Programm vun der Guilde: Juli – August 2018

Ce n’est qu’un au revoir …

De 9. Juni huet eise laangjäerege Comitésmember an Trésorier Jean Lippert eis am Alter vu 85 Joer no laanger Krankheet fir ëmmer verlooss. De Jang war en engagéierte Scout a vun der éischter Stonn un Member vun der Guilde. Mir wënsche senger Famill vill Courage an dëser schwéierer Zäit. Mir wäerten de Jang a gudder Erënnerung behalen.

Zesummesetzung vum Comité fir d’nächst Joer:

Éire-President: Norbert BROSIUS

President: Georges SCHERER

Vize-President: Arnold MARTIN

Sekretär: Martine SCHLOTTERT

Sekretär adj,: Carlo PEIFFER

Trésorier: Lex FELTEN

Memberen: Christelle MASUTTI, Robert GUIRSCH, Marco QUINTUS, Fritz LIPPERT

Vertrieder vum Grupp: Claire DORDING

Programm Juli – August 2018

Sam. 30.6.: Virtrag um 16:00h am Chalet.

Den Oli KERSCHEN referéiert iwwert seng Abenteuer „Vu Nord bis Süd, 11 Méint mam Rucksak ënnerwee vun Alaska bis Feierland“. Intressente solle sech beim Claire umellen (621 68 39 99)

Sam. 7.7.: Pabeiersammlung

Rendez-vous um 8:30h um ale Site vun der Eucosider. All Hëllef ass net nëmme wëllkomm, mä déck néideg.

Son. 29.7.: Grill-Party um Kuelbecher-Haff

Rendez-vous um Haff vun 11:00h un.

Grillen:

– de Grill an dat fir ënnert de Grill (d’Feier) ass op der Plaz;

– dat fir op de Grill an säi Gedrénks muss jidderee selwer matbréngen;

– Zaloten an Taarten sinn net nëmme wëllkomm, mä souguer erwënscht.

Fir am viraus Bescheed ze wëssen wat ongeféier matbruecht gëtt, kontaktéiert w.e.gl. d’Martine ( Tel: 50 32 71 / GSM: 621 414 040 / Mail: jschlott@pt.lu )

„Promenade digestive“ nom Iessen.

Mët. 1.8..: Vakanzaktioun vun de Schoulklassen , Cycle 2.2 aus der ganzer Gemeng. (Org. Gemeng Péiteng) beim Chalet um Bierg.

Mueres gëtt opgeriicht,

d’Spiller si vun 14:00 bis 16:00 Auer.

Hei gi Leit gebraucht fir: 1. opzeriichten, 2. mëttes Posten ze besetzen an 3. duerno ofzeriichten.

Intressenten kënne sech melle beim Martine ( Tel: 50 32 71 / GSM: 621 414 040 / Mail: jschlott@pt.lu )

Sam. 11.8.: Pabeiersammlung

Rendez-vous um 8:30h um ale Site vun der Eucosider. All Hëllef ass net nëmme wëllkomm, mä déck néideg.

Mon. 13.8.: Comité  um 20h00 am Home

Mët. 15.08.: Sortie an d’Géigend vu Verdun

Rendez-vous A: 9:00h um Parking hannert „a Rousen“. Transfert mat Privatautoen ( 75 km).

Rendez-vous B: 10:10h um „Site des Eparges“ beim „Monument du Point X“ (D’Chauffeure kréien um Depart de Wee erklärt).

Trëppeltour entweder vu 5 km duerch de Bësch oder 3 km iwwer Macadam. Déi 2 Weeër si gréisstendeels am Schied.

Duerno kuerz Autosfahrt op Saint-Maurice-sous-les-Côtes, wou mer am Restaurant « Côtes de Meuse » zu mëtteg iessen ( www.hotelcotesdemeuse.com/ )

Nom Mëttegiessen kënnen déi kulturell intresséiert Leit (a ween ass dat net ?) matfueren op SaintRemy-la-Calonne, wou de Schrëftsteller Alain-Fournier (Le Grand Meaulnes (1913)) begruewe läit.

Umeldung : De Restaurateur wéist gäer fréi genug wéivill Persounen hien ze bekäschtegen huet (de 15.08. ass e Feierdag). Dofir froe mir d’Umeldung bis den 15. Juli 2018 beim Carlo Peiffer : Tel. : 50 21 03, Mail: peiffer4@pt.lu

Fir an den Agenda:

Franziskusmass um Bierg: Sam. 06.10.2018

Pabeiersammlungen 2018: 15.9. – 13.10. – 10.11. – 8.12.

Keelenowenter: 18.9. – 18.10. – 13.11. – 11.12

An zu gudder Läscht:
Le monde ne sera pas détruit par ceux qui font le mal, mais par ceux qui les regardent sans rien faire.
Albert Einstein

Infoziedel Ufank Juli 2018

Fir Iech all :

Mir invitéieren eis Memberen, Elteren a Frënn op de Virtrag “Vun Nord bis Süd”, de Samschden 30. Juni um 16 Auer zu Péiteng: Den Oli Kerschen gouf fir e Joer zum Weltebummler. Zréck op Lëtzebuerg koum hien elo mat ville fantastesche Geschichten an eenzegaartege Biller am Gepäck. Jiddereen deen interesséiert ass soll sech bis den 28.06 beim Claire (621 68 39 99) umellen.

Vun Nord bis Süd – E Fotovirtrag vum Olivier Kerschen

Fir d’Biber :

Den Samschden 30. 06 ass di läscht Versammlung fir dëst Scoutsjoer a virum Camp! Kommt also wie gewinnt vun 14-16h op de Prenzebierg. Duerno kennt dir an är Elteren nach gäre bleiwe fir dem Oli Kerschen nozelauschteren. Den Samschden 7. Juli ass den BiberMud 2018 um Neihaischen ( 1, rue Principale, L-5290, Neihaischen). Dat ganzt geet vun 11h bis 17h , mee dir hutt Iech jo schonn ugemellt a krut di néideg Infoen.

De Camp ass wie scho’s annoncéiert vum 20.07 bis den 23.07 zu Roeser (44 Grand-rue, L3394 , Roeser). De Rendezvous ass den 20.07 um 15:00 op der Gare zu Péiteng mam Foulard! vun do aus huele mir d’Kanner mam Auto mat. Den 23.07 sollen d’Elteren da fir 14:30 op Roeser komme wou si mat enger klenger Erfrëschung erwaart ginn. De Camp kascht 80€ (wann méi Kanner aus der Famill mat eisem Grupp op de Camp ginn, da bezilt den eelsten de volle Preis, déi aner bezuelen 20 Euro manner). Mëllt Iech w.e.g. beim Anna (621754360) UN oder Of! Eng detailléiert Lescht wat dir alles sollt fir de Camping apake kennt am nächsten Ziedel.

Fir d’Wëllef :

Di nächst 2 Versammlungen dréinen sech ëmmer méi em de Summercamp zu Iechternach. #India. Mir treffen eis dofir wei gewinnt den 30.06 an de 07.07 vu 14h00 bis 16h00 zu Péiteng um Prenzenbierg. Den 30.07 kennt dier an är Elteren no der Versammlung gäre bleiwe fir dem Oli Kerschen säi Virtrag ze gesinn . Den 07.07 komme mir Chef och no der Versammlung mat Iech de Bierg erof bis bei de Parking fir mat ären Elteren ze schwätze wann si nach Froen iwwert de Camping hunn. Dir sollt iech och scho beim Alex (691 177 773) fir den Camping umellen. Eng ausféierlech Lescht mat Material an dem Preis fir de Camping kennt nach no. 

Fir d’Avex :

 Samschdes, den 30.06 hunn mer Versammlung vun 14:00-16:00 wou mer eis weider op de Camp virbereeden. Bréngt dofir en grousse Scoutsrucksack, Carrymate, Schlofsak a Biergschong mat. Samschdes, de 7.07 übe mir an der Versammlung vun 14:00-16:00 wie een Kniet richteg mécht.

Fir d’Carapio :
De Samschden 30. Juni an 7. Juli ass all Kéier normal Versammlung vu 14-16 Auer. Den 30. Juni ass och de Fotovirtrag vum Olivier Kerschen, kuckt dofir bei “Fir iech all”.
Bréngt den 30. Juni d’Dokumenter fir de Camp mat déi um leschten Ziedel stounge, wann der dat net scho gemaach hutt. Mir brauchen och Iddie fir Rezepter déi mer an Estland kache kënnen – fir Inspiratioun kuckt d’Rezepter vum Schwede Wandercamp: http://lgspeiteng.lu/7420

Rappel: Den 29. Juni ass et Zäit fir de leschte Virement: 100€, Mentioun “Estland 4 [Numm vum CaraPio]” Eise Konto ass: LGS Péiteng Grupp Hl. Franz vun Assisi BCEE IBAN LU 67 0019 6803 7218 2000

Fir all d’CaraPio, RaRo, Albatrossen, Guildememberen, Matarbechter, a Chef:

Samschdes de 7. Juli: Pabeiersammlung. R.d.v. um 8.30 Auer zu Péiteng op dem ale Site vun der Ecosider!

 

 

Relevant Fotoen (automatesch generéiert)

Infoziedel Nationalfeierdag 2018

Fir Iech alleguer :

1)Nationalfeierdag:

E Samschden den 23. Juni ass Nationalfeierdag. D’Gemeng vu Péiteng huet e grousse Programm fir dëst ze feieren. Wéi all Joer huelen mir och un de Feierlechkeeten deel.

Mir treffen eis Samschdes den 23. Juni an Uniform (wien eng huet) um 10:00 Auer zu Péiteng bei der Gemeng (Place J.F.Kennedy), vun do gi mir mam Cortège an den Te Deum ginn. Den offiziellen Deel ass géint 11:15 Auer eriwwer. Nomëttes organiséiere mir da vu 14°°-18°° Spiller am Péitenger Park. All eis Memberen sinn natierlech invitéiert fir bis laanscht ze kommen a matzespillen. De ganze Programm vun der Gemeng fannt dir op: www.petange.lu

Fir all d’CaraPio, RaRo, Albatrossen, Guildememberen, Matarbechter, a Chef:  

Déi Leit déi wëlle bei de Spiller hëllefe sollen sech beim Claire um 621 68 39 99 mellen. Mir treffen eis den 23  Juni um 10°° bei der Parkschoul. P.S Mir brauchen nach fill Leit…..

2)Ӓr Meenung ass gefrot:

Denkt drun: eis kleng Ëmfro mat Gewënnchance fir en Bong vu 50€ aus dem Decathlon ass nëmmen nach op bis de 15 Juni 23:59h. Also maacht Iech bäi!

3)Virtrag :

Vun Nord bis Süd – E Fotovirtrag vum Olivier Kerschen

Mir invitéieren eis Memberen op de Virtrag “Vun Nord bis Süd”, de Samschden 30. Juni um 16 Auer zu Péiteng: Den Oli Kerschen gouf fir e Joer zum Weltebummler. Mat just sengem Wanderruksak a Fotoapparat huet hien d’Welt op eege Fauscht duerchreest. Wéi campéiert ee wa Grizzlybieren am Bësch liewen? Wat mécht een op engem Vulkan wann ee keen Drénkwaasser méi huet? Mat fantastesche Geschichten an eenzegaartege Biller ass den Abenteurer nees zu Lëtzebuerg a steet eis Ried an Äntwert.

Et ass am Beschten dir mellt Iech elo scho beim Claire (621 68 39 99) un fir eis d’Organisatioun ze erliichteren. Kuckt och de Flyer am Unhang.

Fir d’Biber :

Léif Biber no eiser grousser Weltrees maache mir eng Rees an eng aner Welt… „ Et war ee mol…“ wann dir méi wëllt wëssen, da kommt de 16 Juni vu 14h bis 16h op de Prënzebierg. De Samschden 23 Juni ass keng Versammlung wéinst dem Nationalfeierdag, kuckt dofir bei „Fir Iech alleguer“. Eise Camp ass vum 20.07 bis den 23.07 zu Roeser. Méi Infoe kommen no.

Fir d’Wëllef :

Dëst Scoutsjoer as schon baal eriwer an et geet gläich op den Summercamping. #India.

De Camping as dëst Joer zu Iechternach vum 23.07 bis den 28.07. Dir kennt Iech elo schon beim Alex  (691 177 773) unmellen.

Fir dass iech den baal-Schluss net all ze schwéier fällt, hunn mir fir dësen Samschden , den 16. Juni na engkeier eppes méi Extraes geplangt. Mir treffen eis dofir schon um 13h00 zu Péiteng op der Gare. An sinn fir 18h00 erëm zréck. Dir braucht 15€ Entreesgeld an 10€ Täschegeld. Ditt iech dem Wierder entspriechend un. Ausserdem musst iech weinst dem Transport beim Alex  (691 177 773) unmellen.  Aaaah jooo… an wou geet et hin? Mir fueren an den Walygator! J Wëll mir iwert d’Grenz fueren braucht dir eng autorisation parentale vun der Gemeng (Datum: 16. Juni Address: Walygator Parc,Voie Romaine, 57280, Maizières-Lès-Metz, France, Responsabelen: Alex Lutgen) an musst äer carte d’identité mathuelen.

Den Samschden 23 Juni as keng Versammlung weinst dem Nationalfeierdaach, kukt dofir bei „Fier Iech alleguer“.

Fir d’Avex :

Samschdes de 16.06 maache mer e klengen Treppeltuer vu Péiteng op Rodange fir Kaart a Kompass ze üben. Rdv ass um 13:00 bei eisem Chalet um Prënzebierg. Schluss ass um 16:30 zu Rodange beim Scoutschalet (60, rue de la Minière / L-4839 Rodange). Matzehuelen ass: e Bidon Waasser, Reejacket (falls et reent) a 5€ Täschegeld, well d’Rodanger Guiden a Scouten hunn Chalets-Fest. Den 23.06 ass keng Versammlung, liest do bei „fir iech alleguer“. Zum Camp: et hunn sech nach net vill Avex bis lo ugemellt, maacht dat w.e.g bis den 19.06 beim Fredi per SMS um 621 472 510.

Fir d’Carapio :

 Et ass nach e gudde Mount bis eise Camp, dofir hei e puer Tips, a Saachen déi mer an der nächster Versammlung vun iech brauchen. Material: Wann der nach keng fest Wanderschung hudd, oder ganz neier, gëtt et Zäit déi an ze trëppelen. Mir schlofen a klengen Zelter zu 2-3 Leit. Wann der esou en Zelt hudd bréngt et mat an di nächst Versammlung fir dass mer et kontrolléiere kënnen. Dir musst keen Zelt

kafen, mä wann der wëllt eent kafe fir och no dem Camp ze hunn kënnt der är Chef em Rot froen.

Administratives: Frot eng Autorisation Parentale u fir dass der mat eis an d’Ausland reese kënnt. Zu Péiteng kritt der déi beim Biergeramt. (Infos:http://www.petange.lu/fr/Pages/Autorisation%20parentale.aspx) Dir musst dës Donnéen uginn: Datum: 17.-26. Juli. Address: Old Town Hostel Alur, Lai 20, Kesklinn, Tallinn, 10113, Estonia. Responsabelen: Gilles Glod. Frot ären Dokter ob all är Impfungen aktuell sinn an huelt dat wann néideg no. Fëllt d’Fiche Médicale aus (lgspeiteng.lu/doc). Druckt se w.e.g. recto-verso aus, well är Chef mussen déi Dokumenter de ganze Camp bei sech droen. Maacht och och eng recto-verso Kopie vun ärer Impfkaart an Carte d’identité oder Pass, je nodeem woumat der reesst. Wat der manner Pabeier dofir braucht, wat besser. Kreatives: fir eist Campbuch an eise Programm bréngt dat hei an déi nächst Versammlung mat: Lidder denen hir Texter sollen an d’Campbuch fir beim Wanderen ze sangen, Spiller déi mer während dem Camp ouni Material kënne spillen, Rätsel fir äre Kollegen eng Erausfuerderung ze bidden.

De 16. Juni ass normal Versammlung. Kuckt hei driwwer fir ze gesi wat der sollt mat bréngen. Mir wëllen och eist Material agravéieren fir et ze personaliséieren, z.B. Metalle Gamelle, Besteck,… also bréngt och dat mat. Donieft wëlle mer en egene Foulardsrank maachen. Direkt am Uschloss vu 16:00 bis 17:00 invitéiere mer är Elteren op de Prënzebierg fir eng Informatiounsversammlung iwwer de Camp an Estland.

 Den 23. Juni hëllefe mer bei de Scoutsaktivitéite vum Nationalfeierdag: kuckt bei “fir Iech alleguer ”.

Den 29. Juni ass et Zäit fir de leschte Virement: 100€, Mentioun “Estland 4 [Numm vum CaraPio]” Eise Konto ass: LGS Péiteng Grupp Hl. Franz vun Assisi BCEE IBAN LU 67 0019 6803 7218 2000

Fir d’RaRo : 

All RaRo an Albatrossen déi um Camping an Italien deelhuelen, treffen sech de 16. Juni um 16:30h um Bierg fir di lescht Details ze klären. De Samschden drop, den 23 Juni hëllefe mer d’Spiller am Park opriichten an animéieren, kuckt dofir bei „ Fir Iech alleguer“.

 Fir d’Chef: Dënschdes, den 12 Juni ass Grupperot um 20 Auer am Avexsall.