Scoutsziedel bis den 13. Juni 2010

Fir all d’Wellefcher:
Salut Wellef! Mir hun déi 2 nächst Samschdeger, den 5. an den 12 Juni all Kéier vun 14:00-16:00 Versammlung um Bierg.
Fir all d’ AvEx:
Samschdes den 5. Juni gin mir op Kärjeng bei dei Kärjenger AvEx fir dei kennen ze leieren dei mat eis op de Camp gin. Mir giffen do all zesummen den Wickie und die starken Männer kucken, fir eis op den nationale Camp anzestemmen.

Dofir treffen mir eis um 13:30 op der Maartplaatz, do huelen mir dann den Bus fir op Kärjeng (de Bus fiert um 13:39 fort). Wen eng Jumboskaart huet soll se och matbrengen, oder 3€ fir dohinner an erëm zeréck. Zeréck wieren mer géint 17:35 bei der Gemeng. Dot alleguerten är Uniform an den Foulard un.
Den 12. Juni ass normal Versammlung vun 14:00 bis 16:00.
Fir all CaraPio:
Nächstes Wochenende findet unser “Iron Scout” (20-40-65km-Hike) statt. Wir treffen uns am Freitag den 04.06.2010 nach dem Abendbrot um 20.00 Uhr beim Scouts-Chalet in Monnerech. Wer eine Mitfahrgelegenheit braucht, der soll sich bei mir [ed.: Lukas?] melden. Kosten: 25€. Mitbringen: Sicherheitsweste, Fiche Medicale (hei eroflueden). Ende: Sonntag, 06.06.2010 11.30 Uhr beim Scouts-Chalet in Monnerech.
Den 12.Juni ass Pobeiersammlung. R.d.v ass wéi gewinnt um 8.30 Auer zu Péiteng op der Lengerstrooss. Dir wesst jo…
Am Sonntag, den 13.06.2010 um 14 Uhr treffen wir uns mit den Larpern. Wou? Am Bambësch. Virun der Jugenzentrum vum Bridel.  Mir treffen eis um 13:00 zu Péiteng beim aale Pompjeesbau, mir sin um 17:30 erem zerëck.
Bis den 13.06.2010 müssen die Teilnehmer für das Jamboree 2011 in Schweden angemeldet sein. Dir kritt eng Mail vum Lukas, fëllt déi esou séier wéi méiglech aus. Merci.
Fir all d’RaRo:
Den 5. an de 12.Juni hu mir vun 16:00-18:00 Versammlung um Bierg.
Fir all d’Matarbechter, Chef, RaRo an CaraPio:
Den 12. Juni ass Pobeiersammlung. R.d.v ass um 8.30 Auer zu Péiteng op der Lengerstrooss, elo schons en decke Merci fir all Hëllef!
Fir all d’Chef:
E Mëttwoch den 9. Juni ass Grupperot um 20:00 um Bierg.

Relevant Fotoen (automatesch generéiert)

Scoutsziedel bis den 30. Mee 2010

Fir ierch alleguer:
Den 22.05 an den 29.05 si keng Versammlungen. D’Cheféquipe wënscht iech alleguer eng schéin Vakanz! Et ass awer net esou wéi wann näischt lass wär: D’AvEx, déi hu vum 22.05-23.05 e W.E (Détailer sti bei : Fir all d’AvEx).
Den 29. an den 30. Mee ass de groussen Keltefestival Bealtaine um Neihaischen den schon fir déi drëtte Kéier vun de Lëtzebuerger Guiden a Scoute organiséiert gët. Hei d’Héichpunkter vum Festival: Samschdes Sonndes si vun 10:00-18:00 e ganze Koup Aktivitéiten wou d’Liewen vun de Kelte gewise gëtt. Samschdes ass vun 18:00-21:00 Open-Air Concert mat keltescher live Musik.

Fir op de Kalenner:
D’Guilde vun de Péitenger Guide a Scouten organiséiert flott Trëppeltier wou dir als Member oder als Famill härzlech Wëllkomm sidd.

  • Samschdes 19. Juni: Fousstour vun 6 k.m. zu Ueschdref
  • Sonndes den 25. Juli: Fousstour vun 5 k.m. zu Munneref
  • Sonndes den 22. August: Fousstour vun 7 k.m. vun Heischend op Feelen

Fir all Tour ass den Départ um 9:30 zu Péiteng op der Maartplatz. Well een vum Goen hongreg gëtt ass all Kéier e Mëttegiessen firgesin. Wann dir intresséiert sidd, da mellt iech w.e.g eng Woch virum Tour beim Norbert Brosius um 508097 un, da reservéiert hien fir iech eng Platz am Restaurant.

Fir all d’ AvEx:
Salut dir Trapper! Wéi dir wesst mache mir als Ofschloss vun eiser Entreprise en Hike. Esou wéi daat sech fir richteg Trapper gehéiert iwernuechte mir am Fräien ënnert engem Iwerdaag. Zur Erënnerung: Paackt nemmen esou vill an äre Rucksack wéi dir och droe kennt, macht alles an eng grouss Plastikstut (fir d’éischt Tuut an de Rucksack an dann d’Sachen dra machen). Hei waat dir alles musst mathuelen:

  • Gezei fir all Wieder
  • eng gudd Reejaket (also eng déi de Reen ofhält)
  • eng Mutz (owes gëtt et kaal)
  • Wanderschung
  • déck Strëmp an Ennerwäsch fir ze wiesslen
  • e Schlofsack an eng Carrymatt
  • e Bidon mat Waasser an Iessbesteck
  • Fiche Médicale (hei eroflueden)
  • gudd Laun a vill Energie!

De W.E kascht 15 Euro (gëtt beim Départ bezuelt). Départ: Mir treffen eis an Uniform Samschdes den 22. Mee um 16°° zu Péiteng beim aale Pompjeesbau. Retour: Sonndes den 23. Mee si mir erem um 18°° zu Péiteng beim aale Pomjeesbau. Mellt iech w.e.g. bis spéitstens e Mëttwoch beim Gilles Michels um 621688422 un, fir wieder Froen steet hien iech gär zur Verfügung.

Relevant Fotoen (automatesch generéiert)