Infoziedel Nikloosmaart 2018

Fir Iech alleguer :

1)     Niklosmaart

Wéi all Joer hu mir e Stand um Niklosmaart. Mir sinn den 1 an den 2 Dezember op der Maartplaz fir flott Arrangementer ze verkafen. Mir freeën eis op äre Besuch! Um Maart selwer si meeschtens wéineg Adventskränz ze verkafen, duerfir  bestellt  séier e Kranz per Telefon beim Anna Monaco (621 754 360) fir och sécher een ze kréien. Kuckt dofir an der Annexe.

2)     Rappel : Cotisatiounen

Duerch d’bezuele vun der Cotisatioun ass äert Kand verséchert a kritt eng Zäitschreft geschéckt. Fir déi di et nach net gemaach hunn, iwwerweist w.e.g esou séier wéi méiglech 15€ fir dat eelst Kand an 12€fir déi aner Kanner op eise Konto. P.S. D’Mataarbechter a Chef brauche kee Beitrag ze bezuelen, de Grupp mécht dat fir si.

LGS Péiteng  Grupp hl. Franz vun Assisi

BCEE IBAN LU 67 0019 6803 7218 2000

mam Vermierk: Cotisatioun an den Numm vun ärem(n) Kand/Kanner.

Fir d’Biber :

Hallo dir léif Biber, de 24.11 hunn mir Versammlung vu 14h bis 16h um Prënzenbierg. Den 2.12 ass leider keng Versammlung well mir um Niklosmaart zu Péiteng sinn. Mee kommt roueg mat äeren Eltere luussen! Den 8.12 ass dann nees normal Versammlung vu 14h bis 16h um Prënzenbierg.

Fir d’Wëllef :

Dir léif Wëllef, den 24. November ass déi 3.Versammlung vun eisem Croods Komet. Do bastelen mir eis Keule fäerdeg. Ausserdeem huet eisen Seismograph eng verstäerkt Aktivitéit um Prënzenbierg festgestallt.  Deier Saach missten mir nogoen. Den 01. Dez ass Nikloosmaart do ass keng Versammlung. Dir kennt awer geär laanscht kommen. Den 08. Dezember hunn mir den Ofschloss vun eiser 4 wöcheger Aventure. Do hunn mir verlängert Versammlung vun 14h00 bis 17h00. An ween weess, vleit kucken mir een passenden Film. Cheesenachos kéint et och nach ginn.

Fir d’Avex :

Samschdes, de 24.11 hunn mer Versammlung vun 14:00-16:00 wou mer weider mat eiser Expeditioun “Harry Potter” fueren. Samschdes, den 1.12 ass keng Versammlung, well do ass Niklosmaart zu Péiteng. Kommt op alle Fall laanscht bei de Stand vun de Péitenger Guiden a Scouten. Samschdes, den 8.12 ass dann eis nächst Harry Potter Versammlung vu 14:00-16:00.

Fir d’Carapio :

Mir hëllefe bei de Virbereedunge vum Niklosmaart an och um Maart selwer. Kuckt den Detail bei „Fir d’CaraPio, RaRo, Albatrossen, Chef, Guilde a Mataarbechter“. Dofir hu mer de 24.11. an den 1.12. keng Versammlung.

Den 8. Dezember hëllefe mer moies bei der Pabeiersammlung. Nomëttes ass Versammlung vu 14-16 Auer um Prënzebierg

Fier d’RaRo:

An der Woch de Mëttwoch 21 November owes um 20h am Chalet hunn mer zesumme mat den Albatrossen eis „Vakanzefoire“ wou mer decidéiere wou mer op de Camp ginn. Den Samschden de 24. November hunn mer Versammlung, wou mer schonn d’Säll virbereede fir d’Woch iwwer Kränz ze wéckelen. Duerno gëtt är Hëllef beim Wéckelen an um Niklosmaart gebraucht. Kuckt dofir bei „Fir d’CaraPio, RaRo, Albatrossen, Chef, Guilde a Mataarbechter“. De Samschden 8 Dezember ass moies Pabeiersammlung an an nomëttes normal Versammlung.

Fir d’Albatrossen:

Denkt drun dass de Mëttwoch den 21 November um 20h eis „Vakanzefoire“ am Chalet stattfënnt. Deen Dag gëtt entscheet wou mir 2019 op de Camp ginn. Sidd also zahlreich vertrueden. Eis nächst Albatrossenversammlung fënnt den 30 November statt. Si ass des Kéier schonn um 18h , well mir hëllefen de Stand um Niklosmaart opzeriichten.  

Fier d’CaraPio, RaRo, Albatrossen, Chef, Guilde an Mataarbechter 

 Fir äis Adventskränz-Aktioun schaffe mer an der Woch vum 26-29 November vu Méindes bis Donneschdes all Owend vun 19°° un um Bierg. De Freiden 30 November ass Rdv um 18h um Prënzenbierg fir eise Stand opzeriichten. Um Niklosmaart selwer, den Samschden 1.12 bis de Sonnden 2.12. brauche mir och deng Hëllef fir op-an oofzerichten a fir ze verkafen.

De Samschden 8 Dezember ass Pabeiersammlung, R.d.v wéi gewinnt um 8.30 Auer zu Péiteng um Site Eucosider, dier jo et gëtt all Hëllef gebraucht.

 

Infoziedel Ufank November 2018

Fir Iech alleguer :  Cotisatiounen

Et ass nees un der Zäit fir de Joresbäitrag ze bezuelen. Des Sue ginn integral un de Verband vun de Lëtzebuerger Guiden a Scouten iwwerwisen. Duerch d’Bezuele vun der Cotisatioun ass äert Kand verséchert a kritt e puer mol am Joer eng Zeitschreft geschéckt. Iwwerweist w.e.g esou séier wéi méiglech 15 Euro fir dat eelst Kand an 12 Euro fir déi aner Kanner op eise Konto. Vergiesst net den Numm vun ärem Kand derbäi ze schreiwen. Villmools Merci!  P.S. D’Mataarbechter a Chef brauche kee Beitrag ze bezuelen, de Péitenger Grupp mëscht dat fir si als kleng Unerkennung fir hir Aarbecht.

LGS Péiteng  Grupp hl. Franz vun Assisi

BCEE IBAN LU 67 0019 6803 7218 2000

mam Vermierk: Cotisatioun an den Numm vun ärem(n) Kand/Kanner

Fir d’Biber :

Hallo dier léif Biber, mir hunn wéi gewinnt den 10. an de 17. November vu 14 bis 16 Auer Versammlung um Prënzebierg.

Fir d’Wëllef :

Dir léif Wëllef, d‘Vakanz ass eriwwer a mir hoffen dir hutt iech gutt erholl. Elo esou knapp no der Montée fänke mir erëm mat engem neie Komet un. Dat heescht mir hunn e puer Versammlungen noeneen zum gläichen Thema. Déi nächst puer Wochen, ënner anerem den 10. a 17. November  vun 14-16h geet et bei eis em de Broot, … Droot oder wei och ëmmer deen Höhlenmensch geheescht huet. Loosst iech iwwerraschen. Bis denne, är Lieblingschef.

Fir d’Avex :

Salut al an nei AvEx! Mir hunn Samschdes, den 10.11 an de 17.11, Versammlung vun 14:00-16:00. Fir déi nei AvEx (an och déi al): Mir hunn eis Versammlunge meeschtens dobaussen, dot also aalt Gezei un wat kéint knaschteg ginn. Mier wiere ganz frou, wann der iech beim Fredi (621 47 25 10) géift ofmellen, wann der net kennt kommen.

Fir d’Carapio :

E Samschden den 10. November hëllefe mer moies bei der Pabeiersammlung. Nomëttes ass Versammlung vun 14-16. Bréngt Naturmaterialie mat fir den Insektenhotel ze fëllen (zB Béngelen, Stréi, Dennenzapen). De 17. November ass Versammlung vun 14-16. Iwwerleet och wat eis nächst Entreprise soll sinn. Denkt drun iech schonn den Dag virdrun of ze melle wann der net kënnt kommen!

Fir d’ RaRo :  

De Samschden 10. November a 17 November hunn mer wéi gewinnt Versammlung um Prënzenbierg.

En klengen Zousaatz fir déi nai Rover: Wee vun de frësch gebakene RaRo net Chef an enger Branche ass, dierf virun der RaRo Versammlung nach bei de CaraPio hëllefen de Projet Insektenhotel of ze schléissen

Fir d‘CaraPio, d‘RaRo,d‘Albatrossen, d’Mataarbechter, d‘Guilde a d’Chef:

Samschdes den 10. November: Pabeiersammlung

R.d.v wéi gewinnt um 8.30 Auer zu Péiteng um ale Site vun der Ecosider. Dir kennt de Prinzip: wat méi Leit mathëllefe wat et méi schnell fäerdeg ass J Elo schonns en decke Merci.

Fir d’Chef:

Den Donneschden 8 November hunn mir Grupperot, wéi gewinnt um 20 Auer am Avexsall.