Infoziedel fir d'Rentrée

Salut alleguer,

Ech hoffen dir haat eng schéin Vakanz an sidd fit an ausgerout fier déi éischt Aktivitéiten vum Scoutsjoer 2016/2017.

Fir de ganze Grupp:

Dest Joer ass erem de Festival de l’amitié Americo-Luxembourgeoise (firdrun bekannt als Anniversaire vun der Libératioun). D’Gemeng an de Syndicat d‘Initiative organiséiren fill Aktivitéiten fir dest ze feiren. Hei just déi, wou mir als Grupp matmachen.

Freides den 9. September: Offiziell Gedenkfeier

R.d.v um 18:00 Auer an Uniform beim Denkmal vum Zaldot um Square Hyman Josefson an duerno as och eng Zeremonie bei der Borne des Passeurs. Géint 20°° ass e Concert op der Maartplatz. Déi offiziell Participatioun vun de Scouten ass virum Concert eriwwer.

Samschdes den 17. September: Éischt Versammlung fir daat neit Scoutsjoer

D’Biber, d’Wëllef, d’Avex an d’CaraPio hu vu 14°° bis 16°° Versammlung um Prënzebierg. Maacht Reklamm fir d’Scouten an äre Schoulklassen an bréngt roueg all är Frënn mat an d‘Versammlung.
D‘RaRo hu vu 16.15 Auer bis 18.30 Auer Versammlung um Prënzebierg.

Samschdes den 24. September: Installatioun vun der neier Equipe Pastorale:

R.d.v an Uniform um 18:00 Auer virun der Péitenger Kirch. Do wärt eng feierlech Mass sin, mat duerno engem Patt an der Sportshaal Bim Diederich zu Péiteng.

Samschdes den 1. Oktober: Mass fier die lieweg an verstuerwen Memberen vun der Guilde an dem Grupp Hl. Franz vun Assisi

Fir op den Kalenner: d’Guilde organiséiert des Mass fier den ganzen Grupp um Prenzebierg bei der Kapell. Um 15:00 gin Lidder geprouft an um 15:30 Auer fänkt Mass un. Weider Détailer kommen nach no.

Fir d‘CaraPio, d‘RaRo,d‘Matarbechter, d‘Guilde a d’Chef:

Samschdes den 3. September: Pabeiersammlung

R.d.v wéi gewinnt um 8.30 Auer zu Péiteng op der Lengerstross. Wëll vlaicht nach vil Lait an der Vakanz sin, mee d’Aarbecht awer net manner gett, ass et wichteg dass jidfereen deen irgendwéi kann hellefen, derbei ass. Elo schons en decke Merci.

Samschdes den 24. September: Kleedersammlung

R.d.v wéi gewinnt um 8.30 Auer zu Péiteng op der Lengerstross. Hai gellt daat nemlecht wie firdrun, all Hellef gett gebraucht. Elo schons en decke Merci.

Fir d’Chef:

Mettwochs den 21.September: Kongress zu Diddeleng

Détailer fannt dir am Contact. Sot w.e.g dem Kim esou séier wéi méiglech um 621197160 Bescheed wann dir mat gidd.

Sonndes den 25.September: Chefdaag zu Diddeleng

Détailer fannt dir am Contact. Sot w.e.g dem Kim esou séier wéi méiglech um 621197160 Bescheed wann dir mat gidd an fier d’Iessen ze bestellen.

Meindes den 26.September: Grupperot

R.d.v ass um 20°° beim Guy doheem.

Guilde

Bei der Rubrique „Guilde“ fannt dir d’Aktivitéiten vun eiser eelster Branche, des därfte fir un allem är Elteren intresséiren, bei den Treppeltier kënnt dir och gär als Famill matgoen.

 

Programm September - Oktober 2016

Sam. 3.09.: Pabeiersammlung [Org. Grupp]

Rendezvous um 8:30h beim Chantier Alleva op der Léngerstrooss.

All Mataarbecht ass wëllkomm.

Frei. 9.09.: Gedenkzeremonie [Org. SIP & Gemeng]

beim Amerikaner-Monument op der Millen a bei der Borne du Passeur. Ufank: 18:00h.

Sam. 10.09.: Sortie iwwer de Giele Botter an den Tëtelbierg.

Rendez-vous, variante Sport : zu Rolleng (Lamadelaine) bei der Grond-Millen (rue du Vieux Moulin) um 14:00h.

Klenge Foussmarsch vun 2,5 km bis op den Départ vun der Féierung.

Rendez-vous, variante Confort : um Parking uewen op der Kopp éier et an de Fond-de-Gras erofgeet um 15:00h.

Visite guidée „Geologie vum Minett“ mam H. Charles Storoni.

Dauer: bis 17:30h.

Als Ofschloss Agape am Café „Come back“ vis-à-vis vun der Rodanger Kierch um 19:00h.

Menü: Ham, Fritten an Zalot.

Umeldung bis Mëttwochs 7. September 2016 beim Georges Scherer, Tel: 434649, GSM: 691 434649, Mail: schererg@pt.lu

Sam. 1.10.: Mass um Prënzebierg fir all liewend a verstuerwe Membre vun der Guilde a vum Grupp hl. Franz vun Assisi.

Ufank: 15:30h.

Zelebrant: Abbé Romain Richer

Sam. 8.10.: Pabeiersammlung [Org. Grupp]

Rendezvous um 8:30h beim Chantier Alleva op der Léngerstrooss.

All Mataarbecht ass wëllkomm.

Méin. 10.10.: Comitéssitzung am Home um 20:00h

Dën. 11.10.: Guildendag [Org. FLGS] zu Hollerech mat Visite vum „Centre de documentation et de recherche sur l’enrôlement forcé“ . Rendez-vous bei der Hollerecher Gare um 10:15h. Duerno gëtt e Mëttegiessen servéiert, wou de Moment d‘Detailer awer nach feelen. Interessente kënne sech elo schonn umelden beim Martine (Tel: 503271; GSM: 621 414 040; Mail: jschlott@pt.lu), se ginn dann informéiert wa mer méi wëssen.

Don.: 20.10.: Keelenowend zu Lampech am Café Müller. Uspill um 20:00h

Sam. 29.10.: Sortie op Bënzelt (Binsfeld) mat Visite guidée vum „Musée rural“

Rendez-vous: Gare Péiteng, mam Zuch um 9:47h

Gare Lëtzebuerg, mam Zuch um 10:18h

Gare Ëlwen (Troisvierges), mam Bus 685 op Bënzelt, départ 11:31h

Mëttegiessen am Musée rural:

Entrée: Jambon cru avec melon à 6,00 EUR

Plat: La noix de jambon en croûte de pain à 12,00 EUR

durno Visite guidée vum Musée (Dauer ± 1½ Stonn)

Retour: Entweder zu Fouss op Ëlwen oder

Départ Bënzelt, Bus 685, um h:23h all Stonn

Départ Troisvierges, Zuch, um h:36h all Stonn

Départ Lëtzebuerg, Zuch, um h:42h all Stonn

Arrivée Péiteng um h:13h all Stonn

Umeldung bis spéidestens Dënschdes, 18.10.2016 beim Georges Tel: 43 46 49; Handy 691 434 649; Mail schererg@pt.lu

Fir an den Agenda

Pabeiersammlungen: 5.11.; 3.12.