Feierholz aus Pabeier

Foto: bauble

Op dem Site instructables.com erklärt den User bauble wéi een aus Pabeier en Stéck “Holz” fir an den Uewen mécht, déi een mam Holz zesumme verbrenne kann. Fir d’Erklärung am Detail kuckt den Link uewen; d’Kuerzfaassung ass esou: Eng Zeitung en Dag an engem Eemer Waasser opweechen, duerno gëtt se mat engem Gummi-Hummer zu Bräi geklappt a rondrëm eng eise Staang opgerullt. Déi Rull (sou wéi op der Foto) zitt ee vun der Staang erof, an et léisst een dat Ganzt zwee Deeg dréchnen.

Um Link ginn et och nach Iddien wéi een kann Kaffi oder Bamnolen benotzen fir d’Saach méi interessant ze machen.

Mat engem schéine Feier am Uewen bleift mir dann nach just iwwreg iech am Numm vun der Equippe e gudde Rutsch ze wënschen.

Allzäit bereet

Allzäit bereet… d’Bedeitung vum Motto ass dass e Scout sech virbereede muss, andeems e virdenkt an übt wéi en sech bei engem Accident oder engem Noutfall behuele muss fir dass en ni iwwerrascht gëtt.
Sir Robert Baden-Powell

[Be Prepared… the meaning of the motto is that a scout must prepare himself by previous thinking out and practicing how to act on any accident or emergency so that he is never taken by surprise.]