Tag Archives: Monnerech

Infoziedel Enn September 2019

Fir iech alleguer:

Freides de 4. Oktober: Versprieche vum neie Chefscout

Chef Scout Guillaume
Foto: © World Scout Foundation / Victor Ortega via sil.lu

 Mir sinn frou dat den Ierfgroussherzog Guillaume sech bereet erkläert huet d’Nofolleg als Chefscout vu sengem Grousspapp, dem Groussherzog Jean, unzetrieden. Dowéinst biede mir iech all de Freiden, 4. Oktober 2019 Nomëttes op d’Kinnekswiss ze kommen, well do eisen zukünftege Chefscout feierlech säi Verspriechen ofleet. Mir fueren zesumme mam Zuch an d’Stad fir um 14:30 op deem eemolegen Event mat derbäi ze sinn. Treffpunkt ass um 13:30 zu Péiteng op der Gare, den Zuch fiert um 13:45h. Mir wäerte géint 18h erëm zréck zu Péiteng op der Gare sinn. Tenue: Uniform a Foulard (falls et reent Uniform iwwer dem K -Way undoen). Mathuelen: Bréngt wann ech gelift e Becher mat. Schüler a Studente kenne mat dem Formular,deen dem Bréif derbäi gefügt ass, an der Schoul fräi froen.  PDF: Excuse MENJE Wëll mir eise Grupp umelle mussen, géif ech iech bieden Iech beim Claire (621 68 39 99) bis den 29. September unzemellen.                                               

Samschdes de 5. Oktober: Scouts-Mass um Prënzebierg fir d’Fest vum Hl. Franz vun Assisi

Dier alleguer, är Elteren, Geschwëster, Grousselteren,… sidd häerzlech invitéiert op den Prënzebierg bei d’Kapell ze kommen a mat eis des Scouts-Mass ze feieren.  D‘Mass fänkt um 15:30 Auer un. Duerno gëtt d’Méiglechkeet bei engem Patt nach gemittlech zesummen ze sinn.

Samschdes an Sonndes de 26. a 27. Oktober: Gruppe-Montéesweekend zu Monnerech

Bei der Montée wiesselen di eelste Kanner aus all Branche (Altersgrupp) an di Branche doriwwer. Wichteg: Wëll mir fir d’Organisatioun wësse musse wéivil Leit matginn, brauche mer d‘Umeldungen sou schnell wie méiglech! Mellt iech beim Claire (621 68 39 99) un (och Chef a RaRo). De Weekend kascht 20€ fir dat 1. Kand aus der Famill dat an de Scouten ass, an 15€ fir all weider Geschwëster. D’Iwwerweisunge kennt der bis den 14. Oktober op eise Kont maachen:

LGS Péiteng  Grupp Hl. Franz vun Assisi,
BCEE IBAN LU 67 0019 6803 7218 2000,
20 oder 15€,
Mentioun “Montée [Numm vum Kand+Branche wou d’Kand grad dran ass]”

Mier bieden iech fir all Kand aus ärer Famill eenzel!!! ze iwwerweise wëll soss gëtt et en grousse Chaos. Weider Detailer kommen och nach am nächsten Infobréif.

Fir all d’Biber:

Mir gesinn äis de Samschden 28. September an den 12. Oktober um 14:00 Auer um Prënzebierg. Zeckt net a bréngt är Kollegen aus der Schoul mat an d’Versammlung. Den 5. Oktober fänke mer normal um 14:00 mat der Versammlung un, an dann um 15:30 h hunn mir eis Scouts-Mass. Do sinn är Elteren häerzlech agelueden och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Kuckt och bei „ Fir iech alleguer“.

Fir all d’Wëllefcher:
Dier léif Wëllefcher, kommt de Samschden 28. September an den 12. Oktober um 14h op de Prënzebierg. De 5. Oktober fänkt eis Versammlung normal um 14:00 un, an da sinn är Elteren agelueden um 15:30h och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Fir all Versammlunge gëllt: Bréngt alleguer souvill wéi méiglech Frënn/dinne mat, et mëscht méi Spaass wann sinn och derbäi sinn. Kuckt och bei „ Fir iech alleguer“.

Fir all d’ AvEx:

Salut AvEx, Samschdes den 28. 09 an den 12. 10 ass wéi gewinnt Versammlung vu 14-16h. De Samschde 5 Oktober hunn mer Versammlung mat Scouts-Mass vun 14:00 bis ongeféier 16:00 (et ka bëssche méi spéit ginn). Kuckt och bei „ Fir iech alleguer“.

Fir all d’CaraPio:

Mir hunn de Samschden 28. September an den 12. Oktober vun 14-16h Versammlung um Prënzebierg. De Samschden 5. Oktober hunn mir moies Pabeiersammlung um 8:30 an nomëttes um 14:00 Auer Versammlung mat Scouts-Mass. Kuckt och bei „ Fir iech alleguer“.

Fir all d’RaRo:  

De Samschden 28. September an den 12. Oktober hunn mir normal Versammlung vu 16:15-18:15h. Den 28. September ginn mer moies hëllefe fir Fäschen fir d’Buergbrennen ze bannen. Rdv um 9:30h beim Annick hannenaus (46, rue Prënzenbierg). De Samschde 5. Oktober hunn mer vill fir: Moies hëllefen mer bei der Pabeiersammlung, mëttes as Scoutsmass an duerno géint 17h fänkt eise RaRo-Cup un. Kuckt och bei „ Fir iech alleguer“ (a mëllt iech fir de Montées-WE un!).

Fir all d’Albatrossen:  

Eis Versammlung sinn ëmmer de leschte Freiden am Mount. Deemno ass éischt Versammlung fir dëst Joer de 27. September vun 20-22h um Prënzebierg. Är Hëllef gëtt natierlech och de 5. Oktober fir d’Pabeiersammlung an eis Scouts-mass gebraucht. Kuckt och bei „Fir iech alleguer“.

Fir all d’Carapio, RaRo, Albatrossen, Chef a Mataarbechter

Den Samschde 5. Oktober ass Pabeiersammlung. Rdv as moies um 8:30 um ale Site Eucosider. Wëll mëttes nach muss d’Scouts-mass firbereed ginn , ass et wierklech wichteg dat esou vill wéi méiglech Läit hëllefen fir dat mer moies gutt virun kommen !!! Dir däerft natierlech och mëttes fir d’Mass an de Patt duerno bleiwe. 🙂

Fir all d’Chef

Den 16. Oktober as Kongress um 19:30 am Artikuss zu Zolwer. Mellt iech w.e.g. beim Claire (621 68 39 99) bis den 12 Oktober, un fir dat eng Gruppenumeldung ka gemaach ginn. Den 8. Oktober ass Grupperot um 20:30 am Avexsall. Kuckt och bei „Fir Iech alleguer“.

Scoutsziedel

1) Fir Iech alleguer:

Hei fannt dir déi néideg Fiche médicales fir de Camping.
Fir d’Avex an d’Wëllef: Fiche méd_Péit_
Fir d’CaraPio: F09A_fiche_medicale_enner_18_joer (1)
Dest ass de läschten Ziedel fir dest Scoutsjoer, duefir ass en och een extra groussen.Fir d’nächst Scoutsjoer hun ech awer schons eng Firukennegung. Mir machen eng nei Branche op, d’Biberen. D’Biberen si fir Kanner vum 1.Schouljoer un…… . Ech wenschen Iech alleguer e flotte Camp an eng schéi Vakanz!

2) Fir all d’Wellefcher:

Salut mir hun den 30.06 an den 14.07 déi läscht Versammlungen fir dest Joer, all Kéier vun 14°° bis 16°° um Bierg. Mir huelen iech mat bei d’Wikinger, brengt duefir een Deel vun enger passender Verkleedung mat.
De 7.07 ass keng Versammlung vileicht gesi mir eis jo um Schoulfest => Är Chef machen do cool Spiller 🙂
Et dauert guer net méi laang da gi mir op de Camp. Hei d’Détailer vum Camp:

Vum 21.(Samschdes) bis den 28.Juli (Samschdes)  gi mir op de Camp ob Monnerech an den Home Paafenbreck.
Départ:
Mir treffen eis an Uniform, e Samschden, den 21.07 um 13.00 zu Péiteng beim alle Pomjeesbau. Et wir super wann e puer Elteren eis beim Transport kéinten hëllefen. Sot w.e.g bei der Umeldung Bescheed.
Matbrengen : Kuckt beim Punkt 4) et ass fir d’Wëllef an d’Avex daat selwecht.
Ausser:
Dir braucht keng Carrymatt oder Loftmatratz, duefir awer ärt Pistebichelchen.
Retour:Mir invitéiren d’Elteren fir den 28.7 um 12°° op eis Campplaatz op Monnerech ze kommen. Brengt w.e.g  ärt Gegrills mat, mir suergen fir d’Feier an d’Gedrënks sou wéi fir de Kanner hirt Iessen. De Camp ass géint 15°° eriwer an dir kënnt (oder sollt) äre Wëllefchen erëm mat heem huelen. Mellt iech w.e.g bis den 07.07 beim Alex Tel.: 691 177 773 oder beim Lena Tel.:621 765 259 (no 18°°) un.

3) Fir all d’AvEx:

E Samschdeg den 30.06 maache mir zesummen mat de Rodanger mat beim Mini-Intervilles zou Déifferdeng. Et ass wichteg dass mir do zu gaaaaanz fill sin, ëmmerhin vertriede mir jo offiziell eis Gemeng. Mir treffen eis um 14.50 Auer zou Péiteng bei der Sportshal, vun do aus fuere mir mam Bus op Déifferdeng. Är Eltere kenne roueg matkommen fir iech unzefeieren. De Bus bréngt eis fir 20.30 Auer erëm zeréck op Péiteng. Ditt iech sportlech un (wa méiglech eng schwaarz kuerz Box) a bréngt Schwammsaache mat.
De 7.07 ass keng Versammlung. Villäicht gesi mir eis jo um Schoulfest => Är Chef maachen do cool Spiller 🙂
Duerno dauert et guer net méi laang da gi mir op de Camp. Hei d’Détailer vum Camp: Vum 18.(Mettwochs) bis den 27.Juli (Freides)  gi mir op de Camp op Beggen (224, rue des septs Arpents L-1149 Luxembourg).
Départ:
Mir treffen eis an Uniform, Mëttwochs  den 18.07 um 11.45 Auer zu Péiteng op der Gare.
Matbréngen : Kuckt beim Punkt 4) et ass fir d’Wëllef an d’Avex daat selwecht.
Ausser:
Well mir an Zelter schlofen ass et wichteg dass dir eng Dreckstut an de Rucksak maacht an d’Saachen dro dra packt. Dir braucht och eng Gamelle a Besteck! Dat mam Petzi ass net onbedéngt fir iech, awer wann et iech hëlleft…  Schlappen braucht dir och keng, vergiesst den AvEx Pass net. Bréngt e Picknick fir Mëttwoch Mëttes an Owes mat.
Retour: De Camp ass den 27.07 um 14°° eriwwer et wier flott wann är Elteren Iech op d’Campplaatz siche kéimen.
Mellt iech w.e.g bis den 10.07 beim Fredi Tel.: 621 472 510 un.

4) Waat d’Wëllef an d’Avex alles esou brauchen fir op de Camp:

Camppreis:
Den Camp vun de Wëllef an de vun den AvEx kascht 150 Euro (wann méi Kanner aus der Famill mat eisem Grupp op de Camp gin, dann bezillt den eelsten de volle Preis, déi aner bezuelen 20 Euro manner)

Matbrengen :

  • Eng Kopie vun der Impfkaart
  • Kopie vun der Cate d’Idendité, d’Fiche médicale  Fiche méd_Péit_
  • Wäschsaachen: Zännbiischt, Zahnpasta, ee Läppchen,Seef ee klengt Duch, eng Biicht
  • Schwammsaachen: e grousst Duch, e Maillot/uleiend Schwammbox/Schwammkaap/ wa néideg Ärmecher
  • Ee Schlofsaack
  • Carrymatt oder Loftmatratz
  • evt. een Kappkessen an e Petzi
  • zwee Kichendicher
  • ee klenge Rucksack
  • ee Bidon
  • eppes fir ze liesen fir an der Freizeit oder ee Kaartespill
  • e Stoffene Saack fir déi knaschteg Kleeder
  • frësch Ennerwäsch an Strëmp fir all Daag
  • eng gutt Reenjackett (net onbedéngt eng schéin awer eng déi gudd géint de Reen ass !!!)
  • déck Schung, Turnschlappen
  • Gezei fir all Wieder an dees wat kann knaschteg ginn
  • eng Kap an eng Mutz (owes kann et kal ginn
  • Sonnecrème (hoffentlech brauche mir se.)
  • Spray géint Zecken a Moussetiken
  • een Täschmesser
  • eng Täschelucht
  • a Schlappen.

Verpaakt alles an engem Rucksak. Et ass wichteg dass är Saachen gezeechent sinn! Gitt d’Kopie vun der Impfkaart,eng Kopie vun der Carte d’idendité , d’Fiche an d’Suen beim Départ of.
Net matbréngen: Wäertsaachen, Handy, Gameboy , Täschegeld an Séissegkeeten.

5) Fir all d’CaraPio:

30.06: Läscht Versammlung fir dest Scoutsjoer. Mir treffen eis wéi gewinnt um 14°° um Prenzebierg. Denkt onbedingt drun fir folgend Dokumenter matzebrengen: A.Autorisation de quitter le territoire (AP) dëst kritt én bei der Gemeng / B.Fiche médicale F09A_fiche_medicale_enner_18_joer (1)  / C.Copie vun Carte d’identité dëst ass extreme dringend well d’Zuch Ticketen personaliséiert sinn an d’Nummer vun der Kaart muss do drop kommen/ D.Copie vun der Impfkaart/ E.Täschgeld maximal 50 Euro (de Lukas léisst déi Suen a RON emtauschen)

ANER WICHTEG INFORMATIOUNEN: LIEST BEIM PUNKT 7) !!!!

Hei nach eng Kéier e klenge Rapell: De Camp dauert vum 14.07-30.07
14.07 Départ um 6.30 Auer an der Staat op der Gare. D’Ureess dauert vum 14-15.07 An d’Réckreess vum 29.-30.07. Mir sinn den 30.07 géint 20°° erëm op der Gare.

6)Fir all d’RaRo:

Mir hunn eigentlech keng Versammlung méi fir dëst Scoutsjoer 🙁 dat heescht awer net dass näischt méi leeft 🙂 Den 30.6 gesi mir eis all um Bierg dir wësst jo firwat…. An der Vakanz wier et gutt wa mir eis kéinte gesinn fir de Sall fäerdeg ze maachen, usträichen a.s.w.. Den 30.06 leeë mir do d’Datumer fest.

ANER WICHTEG INFORMATIOUNEN: LIEST BEIM PUNKT 7) !!!!

7) Fir all d’CaraPio/ d’RaRo /d’Cheféquipe an d’Matarbechter

Samschdeg den 7.07: Hei hu mir een folle Programm.De Grupp zielt op DENG Hëllef!! Moies: Pobeiersammlung r.d.v wéi gewinnt um 8.30 zu Péiteng op der Lengerstross. No der Pobeiersammlung hëllefe mir zu Rodange um Schoulfest (d’Scoute machen do d’Spiller, waat fir eis eng flott Reklamm ka sin et bedeit awer och een Engagement vun eisem Androk dee mir hannerloosen machen d’Elteren an d’Kanner sech ee Bild vun eisem Verrein….) duefir sollt dir schon an Uniform op d’Pobeiersammlung kommen. Mir fueren zesummen op Rodange an iessen do zu Metteg (dir braucht neischt ze bezuelen) daat ganz dauert bis +/- 18°°.
D’Thema vum Schoulfest ass: Eng Weltrees. Wanns du iergend eppes hues waat een fir sech ze verkleede ka gebrauchen, da breng et mat!! Et ass esou zimlech all Land vertrueden.

Mettwochs den 1. August organiséiren mir een Nomettëg mat flotte Spiller um Bierg, dëst ass fir d’Kanner vum 2ten Schouljoer déi bei der Vakanzenaktioun matmachen. Well fill Kanner kommen brauchen mir Leit déi eis do eng Hand upaken. Moies vun 9°° un, riichte mir op mir iessen um Bierg zu Mëtteg d’Kanner sinn vun 14.30 Auer bis 17.30 Auer do. Wann s Du wëlls hëllefen da so mir w.e.g Bescheed um 691435358 oder maach mir eng Mail gzoller ät pt punkt lu MERCI!

Samschdes den 11.August an de 15. September ass Pabeiersammlung. R.d.v wéi ëmmer um 8.30 Auer zu Péiteng op der Léngerstross. Wëll des Zäit fill Leit an d’Vakanz sinn, si mir extra vill op DENG Hëllef ugewisen.  MERCI!!!  Fir all déi wou fort ginn ENG SCHÉI VAKANZ!

 

 

 

Scoutsziedel

Fir iech alleguer:
De ganze Grupp geet och dest Joer nees mat am Cortège vun de Feierlechkeeten fir Nationalfeierdaag. Leider hun ech bis elo nach keng Détailer vun der Gemeng kritt. Spéidstens den 21.06 fannt dir hei um Site Détailer

Fir all d’Wëllefcher:
Wéi versprach gi mir des Woch an d’Luut. Mir gin den 9. Juni op Diddeleng an de Kloterpark, an de Grupp bezillt. Didd iech am bäschten sportlech un (keng Jeans), mat festen Turnschung. Mir treffen eis um 12h40 zu Peiteng ob der Gare an sin owes um  17h40 rem zerëck. Brengt eppes fir ennerwee ze drenken an evt. een Uebst oder esou mat.
Samschdes den 16.6 starte mir eng nei Aktivitéit loost iech iwerraschen a kommt einfach vun 14°° bis 16°° op de Bierg.

Mat léiwen Scoutsgréiss är Lieblingschef

Fir all d’ AvEx:
Mir hun den 9. an den 16. all Kéier vun 14°° bis 16°° Auer Versammlung um Bierg.
Eise Camp ass vum 18. bis den 27. Juli zu Beggen.

Fir all d’CaraPio:
Salut alleguer, hei déi neitsten Neiegkeeten:
Samschdeg den 09.06: Versammlung vun 14°° bis 16°° Auer um Bierg.
Donneschdeg den 14.06: Eletereninfowend iwer den Rumänien Camp um  19.30 Auer zu Monnerech am Scoutschalet.De Wee fir bei de Chalet fannt dir op: http://www.jbm.lu/?Chalet
Samschdeg den 16.06 bis Sonndeg den 17.06.2012 CaraPio-Rumänien-Camp-2012-Preparationsweekend. Weider Infoen fannt dir vum 13.6 un op desem Site.

Fir all d’RaRo:
Hy, oder Hi? Mir schaffen den 9. an den 16. Juni all Kéier vun 16°° bis 18°° fleisseg weider un der Renovatioun vun eisem Sall. Den 16.Juni ass Pobeiersammlung leider hun d’CaraPio do ee W.E mir brauchen also ganz fill Leit… R.d.v wéi gewinnt um 8.30 Auer zu Péiteng op der Lengerstrooss.

Fir all d’Matarbecher,d’RaRo, d’CaraPio  an d’Chef:
E Samschdeg de 16.06 ass Pobeiersammlung, r.d.v wéi gewinnt um 8.30 Auer zu Péiteng op der Lengerstrooss. Well d’CaraPio do ee W.E hun  si mir nach méi op DENG Hëllef ugewisen. Elo schons en decke MERCI!