Tag Archives: Montee

2015: D’Joer ouni Nutella?

Mir hunn mat vill Effort d’Nutella Monster op eisem Montée Weekend leschten Hierscht agefaangen, an awer mussen d’Amateure vum Nutella (an ech mengen deeër sinn der vill ënner iech) d’nächst Joer vläit op d’Zänn bäissen:

Am Fréjoer huet et an der Türkei, wou 70% vun den Hieselnëss op der Welt hier kommen, eemol fatzeg gefruer a si konnten ee Véirel vun den Nëss net méi gebrauchen. Dobäi kënnt dass Nutella 25% vun allen Hieselnëss op der Welt opbraucht! (Dir sidd einfach verfroossen 🙂 ) Ferrero produzéiert nämlech all Joer 180 Millioune Kilo Nutella.

[via gizmodo]

Nutella Monster
Nutella Monster

Scoutsziedel bis den 29. Oktober

Informatiounen fir de Montees W.E.

Chalet St. Georges

Wéi dir bestëmmt schonns wësst, wiesselen bei der Montée déi eelst vun all Branche, d’Branche. Dëst ass eng wichteg Etapp vun all  Guide/Scout. Fir dëst Evenement esou richteg zur Geltung kommen ze loossen, mécht de ganze Grupp e Weekend. Wou? De W.E. ass zu Wolz am Chalet St. Georges.
Depart: Mir treffen eis e Samschdeg den 15. Oktober um 13.45 Auer an Uniform (wann dir eng hutt) zu Péiteng op der Gare.
Mathuelen: Jumbokaart, oder E-Go Kaart, Täscheluucht, Täschemesser, Wäschsaachen, Pyjama, frësch Ënnerwäsch, Gezei fir all Wieder (et soll waarm sinn an eppes géint de Reen daachen), Schlofsak, deck Schung,déi ausgefëllten Fiche Médicale. Verpackt alles an engem Rucksak, den dir och droe kënnt. Dir braucht näischt fir z’iesse matzebréngen.Fir d’CaraPio, Rover a Chef: CarryMatte net vergiessen.
Umellen : Fir dass mir wëssen fir wéi vill Leit mir kache sollen ass et wichteg dass dir Iech bis e Donneschdeg umellt, (och d’Chef) beim Fredi Feller um 621472510 Merci ! Preis: De W.E. kascht 20 Euro fir den eelsten aus der Famill an 15 Euro fir all déi aner. Bezuelt w.e.g beim Depart.
Retour: Mir sinn Sonndes erëm um 17:51 Auer zou Péiteng op der Gare. Remarque: Well fill RaRo och gläichzäiteg Chef sinn, maachen d’CaraPio déi an d’RaRo ginn, hier Montée de Samschdeg drop. Du bass RaRo an net Chef? => Mell Dech un a géi mat op de W.E. Deng Hëllef gëtt dringend gebraucht.

Versammlungen

E Samschdeg, den 22 Oktober: D’Wellef, d’AvEx an d’CaraPio hunn wéi gewinnt vun 14°°-16°° Versammlung um Prënzebierg.
D’RaRo hun eng verlängert Versammlung fir hir nei Memberen opzehuelen. D’Versammlung dauert vun 16°° bis +/- 24°° Auer. An deser All-Inclusive Versammlung ass d’Heembrengen mat dran.
Den 29. Oktober geet d’Vakanz un, do ass keng Versammlung.

Fir all d’Matarbechter,CaraPio,Chef, an d’RaRo
Rüdiger NehbergE Samschdeg den 15. Oktober ass Pobeiersammlung. R.d.v wéi gewinnt um 8.30 Auer zou Péiteng op der Léngerstross. Elo schonns e decke Merci fir deng Hëllef!
Samschdes den 29. Oktober kennt den Rüdiger Nehberg um 20°° e Virtrag zum Thema Survival-Abenteuer-Menschenrechte op Hesper haalen. De Mann huet 75 Joer an ass souzesoen de Grënner vum Survival. Eise Grupp huet Plazen resevéiert. De Virtrag gëtt vum Scoutsverband organiséiert an ass gratis. Wanns Du intresséiert  bass fir mat ze goen, da mell dech w.e.g. bis e Freiden (14.10) beim Guy un. Tel 691435358 (no 18°°). Weider Informatiounen iwwer den interessante Mann fannt dir op: www.ruediger-nehberg.de

Scoutsziedel bis den 8. Oktober

Fir iech alleguer
E Sonndeg den 2. Oktober ass d’Journée de la Commémoration nationale. Wéi all Joer huelen mir un de Feierlechkeeten,  déi dest Joer zu Lamadeleine sinn, deel. Mir treffen eis an Uniform (wenn eng huet) um 9.15 Auer  zu Péiteng beim ale Pompjeesbau, vun do aus fuere mir mam Bus op Lamadeleine. Mir gin mat am Cortège an duerno an d’Mass, géint 12°° Auer si mir erëm beim ale Pompjeesbau.

Fir all d’Wëllefcher
Salut léif Wëllef,  déi 2 nächst Samschdeger, den 1. an den 8.Oktober hu mir all Kéiers vun 14°° -16°° Versammlung um Prënzebierg. Wéi ugekënnegt hätt sollen den 8. an 9. Oktober Montées W.E sinn. Dat ass do wou déi eelst vun eis bei d’AvEx ginn. Mir hunn dëse W.E (wéinst de Walen) ëm eng Woch geréckelt. En ass den 15. an 16. Oktober. Detailer kommen am nächste Bréif. Lies och bei: Fir iech alleguer

Fir all d’ AvEx
Salut AvEx, nächste Samschdeg den 1.Oktober gi mir richteg sportlech; mir maachen een Tour mam Vëlo. Mir treffen eis um 14°° zu Péiteng bei den Weieren um Parking vum Café Chalet Laangwiss. Bréngt alleguer e Vëlo, en Helm an e Bidon mat Waasser mat. Mir sinn um 18°° Auer erëm bei de Weieren. Falls et sollt reenen, gi mir trëppelen da sollt dir am Platz vum Vëlo uerdentlecht Reengezei matbréngen. An dem Fall braucht dir och keen Helm. De Samschdeg drop, den 8.Oktober hu mir vun 14°° -16°° Versammlung um Prënzebierg. Wéi ugekënnegt hätt sollen den 8. an 9.Oktober Montées W.E sinn. Dat ass do wou déi eelst vun eis bei d’CaraPio ginn. Mir hunn dëse W.E (wéinst de Walen) ëm eng Woch geréckelt. En ass den 15. an 16. Oktober. Detailer kommen am nächste Bréif. Lies och bei: Fir iech alleguer

Fir all d’CaraPio
Salut alleguer, déi 2 nächst Samschdeger, den 1. an den 8.Oktober hu mir all Kéiers vun 14°° -16°° Versammlung um Prënzebierg. Wéi ugekënnegt hätt sollen den 8. an 9. Oktober Montées W.E sinn. Dat ass do wou déi eelst vun eis bei d’RaRo an oder Chef ginn. Mir hunn dëse W.E (wéinst de Walen) ëm eng Woch geréckelt. En ass den 15. an 16. Oktober. Detailer kommen am nächste Bréif. Lies och bei: Fir iech alleguer

Fir all d’RaRo
Déi 2 nächst Samschdeger, den 1. an den 8.Oktober hu mir all Kéiers vun 16°° -18°° Versammlung um Prënzebierg. WEEN DEN 1.10 NET KANN AN DER VERSAMMLUNG SINN, SOLL DEM GUY SENG REZEPTER MAILEN. [Admin: maacht dat iwwert den Kontakt Formular oder op dem Guy seng Adress wann der se scho wësst.] Montées W.E: 15 an 16 Oktober => mir hëllefen um W.E kache a brachen….. Lies och bei: Fir iech alleguer

Fir all d’Matarbecher,d’RaRo, d’CaraPio  an d’Chef
Virukennegung: Den 15. Oktober ass Pabeiersammlung