Tag Archives: Kongress

Infoziedel Enn September 2019

Fir iech alleguer:

Freides de 4. Oktober: Versprieche vum neie Chefscout

Chef Scout Guillaume
Foto: © World Scout Foundation / Victor Ortega via sil.lu

 Mir sinn frou dat den Ierfgroussherzog Guillaume sech bereet erkläert huet d’Nofolleg als Chefscout vu sengem Grousspapp, dem Groussherzog Jean, unzetrieden. Dowéinst biede mir iech all de Freiden, 4. Oktober 2019 Nomëttes op d’Kinnekswiss ze kommen, well do eisen zukünftege Chefscout feierlech säi Verspriechen ofleet. Mir fueren zesumme mam Zuch an d’Stad fir um 14:30 op deem eemolegen Event mat derbäi ze sinn. Treffpunkt ass um 13:30 zu Péiteng op der Gare, den Zuch fiert um 13:45h. Mir wäerte géint 18h erëm zréck zu Péiteng op der Gare sinn. Tenue: Uniform a Foulard (falls et reent Uniform iwwer dem K -Way undoen). Mathuelen: Bréngt wann ech gelift e Becher mat. Schüler a Studente kenne mat dem Formular,deen dem Bréif derbäi gefügt ass, an der Schoul fräi froen.  PDF: Excuse MENJE Wëll mir eise Grupp umelle mussen, géif ech iech bieden Iech beim Claire (621 68 39 99) bis den 29. September unzemellen.                                               

Samschdes de 5. Oktober: Scouts-Mass um Prënzebierg fir d’Fest vum Hl. Franz vun Assisi

Dier alleguer, är Elteren, Geschwëster, Grousselteren,… sidd häerzlech invitéiert op den Prënzebierg bei d’Kapell ze kommen a mat eis des Scouts-Mass ze feieren.  D‘Mass fänkt um 15:30 Auer un. Duerno gëtt d’Méiglechkeet bei engem Patt nach gemittlech zesummen ze sinn.

Samschdes an Sonndes de 26. a 27. Oktober: Gruppe-Montéesweekend zu Monnerech

Bei der Montée wiesselen di eelste Kanner aus all Branche (Altersgrupp) an di Branche doriwwer. Wichteg: Wëll mir fir d’Organisatioun wësse musse wéivil Leit matginn, brauche mer d‘Umeldungen sou schnell wie méiglech! Mellt iech beim Claire (621 68 39 99) un (och Chef a RaRo). De Weekend kascht 20€ fir dat 1. Kand aus der Famill dat an de Scouten ass, an 15€ fir all weider Geschwëster. D’Iwwerweisunge kennt der bis den 14. Oktober op eise Kont maachen:

LGS Péiteng  Grupp Hl. Franz vun Assisi,
BCEE IBAN LU 67 0019 6803 7218 2000,
20 oder 15€,
Mentioun “Montée [Numm vum Kand+Branche wou d’Kand grad dran ass]”

Mier bieden iech fir all Kand aus ärer Famill eenzel!!! ze iwwerweise wëll soss gëtt et en grousse Chaos. Weider Detailer kommen och nach am nächsten Infobréif.

Fir all d’Biber:

Mir gesinn äis de Samschden 28. September an den 12. Oktober um 14:00 Auer um Prënzebierg. Zeckt net a bréngt är Kollegen aus der Schoul mat an d’Versammlung. Den 5. Oktober fänke mer normal um 14:00 mat der Versammlung un, an dann um 15:30 h hunn mir eis Scouts-Mass. Do sinn är Elteren häerzlech agelueden och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Kuckt och bei „ Fir iech alleguer“.

Fir all d’Wëllefcher:
Dier léif Wëllefcher, kommt de Samschden 28. September an den 12. Oktober um 14h op de Prënzebierg. De 5. Oktober fänkt eis Versammlung normal um 14:00 un, an da sinn är Elteren agelueden um 15:30h och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Fir all Versammlunge gëllt: Bréngt alleguer souvill wéi méiglech Frënn/dinne mat, et mëscht méi Spaass wann sinn och derbäi sinn. Kuckt och bei „ Fir iech alleguer“.

Fir all d’ AvEx:

Salut AvEx, Samschdes den 28. 09 an den 12. 10 ass wéi gewinnt Versammlung vu 14-16h. De Samschde 5 Oktober hunn mer Versammlung mat Scouts-Mass vun 14:00 bis ongeféier 16:00 (et ka bëssche méi spéit ginn). Kuckt och bei „ Fir iech alleguer“.

Fir all d’CaraPio:

Mir hunn de Samschden 28. September an den 12. Oktober vun 14-16h Versammlung um Prënzebierg. De Samschden 5. Oktober hunn mir moies Pabeiersammlung um 8:30 an nomëttes um 14:00 Auer Versammlung mat Scouts-Mass. Kuckt och bei „ Fir iech alleguer“.

Fir all d’RaRo:  

De Samschden 28. September an den 12. Oktober hunn mir normal Versammlung vu 16:15-18:15h. Den 28. September ginn mer moies hëllefe fir Fäschen fir d’Buergbrennen ze bannen. Rdv um 9:30h beim Annick hannenaus (46, rue Prënzenbierg). De Samschde 5. Oktober hunn mer vill fir: Moies hëllefen mer bei der Pabeiersammlung, mëttes as Scoutsmass an duerno géint 17h fänkt eise RaRo-Cup un. Kuckt och bei „ Fir iech alleguer“ (a mëllt iech fir de Montées-WE un!).

Fir all d’Albatrossen:  

Eis Versammlung sinn ëmmer de leschte Freiden am Mount. Deemno ass éischt Versammlung fir dëst Joer de 27. September vun 20-22h um Prënzebierg. Är Hëllef gëtt natierlech och de 5. Oktober fir d’Pabeiersammlung an eis Scouts-mass gebraucht. Kuckt och bei „Fir iech alleguer“.

Fir all d’Carapio, RaRo, Albatrossen, Chef a Mataarbechter

Den Samschde 5. Oktober ass Pabeiersammlung. Rdv as moies um 8:30 um ale Site Eucosider. Wëll mëttes nach muss d’Scouts-mass firbereed ginn , ass et wierklech wichteg dat esou vill wéi méiglech Läit hëllefen fir dat mer moies gutt virun kommen !!! Dir däerft natierlech och mëttes fir d’Mass an de Patt duerno bleiwe. 🙂

Fir all d’Chef

Den 16. Oktober as Kongress um 19:30 am Artikuss zu Zolwer. Mellt iech w.e.g. beim Claire (621 68 39 99) bis den 12 Oktober, un fir dat eng Gruppenumeldung ka gemaach ginn. Den 8. Oktober ass Grupperot um 20:30 am Avexsall. Kuckt och bei „Fir Iech alleguer“.

Infoziedel fir d'Rentrée

Salut alleguer,

Ech hoffen dir haat eng schéin Vakanz an sidd fit an ausgerout fier déi éischt Aktivitéiten vum Scoutsjoer 2016/2017.

Fir de ganze Grupp:

Dest Joer ass erem de Festival de l’amitié Americo-Luxembourgeoise (firdrun bekannt als Anniversaire vun der Libératioun). D’Gemeng an de Syndicat d‘Initiative organiséiren fill Aktivitéiten fir dest ze feiren. Hei just déi, wou mir als Grupp matmachen.

Freides den 9. September: Offiziell Gedenkfeier

R.d.v um 18:00 Auer an Uniform beim Denkmal vum Zaldot um Square Hyman Josefson an duerno as och eng Zeremonie bei der Borne des Passeurs. Géint 20°° ass e Concert op der Maartplatz. Déi offiziell Participatioun vun de Scouten ass virum Concert eriwwer.

Samschdes den 17. September: Éischt Versammlung fir daat neit Scoutsjoer

D’Biber, d’Wëllef, d’Avex an d’CaraPio hu vu 14°° bis 16°° Versammlung um Prënzebierg. Maacht Reklamm fir d’Scouten an äre Schoulklassen an bréngt roueg all är Frënn mat an d‘Versammlung.
D‘RaRo hu vu 16.15 Auer bis 18.30 Auer Versammlung um Prënzebierg.

Samschdes den 24. September: Installatioun vun der neier Equipe Pastorale:

R.d.v an Uniform um 18:00 Auer virun der Péitenger Kirch. Do wärt eng feierlech Mass sin, mat duerno engem Patt an der Sportshaal Bim Diederich zu Péiteng.

Samschdes den 1. Oktober: Mass fier die lieweg an verstuerwen Memberen vun der Guilde an dem Grupp Hl. Franz vun Assisi

Fir op den Kalenner: d’Guilde organiséiert des Mass fier den ganzen Grupp um Prenzebierg bei der Kapell. Um 15:00 gin Lidder geprouft an um 15:30 Auer fänkt Mass un. Weider Détailer kommen nach no.

Fir d‘CaraPio, d‘RaRo,d‘Matarbechter, d‘Guilde a d’Chef:

Samschdes den 3. September: Pabeiersammlung

R.d.v wéi gewinnt um 8.30 Auer zu Péiteng op der Lengerstross. Wëll vlaicht nach vil Lait an der Vakanz sin, mee d’Aarbecht awer net manner gett, ass et wichteg dass jidfereen deen irgendwéi kann hellefen, derbei ass. Elo schons en decke Merci.

Samschdes den 24. September: Kleedersammlung

R.d.v wéi gewinnt um 8.30 Auer zu Péiteng op der Lengerstross. Hai gellt daat nemlecht wie firdrun, all Hellef gett gebraucht. Elo schons en decke Merci.

Fir d’Chef:

Mettwochs den 21.September: Kongress zu Diddeleng

Détailer fannt dir am Contact. Sot w.e.g dem Kim esou séier wéi méiglech um 621197160 Bescheed wann dir mat gidd.

Sonndes den 25.September: Chefdaag zu Diddeleng

Détailer fannt dir am Contact. Sot w.e.g dem Kim esou séier wéi méiglech um 621197160 Bescheed wann dir mat gidd an fier d’Iessen ze bestellen.

Meindes den 26.September: Grupperot

R.d.v ass um 20°° beim Guy doheem.

Guilde

Bei der Rubrique „Guilde“ fannt dir d’Aktivitéiten vun eiser eelster Branche, des därfte fir un allem är Elteren intresséiren, bei den Treppeltier kënnt dir och gär als Famill matgoen.

 

Scoutsziedel bis de 26. September

Salut alleguer,

d’Vakanz ass nach net ganz eriwer a schons hu mir e grousse Programm. Hei fannt dir déi éischt Aktivitéiten fir d’Scoutsjoer 2015/2016.

Dest Joer ass den 71.  Anniversaire vun der Libératioun. D’Gemeng an de Syndicat d‘Initiative organiséiren fill Aktivitéiten fir dest ze feiren. Hei just déi, wou mir als Grupp matmachen.

Gruppefoto vum Anniversaire, September 2014

Fir de ganze Grupp: Mëttwochs de 9.September: Ofiziell Gedenkfeier

R.d.v um 19.30 Auer an Uniform beim Denkmal vum Zaldot um Square Hyman Josefson. Géint 20°° ass e Concert op der Maartplatz. Déi offiziell Participatioun vun de Scouten ass fir um Concert eriwer.

Fir de ganze Grupp: Sonndes de 13.September: Journée Commémorative du Passeur

R.d.v an Uniform um 9.15 fir un der Kiirch zu Péiteng. No der Mass ass eng Gedenkfeier, um 11°° Auer si Feierlechkeeten am Home St.Hubert. Déi offiziell Participatioun vun de Scouten ass no der Gedenkfeier bei der Kiirch géint 10.45 Auer eriwer.

Fir d’Chef: Denschdes den 15. September: Grupperot

R.d.v ass um 20°° beim Guy doheem.

Fir de ganze Grupp: Samschdes den 19. September: Éischt Versammlung fir daat neit Scoutsjoer

D‘Biber/d’Wëllef, d’Avex an d’CaraPio hu vu 14°° bis 16°° Versammlung um Prënzebierg. D‘RaRo hu vu 16.30 Auer bis 18.30 Auer Versammlung um Prënzebierg.

Fir d‘CaraPio, d‘RaRo, d‘Matarbechter, d‘Guilde a d’Chef: Samschdes den 19. September: Pabeiersammlung a Kleedersammlung

R.d.v wéi gewinnt um 8.30 Auer zu Péiteng op der Lengerstross, do deele mir eis an, a kuke wen wou hëllfet. Wëll Pabeiersammlung a Kleedersammlung gleichzeiteg eng logistesch Erausfuedrung a fill Arbecht sin, ass et wichteg dass jidfereen den irgendwéi kann helefen, derbei ass. Elo schons en decke Merci.

Fir d‘Chef an d’Guilde: Denschdes den 22. September: Virbereedungsversammlung

An deser Versammlung bereede mir d’Feier an d‘Mass vum 3. Oktober fir. R.d.v ass um 20°° beim Guy doheem.

Fir d’Chef: Mettwoches den 23. September: Kongress zu Betebuerg am Schlass

Détailer fannt dir am Contact an op lgs.lu. Sot w.e.g dem Kim esou séier wéi méiglech um 621197160 Bescheed wann dir mat gidd.

Fir de ganze Grupp: Samschdes den 26. September: Scout fir een Daag

Vun 15°° bis 18°° dréint sech bei Staatshaus alles em d’Scouten. Brengt är Kollege mat, a weist hinnen waat e bei eis alles erliewe kann. Fir dass mir och eppes ze bidden hun sin d’Chef moies vun 9°° un umgang opzerichten. D’Guilde suergt dass Kee muss hongreg an druschtreg sin.

Fir d’Chef: Sonndes den 27. September: Chefdag zu Betebuerg

Détailer fannt dir am Contact an op  lgs.lu. Sot w.e.g dem Kim esou séier wéi méiglech um 621197160 Bescheed wann dir mat gidd.

Guilde

Bei der Rubrique „Guilde“ hei um Site fannt dir d’Aktivitéiten vun eiser eelster Branche, des därfte fir un allem är Elteren intresséiren, bei den Treppeltier kënnt dir och gär als Famill matgoen.

Scoutsziedel bis den 25. September 2010

Fir iech alleguer:
Dat neit Scoutsjoer steet virun der Dier, ech hoffen dir hat all eng schéin Vakanz a sidd gutt a Form. Mir hunn fir unzefänken een volle Programm. Eise Grupp bedeelegt sech un de Feierlechkeeten vum 66. Joresdag vun der Befreiung vun Péiteng.
RockabillyDonneschdes den 9 September: R.d.v an Uniform um 19:00 beim Denkmal vu amerikaneschen Zaldot. Duerno ass ass am Home e Concert mat Countrymusek, dat misst eppes sinn fir déi ganz Famill! Mir suerge fir d’Gedrénks an den Handball grillt.
Samschdes den 11.September: De Syndicat d’Initiative organiséiert een „Freedom Festival.“ Dat ganzt geet um 11:00 beim Staatshaus lass. De ganzen Daag steet am Zeechen vun Amerika, mat amerikanescher Musik, amerikaneschen Autoen… Mir hunn do eng Buvette a mir grillen. Mir freeën eis fir Iech an är Famill do ze gesinn.
Sonndes den 12. September: Journée Commémorative du Passeur. R.d.v um 9:00 an Uniform virum Staatshaus. Um 11:30 ass „A Rousen“ eng Receptioun an duerno ass et fäerdeg.
Fir all d’Wëllefcher:
Salut, lies w.e.g. och den Ufank vum Ziedel, do sinn 3 R.d.v. wou et flott wier wann s de géings matmaachen.
De 18. an de 25. September ass et endlech nees esou wäit, dann ass erëm Versammlung. Mir gesinn eis vun 14:00-16:00 um Prënzebierg. Hues du e Frënd oder eng Frëndin déi och un de Scouten intresséiert ass? Bréng se mat!
Fir all d’ AvEx:
Salut, lies w.e.g. och den Ufank vum Ziedel, do sinn 3 R.d.v. wou et flott wier wann s de géings matmaachen.
De 18. an de 25. September ass et endlech nees esou wäit, dann ass erëm Versammlung. Mir gesinn eis vun 14:00-16:00 um Prënzebierg. Hues du e Frënd oder eng Frëndin déi och un de Scouten intresséiert ass? Bréng se mat!
Fir all CaraPio:
Salut, lies w.e.g. och den Ufank vum Ziedel, do sinn 3 R.d.v. wou et flott wier wann s de géings matmaachen.
Den 11. September ass Pabeiersammlung an den 25. September ass Kleedersammlung. Lies doriwwer bei „Fir all d’Mataarbechter, Chef, RaRo an CaraPio.” De 18. an de 25. September ass et endlech nees esou wäit, dann ass erëm Versammlung. Mir gesinn eis  vun 14:00-16:00 um Prënzebierg. Hues du e Frënd oder eng Frëndin déi och un de Scouten intresséiert ass? Bréng se mat!
Fir all d’Mataarbechter, Chef, RaRo an CaraPio:
Wéi dir uewe gelies hutt steet esou munches um Programm. D’Chef an d’RaRo hunn en Dënschdeg um 20:00 um Bierg eng Versammlung fir ze kucken wéi mir eis fir den 9. an den 11. September organiséieren.
Den 11. ass Pabeiersammlung. R.d.v ass wéi gewinnt um 8:30 zu Péiteng op der Léngerstrooss. Well mir och mussen vun moies un beim Staatshaus sinn, brauchen mir fill Leit bei der Pabeiersammlung. Elo schonns een décke Merci fir Deng Hëllef!
Den 25. September ass Kleedersammlung, R.d.v ass um 9°° beim ale Pompjeesbau.
Fir d’Chef:
E Mëttwoch den 15. September ass Kongress um 18:30 Auer zu Stengefort. Sonndes den 19. September ass Chefdag vun 8:30 Auer un. Den ass och zu Stengefort.