Vakanzaktioun 2016

Hai eng herzlech Aluedung un all Chef fier den Donneschden 28 Juli um 20h beim Guy d’Spiller fier den Nometten vun der Vakanzaktioun fierzebereeden. Well vill Lait do op den Odysseen sin, gett all Hellef gebraucht fier den Donneschden den 4 August des Spiller mat den Kanner ze modereieren. Meld Ierch w.e.g beim Claire (Tel : 621 68 39 99) un.

Programm vun der Guilde: Juli - August 2016

Sonndeg 24.07.: Sortie op Biekerech
(Dës Sortie war ursprénglech geplangt fir den 9.07., huet awer misse verluegt ginn)
Rendez-vous A: Um 9:00h bei der Sportshal zu Péiteng. Mir fuere mat eise Privatautoen, mir versiche Fahrgemeinschaften z’organiséieren.
Rendez-vous B: Um 9:45h bei der Biekerecher Millen, 103, rue de Hovelange zu Biekerech
10:00h: Visite guidée vum Site: Geschicht, Millen, Seeërei, al Techniken, restauréiert Turbinn, Millemusée asw.
12:00h: Mëttegiessen am Restaurant „An der Millen“.
Wéi dës Zeile geschriwwe goufen, hat de Restaurateur eis weder de Menü, nach de Präis, matgedeelt. Mir sinn awer op jiddefall ugemellt.
Nom Iessen: „Promenade digestive“ vun ~ 5 km ënnert der Leedung vum Marie-Paul a vum Lex.
Et ass och méiglech fir méi kleng an einfach Weeër ze goen.
Denkt drunn dass d’Weeër kënne knaschteg sinn; also entspriechend Schung virgesinn.
Gemittlechen Ofschloss an der Millespënnchen, wou mir e Patt kënnen drénken an eis Wonne lecken.

Umeldung: bei Scheresch um Tel: 43 46 49, oder GSM: 691 434 649, oder Mail: schererg@pt.lu bis Donneschdeg, 21.07. um 12:00h
Donneschdeg.: 4.08: Vakanzaktioun [Org. Grupp + Gemeng]
Am Kader vun der Vakanzaktioun vun der Gemeng ass um Prënzebierg e Spillnomëtteg wou d’Kanner d’Welt vum Scoutismus kenne léieren. Mir brauchen de ganzen Daag, vu moies 9:30h bis +/- 18:00h, Leit fir ze hëllefen. Bass DU derbei? Da so w.e.g. dem Claire Dording um 621 683 999 Bescheed. MERCI am viraus.
Sammdeg. 6.08.: Pabeiersammlung [Org. Grupp]
Rendezvous um 8:30h beim Chantier Alleva op der Léngerstrooss.
All Mataarbecht ass wëllkomm, besonnesch an der Vakanzzäit, wou vill Leit fort sinn.
Méin. 8.08.: Comitésréunioun
um 20:00h am Home
Sam. 13.08.: Grillparty um Kuelbecherhaff.
Rendezvous um Haff vun 11:00h un
Grillen: – de Grill an dat fir ënnert de Grill (d’Feier) sinn op der Plaz;
– dat fir op de Grill an säi Gedrénks muss jiddereen, no sengem Gusto, selwer matbréngen;
– Zaloten an Taarten sinn net nëmmen wëllkomm, mä souguer erwënscht.
Fir am viraus Bescheed ze wëssen wat ongféier matbruecht gëtt, kontaktéiert w.e.gl.

d’Martine ( Tel: 50 32 71; GSM: 621 414 040; Mail: jschlott@pt.lu )
„Promenade digestive“ nom Iessen.
Sam. 3.09.: Pabeiersammlung [Org. Grupp]
Rendezvous um 8:30h beim Chantier Alleva op der Léngerstrooss.
All Mataarbecht ass wëllkomm, besonnesch … (dir wësst schonn).
Fir an den Agenda
Pabeiersammlungen: 8.10.; 5.11.; 3.12.

AvEx Camp-Ziedel

Léif AvEx, Léif Elteren,

Lues a lues kënnt di grouss Vakanz mi no an domat och eisen Camp deen wéi der wësst dëst Joer um Kuelbecher Haff bei Miersch ass.

Den Präis vum ganzen Camp ass 150 € . Dei gitt der zesummen mat der Fiche médicale of.
Fiche médicale -> http://lgspeiteng.lu/lb_LU/doc

 

Hei dann elo nach weider Detailer:

Depart: Samstes, 16. Juli 2016 sidd dir gebieden äert Kand fir 11:00 Auer op d’Mierscher Gare ze bréngen, wou Chef iech mam Auto dann um rechtlechen Wee begleeden, well et bëssen méi komplizéiert ze fannen ass. (Denkt un är Uniform + Foulard an de Pic-Nic fir de Samstes Mettes!)

Retour: Sonndes, 24.Juli 2016 sidd dir gebieden äert Kand fir 13:30 Auer op de Kuelbecher Haff nees sichen ze kommen.

Kontakt: Falls een Noutfall sollt sinn kënnt dir eis all Zäit iwwer Telefon kontaktéieren. (Fredi: 621472510, Gilles: 621688422))

Nach Froen?   Frot an der Versammlung no oder mellt iech iwwer Telefon.

 

Materiallëscht:

WICHTEG: Markéiert är Saachen virun allem d’Gamelle an d’Besteck, vill Leit hunn dat selwecht!

– Ënnerwäsch fir all Dag ze wiesselen
– Strëmp fir all Dag ze wiesselen
– Wanderschung (Am beschten undoen fir dohin)
– Uniform an Foulard (Hu mir un wann mir ukommen)
– Normal Schung oder Turnschlappen
– Gezei fir all Wierder
– Sonnekap oder –hutt
– Sonnecrème
– Spray géint Moustiquen- Wäschsaachen
– 3 Kichendicher
-Carrymatt/Loftmatratz
-Schlofsak
– K-Way
– Schwammsaachen (dir braucht KENG Schwammkap MAIS eng enk Schwammbox fir d’Jongen!)
– Bidon
– Becher a Gamelle mat Besteck
– Täscheluucht
– Täschemesser
– AvEx Pass
– Täschegeld
– 1 klenge Rucksak dee sech gutt dréit fir den Hike
– Pic-Nic
– Medikamenter falls der gebraucht ginn
– Perséinleches
– Bic a Bloc

– Fiche médicale

Wäertsaachen an Séissegkeeten sollen doheem bleiwen!