CaraPio – LGS Péiteng

CaraPio Camp Schweden 2016 Campbuch & Chefbuch

Gilles — Sun, 13 Nov 2016 08:40:39 +0000

Fir déi, déi gär nostalgesch sinn sinn hei d’Campbuch an d’Chefbuch vun eisem geniale Wandercamp a Schweden am PDF Format. D’Buch mat de Kaarte vun der Wanderung ass och disponibel, awer d’Ännerungen déi mer ënnerwee decidéiert hunn sinn net mat dran.

Fotoe vum CaraPio Camp Volant a Schweden (Juli 2016)

Gilles — Wed, 31 Aug 2016 15:00:21 +0000

Dës Fotoe goufe gemaach vun alle Participanten vum Camp.

Update: Et sinn nach e puer Fotoen dobäi komm.

Esch-Pénts op 5. Plaz um JoCaPi 2016 zu Eschduerf!

Gilles — Sun, 24 Apr 2016 18:15:14 +0000

Hurra, de Grupp Esch-Pénts huet di 5. Plaz beim JoCaPi 2016 errongen! Moment emol… Esch-Pénts? Majo dat waren Esch-Grenz, Péiteng an den Cents. Mir hunn eis zesummegeschloss fir een Team ze stellen! An trotz dem Wieder (e Mix aus Sonn, Schnéi a Knëppelsteng) krute mer net de Kéis mä mir hunn eis Bescht ginn bei de coole Spiller déi d’Eschduerfer Guiden a Scoute (d’Gewënner vum JoCaPi 2015) fir eis präparéiert haten.

Mir freeën eis schonn op d’JoCaPi d’nächst Joër, déi Kéier dann bei de Bartrénger Guiden a Scouten, dene mir fir hir Victoire haut gratuléieren.

Prouwen CaraPio 2016

Kimski — Sat, 20 Feb 2016 10:01:16 +0000

Moien, Versammlung 27.02. um Bierg am Home: – Meindes den 29.02 vun 18:30-19:45 — Denschdes den 23.02 von 18:00-19:45 — Generalprouw :Donnegtes den 25.02 von 18:00-19:45 Freides den 4.03 an Samsdes den 5.03 Theater –> die 2 Deeg ab 17h am Home opriichten w.e.g emmer bei mier um 621197160 oofmellen per SmS an och wann … Continue reading →

Protected: CaraPio Theaterstéck Virbereedung

Gilles — Wed, 27 Jan 2016 20:33:17 +0000

Iron Scout 2015 Update

Gilles — Mon, 30 Mar 2015 19:14:27 +0000

Weist roueg den Trailer deene Leit déi der frot fir iech ze sponsoren. De Sponsor-Ziedel fannt der hei: IS2015-Sponsors

Faarfpudder selwer maachen

Gilles — Tue, 21 Oct 2014 19:05:12 +0000

CC BY-NC-SA Kshitiz Anand

D’CaraPio brauchen demnächst Faarfpudder fir ze schéissen deen der Ëmwelt natierlech net schuede soll. Hei ass “d’Rezept” wou zesummegesat ass vun den Iddien hei an hei.

Du brauchs:

500g Maismiel / Maisstärkt
100-125ml Waasser
1 kleng Fläsch Liewensmëttelfaarf
1 grouss Schossel
Plastikshändsche (optional)
1 Ziploc Plastikstuut

Mësch d’halschent vum Waasser mat Faarf an dem “Miel”.
Maach lues a lues méi Miel dobäi währends de réiers.
Wann et ze déck gëtt, maach nees Waasser dobäi. Um Enn soll eng déckflësseg Mass eraus kommen.
Wann et ze schwéier ze réiere gëtt, déi d’Händschen un an mësch alles mat den Hänn.
Stell d’Schossel 2-3 Deeg an de Frigo.
No den 2-3 Deeg, hëtz däin Uewen op 180 °C.
Verbreed deng faarweg Mass op engem Bakblech.
Maach den Uewen AUS a setz de Blech drann. Looss d’Dier e bëssen op. Sou kann d’Fiichtegkeet eraus zéien.
No 30 Minutten: huel de Blech eraus a looss alles ofkillen.
Sift de Pudder fir d’Klompen eraus ze kréien. Du kanns och alles mam Mixer réiere fir d’Klompe kleng ze maachen.
Maach alles an d’Plastikstuut fir dass et net nees fiicht gëtt. Fäerdeg!

Stockbrout a Steng

Administrator — Sat, 11 Oct 2014 14:14:04 +0000

Haut hu mer an de CaraPio d’Montée virbereed fir déi AvEx déi an zwou Woche bei eis kommen. Fir dass d’Kreativitéit besser fléisst hu mer dobäi Stockbrout gemaach an och rondrëm eis Feierplaz di al Steng nees e bësse fräi geluet.

You’re Up 2015

Gilles — Sun, 05 Oct 2014 20:25:34 +0000

An der leschter CaraPio Versammlung hu mer vum You’re Up Camp geschwat wou mer dëse Summer eventuell wëllen Deel huelen. Hei ass de Link mat allen Informatiounen déi et bis elo zum Camp ginn: You’re Up.

CaraPio Update

Gilles — Mon, 23 Jun 2014 19:43:40 +0000

Wéinst Mangel u Interessi muss ech eise Besuch vun der Kloterhal zu Iechternach ofsoen.

Wann der d’Kaartefaltechnik vun eiser leschter Versammlung nach eemol doheem übe wëllt kënnt der op folgendem Link d’Uweisen ukucken: