Tag Archives: Theater

Theater 2016: Eng Kur zu Mondorf


Scoutsziedel bis den 13.Februar

 Invitatioun:

Mir invitéieren Iech alleguer mat ären Frënn, Noperen, Bomien …… op eist traditionellt Buergbrennen ze kommen. Mir brennen d’Buerg, e Samschdeg den 13. Februar. Den Faakelzuch geet um 18.30 Auer ennen beim Wee fort, an d’Buerg gëtt géint 19°° ugefaang.

Jidfereen wou beim Oprichten hëlleft kritt och virum Faakelzuch e gudden Teller Zopp. All déi aner Leit brauchen sech keng Suergen ze machen, de Grill steet schons prett.

Vous êtes cordialement invités de participer au „Buergbrennen“, qui aura lieu SAMEDI le 13 février. Il s’agit d’une tradition luxembourgeoise qui a comme but de brûler l’hiver. Départ de la retraite aux flambeaux est à 18.30 heures en bas du chemin pour monter vers le chalet

Fir op de Kalenner:

De 4. an de 5. März spille mir Theater zu Péiteng am Home St.Hubert. Den Rido ass um 19:30, fir unzefänke spillt all Branche e kuerzt Steck, d’Cheféquipe spillt ENG KUR ZU MONDORF, e leschtegen drei-Akter vum Etienne Clement.

Den Preis ass 10 Euro fir Erwuessener an 5 Euro fir d’Kanner. Déi Kanner wou matspillen mussen natirlech neischt bezuelen, Kanner bis 6 Joer sin och gratis.

Resevéiert hinnen awer eng Platz mat, sot just bei der Reservatioun dass et fir een ass wou mat Theater spillt oder nach keng 7 Joer huet.

Dir kennt Är Plaatzen vun elo un,  um 621197160 (Kim Staudt) reservéiren.

Fir all d’Biber:

Léif Biber, den 23. an den 30. Januar gesi mier eis wéi ëmmer vun 14:00-16:00 um Prenzebierg. Den 6 Februar ass keng Versammlung winst der Vakanz. Samschdes den 13.Februar hëllefen mir d’Buerg oprichten, mir sin vun 15°° un um Bierg, an bleiwen do bis d’Buerg brennt. (Liest w.e.g och bei: Invitatioun).

Wéi dir wesst spille mir geschwenn Theater, hei eis Prouwen: 2/9/11/16/18/23 Februar an den 1/3 März ëmmer vun 16:00-17:30 am Home St.Hubert. DES PROUWENZEITEN SI RICHTEG vergiesst déi aner Mailen…..

Fir op de Kalenner: Mer gin den 19/20 März op de Weekend an de Chalet zu Miersch. Den Camp an der Summervakanz ass zu Suessem vum 15ten bis den 18ten Juli. Streicht iech den Datum um Kalenner schons mol giel un 🙂 an soot dem Annika (661 121 393) bescheed wann ärt Kand matgeet. Merci !

 

Fir all d’Wellefcher:

Endlech as et esou weit, dobaussen fällt Schnéi. Falls desen Samschden oder deen nächsten ëmmer nach vill Schnéi leit kennt dir natierlech gären ären Schlitt mat an d’Versammlung brengen. Op alle Fall gesi mir eis den 23. an den 30. Januar wèi ëmmer vun 14:00-16:00 um Prenzebierg. Den 6 Februar ass keng Versammlung winst der Vakanz. Samschdes den 13.Februar hëllefen mir d’Buerg oprichten, mir sin vun 15°° un um Bierg, an bleiwen do bis d’Buerg brennt. (Liest w.e.g och bei: Invitatioun). En plus steht den Theater virun der Dir, mir wären frou wann dir desen Samschden kèint bescheed soen ob dir matspille wellt. Mir hoffen jo mol dass dir Loscht hudd. J Dofir schaffe mir an den nächsten Versammlungen och schon e bessen un den Kulissen an Kostümer dèi mir brauchen wärten. Waat maan mir soss nach?! Loost Iech iwerraschen. Prouwen fir den Theater hun mir den ganzen Februar laang Mettwochs an Freides vun 18h00 bis 19h30 ausser an der Vakanz. Datumer: 03. Feb, 05. Feb, 17. Feb, 19. Feb, 24. Feb, 26. Feb an MEINDES 29. Feb vun 19h00 bis 20h00 an 02. März vun 18h00 bis 19h30. Déi zwee läscht Datumer as Generalprouw mat den Kleeder.

 

Fir all d’AvEx:

Samschdes, den 23.01 hunn mer Versammlung vun 14:00-17:00, wou mer eisen Ofschloss feieren vun der Kach-Expeditioun, an zwar machen mer Pizza um Feier.

Samschdes den 30.01 hunn mer normal Versammlung vun 14:00-16:00, do fänken mer un um eisem Theatersteck ze schaffen. Eis Prouwen sinn Meindes den 1.02 / 15.02 / 22.02 / 29.02 emmer vun 17:30-19:00. Eis Generalprouf ass Mettwochs, den 2.03 vun 16:30-17:50.

Den 6 Februar ass keng Versammlung winst der Vakanz. Samschdes den 13.Februar hëllefen mir d’Buerg oprichten, mir sin vun 15°° un um Bierg, an bleiwen do bis d’Buerg brennt. (Liest w.e.g och bei: Invitatioun).

 

Fir all d’CaraPio:

 Theater: Mir hunn déi nächst 2 Samgdeger den 23. an 30. Januar Versammlung vu 14°°-16°° um  Prënzebierg. Mir finaliséieren eist Theaterstéck a fänken un mat Prouwen. De 6. Februar ass Vakanz an dofir keng Versammlung. Mir sin de 6.02 awer bei der Pabeiersammlung mat derbei r.d.v wéi gewinnt um 8.30 Auer zu Péiteng op der Lengerstrooss. Eis Theaterprouwen sinn ëmmer Dënschdes an Donnegdes vu 17:30 – 19:15 op folgenden Deeg: 16.2., 18.2., 23.2., 25.2., 1.3., an 3.3. all kéiers am Home.

Buergbrennen: Den 13. Februar ass Buergbrennen a mir hëllefe bei de Virbereedungen. Kuck dofir bei “Fir all d’Matbaarbechter…”

Et stinn 3 National Aktivitéiten op eisem Kalenner.

1.4. – 3.4. Visite vu Struthof. Mir besichen d’Konzentratiounslager vu Struthof. Mir kréien eng Visite Guidée. Kuckt och op http://www.struthof.fr . Den Dag dono besiche mer Stroossbuerg. Dat hei ass eng Aktivitéit vun de CaraPio Süden. Mir fuere mam Bus dohinn an iwwernuechten an engem Chalet zu Stroossbuerg. De maximale Präis ass 85€. Do ass och e personaliséierte “CaraPio Süden” T-Shirt mat drann. Mir waarden op d’Bestätegung vun engem Subside dee mer fir de Weekend ugefrot hunn deen de Präis nach kann no ënnen drécken. D’Plaze fir mat ze goe sinn limitéiert, dofir: Mellt iech u mat engem Accompte vu 40€ op eise Konto* mat der Remarque “Accompte Struthof + Numm vum CaraPio” bis spéitstens den 28. Januar.

24.4. JoCaPi. Den Umeldungsdélai ass eriwwer. Detailer iwwer Auerzäiten an Transport kommen no.

27.5.-29.5. Iron Scout. Mir wandere wéi all Joer bannent 24 Stonne fir e gudden Zweck bis zu 65km, dës Kéier duerch de Süde vu Lëtzebuerg. D’lescht Joer si mer all zesummen 537km ronderëm de Stauséi gangen an är Sponsoren hunn 6167.25€ gestëft fir imPuls. Doduerch konnte si scho mat ±10 Jugendlecher klamme goen, waat sou Werter wei Vertrauen, Zesummenhalt an sech ob anerer kenne verloossen stäerkt. Eisen Don gëtt fir déi Aktiviteit an ähnlech Projeten (Abenteuer-Pedagogik) benotzt. Dëst ass eng CaraPio Süden Aktivitéit. Mir schlofen an engem Chalet, héchstwarscheinlech zu Käl. De Präis fir bei dësem Weekend mat ze maachen ass 30€. Mellt iech u mat engem Virement vun 30€ op eise Konto* mat der Remarque “Iron Scout + Numm vum CaraPio” bis spéitstens den 28. Januar.

*Eise Konto: LGS Péiteng  Grupp Hl. Franz vun Assisi BCEE IBAN LU 67 0019 6803 7218 2000

Summercamp: Mir sinn eréischt um Ufank vum plange fir de Camp deen dir iech eraus gesicht hudd. Fir de Moment ass firgesinn fir ab dem 17. Juli eng gutt Woch am Süde vu Schweden op de Camp ze goen. Wa mer méi Détailer zesummen décidéiere schreiwe mer se op déi nächst Ziedelen a mir organiséieren en Elterenowend fir op all Froen ze äntweren.

Fir all d’RaRo:

Salut dier lèif RaRo, mir hun den 30.1 vu 16°°-18°° Versammlung um Bierg.

Winst der Pobeiersammlung an dem Buergbrennen liest onbedingt bei: Fir all d’Matarbecher,d’RaRo, d’CaraPio  an d’Chef!

Fir all d’Matarbecher, d’Guilde, d’RaRo, d’CaraPio  an d’Chef:

Samschdes den 30.Januar gi mier op den Haff Fäsche machen. R.d.v ass um 9°° zu Péiteng beim aale Pompjeesbau.

Samschdes de 6.02 ass Pobeiersammlung. R.d.v wéi gewinnt um 8.30 Auer zu Péiteng op der Lengerstrooss. Hoffentlech kenns DU eis hëllefen! Elo schons en dëcke MERCI!

 Samschdes den 13.Februar richte mir d’Buerg op. Mir treffen eis um 9°° Auer um Bierg. Mir iessen zesummen zu Mëtteg, duerno gëtt weider geschafft bis d’Buerg steet.

 

Fir all d’Chef:

De Grupperot ass en Denschdeg den 16.Februar  um 20°° beim Guy.

 

Scoutsziedel bis de 7.Februar

Fir Iech alleguer:

Wéi Dir allerguer wesst, spille mir den 6. an 7.Februar Theater zou Péiteng am Home St.Hubert.

Et gët gespillt:

**Biber: A lass!** **Wëllefcher: Net schon erem!**

**AvEx: En Dag am Joer 3000**  **CaraPio: Eng schaumeg Affaire**

D’Cheféquipe an Matarbechter spillen e lëschtegen 3 Akter:

Dem Casanova säi Comeback

Den Rido ass um 19:30 (d’Kanner déi matspillen sollen um 19°°Auer am grousse Sall sin.)

Den Preis ass 10 Euro fir Erwuessener an 5 Euro fir d’Kanner. Déi Kanner wou matspillen mussen natirlech neischt bezuelen, Kanner bis 6 Joer sin och gratis.

Resevéiert hinnen awer eng Platz mat, sot just bei der Reservatioun dass et fir een ass wou mat Theater spillt oder nach keng 7 Joer huet.

Dir kennt Är Plaatzen vun elo un,  um 691 930 641 no 17°° Auer reservéiren.

P.S Wann dir eis e bessen wellt ennerstetzen an eis eppes fir an d’Tombola wellt gin, dann gidd Ärem Kand et einfach bis Donneschdes mat an eng Prouf. Villmols Merci am viraus!

Der Guilde een decke Merci wëll sie d’Tombola organiséiert.

 

E Samschdeg den 21.Februar bränne mir d’Buerg, haalt iech desen Datum scho mol frei. Détailer kommen am nächste Bréif.

 

Fir all d’Biber:Leif Biber, e Samschdeg de 24.01 hu mir wéi gewinnt vu 14°°bis 16°° Versammlung um Prënzebierg.Den 31.Januar treffen mir eis um 14:00 zu Péiteng op der Gare mat eisen Schwammsaachen well mer gin op Déifferdeng an déi nei Schwemm. J Mir sin erem géint 18:50 zu Peiteng op der Gare. Vir den recht Versammlungen treffen mer eis wei emmer um 14:00 um Prenzebierg

Salut Theaterspiller!Mir treffen eis all Kéier am groussen Sall vum Home St. Hubert zou Péiteng. Et ass wichteg dass Dir an all Prouf sidd!! Hei nach eng kéier eis Prouwen: Donneschdes den 22.1/

Dënschdes den 27.1/ Donneschdes den 29.1/ Dënschdes den 3.2/ Donneschdes den 5.2

Mir prouwen all Kéier vun 16°°-17°° zu Péiteng am Home St.Hubert

Fir all d’Wellefcher:Léif Wellef, well mir bis zum Hals an de Präparationen fir den Theater stiechen, werten mir déi zwee nächst Samschdeger, de 24.Januar an den 31. Januar just un eisen Kulissen schaffen. Mir gesinn eis wéi gewinnt vu 14°°bis 16°° um Prënzebierg.Dir braucht dofir den Text net matzebrengen. Deen üben mir an den Prouwen. (léiert ären Text J) Hei nach eng Kéier de Prouweplang: Donneschdes den 22.1 vun 17.30-19°°/

Méindes den 26.1 vun 17.30-19°°/ Donneschdes den 29.1 vun 17.30-19°°/

Méindes den 2.2 vun 17.30-19°°/  Donneschdes den 5.2 vun 17.30-19°°

Fir all d’AvEx:

Salut AvEx, déi nächst zwee Samsdeger de 24.Januar an den 31. Januar hu mir vu 14:00-16:00 Versammlung a schaffen weider un den Kulissen. Hei nach eng Kéier de Prouweplang: Méindes den 2.2 vun 16°°-17.30/ Mettwochs de 4.2 vun 16°°-17.30

Fir all CaraPio:

Versammlungen: Di nächst zwee Samgdeger, den 24. an 31. Januar treffe mer eis vun 14:00-16:00 fir den Theater vir ze bereeden.

Prouwen: Freides den 23.1/ Dënschdes den 27.1/ Freides den 30.1/ Dënschdes den 3.2/ mir prouwen all Kéier vun 18°°- 19.45 Auer

Camp: Eisen internationale Camp dëst Joer ass wéi ugekënnegt den You’re Up zu Stroossbuerg vum 16-23. Juli. (Infos: lgspeiteng.com/3297) Umeldung w.e.g. bis den Méindeg 26. Januar andeems der den éischten Accompte vun 200€ op eise Konto iwwerweist mam Betreff “You’re Up + Numm vum CaraPio”. Eise Konto: LGS Grupp Hellege Franz vun Assisi Péiteng =>

BCEE IBAN LU 67 0019 6803 7218 2000

Aktivitéiten: Den 29. März ass zu Klierf de JoCaPi. Dëst ass en Dag voll mat coolen Aktivitéiten wou d’CaraPio Gruppen aus dem ganze Land géinteneen un trieden. Mir wëllen hinnen natierlech weisen dass mat eis ze rechnen ass! De Präis wärt bei ronn 14€ leien. Weider Infos ginn et op lgs.lu/node/2355, Umeldung beim Gilles Glod bis de Méindeg 26. Januar. Sot ob der mëttes Lasagne mat oder ouni Fleesch wëllt iessen.

Vum 22. bis de 26. Mee huele mir un der nationaler CaraPio Aktivitéit “MAD Reloaded” zu Weicheréng Deel. Informationunen doriwwer fannt der hei: lgs.lu/node/2357. De Präis wärt bei ongeféier 80€ leie mä e steet nach net fest. Umeldung: sot dem Gilles Glod bescheed bis Owes den Donnedgen 22. Januar ob der interesséiert sidd.

Schreift iech och schonn den Iron Scout op de Kalenner. Dëst Joer wandere mir de Weekend vum 17.-19. Abrëll bis zu 65km rondrëm de Stauséi. Méi Informatioune komme mi spéit.

Fir all d’RaRo:Den 23. Januar gin mier op Bartreng op den Rarotreff. rdv dohannen ass um 19:30.Mier treffen eis e bessi éischter fier zesummen dohinner ze fueren( déi Infoen komen no ) Owes spille mier Stratego an dono ass gemütliches beisammen sein. Dir braucht just Suen fier Gedrenks an Iessen kenne ze kaafen. Denk un äer Uniform an Foulard.Den 24. Januar hun mier doweinst KENG Versammlung.

Den 31. Januar richten mier am Home Kulissen fier den Theater op.

Den 6. an 7. Febuar ass den Theater. Mir riichten de Sall, a këmmeren eis em d’Iessen an d’Gedrenks, sou  ewéi em d’ofriichten. R.dv vu 17°° un am Home.

Fir all d’Chef: Den 6. an 7. Febuar ass den Theater. Mir riichten de Sall, a këmmeren eis em d’Iessen an d’Gedrenks, sou  ewéi em d’ofriichten. R.dv vu 17°° un am Home.

En Denschdeg, den 10. Februar ass Grupperot um 20°° um Bierg

Infoblaat bis de 17. Januar + Theaterprouwen

Dësen Ziedel gouf aktualiséiert mat Informatiounen iwwer de Wanterhike fir d’CaraPio.

Fir IECH ALLEGUER:

1)THEATER

De 6. an de 7. Februar dann ass et esou weit da spillt de ganze Grupp Theater. Fir unzefänken spillt all Branche e klengt selwergeschriwend Stëck an duerno spillen d’Chef e flotten Dreiakter. Haalt iech den Datum scho frei a macht fill Reklamm well et gëtt bestemmt e flotten Owend.

2)Allerläschte Rappel Cotisatiounen:

Et gin nach ëmmer Leit déi d’Cotasatioun nach net bezuelt hun. Macht daat w.e.g elo, well et muss een d’Cotisatioun bezuele fir kenne Member bei eis ze sin! Den eelsten aus der Famill bezillt 15 Euro, déi aner bezueln 12 Euro.Iwerweist d’Suen w.e.g, op de Konto vun eisem Grupp =>LGS Grupp Hellege Franz vun Assisi Péiteng => BCEE IBAN LU 67 0019 6803 7218 2000

Fir all d’Biber:

Léiw Biber, fir d‘ Versammlung vum 10. Januar muss der vill Kréativiteit matbrengen well mer schreiwen eist Theatersteck. Fir d‘ Versammlung vum17. Januar muss dir och vill Geschecklechkeet matbrengen well do bastelen an baue mir eis Kulissen. Mir gesinn eis all Kéier vu 14°°-16°° um Prënzebierg. Duerno prouwe mir zu Péiteng am Home St.Hubert hei de Prouweplang:

Dënschdes den 13.1/ Donneschdes den 15.1/ Dënschdes den 20.1/ Donneschdes den 22.1/ Dënschdes den 27.1/ Donneschdes den 29.1/ Dënschdes den 3.1/ Donneschdes den 5.1 Mir prouwen all Kéier vun 16°°-17°°

 

Fir all d’Wëllefcher:

Leif Elteren an Wellefcher, endlech as et erem sou weit. (Blo)  Mir lueden iech Wellefcher an, un eisem Color-Spektakel deelzehuelen. (Gring) Et handelt sech hei em eisen traditionnellen Festival vun den Fuerwen. Een ultimativen Wettkampf em Éier an Ruhm. Mir fannen hei eraus wéieng Fuerw déi schéinsten, fuerwegsten, iwerhaapt dei bäschten ass. Den 10ten an de 17ten Januar ass d‘ Event (Roud) natirlech wéi gwewinnt vu 14°°-16°° um Prënzebierg. Mir spillen och gleich rem Theater soot dofir bescheed ob dir wellt matspillen. Hei de Prouweplang, d’Prouwe sin ëmmer am Home St.Hubert zu Péiteng.

Mettwochs de 14.1 vun 17.30-19°°/ Donneschdes den 15.1 17°°-18.30/ Méindes den 19.1 vun 17.30-19°°/ Donneschdes den 22.1 vun 17.30-19°°/ Méindes den 26.1 vun 17.30-19°°/

Donneschdes den 29.1 vun 17.30-19°°/ Méindes den 2.2 vun 17.30-19°°/ Donneschdes den 5.2 vun 17.30-19°°

 

 Fir all d’ AvEx:

Moien AvEx,Samschdes, den 10.01 an den 17.01 hu mir vun 14:00 bis 16:00 AuerVersammlung. Et ass wichteg, dass jiddereen, well mir wärten d’Rollenvum AvEx-Theatersteck verdeelen. Mir wärten och un de Kulissen schaffen, dofir doot Gezai un wat knaschteg kann ginn.

Hei de Prouweplang, d’Prouwe sin ëmmer am Home St.Hubert zu Péiteng.

Donneschdes den 8.116°°-17.30/ Mettwochs de 14.1 vun 16°°-17.30/ Donneschdes den 15.1 18.30-20°°/

Méindes den 19.1 vun 16°°-17.30/ Méindes den 2.2 vun 16°°-17.30/ Mettwochs de 4.2 vun 16°°-17.30

 

Fir all d’CaraPio:

Salut CaraPio, déi zwou nächst Versammlunge schaffe mer all Kéier vun 14-16 Auer an eisem Sall un eisem Theaterstéck “Eng schaumeg Affaire”. Maacht iech bis dohi scho Gedanken iwwer är Kostümer an d’Bühnendekoratioun.

Den 17. bis den 18. Januar ass Wanterhike. Mir treffen eis Samgdes de 17. Januar um 9:00 zu Dideleng um Parking vum Match.


Schluss ass Sonndes um 18:00 op der selwechter Plaz. Mir wanderen a maache flott Spiller ënnerwee op de Posten. Mir schlofen an enger Scheier am Frankräich.
Bréngt dat mat wat der fir eng Wanderung braucht, e Schlofsak, eng Carrymat oder ähnleches, a ganz wichteg: är Carte d’identité an eng ausgefëllten Fiche médicale.
De WE kascht 18€. Mellt iech beim Gilles Glod un, och wann der an der Versammlung scho sot der géift kommen.
Hei si puer Fotoe vum leschte Wanterhike:

Fir déi wou net mat op de Wanterhike ginn: den 17. Januar ass Pobeiersammlung mir zielen op DECH. R.d.v wéi gewinnt um 8.30 zu Péiteng op der Lengerstross.

Hei de Prouweplang vun eisen Theaterprouwen, mir prouwen zu Péiteng am Home St.Hubert

Dënschdes den 13.1/ Dënschdes den 20.1/ Freides den 23.1/ Dënschdes den 27.1/ Freides den 30.1/

Dënschdes den 3.2/ Mir prouwen all Kéier vun 18°°- 19.45 Auer

 

Fir all d’RaRo:

Moien dier fresch Motiveiert Raro 🙂 Mier hun den 10. Januar an den 17. Januar  Versammlung.Denkt drun eis Auerzeiten hun gewisselt op 16:30 – 18:30 !!

Den 17. Januar ass Pobeiersammlung mir zielen op DECH. R.d.v wéi gewinnt um 8.30 zu Péiteng op der Lengerstross. Den 23. Januar ass RaRo-Treff zu Bartreng. Infoen kommen no.

 

 Fir all d’Chef:

De 14.Januar ass Grupperot um 20°° beim Guy doheem

 

Fir all d’Carapio,RaRo, matabechter,guildememberen an chef:

De 17. Januar ass Pobeiersammlung mir zielen op DECH. R.d.v wéi gewinnt um 8.30 zu Péiteng op der Lengerstross.Elo schons en decke Merci fir all Hëllef.