All posts by Claire D

Infoziedel Friddensliicht 2016

Fir Iech alleguer :

1)      Friddensliicht

Samschdes den 17. Dezember verdeelen déi Péitenger Guiden a Scouten d’Friddensliicht. Hei kritt jidfereen symbolesch de Fridden mat Heem, fir en dann am Bekanntekress oder an der Noperschaft weiderzeverdeelen. No der Mass, déi um 17.30 Auer ugeet, verdeelen mir d’Friddensliicht. Fir all eis Memberen: R.d.v um 17.30 Auer an Uniform firun der Kiirch. D’Elteren, Bridder a Schwësteren, Frënn a Bekannten … sin häerzlech wëllkomm!

Dëst ass den leschten Ziedel fir dëst Joer, duerfir profitéieren ech vun der Geleeënheet, fir jidderengem fir seng Mathëllef a säin Engagement uechtert d’Joer en groussen MERCI ze soen.

D’Cheféquipe wënscht Iech an Ärer Famill schéin Krëschtdeeg an ee gudde Rutsch an d’Joer 2017.

2)     Rappel Cotisatiounen an Umeldung GoUrban

E puer Leit hunn d’Cotisatioun nach net bezuelt. Macht dat w.e.g elo, well et muss een d’Cotisatioun bezuele fir kenne Member bei eis ze sinn! Iweerweist w.e.g esou séier wéi méiglech 15 Euro fir daat eelst Kand an 12 Euro fir déi aner Kanner op eise Konto:

LGS Péiteng  Grupp hl. Franz vun Assisi,
BCEE IBAN LU 67 0019 6803 7218 2000

mam Vermierk: Cotisatioun an den Numm vun ärem(n) Kand/Kanner.

Och fier den GoUrban sinn d’Umeldungen an den 1. Accompte bis den 1. Januar scho fälleg. Also mellt iech beim Branchenresponsablen un an kommt op eis Informatiounsversammlung den Samschden 10. Dezember um 16:30h um Prënzebierg fir méi gewuer ze ginn.

Fir d’Biber :

Den Samschden 10. Dezember hu mir wie gewinnt Versammlung vun 14-16h um Prënzebierg. Duerno ass eng Eltereversammlung fir de GoUrban vir ze stellen, kuckt bei „ Fier Iech alleguer“. Den Samschden 17. Dezember hu mer eis Chrëschtfeier wou mer di läscht Versammlung vum Joer feieren wäerten. Bréngt w.e.g. eng Klengegkeet mat, well mer wäerten wichtelen. De Kaddo kann selwer gemaach sinn oder awer och kaf sinn, mee däerf net méi wéi 5 Euro kaschten. Dës Versammlung dauert méi laang, nämlech vun 14h bis 17h! Duerno si keng Versammlungen méi bis no der Chrëschtvakanz.

Fir d’Wëllef :

Den 10. Dezember geet et bei eis em den Kleeschen, hien huet eis een Bréif geschriwwen an et gesäit esou aus wei wann hien an Schwieregkeeten stécht. An bei esou enger delikater Affaire wëllen mir näischt  riskéieren. Mir brauchen déi beschten Wëllef fir eis weider ze hëllefen. Bréngt fir des Versammlung  ausserdeem een Kaddo, (deen net méi wei 5€  kaschten soll, an am beschten selwer gemaach ass) an eng Chrëschtbull fir op den Beemchen mat. D‘Versammlung ass wei gewinnt vun 14h00 bis 16h00 um Prënzebierg. Duerno ass dann eng Eltereversammlung, kuckt bei „Fir Iech alleguer“. Den 17. Dezember ass eis lescht Versammlung fir dëst Joer, dofir ginn mir zesummen op d’ Äispist  an d‘Kockelscheier. Bréngt dofir 5€ mat. Mir treffen eis um 14h00 ënnen um “Parking” bei der Ecosider beim Prënzebierg an fueren vun do aus zesummen fort. Mir wäerten fir  17h00 erëm  zréck sinn. Fir des Aktivitéit muss dir iech awer beim Alex (691 177 773) umellen.

Fir d’Avex :

Den Samschden, den 10. Dezember hunn mer Versammlung vun 14:00-16:00 Auer. Dono ass um 16:15h eng Eltereversammlung fir de Camp, et wier flott wann all d’Elteren kennen kommen. Den Samschden, de 17. Dezember hunn mer normal Versammlung vun 14:00-16:00 Auer. Freides, den 23. Dezember hunn mer déi traditionell Krëschtdags-Versammlung vun den AvEx. Well mer eis selwer e Menü kachen, ass déi Versammlung vun 17:00-20:00. Fir dass d’Chef wëssen, wéi vill Iessen se kafe mussen, wier et flott, wann jiddereen sech bis den 17.12 beim Fredi, um 621 472 510 per SMS umellt.

Fir d’Carapio :

Den Samschden 10. Dezember ass RDV um 9:00 an der Kierch fir d’Krëppchen op ze riichten. Nomëttes (14:00-16:00) filme mer weider um Prënzebierg. Duerno ass eng Eltereversammlung, kuckt bei „ Fir Iech alleguer“. Den 17. Dezember ass eis lescht Versammlung fir dëst Joer, och erëm vu 14:00-16:00h um Prënzebierg.

Fir d’RaRo :

Leif RaRo, den 10. Dezember hu mir keng Versammlung wéinst der GoUrban-Eltereversammlung. Mee den 17. Dezember ass vun 16:15-18:15h  eis läscht Versammlung fir 2016. Bréngt är Kreativitéit, wat Spiller an Ideeë betrefft, mat, well mir kucken dann e bëssi an Zukunft. Kuckt och bei „ Fir Iech alleguer“.

Fir d’Albatrossen:

Leif Albatrossen, den Freiden 9. Dezember hu mer eng Versammlung vun 19h un um Prënzebierg. Kuvkt och bei „ Fir iech alleguer“ an hëlleft mat beim Friddensliicht-verdeelen.

Fir d’CaraPio, RaRo, Albatrossen, Chef, Guilde an Mataarbechter

Déi éischt Papeiersammlung am neie Joer ass de 7. Januar. R.d.v um 8:30h zu Péiteng op der Léngerstrooss, elo schonns en décke Merci fir är Hëllef. Kuckt och bei „ Fir Iech alleguer“.

Infoziedel Bazar 2016

Fir Iech alleguer :

1)     Niklosmaart

Wéi all Joer hu mir e Stand um Niklosmaart. Mir sin den 2, 3 an den 4 Dezember op der Maartplaz fir flott Arrangementer ze verkafen. Mir freeën eis op äre Besuch!

Opgepasst: um Maart selwer wäerten mer dëst Joer keng Adventskränz verkafen, duerfir  bestellt e Kranz per Telefon beim Claire Zwick (691309108).

2)     Rappel : Cotisatiounen

Et ass nees un der Zäit fir de Joresbäitrag ze bezuelen. Duerch d’bezuelen vun der Cotisatioun ass äert Kand verséchert a kritt e puer mol am Joer eng Zäitschrëft geschéckt. Iwwerweist w.e.g esou séier wéi méiglech 15 Euro fir dat eelst Kand an 12 Euro fir déi aner Kanner op eise Konto. P.S. D’Mataarbechter a Chef brauchen keen Beitrag ze bezuelen, de Péitenger Grupp mécht dat fir si als kleng Unerkennung fir hir Aarbecht.

LGS Péiteng  Grupp hl. Franz vun Assisi
BCEE IBAN LU67 0019 6803 7218 2000
mam Vermierk: Cotisatioun an den Numm vun ärem(n) Kand/Kanner.

3)     Umeldungen an Informatiounsversammlung fir de GoUrban

Wéi schonn am leschten Breif ugekënnegt fënnt dëst Joer en groussen internationalen Camp um Kierchbierg an der Stad statt, den GoUrban. All Branche aus eisem Grupp wärt do matmaachen, duerfir geet et lo drëms äert Kand unzemellen. Denkt drun d’Umeldungen an den éischten Acompte si scho bis den 1 Januar ze maachen. Also verpasst den GoUrban net an mellt Iech bei den Branchenresponsablen un!
Fir all Elteren déi nach Froen hunn, organiséieren mer den Samschden 10. Dezember um 16:15h eng Informatiounsversammlung um Prënzebierg.

Fir d’Biber :

Moien dier leif Biberturtles, déi nächst zwou Versammlungen den Samsden 26. November an den 10. Dezember treffen mer eis nees wéi gewinnt um 14h-16h um Prenzebierg fier do wieder ze machen wou mer opgehaalen hun an Welt ze retten! Den 3 Dezember as keng Versammlung well mer do um Nikloosmaart sin. Wann dier deen een oder aaneren Kolleg kennt deen interesseiert as fier mat an Biber ze kommen, dann zeckt net an brengt en roueg mat! J

Fir d’Wëllef :

Dir léif Wellef, den 26. November ass eng klassesch Versammlung vun 14h00 bis 16h00 zu Péiteng um Bierg. Den 03. Dezember ass leider keng Versammlung well do ass Nikloosmaart. Dir sidd awer alleguerten invitéiert do laanscht ze kommen.

Fir d’Avex :

Samschdes, den 26.11, hun mer Versammlung vun 14:00-16:00 um Prenzebierg, mir maan do eis eegen Foularden färdeg. Den 3.12 hunn mer keng Versammlung, well do den Niklosmaart zu Peiteng ass, hoffentlech begéinen mer ierch do. Samschdes, den 10.12, hunn mer dann rem Versammlung vun 14:00-16:00, wou mer wieder machen mat der Expeditioun “Selwer maan”.

Fir d’CaraPio :

De 26 November an den 10. Dezember ass Versammlung vun 14:00-16:00 um Prënzebierg. Mir schaffe weider un eisem Theaterstéck an der neier Entreprise “Film”. Dertëschent, de Weekend vum 3. an 4. Dezember, hëllefe mir bei der Pabeiersammlung a beim Niklosmaart, kuckt dofir bei “Fir d’CaraPio, RaRo, Albatrossen, Chef, Guilde an Mataarbechter”.

Fir d’ RaRo :  

Den 26.11. ass keng Versammlung  well do ab 16h d‘Odysee Bilan Night ass. Den Weekend vum 2.-4. Dezember hellefen mier op der Pabeiersammlung an um Niklosmaart. Kuckt och bei “Fier d’CaraPio, RaRo, Albatrossen, Chef, Guilde an Mataarbechter”.

Fir d’Albatrossen:

Den Freiden 25. November treffen mir eis um 19.00 Auer um Bierg fir eis éicht Versammlung. Bréngt vill Ideen a Projeten mat, déi mir am Laf vum Joer evt. realiséieren kéinten. Haalt iech unbedingt den 3. an den 4. Dezember frai well do as den Nikloosbazar, wou mir wéi all Joers mat vun der Parti sinn. Kuckt och bei “Fier d’CaraPio, RaRo, Albatrossen, Chef, Guilde an Mataarbechter”.

Fir d’CaraPio, RaRo, Albatrossen, Chef, Guilde an Mataarbechter 

Fir äis Adventskränz-Aktioun schaffe mer an der Woch vum 21 November vu Méindes bis Donneschdes all Owend vun 19°° un um Bierg. Um Niklosmaart selwer, den Freiden 2.12 bis den Sonnden 4.12. brauche mir och deng Hëllef fir op-an ofzerichten an fir ze verkafen. Den Freiden 2 Dezember ass duerfir Rdv. um 17h (fir déi di sou frei kënnen, di aner sollen um 18h op Maartplaz kommen) beim Chalet fir opzeriichten. Den Samschden 3. Dezember ass Pabeiersammlung, R.d.v wéi gewinnt um 8.30 Auer zu Péiteng op der Léngerstrooss, dier wësst et gëtt all Hëllef gebraucht.

 

Infoziedel bis den 19. November 2016

Ukennegung vum Grupp:

Eise laangjärege Gruppechef den Guy Zoller huet säin Amt als Gruppechef un déi nächst Generatioun weiderginn. Déi nei Gruppecheftaine ass elo d‘Claire Dording. Den Guy geet eis awer net verluer; hien bleift aktive Member an der Guilde.

Fir Iech alleguer :

1)     Cotisatiounen

Et ass nees un der Zäit fir de Joresbäitrag ze bezuelen. Des Suen ginn integral un de Verband vun de Lëtzebuerger Guiden a Scouten iwwerwisen. Duerch d’bezuelen vun der Cotisatioun ass äert Kand verséchert a kritt e puer mol am Joer eng Festschreift geschéckt. Iwwerweist w.e.g esou séier wéi méiglech 15 Euro fir dat eelst Kand an 12 Euro fir déi aner Kanner op eise Konto. Vergiesst net den Numm vun ärem Kand derbei ze schreiwen. Villmools Merci ! P.S. D’Mataarbechter a Chef brauchen keen Beitrag ze bezuelen, de Péitenger Grupp mécht dat fir si als kleng Unerkennung fir hir Aarbecht.

LGS Péiteng  Grupp Hl. Franz vun Assisi

BCEE IBAN LU 67 0019 6803 7218 2000

mam Vermierk: Cotisatioun an den Numm vun ärem(n) Kand/Kanner.

2)     Umeldungen fier den GoUrban

Dëst Joer fënnt en groussen internationalen Camp um Kierchbierg an der Stad statt, den GoUrban. Do kennen all Branchen matmaachen, vun deenen klengsten Biber bis zu den RaRo an Albatrossen. Dat gëtt eng super Geleeënheet fier Scouten aus dem ganzen Land an souguer aus friemen Länner kennenzeléieren! Also verpasst den GoUrban net an mellt iech bei äre Brancheresponsabalen un! Weider Detailer fannt der an der Annexe an op http://www.GoUrban.lu. Mataarbechter an Leit déi am Staff wëllen mat hëllefen sollen sech elo schonns selwer op https://join.GoUrban.lu umellen.

3)     Aktioun Adventskränz :

Wéi all Joer hu mir e Stand um Nikloosmaart. Mir sinn den 2, 3 an den 4 Dezember virum Stadhaus, fir flott Arrangementer ze verkafen. Mir freeën eis op äre Besuch! Opgepasst: um Maart selwer wäerten mer dëst Joer keng Adventskränz verkafen, duerfir  profitéiert vun dëser Aktioun a bestellt e Kranz per Telefon beim Claire Zwick (691309108). Detailer fannt der an der Adventskränz 2016 Annexe.

Fir d’Biber :

Léif Biberturtles den 12. an den 19 November treffen mer eis um Prënzebierg fir d’Welt ze retten ! Mer erwaarden iech vun 14:00 bis 16.00 Auer. Bis dann !

Fier d’Wellef :

Dir léif Wëllef, mir hoffen dir hat eng schéin Vakanz. Den Wanter steet virun der Dier, et gëtt kal an naass dobaussen. Den 12ten November hunn mir eng Versammlung dobaussen, ditt iech dofir waarm un an bréngt een Täschemesser mat. Den 19ten November besichen mir den Biobauerenhaff “Jeekelshaff” zu Péiteng. Mir treffen eis dofir um 14h00 ënnen um Bierg um “Parking”. Och des Versammlung dauert wei gewinnt bis 16h00. Falls dir nach zu iergend eppes zousätzlech Froen hutt kennt dir dem Alex (691 177 773) uruffen.

Fier d’Avex :

Hallo Avex, mir hun déi 2 nächst Samschdeger , den 12 an den 19 November normal Versammlung um Prënzebierg. Mir gesinn eis also allkéiers vun 14:00-16:00 Auer.

Fir d’Carapio :

En décke fette Wëllkomm un all eis nei Memberen! Mir leeën direkt no eiser cooler Montée nees lass. De Samschden 12. an 19. November ass all Kéier Versammlung vu 14-16 Auer um Prënzebierg. Iwwerleet iech zwou Saachen: wat mer als nächst Entreprise starte wëllen, an wou erëm et an eisem nächsten Theaterstéck goe soll!

Fir op de Kalenner: dëst Joer ass den Iron Scout vum 21. Owes bis den 23. Abrëll Mëttes. Mir trëppelen dëst Joer nees ronderëm Clierf. Weider Detailer kommen nach no.

Fier d’ RaRo :

Muer den Owend den 07. November gesinn mer eis um 20 Auer beim Micha doheem (32, J.B. Gillardin) fir déi lescht Saachen fir den „Péitenger fir 1 Dag“ ze preparéieren . Deen Event wäert dann den Samschden 12 November sinn. Den Samschden 19 November ass keng Versammlung.

Fier d’Albatrossen:

No gelongenem Montéesweekend steet déi nächst Aktivitéit am Kalenner. Den 12. November hëllefen mir den RaRo bei hirem Event um Prënzebierg. Sot einfach dem Christelle Bescheed (per FB oder SMS), ob mir iech fir deen Owend aplangen kennen. Mir treffen eis um 16.30 beim Péitenger Chalet. Bis dann!

Fier d’Albatrossen, Chef, Guilde an Mataarbechter 

Samschdes den 19. November gi mir Äscht schneiden, fir d’Adventskränz. Mir treffen eis um 8.30 Auer zu Péiteng beim ale Pompjeesbau. Be prepared a bréngt : E Secateur, waarmt Schaffgezai an Händsche mat. An der Woch vum 21. November schaffe mir vu Méindes bis Freides all Owend vun 19°° un um Bierg fir de Bazar.

Infoziedel Montée 2016

Fir all Biberen, Wellefcher, Avex, CaraPio, RaRo an Chef :

Montées W.E um Neihaischen den 29-30 Oktober

D’Montée an den Scouten as fir all Scout eng grouss Sach, well do wiesselen déi mi aal Kanner aus all Branche an di Branche driwer. Fier eisen eeleren Mat-Scouten Ӓddi ze soen, an di nai Frënn würdeg wellkomm ze heeschen machen mer zesummen am Grupp en Weekend um Neihaischen.

Ufank vum W.E: Opgepasst et gin zwou verschidden Auerzeiten!:

1)     Fir d‘AvEx déi d‘Montée am d’CaraPio machen a fir d’CaraPio:

Samgdes, de 29. Oktober um 9:00 um Prenzebierg. Ditt är Uniform an äre Foulard un. Dir braucht näischt fir d‘Mettegiesse mat ze brengen, mee pakt är Gamelle an. Denkt och drun en Zuchticket/Jumboskaart matzehuelen.

2)     Fier alleguer déi aaner Branchen (Biber, Wellef, Avex):

Samgdes, den 29. Oktober um 15:00 um Neihaischen (1,rue Principale, L-5290, Chalet Nicolas Rollinger). Mier bieden d’Elteren fier Iech dohin ze féieren; dëst geet am beschten an Fahrgemeinschaften, well d’Parkplatzen um Neihaischen sin begrenzt. Didd all är Uniform+Foulard un.

Mathuelen: Täscheluucht, Täschemesser, Wäschsaachen, Pyjama, frësch Ennerwäsch, Gezei fir all Wieder (et soll waarm sin an eppes géint de Reen daachen), Schlofsack, déck Schung, Schlappen, déi ausgefëllten Fiche Médicale (dir fannt d’Fiche Médicale op: www.lgspeiteng.lu/doc ) a perséinlech Médikamenter. Verpackt alles an engem Rucksack. Dir braucht neischt fir z’iesse matzebrengen.

Schluss: D’Elteren kennen hier Kanner (och d’CaraPio!) nees Sonndes um 16:00 Auer op Neihaischen sichen kommen.

Ukennegung: d‘Albatrossen gin op gemaach!

Mir machen eng nai Branche op. D’Albatrossen sin fier Jonker vun 23 Joer un. Interesséierter kennen sech beim Responsablen, dem Gilles Michels (621 688 422) mellen. Hieren Programm wärt demnächst dann och op den Infoziedel stoen kommen.

Fir all d’Biber:

Desen Samsden den 22. Oktober as fir déi „ ausgewuessen“ Biber die lescht Versammlung. Mier treffen eis wei gewinnt vun 14:00 bis 16:00h um Prenzebierg. Liest onbedingt och den Ufank vum Ziedel fier den Montées-W.E. Den 5. November ass keng Versammlung well do as Vakanz.

Fir all d’Wëllefcher:

Desen Samschden den 22. Oktober as den Oofschluss vun eisem Märchenkomet, en plus ass et die lescht Versammlung virun der Montée mat eisen aalen Wellefcher, dofir organiséiren mir een grousst Iessen. Mir hun Versammlung vun 11h00 bis 14h00  um Prenzebierg. Dir sollt iech dofir och verkleeden, ärer Kreativiteit sin dobei keng Grenzen gesetzt soulaang et eppes mat Märecher ze din huet.

Wann dir d’Montée mat, wär et och gutt ärt Pistenbichelchen matzebrengen, falls dir nach op den leschten Drecker e puer Aufgaben doraus wellt leisen. Dir musst iech fir des Versammlung awer am viraus beim Alex (691 177 773) unmellen.

Den 29. an 30. Oktober as dann Monteesweekend.

Den 5. November ass keng Versammlung well do as Vakanz.

Fir all d’ AvEx:

Den 22. Oktober ass normal Versammlung vun 14-16h um Prenzebierg. Lies och den Ufank vum Ziedel do steet alles iwert den W.E.

Opgepasst : dei Avex die d’Montée an Carapio man, hun eng aaner Zait fier den Départ! Den 5. November ass keng Versammlung.

Fir all d’CaraPio:

De Samgden 22. Oktober ass normal vun 14-16 Auer Versammlung um Prenzebierg. Denkt drunn iech en NEIT Spill ze iwwerleen wat mer teste kennen, an ditt iech u fir dobaussen ze sinn.

Den 29-30 Oktober as Montees-weekend, kukt do uewen um Ziedel.

De Samgden 5. November ass moies Pabeiersammlung. Mettes ass keng Versammlung.

Fir all d’RaRo: 

Den 22. Oktober ass normal Versammlung um Prenzebierg. Gitt och mat op de Montées W.E. do packen mir eng Hand mat un.

Den 5. November ass keng Versammlung mee Papeiersammlung; Rdv. um 8:30h op der Lengerstroos.

Fir all d’Carapio, d’Chef, d’Matarbecher an d‘Guildememberen:  

De 5.11. ass Pabeiersammlung r.d.v wéi emmer um 8.30 h op der Lengerstrooss. Elo schons een decke MERCI fir all Hëllef!!

Infoziedel bis den 15 Oktober 2016

Fir iech alleguer:

Samschdes den 1. Oktober: Scouts-Mass um Prenzebierg fier d’Fest vum Hl. Franz vun Assisi

Dier alleguerten, äer Elteren, Geschwester, Bomien,… sidd härzlech invitéiert op den Prenzebierg bei d’Kapell ze kommen an mat eis des Scouts-Mass ze feieren.

Um 15:00 Auer gin d’Lidder zesummen ageprouft. D‘Mass fänkt dann um 15:30 Auer un. Duerno gett et nach eppes Klenges z’iessen an ze drenken

Sonndes den 9. Oktober: Journée de la commémoration nationale

Mier gesin eis an Uniform um 9:45 Auer op der Gemengeplaaz (place J.F.Kennedy) fier eis am Cortège opzestellen. No der Zérémonie am Park bei dem Monument aux morts ass dann eng feierlech Mass. Daat Ganzt as géint 11:30 Auer eriwer.

Samschdes an Sonndes den 29 an 30 Oktober : Gruppe-Montéésweekend um Naihaischen

Bei der Montée wiesselen die eelsten Kanner aus all Branche (Altersgrupp) an di Branche driwer. Dëst as eng wichteg Etapp am Lierwen vun all Scout/Guide an duerfir mecht den ganzen Grupp en Weekend fier daat ze feieren.

Wichteg: Wëll et net mei laang bis dohinner as, an mier fier d’Organisatioun wessen mussen wéivil Lait matgin, brauchen mer d‘Umeldungen sou schnell wie méiglech! Mellt iech beim Claire (621 68 39 99) no 18:00 Auer un (och Chef an RaRo). Den Weekend kascht 20€ fier daat 1. Kand aus der Famill daat an den Scouten as, an 15 € fier all weider Geschwester. Ӓrt Kand as nemmen definitiv ugemellt wann déi Suen iwerwisen sin! D’Iwerweisungen kennt der bis den 10 Oktober op eisen Kont man:

LGS Péiteng  Grupp Hl. Franz vun Assisi

BCEE IBAN LU 67 0019 6803 7218 2000

20 oder 15€

Mentioun “Montée [Numm vum Kand+Branche wou Kand grad dran as]”

Mier bieden ierch fier all Kand aus ärer Famill eenzel!!! ze iwerweisen wëll soss gett et en groussen Chaos. Wéider Détailer kommen och nach am nexten Infobreif.

Fir all d’Biber:

Salut dir léif Biber, wéi der wësst huet den Planton eis d’Waaser net mei zereck ginn, an dofir mussen mir Bikini Bottom verloosen . Mee fier dei nächst drei Versammlungen den 1., 8. an den 15. Oktober, déi wie gewinnt um Prënzebierg stattfannen, gett aer Hëllef gebraucht fir een aneren Problem ze léisen! Denkt drun daat déi Versammlung vum 1. Oktober e bëssen mei laang dauert, wëll do eis Scouts-Mass as. Déi Versammlungen vum 8. an 15. Oktober sin ërem wéi gewinnt vun 14:00 bis 16:00 Auer. Kukt och bei „ Fier iech alleguer“.

Fir all d’Wëllefcher:

Endlech geet et erem lass mat den Versammlungen an et gett elo och schon rem vill ze din. Während der Summervakanz ass vill geschitt, an elo waarden d’Hexe Lili an d’Pipi Langstrumpf schon sehnlechst op eis Hellef. Déi Versammlung vum 1. Oktober fänkt wéi gewinnt um 14:00 Auer un, mee wärt e bëssen mei laang daueren, wëll do eis Scouts-Mass as, déi aaner 2 Versammlungen vum 8. an 15. Oktober sin dann ërem vun 14:00 bis 16:00 Auer um Prenzebierg. Brengt allkeiers eppes ze drenken mat, wëll et wärt warm an aktiv gin.

Kukt och bei „ Fier iech alleguer“. Fotoen vun eisen Versammlungen fannt dir op https://www.icloud.com/sharedalbum/#B0VG4TcsmcEWu9

Fir all d’ AvEx:

Den 1.10 hunn mer Versammlung vun 14:00-15:00h an duerno Mass. Mir wärten do zesummen kucken waat mer bis d’Montée nach vun Aktivitéiten machen kennen. Den 8.10 an den 15.10 hunn mer dann allkeiers Versammlung vun 14:00-16:00h. Kukt och bei „ Fier iech alleguer“ do sin e puer wichteg Informatiounen.

Fir all d’CaraPio:

D‘Renée huet eis Leemkreatioune matgeholl a mir kréien se zereck wa se fäerdeg am Uewe gebrannt gi sinn. E Samgden den 1. Oktober treffe mer eis um 14:00h um Prënzebierg fir d‘Franz vun Assisi Fest mat vir ze bereeden. E Samgden den 8. Oktober hëllefe mir moies bei der Pabeiersammlung. Nomëttes ass normal Versammlung vu 14:00-16:00. Daat nëmlecht gëllt fier den Samdgen 15 Oktober, do as och normal Versammlung. Mir bleiwe weider beim Thema Mëttelalter a versichen eis um Schnëtzen.

Kuckt och bei „ Fier iech alleguer“.

Fir all d’RaRo: 

Denkt drun den 1.Oktober ass Deadline fier sech fier d’Raro-an Albatrossen Montée an den Mamerleen unzemellen! Wëll Mëttes déi Mass vun Hl. Franz vun Assisi as, hun mer keng Versammlung duerno.

Den 8.Oktober ass Papeiersammlung; Rdv. wéi gewinnt um 8:30 op der Lengerstross.

Den 15 an den 16 Oktober as dann eise Montées-Weekend. Rdv as um 16:30 Auer um Bierg. Mellt iech w.e.g. um 621197160 un! Dier sollt alles matbrengen waat een fier en Weekend brauch (also fier dobaussen ze trepplen, ze schloofen an z’iessen).  JO! Jiddereen ass Selbstversorger! Kukt och bei „Fier iech alleguer“ an mellt iech fier den Montéesweekend un well do gin emmer Lait gebraucht fier matzehëllefen.

Fier all déi RaRo déi dëst Joer mat op eng Odyssée waren: de Grupp leet eng kleng finanziel Hëllëf bai. Mellt iech beim Guy (691 435 358) mat ärem Numm an dem Prais, deen der hutt missen bezuelen.

Fir all d’Carapio,Matarbechter, RaRo, Chef a Guildememberen

Den 8. Oktober as Pabeiersammlung. Um 8h30 as Rdv op der Lengerstross. Geff dengem Härz e Stouss a paack eng oder zwou Hänn mat un MERCI

Fir all d’Chef: 

Den nächsten Grupperot as Méindes den 17 Oktober um 20°° am Chalet.