Tag Archives: Friddensliicht

Infoziedel Friddensliicht 2016

Fir Iech alleguer :

1)      Friddensliicht

Samschdes den 17. Dezember verdeelen déi Péitenger Guiden a Scouten d’Friddensliicht. Hei kritt jidfereen symbolesch de Fridden mat Heem, fir en dann am Bekanntekress oder an der Noperschaft weiderzeverdeelen. No der Mass, déi um 17.30 Auer ugeet, verdeelen mir d’Friddensliicht. Fir all eis Memberen: R.d.v um 17.30 Auer an Uniform firun der Kiirch. D’Elteren, Bridder a Schwësteren, Frënn a Bekannten … sin häerzlech wëllkomm!

Dëst ass den leschten Ziedel fir dëst Joer, duerfir profitéieren ech vun der Geleeënheet, fir jidderengem fir seng Mathëllef a säin Engagement uechtert d’Joer en groussen MERCI ze soen.

D’Cheféquipe wënscht Iech an Ärer Famill schéin Krëschtdeeg an ee gudde Rutsch an d’Joer 2017.

2)     Rappel Cotisatiounen an Umeldung GoUrban

E puer Leit hunn d’Cotisatioun nach net bezuelt. Macht dat w.e.g elo, well et muss een d’Cotisatioun bezuele fir kenne Member bei eis ze sinn! Iweerweist w.e.g esou séier wéi méiglech 15 Euro fir daat eelst Kand an 12 Euro fir déi aner Kanner op eise Konto:

LGS Péiteng  Grupp hl. Franz vun Assisi,
BCEE IBAN LU 67 0019 6803 7218 2000

mam Vermierk: Cotisatioun an den Numm vun ärem(n) Kand/Kanner.

Och fier den GoUrban sinn d’Umeldungen an den 1. Accompte bis den 1. Januar scho fälleg. Also mellt iech beim Branchenresponsablen un an kommt op eis Informatiounsversammlung den Samschden 10. Dezember um 16:30h um Prënzebierg fir méi gewuer ze ginn.

Fir d’Biber :

Den Samschden 10. Dezember hu mir wie gewinnt Versammlung vun 14-16h um Prënzebierg. Duerno ass eng Eltereversammlung fir de GoUrban vir ze stellen, kuckt bei „ Fier Iech alleguer“. Den Samschden 17. Dezember hu mer eis Chrëschtfeier wou mer di läscht Versammlung vum Joer feieren wäerten. Bréngt w.e.g. eng Klengegkeet mat, well mer wäerten wichtelen. De Kaddo kann selwer gemaach sinn oder awer och kaf sinn, mee däerf net méi wéi 5 Euro kaschten. Dës Versammlung dauert méi laang, nämlech vun 14h bis 17h! Duerno si keng Versammlungen méi bis no der Chrëschtvakanz.

Fir d’Wëllef :

Den 10. Dezember geet et bei eis em den Kleeschen, hien huet eis een Bréif geschriwwen an et gesäit esou aus wei wann hien an Schwieregkeeten stécht. An bei esou enger delikater Affaire wëllen mir näischt  riskéieren. Mir brauchen déi beschten Wëllef fir eis weider ze hëllefen. Bréngt fir des Versammlung  ausserdeem een Kaddo, (deen net méi wei 5€  kaschten soll, an am beschten selwer gemaach ass) an eng Chrëschtbull fir op den Beemchen mat. D‘Versammlung ass wei gewinnt vun 14h00 bis 16h00 um Prënzebierg. Duerno ass dann eng Eltereversammlung, kuckt bei „Fir Iech alleguer“. Den 17. Dezember ass eis lescht Versammlung fir dëst Joer, dofir ginn mir zesummen op d’ Äispist  an d‘Kockelscheier. Bréngt dofir 5€ mat. Mir treffen eis um 14h00 ënnen um “Parking” bei der Ecosider beim Prënzebierg an fueren vun do aus zesummen fort. Mir wäerten fir  17h00 erëm  zréck sinn. Fir des Aktivitéit muss dir iech awer beim Alex (691 177 773) umellen.

Fir d’Avex :

Den Samschden, den 10. Dezember hunn mer Versammlung vun 14:00-16:00 Auer. Dono ass um 16:15h eng Eltereversammlung fir de Camp, et wier flott wann all d’Elteren kennen kommen. Den Samschden, de 17. Dezember hunn mer normal Versammlung vun 14:00-16:00 Auer. Freides, den 23. Dezember hunn mer déi traditionell Krëschtdags-Versammlung vun den AvEx. Well mer eis selwer e Menü kachen, ass déi Versammlung vun 17:00-20:00. Fir dass d’Chef wëssen, wéi vill Iessen se kafe mussen, wier et flott, wann jiddereen sech bis den 17.12 beim Fredi, um 621 472 510 per SMS umellt.

Fir d’Carapio :

Den Samschden 10. Dezember ass RDV um 9:00 an der Kierch fir d’Krëppchen op ze riichten. Nomëttes (14:00-16:00) filme mer weider um Prënzebierg. Duerno ass eng Eltereversammlung, kuckt bei „ Fir Iech alleguer“. Den 17. Dezember ass eis lescht Versammlung fir dëst Joer, och erëm vu 14:00-16:00h um Prënzebierg.

Fir d’RaRo :

Leif RaRo, den 10. Dezember hu mir keng Versammlung wéinst der GoUrban-Eltereversammlung. Mee den 17. Dezember ass vun 16:15-18:15h  eis läscht Versammlung fir 2016. Bréngt är Kreativitéit, wat Spiller an Ideeë betrefft, mat, well mir kucken dann e bëssi an Zukunft. Kuckt och bei „ Fir Iech alleguer“.

Fir d’Albatrossen:

Leif Albatrossen, den Freiden 9. Dezember hu mer eng Versammlung vun 19h un um Prënzebierg. Kuvkt och bei „ Fir iech alleguer“ an hëlleft mat beim Friddensliicht-verdeelen.

Fir d’CaraPio, RaRo, Albatrossen, Chef, Guilde an Mataarbechter

Déi éischt Papeiersammlung am neie Joer ass de 7. Januar. R.d.v um 8:30h zu Péiteng op der Léngerstrooss, elo schonns en décke Merci fir är Hëllef. Kuckt och bei „ Fir Iech alleguer“.

Scoutsziedel bis den

Fir iech alleguer:
Cotisatiounen:
Et ass erëm un der Zäit fir de Beitrag ze bezuelen. Dës Sue ginn integral un de Verband vun de Lëtzebuerger Guiden a Scouten iwwerwisen. Duerch d’Bezuelen vum Beitrag ass Äert Kand verséchert a kritt e puer mol am Joer eng Zäitschrëft heem geschéckt. Et muss een d’Cotisatioun bezuele fir kenne Member bei eis ze sinn! Den eelsten aus der Famill bezilt 14 Euro, déi aner bezueln 11 Euro.De Beitrag fir d’Chef an d’Mataarbechter gëtt vun eisem Grupp bezuelt. Iwwerweist d’Suen w.e.g fir um 31. Dezember, op de Konto vun eisem Grupp =>LGS Grupp Hellege Franz vun Assisi Péiteng BCEE IBAN LU 67 0019 6803 7218 2000 mam Vermierk: Cotisatioun an dem Numm vun ärem(n) Kand/Kanner.
Friddensliicht
Samschdes den 17. Dezember verdeelen déi Péitenger Guiden a Scouten d’Friddensliicht. Hei kritt jiddereen symbolesch de Fridden mat Heem, fir en dann am Bekanntekrees  oder an der Noperschaft weider ze verdeelen. No der Mass, déi um 17.30 Auer ugeet, verdeelen mir d’Friddensliicht. Fir all eis Memberen: R.d.v um 17.30 Auer an Uniform virun der Kierch. D’Elteren, Bridder a Schwësteren, Frënn a Bekannten… sinn häerzlech wëllkomm! Dest ass den leschten Ziedel fir dest Joer, duerfir profitéieren ech vun der Geleeënheet, fir jidderengem fir seng Mathëllef , a säin Engagement uechtert d’Joer MERCI ze soen. D’Cheféquipe wënscht Iech an  Ärer Famill schéi Chrëschtdeeg an ee gudde Rutsch an d’Joer 2012.

Fir all d’Wëllefcher:
Samschdes den 17.12  hu mer vun 14:00 bis 17:00 eng Chrëschtversammlung um Prënzebierg. Bréngt dofir all e klengen Cadeau mat (e soll net méi kaschten wei 2 €) an eng Bull fir op den Chrëschtbeemchen. Dot iech dem Wieder no un, mir sinn déi ganz Versammlung dobaussen.  Duerno gi mir zesummen an d’Mass fir d’Friddensliicht sichen ze goen, ditt duerfir är Uniform un. Liest och bei: Fir iech alleguer.

Fir all d’AvEx:
Samschdes den 17.12  hunn mer vun 14:00 bis 17:00 eng Chrëschtversammlung um Prënzebierg. Bréngt dofir all e klengen Cadeau mat (e soll net méi kaschten wei 2 €) an eng Bull fir op den Chrëschtbeemchen. Dot iech dem Wieder no un, mir sinn déi ganz Versammlung dobaussen.  Duerno gi mir zesummen an d’Mass fir d’Friddensliicht sichen ze goen, ditt duerfir är Uniform un. Liest och bei: Fir iech alleguer.

Fir all CaraPio an d’RaRo:
Mir treffen eis an Uniform e Samschden den 17.12 um 14°° an der Kierch. Mir riichten d’Krëppchen an der Kierch op, bereeden d’Friddensliichtfeier fir an maache bei der Mass fir d’Friddensliichtfeier mat. Liest och bei: Fir iech alleguer.

Fir all d’Mataarbechter, Chef, d’RaRo an d’CaraPio:
Hei sinn d’Datumer vun de Pabeiersammlungen 2012: 14.01/ 11.02/ 17.03/ 21.04/ 19.05/ 16.06/ 7.07/ 11.08/ 15.09/ 13.10/ 10.11/ 8.12
Liest och bei: Fir iech alleguer.

Fir d’Chef:
Mir hunn e Mëttwoch den 14.12 Grupperot um 20°° um Bierg.

Scoutsziedel bis den 18.Dezember 2010

Fir iech alleguer:
Samschdes den 18. Dezember verdeelen déi Péitenger Guiden a Scouten d’Friddensliicht. Hei kritt jiddereen symbolesch de Fridden mat Heem, fir en dann am Bekanntekrees  oder an der Noperschaft weider ze verdeelen. No der Mass, déi um 17:30 Auer ugeet, verdeelen mir d’Friddensliicht.
Fir all eis Memberen: R.d.v um 17:30 Auer an Uniform virun der Kierch. D’Elteren, Bridder a Schwësteren, Frënn a Bekannten … sinn häerzlech wëllkomm!
Dëst ass den leschten Ziedel fir dëst Joer, duerfir profitéieren ech vun der Geleeënheet, fir jidderengem fir seng Mathëllef , a säin Engagement uechtert d’Joer Merci ze soen.
D’Cheféquipe wënscht Iech an  Ärer Famill schéin Chrëschtdeeg an ee gudde Rutsch an d’Joer 2011 .
Fir all d’Wëllefcher:
De 4. an den 11. Dezember hu mir vun 14:00-16:00 Versammlung um Prënzebierg. Den 18. Dezember hunn mir eng Chrëschtfeier vun 14:00-16:00 um Prënzebierg. Bréngt alleguer e Cadeau (net méi deier wéi 2€),am léifsten eppes Selwergemachenes an eng Bull fir op de Beemchen mat. Liest och bei: Fir iech alleguer, a maacht mat!
Deng Chef
Fir all d’AvEx:
Mir hunn Samschdes, den 4. vun 14:00 bis 18:00 Auer Versammlung. Dot iech dem Wierder no un, mir sinn déi ganz Versammlung dobaussen. Samschdes den 11. hunn mer vun 15:00 bis 17:00 eng Chrëschtversammlung. Bréngt dofir all e klengen Cadeau mat (e soll net méi kaschten wei 2 €) an eng Bull fir op den Chrëschtbeemchen. Dot iech dem Wierder no un, mir sinn déi ganz Versammlung dobaussen. Liest och bei: Fir iech alleguer, a maacht mat!
Deng Chef
Fir all CaraPio:
De 4. an den 11. Dezember hu mir vun 14:00-16:00 Versammlung um Prënzebierg. Samschdes den 11. Dezember ass Pabeiersammlung, r.d.v ass wéi gewinnt um 8:30 Auer zu Péiteng op der Léngerstross. MERCI dass du derbäi bass. Liest och bei: Fir iech alleguer, a maacht mat!
Deng Chef
Fir all d’RaRo:
De 4. an den 11. Dezember hu mir vun 16:00-18:00 Versammlung um Prënzebierg. Liest och bei: Fir iech alleguer, a maacht mat!
Yannick

Fir all d’Mataarbechter, Chef, d’RaRo an d’CaraPio:
Samschdes den 11. Dezember ass Pabeiersammlung, r.d.v ass wéi gewinnt um 8:30 Auer zu Péiteng op der Léngerstross. MERCI dass du derbäi bass. Liest och bei: Fir iech alleguer, a maacht mat!