Fotoen: Theater 2010

Op Luxfoto sin schons e puer Fotoen vum Scoutstheater vun dësem Joer online. (Merci Luc fir den Tipp.) Hei as den Link: luxfoto.lu. Iwwregens, fir all déi vun ierch déi an eisem Grupp fläisseg fotograféieren: Dir kënnt ierch riets op eisem Site registréieren, an nodeems der déi néideg Roll um Site zougedeelt kritt kënnt der och hei op lgspeiteng.com Fotoen eroplueden. Mir sin amgangen d’Fotogalerie frësch ze maachen fir dass se besser an den Site erapasst an et einfach as fir Fotoen bäizesetzen.

Schung méi séier strécken

Wann ee moies vum Chef aus dem Bett getrommelt get as et net fir lang ze trentelen. De Butték muss rullen. All Grond also dëse klenge Knuetstrick ze léieren, mat deem een mat e bëssen Übung d’Schung méi séier gestréckt kritt. D’Resultat as den normalen Schungknuet deen der warscheinlech schon all kennt, mee dat Ganzt geet méi féx vun der Hand.

Kuckt ierch dat ganz Schrëtt fir Schrëtt am Detail un, um Link hei drënner:

Ian’s Knot (fieggen.com) (via Lifehacker)

Scoutsziedel bis den 13. Februar 2010

Fir all d’Branchen:
Dir waart super! Duerch Ären Asatz an Engagement war den Theater en vollen Erfolleg!
Fir all d’Wellefcher:
Mir hun déi 2 nächst Samschdescher, den 30. Januar  an de 6. Februar all Kéier vun 14°°-16°° Versammlung um Bierg. Samschdes den 13. Februar ass Keng Versammlung wëll do d’Vakanz ugeet.
Fir all d’ AvEx:
Mir hun déi 2 nächst Samschdescher, den 30. Januar  an de 6. Februar all Kéier vun 14°°-16°° Versammlung um Bierg. Samschdes den 13. Februar ass Keng Versammlung wëll do d’Vakanz ugeet.
Fir all CaraPio:
Samschdes den 30. Januar  hu mir vun 14°°-16°° Versammlung um Bierg. Freides den 5. Februar hu mir vun 19°°-21°° Versammlung um Bierg. Samschdes den 6. Februar ass Pobeiersammlung, dir wesst jo uni Iech gët dat näischt. Samschdes den 13. Februar ass Keng Versammlung wëll do d’Vakanz ugeet.
Fir all d’RaRo:
Mir hun déi 2 nächst Samschdescher, den 30. Januar  an de 6. Februar all Kéier vun 16°°-18°° Versammlung um Bierg. Samschdes den 6. Februar ass Pobeiersammlung. Elo schons en dëcke Merci fir all Hëllef.
Fir all d’Matarbechter, Chef, RaRo an CaraPio:
E Samschdeg de 6. Februar ass Pobeiersammlung. R.d.v wéi gewinnt um 8.30 Auer zu Péiteng op der Léngerstross. Elo schons en dëcke Merci fir all Hëllef.

Spläiteren mat enger Banann eraushuelen

Bananne
Photo vum *clairity*

Dëst as den éischten Artikel aus enger Série vu Scoutstricken déi mer wëllen op d’Bee stellen. Wann mer genuch Material zesumme kréien, kënne mer regelméisseg flott Scoutstricker hei um Site firstellen. Wanns du ee gudden Trick oder Knëff kenns, so eis et iwwert den Kontakt Formular. Hei as dann eisen éischten Trick:

Eng Bananneschuel kéint hëllefen géint Spläiteren déi net sou richteg wëllen erauskommen. D’Enzymer an der Schuel hëllefen fir d’Spläiter lass ze kréien an fir dass d’Wonn méi séier heelt. Einfach e Stéck Bananneschuel iwwer d’Plaatz peschen a waarden. Dat selwecht hëlleft och géint d’Jucke vun Insektestëch. An der kënnt d’Schuel souguer huelen fir är Schung ze poléieren!

7 Ways to reuse a Banana Peel [re-nest] via Lifehacker.

Hues de dat schon eemol probéiert? Oder kenns du soss nach Manéieren fir Spläiteren eraus ze kréien? So eis et a schreiw e Kommentar bei dësen Trick!

Groupe Hl. Franz vun Assisi