Dëst ass de lëschten Infoziedel fir d‘Joer 2024. Déi ganz Cheféquipe wënscht Iech an ärer Famill schéi Feierdeeg an e gudde Rutsch an dat neit Joer!
Merci fir är Ënnerstëtzung a bleift all gesond.
1. Aktualiséiere vum Membersfichier a Cotisatiounen
Am Unhang vum Bréif fannt der e Formular wou mir är Kontaktdate froen. Fir eis ass dat wichteg fir de Membersfichier à jour ze halen. Op deem Formular stinn och nach Informatioune fir d’Cotisatioun ze bezuelen, a mir froen den Accord vun ären Eltere fir Photoe vun iech ze maachen. Am Unhang ass och eng fiche médicale , déi ass wichteg fir dat mir déi néideg Informatiounen (Allergien,..) hu fir d’Versammlungen.
Loosst är Elteren dës Formulare w.e.g. ausfëllen a mailt ze op zwick.claire@gmail.com. Villmools merci
2. Fir op de Kalenner 2025:
Buergbrennen: 8 Mäerz 2025 um Prënzebierg
Theaterowend: 14-15 Mäerz 2025 am Home St. Hubert zu Péiteng
100 Joer Feier: 7 Juni 2025 zu Péiteng am Park
Gruppecamping: vum 17-25. Juli 2025 um Kuelbecherhaff
Fir all dës Aktivitéite kommen nach Infoziedelen mat méi Detailer no.
Fir d’CaraPio, RaRo, Albatrossen, Chef, Guilde an Mataarbechter
Fir de Kalenner: Pabeiersammlunge fir d’Joer 2025 sinn : 11.01, 08.02 ,01.03, 05.04, 03.05, 31.05, 28.06, 30.08, 27.09, 25.10, 15.11, 20.12
