Tag Archives: Diddeleng

Scoutsziedel bis den 28. Juni

Fir iech alleguer:

Wéi all Joer huele mir och dest Joer un de Feierlechkeeten vun Nationalfeierdag deel. Dest Joer sinn d’Feierlechkeeten zu Rodange. Mir treffen eis den 23.06 an Uniform um 8.20 Auer zu Péiteng beim ale Pompjeesbau a fueren  mat der Busnavette op Rodange. De Bus fiert um 12.15 Auer nees zeréck.

Fir all d’Biber:

Léif Biber mir hunn déi zwee nächst Samschdeger, den 21. an den 28. Juni all Kéier vu 14°°-16°° Versammlung um Prënzebierg. D‘Versammlungen stinn ënnert dem Thema Déieren an Natur eis Welt besser kennen léieren.
Am Summer gi mir gären ob Réiser ob de Camp an et wär flott wann ma schonn eng ongeféier Zuel hätten vu Kanner déi mat ginn. Den Camp wär fum 18-20 Juli. Wann dir Loscht hut matzegoen, da maacht w.e.g eng SMS un d’Claire Tel. 691309108. Des Umeldung ass net definitiv mais nëmmen dass d’Chef eng Idee kréien wéi vill Kanner mat ginn.  Mir maachen och nach eng Eltereversammlung fir um Camp. Wieder Detailer kommen no. Liest och bei: „fir iech alleguer“

Fir all d’Wëllefcher:

Léif Wëllef, mir hunn déi zwee nächst Samschdeger, den 21. an den 28. Juni all Kéier vu 14°°-16°° Versammlung um Prënzebierg. Liest och bei: „fir iech alleguer“

Fir all d’ AvEx:

Salut AvEx, dei zwee nächst Samschdeger, 21. an den 28. Juni, hu mir Versammlung mat den Käerjenger AvEx zesummen fir eis op den nationalen Camp virzebereeden. Dofir treffen mir eis vun 14:30 bis 17:00 zu Kënzeg beim Scoutschalet. Deen ass vis-a-vis vum Fussballsterrain bei der Spillplaz. Et fir super wann är Elteren iech kéinten dohinner bréngen. Falls dat net geet, sot der dem Fredi, um 621 47 25 10, bis Freides Owes Bescheed. Liest och bei: „fir iech alleguer“

Fir all d’CaraPio:

Samschden 21. Juni ass normal Versammlung vu 14-16 Auer.
De Samschden 28. Juni ass KENG Versammlung.

Klammen zu Iechternach
Klammen zu Iechternach – Foto Gilles Glod

De Sonndeg, 29. Juni gi mir op Iechternach an d’Hal kloteren. Mir léiere fir d’éischt mat Moniteuren déi richteg Kniet a Sécherheetstechniken a schaffen zesumme fir eis Limitten ze iwwerwannen. Et gëllt 14 Meter erop ze klammen! Rdv an Uniform ass zu Péiteng beim ale Pompjeesbau um 13:15. Mir fuere mat Autoen  op Iechternach. Matbréngen: E klenge Rucksak mat Sportskleedung, Sportsschung, Waasser, 10€ (Entréespräis). (Méi Info hei). Retour zu Péiteng ass géint 18:00. Mellt iech bis spéitstens den 21. Juni beim Gilles Glod un.
Summercamp Together: et ass gläich esou wäit! Eisen internationale Camp ass um Kierchbierg vum 17.-26. Juli. Maacht w.e.g. bis den 20. Juni de Virement: 300€, LGS Grupp hl. Franz vun Assisi BCEE IBAN LU 67 0019 6803 7218 2000, Mentioun: Together + Numm vum CaraPio. Detailer komme mi spéit. Déi firwëtzeg kënnen awer schonn op www.fnel.lu/camp-du-centenaire.html luusse goen.

Liest och bei: „fir iech alleguer“

Fir all d’RaRo:                                                                                      

Mir hun déi zwee nächst Samschdeger, den 21. an den 28. Juni all Kéier vu 16°°-18°° Versammlung um Prënzebierg. Liest och bei: „fir iech alleguer“

Neies vun der Guilde:

Sonndeg, den 6. Juli 2014 ass eis Sortie op Betebuerg. Mir ginn op d’Wisefest vun der Maison de soins „An de Wisen“.Eise Grupp ass do aktiv. Mir sinn ower nëmmen op Besuch.

Mëttegiessen mat dem Menu: Coupe Crémant/Petite Assiette de Gourmandises Luxembourgeoises/ Mixed Grill Sauce Bearnaise, Pommes Frites, Tomate aux Herbes, Ravier de Salade/ Méli Melo des Fruits du Verger  fir 20 Euro. Umeldung bis spéitstens Sonndes den 29.Juni beim Martine Schlottert (Tel.: 50 3271 oder GSM: 621 414 040). Fir eppes vum Grill brauch een sech net unzemellen.

Nomëttes ass wann Leit intresséiert sin eng Visite Guidée vum Pflegeheem, duerno Fousstour zu Diddeleng iwwert de Sentier Kräizbierg vun 3,2 km.

Scoutsziedel

Fir iech alleguer:
De ganze Grupp geet och dest Joer nees mat am Cortège vun de Feierlechkeeten fir Nationalfeierdaag. Leider hun ech bis elo nach keng Détailer vun der Gemeng kritt. Spéidstens den 21.06 fannt dir hei um Site Détailer

Fir all d’Wëllefcher:
Wéi versprach gi mir des Woch an d’Luut. Mir gin den 9. Juni op Diddeleng an de Kloterpark, an de Grupp bezillt. Didd iech am bäschten sportlech un (keng Jeans), mat festen Turnschung. Mir treffen eis um 12h40 zu Peiteng ob der Gare an sin owes um  17h40 rem zerëck. Brengt eppes fir ennerwee ze drenken an evt. een Uebst oder esou mat.
Samschdes den 16.6 starte mir eng nei Aktivitéit loost iech iwerraschen a kommt einfach vun 14°° bis 16°° op de Bierg.

Mat léiwen Scoutsgréiss är Lieblingschef

Fir all d’ AvEx:
Mir hun den 9. an den 16. all Kéier vun 14°° bis 16°° Auer Versammlung um Bierg.
Eise Camp ass vum 18. bis den 27. Juli zu Beggen.

Fir all d’CaraPio:
Salut alleguer, hei déi neitsten Neiegkeeten:
Samschdeg den 09.06: Versammlung vun 14°° bis 16°° Auer um Bierg.
Donneschdeg den 14.06: Eletereninfowend iwer den Rumänien Camp um  19.30 Auer zu Monnerech am Scoutschalet.De Wee fir bei de Chalet fannt dir op: http://www.jbm.lu/?Chalet
Samschdeg den 16.06 bis Sonndeg den 17.06.2012 CaraPio-Rumänien-Camp-2012-Preparationsweekend. Weider Infoen fannt dir vum 13.6 un op desem Site.

Fir all d’RaRo:
Hy, oder Hi? Mir schaffen den 9. an den 16. Juni all Kéier vun 16°° bis 18°° fleisseg weider un der Renovatioun vun eisem Sall. Den 16.Juni ass Pobeiersammlung leider hun d’CaraPio do ee W.E mir brauchen also ganz fill Leit… R.d.v wéi gewinnt um 8.30 Auer zu Péiteng op der Lengerstrooss.

Fir all d’Matarbecher,d’RaRo, d’CaraPio  an d’Chef:
E Samschdeg de 16.06 ass Pobeiersammlung, r.d.v wéi gewinnt um 8.30 Auer zu Péiteng op der Lengerstrooss. Well d’CaraPio do ee W.E hun  si mir nach méi op DENG Hëllef ugewisen. Elo schons en decke MERCI!

Scoutsziedel bis den 18. Juni 2011

Fir iech alleguer:
D’Lëtzebuerger Guiden a Scouten invitéieren Iech den 11. an 12. Juni op den 4. Internationalen Kelten Festival, de Bealtaine um Neihaischen. Weider Informatiounen fannt dir op: bealtaine.lu Villäicht gesi mir eis jo dann bei de Kelten.

Fir all d’Wëllefcher:
Déi nächst zwee Samschdeger, den 11. an 18. Juni hu mir vun 14:00 bis 16:00 Versammlung um Bierg.
Léif Gréiss, Är Chef

Fir all d’ AvEx:
Ahoi dir Piraten! Den nächsten Samschdeg, den 11.6. hu mir méi laang, vun 14:00 bis 18:00, Versammlung um Bierg fir den Ofschloss vun eiser Piraten Entreprise ze feieren. Mir maachen an der Versammlung Piratekleeder. Bréngt e wäissen T-Shirt an ärer Gréisst mat. Wann en nei ass, wäscht en fir d’éischt. Ditt och Kleeder un op déi kënne Faarf-Flecke kommen.
Den Samschden dono, den 18.6. hu mir nees normal vun 14:00-16:00 Versammlung um Bierg.
-Arr! Är Käptns.

Fir all CaraPio:
Salut, mir hunn den 11. an den 18. Juni all Kéier vun 14:00-16:00 Versammlung um Bierg. Den 18. Juni ass Pabeiersammlung. R.d.v ass wéi gewinnt um 8:30 Auer zu Péiteng op der Léngerstrooss. Hoffentlech bass Du derbäi!
Den 25. Juni ass um 18 Auer eng Jamboree-Infoversammlung fir d’Participanten an Elteren fir eis ganz Unitéit zu Diddeleng (rue Jean Friedrich) am Home Belvedere (Gréng Scouten a Guiden Diddeleng).

Fir all RaRo:
Salut, mir hunn den 11. an den 18. Juni all Kéier vun 16:00-18:00 Versammlung um Bierg.

Fir all d’Mataarbechter, Chef, d’RaRo an d’CaraPio:
Den 18. Juni ass Pabeiersammlung. R.d.v ass wéi gewinnt um 8:30 Auer op der Léngerstrooss. Et wier flott wann’s DU eis géings hëllefen. Elo schonns MERCI!

Scoutziedel bis den 15. Mee 2010

Fir all d’Wëllefcher:
Salut Wëllef. E Samschden den 1. Mee as keng Versammlung. E Samschden den 8. Mai as Versammlung vun  14:00-16:00.
E Samschden drop as keng Versammlung well mer Sonndes den 16. Mai ob den Wëllefchersrally ob Dideleng gin. Départ: Mir treffen eis um um 7:45 Auer zu Péiteng ob der Gare (den Zuch fiert um 7:54 Auer). Retour: Mir si nees  um 18:09 Auer ob der Peitenger Gare. Tenue: Uniform (wien keng huet soll just de Foulard undin). Mathuelen: Didd iech dem Wieder no un (huelt e K-Way an eng Kaap egal wéi d’Wieder ass), ordentlech Schung, e klenge Rucksack, Bic a Bloc, Bidon, Picknick fir Mëttes kaal z’iessen. De Ralley kascht 10 Euro. Eventuel  5€ Täschegeld mathuelen.
Virukënnegung: Den 18 bis den 24. Juli huele mir um Nationalem Camping Althing 2010 zu Heischent deel. Dat get e mega flotten groussen Camp mat ganz vill aneren Wellef aus dem ganzen Land. Et kommen nach Informatiounen no.

Fir all d’AvEx:
E Samschden den 1. Mai as keng Versammlung. Den 8. an de 15. Mee hu mir vun 14:00-16:00 Versammlung um Bierg.
Fir all CaraPio:
Salut mir hun e grousse Programm: Samschdes den 1.Mee hu mir vun 14:00-16:00 Versammlung um Bierg. Freides de 7. Mee hu mir vu 19:00-21:00 Versammlung um Bierg. Mëttwochs den 12.5 hu mir  zu Schëffleng eng Virrbereedungsversammlung fir de Camp. Mir treffen eis um 18:15 Auer zu Péiteng op der Gare a fueren dann mam Zuch op Schëffleng. Matbrengen: Gamell (mat Besteck a Becher), Kichenduch, 3€ an Jumbokaart. Mir si um 23:36 Auer erem zu Péiteng op der Gare. Wann erwënscht, da féiert de Lukas iech herno Heem.
Samschdes den 15.Mee hu mir vun 14°°-16°° Versammlung um Bierg. Den 15.Mee ass Pobeiersammlung. R.d.v ass wéi gewinnt um 8:30 Auer zu Péiteng op der Lengerstrooss. Dir wesst jo…
Fir all d’RaRo:
Den 8. an de 15. Mee hu mir vun 16:00-18:00 Versammlung um Bierg.
Fir all d’Matarbechter, Chef, RaRo an CaraPio:
Nächste Samschdeg, den 15. Mee ass Pobeiersammlung. R.d.v ass um 8:30 Auer zu Péiteng op der Lengerstrooss, elo schons en decke Merci fir all Hëllef!