Scoutziedel vum 22.-29. Juni 2013

Fir iech alleguer:

E Sonndeg den 23. Juni beddelege mir eis un de Feierlechkeeten vun Natationalfeierdaag. Mir gin am Cortège an den Te Deum. R.d.v ass, an Uniform um 9.30 Auer zu Péiteng op der Maartplatz. Géint 12.15 Auer si mir nees zerëck.

Fir all d’Biber:

Léif Biber,

déi 2 nächst Versammlungen, den 22. an de 29. Juni geet et weider am Märchebësch also Psssst… dass déi béiss Hex iech net héiert. Mir gesin eis vun 14°°-16°° um Prenzebierg. Lies och bei: Fir iech alleguer.

Fir op de Kalenner: Mir gi vum 19 bis den 21 Juli op de Camp. Vu Freides moies 10°° bis Sonndes 17°° Détailer kommen gleich.

Fir all d’Wëllefcher:

E Samschden den 22. Juni ass KENG Versammlung. Fir Sonndes den 23. Juni liest bei: Fir iech alleguer.

Samschdes den 29. Juni hellefe mir dem Bender sech an der Zukunft besser zurecht ze fannen. Mir bauen ee riiiiiisegen Roboter. Mir gesin eis vun 14°°-16°° um Prënzebierg

Fir all d’ AvEx:

Leif AvEx, e Samschden, den 22.06 hu mer zesummen mat de Rodanger vu 14°°-16°° Versammlung um Prënzebierg. Et ass wichteg dass Du do derbei bass, daat ganzt ass en Training fir de Mini-Interville. De Mini-Interville ass e Championat vu jonke Leit teschend 10 an 13 Joer zu Déifferdeng. Véier Stiéd „kämpfen“ géint eneen. Mir hun déi grouss Éier fir Péiteng ze vertrieden. Nomettes ass et un eis an owes ass den Interville wou Erwuessener daat selwegt mache. Fir Sonndes den 23. Juni liest bei: Fir iech alleguer.

Samschdes, den 29.06 ginn mer zesummen mat den Rodanger AvEx op den Mini-Interville. Umellen kennt der iech all Daag beim Fredi um 621 47 25 10 per SMS/Uruffen no 19.00 Auer.

Thema vum Interville ass de wëlle Westen. Den Départ ass um 15°° bei der Sportshaal zu Péiteng.Op der Platz kréie mir alles erklärt an um 17°° geet et lass. Matuelen:Sportskuerf mat  Schwammsachen a Buedduch. Géint 20.30 Auer si mir nees zereck. Hoffentlech mat der Coupe J

Fir all déi Leit wou Iech wellen ennerstetzen: Zu Péiteng an der Gemeng kritt ee fir 5€ en Entreestiket an e T-Shirt ze kaafen. Um 16.30 Auer féiert eng gratis Navette d’Suporter op Déifferdeng an owes natirlech och nees op Péiteng.

Fir all d’CaraPio:

Salut dir leif Caravellen an Pionéier,

déi 2 nächst Versammlungen, den 22. an de 29. Juni dréint sech alles hondremt eise Camp: Brengt Ideen mat fir de Panneau,vergiesset net Stremp an Tennisbäll fir eist Spill matzebrengen an denkt iech en originelle Menü fir de Kiirmesdaag um Camp aus. Mir gesin eis vun
14°°-16°° um Prenzebierg. Fir Sonndes den 23. Juni liest bei: Fir iech alleguer.

Samschdes den 29. Juni ass Pobeiersammlung r.d.v wéi ëmmer um 8.30 zu Péiteng op der Lengerstrooss. Mir zielen op DECH! Carapiosüden T-Shirte gi bestallt, iwwerweist w.e.g.15 Euro op eise Konto. Vergiesst net ären Numm, Virnumm a CaraPio SüdenT-Shirt dropzeschreiwen .

LGS Grupp hl. Franz vun Assisi BCEE IBAN LU 67 0019 6803 7218 2000

Fir all d’RaRo:

Mir hun den 22. an de 29. Juni vun 16°°-18°° Versammlung um Bierg.

Den 29. Juni ass Pobeiersammlung. R.d.v wéi emmer um 8.30 Auer op der Lengerstross.

Fir all d’Matarbecher,d’RaRo, d’Guilde an d’Chef: 

Den 29. Juni ass Pobeiersammlung. R.d.v um 8.30 Auer zu Péiteng op der Lengerstross. Elo schons en decke MERCI fir DENG Hëllef! Dës Pobeiersammlung war am Ufank vum Joer nach net geplangt, duefir steet se och net um Kalenner vun der Gemeng.

Fir all d’Chef:

Méindes de 24.Juni ass Grupperot um 20°° um Bierg

Neies vun der Guilde:

Donneschdeg, den 20. Juni um 20 Auer ass Uucht am Scoutschalet um Bierg. Thema: Odysee vun de RaRo. Sonndeg, den 23. Juni  ass eis Familljensortie. Fousstour vun 5,2 km iwwert de Gipspad zu Walfer-Steesel. Depart um 13 Auer 30 mat Privatautoen op der Maartplaz zu Péiteng.

Informatiounsblad vun der Guilde

Informatiounsblad vun der Guilde 03.06.2013

Donneschdeg, den 20. Juni um 20 Auer ass Uucht am Scoutschalet um Bierg.

Thema: Odyssee 2013

All 4 Joer maachen d’Ranger an d’Rover eng oder e puer Odysseeën. D’Ziel vun enger Odyssee ass, en anert Land, seng Leit a Kultur kennenzeléiren a sech gläichzäiteg un engem konkrete Projet ze bedeelegen. Vum Péitenger Scoutsgrupp bedeelegen sech 9 Leit u Projeten an Georgien, Indien an Bosnien. Well dës Projeten mat vill Onkäschten verbonnen sinn, wëllen mir als Guilde dës Leit finanziell ënnerstëtzen. E puer vun de Scouten stellen eis an der Uucht déi verschidden Projeten vir. Et ass virgesinn dës Uucht mat enger Quête ze verbannen, dofir wären mer frou wann vill vun eisen Memberen deen Owend kënnten präsent sinn. Falls dir deen Owend net kommen kennt an d’Odysseen awer ënnerstëtzen wëllt, kennt dir dat maachen mat engem Don op den CCPL: IBAN LU76 1111 2956 5596 0000 mam Vermierk: Odyssee 2013. Am Viraus e groussen Merci fir all Don.

Sonndeg, den 23. Juni 2013 ass eis Familljensortie.

Fousstour vun 5,2 km iwwert de Gipspad zu Walfer-Steesel.

Depart um 13 Auer 30 mat Privatautoen op der Maartplaz zu Péiteng oder um 14 Auer 15 um Parking Kléngelbur op der Strooss tëschent Briddel an Steesel (ongef. an der Mëtt).

 

Méindeg, den 8. Juli 2013 ass Comitésversammlung um 20 Auer am Home.

Donneschden, den 11. Juli 2013 um 20 Auer ass eisen Keelenowend am Café Porte de Lamadeleine.

Samschdeg, den 21. September ass Nuit des Lampions zu Wolz. (virmierken)

Samschdeg, den 5. Oktober ass eis 60-Joer-Feier geplangt.

 

Rapport vun eisen leschten Aktivitéiten:

Op eiser Sortie op d’Guidenkiermes zu Bilschdref mat duerno engem Fousstour ware mir zu 12.

Un eiser Generalversammlung am Scoutschalet um Bierg hunn 25 Leit deel geholl.

 

Relevant Fotoen (automatesch generéiert)

Scoutsziedel fir den 8. a 15. Juni 2013

Fir all d’Biber:

Léif Biber,

déi 2 nächst Versammlungen, den 8. an de 15. Juni tauche mir an, d‘Märchewelt an. Macht iech Bereed op Zauberer, Abenbteur an Hexen. Mir gesin eis vun 14°°-16°° um Prenzebierg.

 

Fir all d’Wëllefcher:

Léif Wëllef,

déi zwee nächst Samschdeger den 8. an de 15. Juni hu mir wéi gewinnt vun 14°°-16°° Versammlung um Prenzebierg. Mir fänken eng nei Aktivitéit un, loost iech iwerraschen. Dir gidd éventuel e bessi naas, brengt emol léiwer en Handduch mat J.

 

Fir all d’ AvEx:

Leif AvEx,

e Samschden den 08.06 fänkt eis nei Entreprise “Robinson Crusoe” un. Dofir gi mir zesummen an d’PIKO (Schwemm zu Rodange). Mir treffen eis um 14°° Auer zu Péiteng virun der Gemeng an zreck sinn mer géint 17.45 Auer rem virun der Gemeng. D’Entrée fir an d’Schwemm gëtt vun de Suen dei iwreg vum WE sinn bezuelt. Mathuelen: eng Schwammbox, en Duch,Shampoo an e bessen Täschegeld. Wen eng Jumboskaart huet soll déi och mathuelen, falls de keng hues, da breng en Ticket oder Suen vir dohinner a rem zreck mam Bus ze fueren.

Samschdes, den 15.06 hu mer normal Versammlung vu 14°°-16°° Auer um Prënzebierg.

 

Fir all d’CaraPio:

Salut dir leif Caravellen an Pionéier,

d‘Vakanz ass lo eriwwer an soumadder ass endlech erem Versammlung.

Den 8. Juni: Moies ass Pobeiersammlung r.d.v um 8.30 zu Péiteng op der Lengerstrooss. Nomettes hu mir vu 14°°-16°° Versammlung um Bierg. Brengt aal Collanten an Tennisbäll oder sou ähnleches mat fier eis Boa.

Den 15. Juni ass keng Versammlung mee dofir réaliseieren mier Sonndes den 16.Juni eisen Filmprojet. ab 14°° Auer. Denkt do also un all Requisiten an waat alles sou gebraucht gëtt. Hei ass e Feeler ënnerlaf. D’Versammlung ass wéi gewinnt Samgdes vun 14-16 Auer.

Carapiosüden Tshirten gin bestallt, iwwerweist Suen also w.e.g. Numm,Viernum, Vermierk : Carapiosüden T-shirt . 15 Euro op den Konto :

LGS Grupp hl. Franz vun Assisi  BCEE IBAN LU 67 0019 6803 7218 2000

 

 

Fir all d’RaRo:

Allerléiwste RaRo,

mir hun den 8. an de 15. Juni vun 16°°-18°° Versammlung um Bierg.

Den 8. Juni ass Pobeiersammlung. R.d.v wéi emmer um 8.30 Auer op der Lengerstross.

 

Fir all d’Matarbecher,d’RaRo, d’Guilde an d’Chef:

Den 8. Juni ass Pobeiersammlung. R.d.v um 8.30 Auer zu Péiteng op der Lengerstross. Elo schons en decke MERCI fir DENG Hëllef!