Pabeiersammlung

Déi nächst Pabeiersammlungen

Samschdeg, 18. Abrëll 2020
Samschdeg, 23. Mee 2020
Samschdeg, 20. Juni 2020
Samschdeg, 11. Juli 2020
Samschdeg, 8. August 2020
Samschdeg, 5. September 2020
Samschdeg, 10. Oktober 2020
Samschdeg, 7. November 2020
Samschdeg, 5. Dezember 2020

Volontariat & Ëmweltschutz

D’Pabeiersammlung gëtt vu fräiwëllege Chef, Mataarbechter a CaraPio vun de Péitenger Guiden a Scouten an hirer Fräizäit gemaach.

Andeems dir äre Pabeier fir eis eraus setzt an en net an déi schwaarz Dreckskëscht geheit kann e weider verwäert ginn. Esou hëlleft der d’Natur ze schounen.

Hëlleft eis andeem s der är Päck konform halt

  • Halt är Päck an enger Gréisst déi 1 Persoun ophiewe kann.
    Ideal Gréisst: Wäikëschten (ongeféier 20x30x40cm)
    Schlecht Gréisst: Frigoskëschten, Miwwelkëschten, Fernsehkëschten.
  • Halt är Päck ënner 10kg.
  • Maacht just Pabeier a Karton an de Pak. Styropor ass kee Pabeier.
  • Maacht äre Pak esou zou dass en net futti fiert wa mir en oplueden. Am beschte ginn d’Këschten zou gepescht.
  • Maacht eidel Këschten (z.B. vu Miwwel) platt a bannt se mat Ficelle zesummen.

Falls äre Pak emol net mat geholl gouf

  • Setzt äre Pak fir 8:30 eraus fir dass mer en net verpassen.
  • Mir kënne just konform Päck op lueden. Anerefalls pesche mer e roude Sticker drop fir op de Problem hinn ze weisen:
    • De Pak ass ze schwéier.
    • De Pak ass ze grouss.
    • Am Pak sin Materialien déi net Pabeier oder Karton sinn, zum Beispill Glas, Metall, Plastik, Styropor oder Iessreschter.
    • De Pabeier ass net verpakt oder de Pak fällt auserneen.

Groupe Hl. Franz vun Assisi