnen. En Trailer fannt der hei: lgspeiteng.lu/3636 . Dat ganzt ass fir e gudden Zweck: mir ënnerstëtze “Make-a-Wish Luxembourg”. Dir kritt en Dokument fir Sponsoren ze sichen an eiser nächster Versammlung, mä wann der elo scho wëllt ufänke kënnt der et och hei erof lueden an ausdrécken: lgspeiteng.lu/8274 .

Fir dass mer eise Grupp kënnen umelle brauche mer äre Virement bis den 23. Februar.

LGS Péiteng  Grupp Hl. Franz vun Assisi BCEE IBAN LU 67 0019 6803 7218 2000 30€ Mentioun “Iron Scout [Numm vum CaraPio]”

Theater

Mir hu Prouf all Kéier vun 19:00-20:00 den 20.2, 22.2., 27.2 an 1.3 am Home. Denkt un är Requisiten a Kostümer. Déi zwee Deeg vum Theater verkafe mer Gebäck fir eise Summer Camp ze finanzéieren. Iwwerleet iech wat der wëllt bake fir dass mer net all dat selwecht maachen. Mir gesinn eis Freides schonn um 17:00 fir ze Hëllefen op ze riichten an eise Stand vir ze bereeden.

Versammlungen

De Samschden 24. Februar gesi mer eis vun 14:00-16:00 um Prënzebierg. Mir maachen eis Requisite fäerdeg a wielen eng nei Entreprise fir no dem Theater.

De Samschden 10. Mäerz gesi mer eis um 8:30 op der Léngerstrooss fir bei der Pabeiersammlung ze hëllefen. Vun 14:00-16:00 benotze mer e bësse Kartong vu moies a bastelen eis Verkleedung fir den Dag drop bei der Kavalkade deel ze huelen. Kuckt dofir bei „Fir Iech alleguer“.

Fir d’RaRo :  

De 24 Februar hunn mer Versammlung um 16:15h fir d’Platz vun der Buerg ze botzen, also bréngt Schaffhändsche mat. Den 02. an den 03. Mäerz ass Theater kuckt dofir och bei „Fir d’CaraPio, RaRo, …“ .  Den 10. Mäerz ass Pabeiersammlung moies.

 Fir d’CaraPio, RaRo, Albatrossen, Chef, Guilde an Mataarbechter 

De 02 an 03. Mäerz ass den Theater. Mir riichten de Sall, a këmmeren eis em d’Iessen an d’Gedrénks, sou ewéi em d’ofriichten. Rdv vu  17°° un am Home.

De Samschden 10. Mäerz ass Pabeiersammlung. R.d.v. wie gewinnt um 8:30h op der Lengerstroos. Sammelt och fläisseg Kartongskëschte fir d’Kavalkad. Elo schonns Merci fir är Hëllef.

Fir d’Chef:

Den Mëttwoch 7 Mäerz ass Grupperoot um 20h am Avexsall.

Den 10. Mäerz treffe mer eis no de Versammlunge fir de Woon fir Kavalkad ze preparéieren.

 

 

Infoziedel Buergbrennen 2018

Fir Iech alleguer :

Invitatioun fier d’Buergbrennen:

Mir invitéieren Iech alleguer mat äre Famillen, Frënn, Noperen, Bomie …… op eist traditionellt Buergbrennen ze kommen. Mir brennen d’Buerg, e Samschdeg de 17 Februar. Den Fakelzuch geet um 18.30 Auer ënne beim Wee fort, an d’Buerg gëtt géint 19°° ugefaangen. Jidderee wou beim Opriichten hëlleft kritt och virum Fakelzuch e gudden Teller Zopp. All déi aner Leit brauchen sech keng Suergen ze maachen, de Grill steet schonns prett.

Theater

Wéi Dir alleguer wësst, spille mir den 2. an de 3. Mäerz Theater zu Péiteng am Home St.Hubert.

Et gëtt gespillt :

Biber: Mario & Peter e ganz neit Abenteuer

Wëllefcher: Grouss Klassiker

AvEx: Am Restaurant

CaraPio: Scouten a fräier Wildnis

D’Cheféquipe an Mataarbechter spillen e lëschtegen 3- Akter vum Jennifer Hülser:

Mord aus Versinn

De Riddo ass um 19:30 (d’Kanner déi matspille sollen um 19°°Auer am grousse Sall sinn.) De Preis ass 10 Euro fir Erwuessener a 5 Euro fir d’Kanner. Déi Kanner wou matspille mussen natierlech näischt bezuelen, Kanner bis 6 Joer sinn och gratis. Reservéiert hinnen awer eng Platz mat, sot just bei der Reservatioun Bescheed. Dir kennt Är Platzen, no 18 Auer um 621 814 883 reservéieren.

P.S. Wann dir eis e bësse wëllt ënnerstëtzen, da kennt der Ärem Kand einfach bis den 1. Mäerz e klenge Cadeau fir an d’Tombola mat a Prouf ginn. Villmools Merci am virau

Fir d’Biber :

Den Theater ass net méi wäit, an dofir wiere mer frou wann dir sou oft wie méiglech a Versammlung komme kéint fir dass mer dat übe kennen. Samschdes den 3 Februar hunn mer normal Versammlung vun 14h-16h um Prënzebierg. Samschdes den 10 Februar fänke mer mat de Prouwen un, mir gesinn eis dofir vun 14h-16h um Prënzebierg. Eis Prouwen am Home St.Hubert sin Freides den 02.02 an den 23.02 vun 18:00-19:30 Auer an eis Generalprouf ass den Donneschden 01.03 vun 18:00-19:00 och am Home. De Samschden 17 Februar hunn mer Buergbrennen (kuckt bei „Fier Iech alleguer“), mir si vun 15°° un um Bierg, a bleiwen do bis d’Buerg brennt.

Fir d’Wëllef :

De Samschden 3. Februar hunn mer wei gewinnt vun 14h00 bis 16h00 Versammlung um Prënzenbierg, wou mer weider un de Kulisse schaffen. Den 10 Februar ass keng Versammlung wéinst der Vakanz, Eis Prouwe fir den Theater sinn ëmmer Dënschdes an Donneschdes vun 17h30 bis 19h00 an Home St. Hubert zu Péiteng. Mir prouwen: 6. Feb, 8. Feb, 20 Feb, 22 Feb, 26 Feb, Generalprouf mat Verkleedungen ass den Dënschden 27. Februar vu 17h30 bis19h00. Fir mat ze spille wär et gutt wann dir kéint bei souvill wei méiglech Prouwen derbäi sinn. De Samschden 17 Februar hunn mer Buergbrennen; mir si vun 15°° un um Bierg, a bleiwen do bis d’Buerg brennt.  Fir op den Kalenner: Eise Summercamp ass vum 22- 28 Juli zu Iechternach. Halt Iech des Woch emol fräi.

Fir d’Avex :

Salut AvEx, Samschdes den 3.02 hunn mer normal Versammlung vun 14:00-16:00. Mir maachen eis Kulisse fäerdeg a wäerten och d’ Rolle verdeelen. Samschdes den 10.02 ass keng Versammlung. Eis Prouwen si Mëttwochs, den 14.02 /21.02 / 28.02 vun 18:00-19:00 a Freides, den 16.02 / 23.02 vun 17:00-18:00 am Home St. Hubert zu Péiteng. Den 17 Februar ass Buergbrennen, do gesi mer eis um 15°°  um Bierg, a mir bleiwen do bis d’Buerg brennt.

Fir d’Carapio :

Den 03. Februar hunn mir normal Versammlung vun 14-16h. Den 03. Februar ass och Pabeier-sammlung. Kuckt bei „Fir d’CaraPio, RaRo,…. Prouwen fir op de Kalenner:  6. Feb, 8 Feb ,20 Feb,22 Feb, 27 Feb a Generalprouf ass den 1 Mäerz. Alles am Home vun 19:00- 20:00. De Samschden 10 Februar ass keng Versammlung, an de Samschden den 17 Februar ass Buergbrennen.Kuckt bei „Fir d’CaraPio, RaRo,…“.

Fir d’RaRo : 

Den 03. Februar ass Pabeiersammlung moies an duerfir hunn mir da mëttes keng Versammlung. Denkt un d’RaRo-Alba Versammlung den Freiden 9 Februar um 19h um Prënzebierg, wou mer eise gemeinsame Summercamp plangen. De Samschden 17 Februar ass Buergbrennen. Kuck dofir bei “Fir d’CaraPio, RaRo,…“.

Fir d’Albatrossen:

Eis nächst Versammlung ass den Freiden 9. Februar um 19:00 Auer um Prënzenbierg fir de RaRo/Alba-Camping ze plangen. Dann gesi mer eis de Samschden 17 Februar fir d‘Buergbrenne wou all Hänn gebraucht ginn. Kuck dofir bei “Fir d’CaraPio, RaRo,…“.

Fir d’CaraPio, RaRo, Albatrossen, Chef, Guilde an Mataarbechter 

De Samschden 03. Februar ass Pabeiersammlung. R.d.v. wie gewinnt um 8:30h op der Lengerstroos. Komm maach mat bei enger Partie „ Këschte stapelen“!!:)

Samschdes den 17 Februar riichten mir d’Buerg op. Mir treffen eis um 9°° Auer um Bierg. Mir iessen zesummen zu Mëtteg, duerno gëtt weider geschafft bis d’Buerg steet.

Fir d‘Chef: Den nächste Gruppenroot as den 7 Februar um 20:00 um Prënzebierg.