Bonne Action Coronavirus

D’Rodanger an Lamadelainer Guiden a Scouten bidden de vulnerabel Leit aus der Gemeng hir Hëllef un.w
Eng Aktioun bei där de Péitenger Guiden a Scoutsgrupp sech ugeschloss huet fir si z’ënnerstëtzen fir déi déi et brauchen ënnert anerem akafen ze goen. Zesumme wëllen mir de Bierger déi eis brauchen hëllefen. Zesumme si mer staark.

Weider Informatioune sinn um Flyer, en dierf gäre gedeelt ginn! Informéiert är Matbierger déi eventuell dorun interesséiert kéinte sinn, domat mer hinnen eng Freed kënne maachen.

Infoziedel Abrëll 2020

Fir d’Biber, d’Wëllef, d’Avex, d’CaraPio, an d’RaRo

Wëll déi aktuell Kris ronderëm de Coronavirus nach viraussiichtlech eng Zäitchen dauert, sinn keng Versammlunge bis no der Ouschtervakanz geplangt. Duerno kucke mer mol wéi d’Situatioun am Lëtzebuerger Ländchen ausgesäit.

Ech wënschen Iech also eng schéi Vakanz, bléift doheem a virun allem bléift gesond.

Fir d’Wëllef :

Mir hunn eis geduecht dat dir iech villäicht langweilt, esou ganz eleng doheem mat ären Hausaufgaben an der Kummer agespaart… ech iwwerdreiwen e bësse ?  Mee falls dat de Fall sollt sinn, da kuckt mol reegelméisseg op eisem Internetsite https://lgspeiteng.lu an d’Kategorie „Wëllefcher“ villäicht kenne mir iech do weiderhëllefen…

Eng schlecht Noriicht: den nationalen Wëllefchersrallye vum 25. Abrëll huet leider missten ofgesot ginn.

E bëssen Hoffnung: bis elo denke mer dat mer kennen eisen WE vum 16.-17. Mee bäibehalen. Mir plangen do zesumme mat de Wëllefcher vu Suessem op Réiser ze fueren.

AvEx

Vum 8.05 – 10.05 ass en Hike-WE geplangt, zesummen mat den AvEx vun Käerjeng an Déifferdeng. Dir gitt informeiert falls en net sollt stattfannen.
Eise Camp ass dest Joer vum 18.07 – 28.07 um Kuelbecherhaff bei Miersch.

Fir d’CaraPio :

D’JoCaPi (4. Abrëll) an den Iron Scout (17.-18. Abrëll) sinn leider oofgesot gin. 

 Fir d’CaraPio, RaRo, Albatrossen, Chef, Guilde an Mataarbechter 

Vun der Gemeng aus hunn ech leider nach keng Informatiounen krut op mer den 18. Abrëll däerfen eng Pabeiersammlung maachen. Dat kënnt ganz dorop un wéi d’Situatioun am Land sech entwéckelt. Do kann ech Iech just zimmlech kuerzfristeg Bescheed soen (1 Woch virdrun). Dat selwecht gëllt fir den Schaff-WE dee mer fir den 18.-19. Abrëll geplangt haten.

Fir d’ RaRo, Albatrossen a Chef

D’Rodanger Guiden a Scoute maache bei der BA-Aktioun vun de LGS mat, d.h. eeler a vulnerabel Persounen aus der ganzer Gemeng Péiteng kënne bei hinnen uruffe fir dat d’Scoute fir si Akeef maachen, Medikamenter siche ginn,… Mir wëllen hinnen do ënnert d’Äerm gräifen an hëllefen. Wann e puer vun Iech wëllen hëllefen da mëllt Iech beim Claire Dording (621 68 39 99).

Header Foto vum Annie Spratt bei Unsplash

Relevant Fotoen (automatesch generéiert)

Infoziedel Versammlunge bis de 27. Mäerz

Update 4: den Iron Scout vum 17. Abrëll ass ofgesot.
Update 3: den Albatrossentreff vum 20. Mäerz ass ofgesot.
Update 2: d’Guilde Aktivitéite vum März sinn ofgesot.
Update 1: d’Journée CaraPio (JoCaPi) vum 4. Abrëll ass ofgesot.

Léif Elteren, Scouten a Mataarbechter

Mir passen eis Scoutsaktivitéiten de Recommandatioune vun eisem Verband un a soen dofir Versammlunge vun all eise Branchë bis de 27. Mäerz of. Dëse Samschden 14 Mäerz ass also keng Versammlung! Mir behalen d’Situatioun am Aen an esoubal mir do nei Informatioune kréie soe mer Iech Bescheed wéi et mat de Versammlunge wieder geet.

Wëll dës Mesuren ofziele fir grouss Usammlungen un virun allem Kanner/Jonker ze vermeiden, si mir der Meenung dat mer d’Pabeiersammlung vun dësem Samschde 14. Mäerz kënne weiderhi bäibehalen. Mir sinn do a ganz klenge Gruppen an dobausse wat hëlleft den néidegen Ofstand kennen ze halen. D’Pabeiersammlung vun dësem Samschde fënnt also weiderhi statt.

Merci fir äert Versteesdemech a bleift gesond

Fotoen: Theater 2020 (Kuddel-Muddel)

De 6. a 7. März 2020 hunn d’Péitenger Scouten zu Péiteng am Home St. Hubert d’Stéck Kuddel-Muddel vum Josy Christen op gefouert.

Hei e puer Fotoe vum grousse Stéck mat de Leit déi op der Bühn mat gewierkt hunn:

  • Claire Dording als Madame Clemy
  • Tom Lutgen als Pierrot
  • Luc Arend als Arnold Pillchen
  • Laurence Martine als Lola
  • Marco Quintus als e besseren Här
  • Frederic Feller als Max Urhausen
  • Christelle Masutti als Florence Urhausen
  • Olivier Besch als Gaascht 1, Gaascht 2, Gaascht 3,…
  • Guy Zoller an der Regie
  • Charel Dording a Charel Steffes an der Technik
  • Annick Wegener a Georges Scherer am Flüsterkasten
  • Claire Zwick an Luana Buso an der Schmink

Relevant Fotoen (automatesch generéiert)