Infoziedel Enn September 2019

Fir iech alleguer:

Freides de 4. Oktober: Versprieche vum neie Chefscout

Chef Scout Guillaume
Foto: © World Scout Foundation / Victor Ortega via sil.lu

 Mir sinn frou dat den Ierfgroussherzog Guillaume sech bereet erkläert huet d’Nofolleg als Chefscout vu sengem Grousspapp, dem Groussherzog Jean, unzetrieden. Dowéinst biede mir iech all de Freiden, 4. Oktober 2019 Nomëttes op d’Kinnekswiss ze kommen, well do eisen zukünftege Chefscout feierlech säi Verspriechen ofleet. Mir fueren zesumme mam Zuch an d’Stad fir um 14:30 op deem eemolegen Event mat derbäi ze sinn. Treffpunkt ass um 13:30 zu Péiteng op der Gare, den Zuch fiert um 13:45h. Mir wäerte géint 18h erëm zréck zu Péiteng op der Gare sinn. Tenue: Uniform a Foulard (falls et reent Uniform iwwer dem K -Way undoen). Mathuelen: Bréngt wann ech gelift e Becher mat. Schüler a Studente kenne mat dem Formular,deen dem Bréif derbäi gefügt ass, an der Schoul fräi froen.  PDF: Excuse MENJE Wëll mir eise Grupp umelle mussen, géif ech iech bieden Iech beim Claire (621 68 39 99) bis den 29. September unzemellen.                                               

Samschdes de 5. Oktober: Scouts-Mass um Prënzebierg fir d’Fest vum Hl. Franz vun Assisi

Dier alleguer, är Elteren, Geschwëster, Grousselteren,… sidd häerzlech invitéiert op den Prënzebierg bei d’Kapell ze kommen a mat eis des Scouts-Mass ze feieren.  D‘Mass fänkt um 15:30 Auer un. Duerno gëtt d’Méiglechkeet bei engem Patt nach gemittlech zesummen ze sinn.

Samschdes an Sonndes de 26. a 27. Oktober: Gruppe-Montéesweekend zu Monnerech

Bei der Montée wiesselen di eelste Kanner aus all Branche (Altersgrupp) an di Branche doriwwer. Wichteg: Wëll mir fir d’Organisatioun wësse musse wéivil Leit matginn, brauche mer d‘Umeldungen sou schnell wie méiglech! Mellt iech beim Claire (621 68 39 99) un (och Chef a RaRo). De Weekend kascht 20€ fir dat 1. Kand aus der Famill dat an de Scouten ass, an 15€ fir all weider Geschwëster. D’Iwwerweisunge kennt der bis den 14. Oktober op eise Kont maachen:

LGS Péiteng  Grupp Hl. Franz vun Assisi,
BCEE IBAN LU 67 0019 6803 7218 2000,
20 oder 15€,
Mentioun “Montée [Numm vum Kand+Branche wou d’Kand grad dran ass]”

Mier bieden iech fir all Kand aus ärer Famill eenzel!!! ze iwwerweise wëll soss gëtt et en grousse Chaos. Weider Detailer kommen och nach am nächsten Infobréif.

Fir all d’Biber:

Mir gesinn äis de Samschden 28. September an den 12. Oktober um 14:00 Auer um Prënzebierg. Zeckt net a bréngt är Kollegen aus der Schoul mat an d’Versammlung. Den 5. Oktober fänke mer normal um 14:00 mat der Versammlung un, an dann um 15:30 h hunn mir eis Scouts-Mass. Do sinn är Elteren häerzlech agelueden och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Kuckt och bei „ Fir iech alleguer“.

Fir all d’Wëllefcher:
Dier léif Wëllefcher, kommt de Samschden 28. September an den 12. Oktober um 14h op de Prënzebierg. De 5. Oktober fänkt eis Versammlung normal um 14:00 un, an da sinn är Elteren agelueden um 15:30h och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Fir all Versammlunge gëllt: Bréngt alleguer souvill wéi méiglech Frënn/dinne mat, et mëscht méi Spaass wann sinn och derbäi sinn. Kuckt och bei „ Fir iech alleguer“.

Fir all d’ AvEx:

Salut AvEx, Samschdes den 28. 09 an den 12. 10 ass wéi gewinnt Versammlung vu 14-16h. De Samschde 5 Oktober hunn mer Versammlung mat Scouts-Mass vun 14:00 bis ongeféier 16:00 (et ka bëssche méi spéit ginn). Kuckt och bei „ Fir iech alleguer“.

Fir all d’CaraPio:

Mir hunn de Samschden 28. September an den 12. Oktober vun 14-16h Versammlung um Prënzebierg. De Samschden 5. Oktober hunn mir moies Pabeiersammlung um 8:30 an nomëttes um 14:00 Auer Versammlung mat Scouts-Mass. Kuckt och bei „ Fir iech alleguer“.

Fir all d’RaRo:  

De Samschden 28. September an den 12. Oktober hunn mir normal Versammlung vu 16:15-18:15h. Den 28. September ginn mer moies hëllefe fir Fäschen fir d’Buergbrennen ze bannen. Rdv um 9:30h beim Annick hannenaus (46, rue Prënzenbierg). De Samschde 5. Oktober hunn mer vill fir: Moies hëllefen mer bei der Pabeiersammlung, mëttes as Scoutsmass an duerno géint 17h fänkt eise RaRo-Cup un. Kuckt och bei „ Fir iech alleguer“ (a mëllt iech fir de Montées-WE un!).

Fir all d’Albatrossen:  

Eis Versammlung sinn ëmmer de leschte Freiden am Mount. Deemno ass éischt Versammlung fir dëst Joer de 27. September vun 20-22h um Prënzebierg. Är Hëllef gëtt natierlech och de 5. Oktober fir d’Pabeiersammlung an eis Scouts-mass gebraucht. Kuckt och bei „Fir iech alleguer“.

Fir all d’Carapio, RaRo, Albatrossen, Chef a Mataarbechter

Den Samschde 5. Oktober ass Pabeiersammlung. Rdv as moies um 8:30 um ale Site Eucosider. Wëll mëttes nach muss d’Scouts-mass firbereed ginn , ass et wierklech wichteg dat esou vill wéi méiglech Läit hëllefen fir dat mer moies gutt virun kommen !!! Dir däerft natierlech och mëttes fir d’Mass an de Patt duerno bleiwe. 🙂

Fir all d’Chef

Den 16. Oktober as Kongress um 19:30 am Artikuss zu Zolwer. Mellt iech w.e.g. beim Claire (621 68 39 99) bis den 12 Oktober, un fir dat eng Gruppenumeldung ka gemaach ginn. Den 8. Oktober ass Grupperot um 20:30 am Avexsall. Kuckt och bei „Fir Iech alleguer“.

Infoziedel September 2019

Fir Informatiounen doriwwer wéi der ärt Kand kënnt umellen, kuckt lgspeiteng.lu/umellen. Eis éischt Versammlunge sinn den 21. an 28. September.

Pour des renseignements pour inscrive votre enfant, lisez lgspeiteng.lu/fr_FR/umellen. Nos premières réunions auront lieu le 21 et 28 septembre.

Fir de ganze Grupp: (also fir Biber, Wëllefcher, Avex, CaraPio, RaRo, Albatrossen, Chef a Guilde)

Dëst Joer feiere mer den 75ten Anniversaire vun der Liberatioun vun Péiteng. Fir esou eng grouss Geleeënheet sinn vum 6 bis den 14 September vill Festivitéiten geplangt . Den genauen Programm kennt der um Site vun der Gemeng fannen: www.petange.lu an der Rubrik „Agenda“. [Direktlink op de Programm | PDF] Hei elo just di Evenementer wou mir als Scouten deelhuelen.

Méindes den 9. September: Offiziell Gedenkfeier

R.d.v um 18:15 Auer an Uniform bei der Péitenger Gemeng fir de Grand Duc Henri ze begréissen. Duerno geet e Cortège bis bei de Square Hyman Josefson. D’Zeremonie beim Monument vum gefaalenen Zaldot dauert bis 20:45h an duerno ass déi offiziell Participatioun vun de Scouten eriwwer.

Freides , den 13 September : Dag vun der Jugend an den Génératiounen

Dëst riicht sech un d’Avex, Carapio, Rover an d’Chef . De Comité du Souvenir vu Péiteng huet en ganzen Dagesprogramm zesummegestallt fir de Jugendlechen an hire Begleeder d’Monumenter vu Péiteng an de Militärkierfecht vun Hamm ze weisen an ze erklären. R.d.v. ass an Uniform um 9:45 beim Centre Wax zu Péiteng , vun do aus gëtt en Bus-Tour duerch Péiteng gemaach, da gëtt et en Mëttegiessen am Café beim Home an duerno geet et mam Bus op Hamm. Géint 17h komme mer erëm zréck bei de Centre Wax. Wëll en Iessen ageplangt ass, musst dier Iech umellen. Macht dat w.e.g. bis den 1 September beim Claire (621 68 39 99) a sot och op der eng vegetaresch oder eng Fleesch-Lasagne wëllt.

Samschdes , den 14 September : Mass an Gedenkfeier bei der Borne des Passeurs

R.d.v. an Uniform um 9:15 virun der Kierch zu Péiteng . No der Mass ass dann nach eng Feier bei der Borne des Passeurs bis 10:30.

Samschdes den 21. September an Samschdes den 28 September: Éischt Versammlunge fir dat neit Scoutsjoer:

D’Biber, d’Wëllef, d’Avex an d’CaraPio hu vu 14:00 bis 16:00 Versammlung um Prënzebierg. Macht Reklamm fir d’Scouten an äre Schoulklassen a bréngt roueg all är Frënn mat an d‘Versammlung. D‘RaRo hu vu 16.15 bis 18.30 Versammlung um Prënzebierg.

Fir d‘CaraPio, d‘RaRo,d‘Albatrossen, d’Matarbechter, d‘Guilde a d’Chef:

Samschdes den 7. September: Pabeiersammlung

R.d.v wéi gewinnt um 8.30 Auer zu Péiteng um ale Site vun der Ecosider. Dir kennt de Prinzip: wat méi Leit mathëllefe wat et méi schnell fäerdeg ass (a wat mer éischter op de Rockabilly Deluxe kenne goen 🙂 )  Elo schonns en decke Merci.

 Samschdes den 21. September: Kleedersammlung vum Kolpingswierk

R.d.v wéi gewinnt um 9:00 Auer zu Péiteng beim ale Pompjeesbau. Hai gëllt dat nämmlecht wie virdrun, all Hëllef gëtt gebraucht. Elo schonns en decke Merci.

Fir d’Chef:

Dënschdes den 17. September: Grupperot

R.d.v ass um 20°° am Avexsall.

Samschdes den 21.September an Sonndes den 22. September: Mosaik-Festival am Mariendall

Dëst Joer probéiert de Verband en neit Konzept aus, andeems den Kanu-daach an de Chefdaach op engem Weekend sinn. Detailer fannt dir um Site: https://news.lgs.lu/2019/07/23/mosaik-festival/

Iwwerleet Iech op dir nach e puer Paddele vum Kanu braucht, wann „Jo“ da mellt Iech perséinlech un, wann „Nee“ dann hëlleft bei der Kleedersammlung 🙂 . Umeldunge fir de Chefdaach mëscht d’Kim (621197160), sot him nach virum 5 September Bescheed op der matgitt, an ob der do schlofe wëllt.

Kuckt iech roueg reegelméisseg eise Site www.lgspeiteng.lu un. Do fannt der Fotoen, en Agenda, News vum Grupp a villes méi. 

PROGRAMM VUN DER GUILDE: SEPTEMBER 2019

Sam. 31.08.: Trëppeltour op Käerch
Opgrond dovunner, dass den Trëppeltour vum 10. August wéinst den schlechten Wiederkonditiounen ofgesot gouf, wäerten mer dessen um Schluss vum Mount realiséieren.
Trëppeltour vun ong. 7 km duerch den Härebesch zu Käerch.
De Samschden 31. August treffen mir eis :
1. Rdv um 13:30h zu Péiteng hannert « Rousen »
2. Rdv um 14:00h zu Käerch um Parking bei der Gemeng

Umeldungen beim Martine um : 621 414 040

Sam. 07.09.: Pabeiersammlung
Rendez-vous um 8:30h um fréiere Site Eucosider. All Hëllef ass wëllkomm.

Méi. 09.09.: Commémoration officielle de la libération
Rendez-vous um 18:15h virun der Gemeng fir den Cortège.

Sam. 14.09.: Commémoration officielle de la libération
Um 9:30h ass Mass an der Péitenger Kierch duerno Zeremonie bei der Borne du Passeur.

Sam. 21.09.: Kleedersammlung
Rendez-vous um 9:00h beim alen Pompjeesbau zu Péiteng. All Hëllef ass häerzlech wëllkomm.

Méi. 23.09.: Comité
Um 20:00h am Home.

Programm vun der Guilde: Juli - August 2019

Ce n’est qu’un au revoir
Den 20. Mee 2019 ass eise Member
Fernand Spies am Alter vun
86 Joer vun eis gang
an den
31. Mee 2019 huet eis Member Irène Heyart-Walin
eis am Alter vun 80 Joer fir ëmmer verloss.
Allen zwee hunn si aktiv bei eiser Lepra-Aktioun matgehollef.
Mir wärten si a gudder Erënnerung behalen.
Dem Gilberte Spies-Meyer an der Famill Heyart drécke mir nodréiglech eist
Bäilled aus.

Sam. 06.07.: Pabeiersammlung
Rendez-vous um 8:30h um fréiere Site Eucosider. All Hëllef ass wëllkomm.

Mon. 12.08.: Comité
Um 20:00h am Home

Sam. 03.08.: Pabeiersammlung
Mir treffen eis um 8:30h um fréiere Site Eucosider.

Sam. 10.08.: Treppeltour op Käerch
Trëppeltour vun ong. 7 km duerch den Härebesch zu Käerch.
De Samschden 10. August treffen mir eis :
1. Rdv um 13:30h zu Péiteng hannert « Rousen »
2. Rdv um 14:00h zu Käerch um Parking bei der Gemeng

Son. 14.07. : Grillfest um Kuelbecherhaff
Rendez-vous um Haff vun 11 :00 Auer un. Um Menü ass Fierkel um Spies mat Gromperen. Präis : +/- 20 €
E Grill fir déi, déi keen Fierkel iessen ass op der Plaz. Eppes fir op den Grill muss een sech selwer matbrengen.
Jidereen soll sech sein Gedrenks selwer matbrengen. Geméiszaloten an Desser brengen Memberen vum Comité mat.
« Promenade digestive » nom Iessen.
Wien Loscht huet, kann mam Fernand Glod mam Velo op den Haff fueren. Dir kennt iech fir Détailler bei him mellen um 691 507 737.

Zesummesetzung vum Comité fir nächst Joer
Eirepresident : BROSIUS Norbert
President : SCHERER Georges
Vize-President : MARTIN Arnold
Sekretärin : SCHLOTTERT Martine
Sekretärin adjointe : MASUTTI Christelle
Trésorier : FELTEN Alex
Memberen: QUINTUS Marco,
GUIRSCH Robert,
LIPPERT Fritz,
GLOD Marianne

Infoziedel Juli an August 2019

Fir Iech alleguer :
Dest ass de läschten Ziedel fir dest Scoutsjoer, duefir ass en och een extra groussen.
Ech wenschen Iech alleguer e flotte Camp an eng schéi Vakanz!
Ech profitéieren och vun der Geléenheet allen flaissegen Matarbechter an Chef e groussen Merci ze soen fir hieren Asaatz daat ganzt Joer iwer op den Pabeiersammlungen.
Duerch dest Akommes kennen d’Praisser fir d’Campinger an sozialen Mossen gehaalen gin.

Fir d’Biber :
Léif Biber, de Samschde 06.07 ass eis läscht Versammlung virum Camp. Mer hunn do normal Versammlung vu 14h00 bis 16h00 um Prënzebierg.
Eise Camp ass vum 15/07 bis den 18/07 zu Dikrech am Chalet“ Home Prince Jean“. RDV ass de 15/07 um 13h45 op der Péitenger Gare (den Zuch fiert um 14H15). Fir de Retour, sinn d’Eltere gebieden hier Kanner den 18/07 an de Chalet zu Dikrech (36, rue du Floss L-9232 Diekirch) géint 17h30 – 18h00 erofzehuelen. Fir déi déi et nach net gemaach hunn, mëllt äert Kand beim Anna (621754360) fir de Camp un , respektiv, of.
De Camp kascht 80 €, wann méi Kanner aus der Famill mat eisem Grupp op de Camp matgi bezilt deen eelsten de volle Preis, déi aner 20€ manner.
Mathuelen : Verpaakt alles an engem Kuerf wou äert Kand nach packe soll:
• Fiche Médicale (ze fannen op lgs.peiteng.lu) mat de Suen an enger Enveloppe
• klenge Rucksak fir Ausflich
• Bidon, Täschemesser, Täscheluucht
• Schlofsak
• Kleeder fir all Wieder, Ënnerwäsch, Pyjama, Kway
• Wäschsaachen (Seef, Zännbiischt, etc.)
• Schwammsaachen + Ӓrmecher
• fest Schong, Schlappen
• Foulard an Uniform (wann der eng Uniform hutt)
• Eppes fir op de Kapp (Hutt, Kaap), Sonnecrème
Alles soll mam Numm vum Kand markeieret sin.

Fir d’Wëllef :
Dëst Scoutsjoer ass scho bal eriwwer an et geet gläich op de Summercamp. #Captain. Fir dass iech de Bal-Schluss net all ze schwéier fällt, hunn mir fir dëse Samschden 06.07 nach engkéier eppes méi Extraes geplangt. Mir treffen eis dofir schonn ‪um 14h00 zu Péiteng op der Gare. An si fir ‪18h20 erëm zréck. Dir braucht 4€ Entreesgeld an 10€ Täschegeld. Dir braucht Schwammsaachen, Sonnecrème an eppes ze drénken. Aaaah jooo… a wou geet et hin? Mir fueren an d‘Piko op Rodange. Mellt Iech w.e.g. dofir beim Claire (621 68 39 99) un.
Dann ass et sou weit, mir gi vum 15 bis den 21 Juli op de Summercamp zu Ahn( 14, rue de la résistance, L-5401 Ahn). Léif Eltere, bréngt w.e.g d‘Kanner fir 14h dohin. Am beschte wier et wann e puer Elteren och nach aner Kanner kéinte bréngen/mathuelen. #Fahrgemeinschaften
Mathuele musst dir ob de Camping ee grousse Rucksak mat:
– Kleeder fir waarmt, kaalt, an/ oder naasst Wieder
– frësch Ënnerwäsch fir all Daach,
– eng fett Fleecejackett, K-way + Box
– Schlofsak,
– Wäschsaachen, Buedduch, Schwammsaachen, (Äermercher fir déi déi sech nach bësse méi onsécher am Waasser fillen), Wasserschlappen,
– Lieblingsteddy an all aner Saachen déi dir braucht fir gutt ze schlofen,
– Pyjama, Kappkëssen
– klenge Rucksak
– Täscheluucht an Täschemesser,
– Foulard (fir déi déi schonn een hunn)
– Bidon,
– Kap oder Sonnenhutt,
– Sonnecrème an Insektenspray,
– Schlappe fir am Haus
– fest Biergschong fir dobaussen.
– An 2 Spulldicher… ja nerveg mee muss och gemaach ginn.
– Kopie vun der Impfkaart , carte sociale an carte d’identité
– ausgefëllten Fiche médicale (ze fannen um site lgspeiteng.lu/doc)
Et ass wichteg dass all är Saache mat ärem Numm gezeechent sinn! Net matbréngen: Wäert-saachen, Handy, Täschegeld a Séissegkeeten.
Enn vum Camping: Sonndes 21ten Juli um 15hoo. Mir invitéieren dofir all d’Elteren hier Kanner erëm sichen ze kommen ^^ a mat eis zesumme Mëttes fir den Ofschloss ze grillen. Fir Iessen a Gedrénks fir d‘Wellef ass gesuergt. D‘Eltere kennen sech hiert Gegrills matbréngen sou as och secher daat Richtegt derbäi.
De Camping kascht 150€ fir dat éischt Kand an 130€ fir dat 2te Kand. Falls Froen oder Schwieregkeete besti kennt dir gäre beim Alex ‪691 177 773 nofroe resp ärch umellen.

Fir d’Avex :
Salut AvEx, Samschdes, de 6.07 an den 13.07 ass Versammlung vu 14:00-16:00 Auer, mir bereeden eis op de Camping vir.
Camp-Infoe: Départ: Bréngt w.e.g. äert Kand de Samschdes, 20. Juli fir 6:00 Auer op d’Areler Gare. Dot w.e.g är Uniform an äre Foulard un wann der kommt! Retour: Dënschdes, 30.Juli sidd dir gebieden äert Kand fir 17:30 Auer op d’Areler Gare nees sichen ze kommen.
Matzebréngen den Dag vum Camp:
– Autorisation parentale
– Fiche médicale, déi ausgefëllt as
– Carte d’identité oder Pass
– Carte sécurité sociale
– Impfkaart
Opgepasst !! Et MUSSEN d’Original Dokumenter sinn, an wann een Dokument feelt, kënne mir äert Kand aus Aussurancengrënn net mathuelen. D’Chef sammelen déi Saachen och an, soudass se net verluer ginn.
Zur Autorisation Parentale: déi kritt een op der Gemeng, an där Gemeng wou dir wunnt. Hei déi Infoen, déi dir braucht fir dësen Ziedel ze kréien: Numm vum verantwortleche Chef: Frédéric Feller Platz wou mir higinn: Rotterdam/Holland Datum: 20.07.2019 – 30.07.2019
Weider Infoe: Nummere wou der d’Chef um Camp areeche kennt: Fredi 621 47 25 10 / Annick 691 30 99 28 W.E.G. just wärend den Iesszäiten uruffen an och just wann et wichteg ass. Materiallëscht:
WICHTEG: Markéiert är Saache virun allem d’Gamelle an d’Besteck, vill Leit hunn dat selwecht!
– Ënnerwäsch a Strëmp fir all Dag ze wiesselen
– Wanderschong (Am Beschten undoe fir dohin)
– Uniform + Foulard (Hu mir un wann mir ukommen)
– Normal Schong oder Turnschlappen
– Gezei fir all Wieder
– Sonnekap oder –hutt, Sonnecrème, Anti-Moustique Spray
– Wäschsaachen
– 3 Kichendicher
– Carrymatt a Schlofsak
– K-Way/Reenjackett
– Schwammsaachen (Schwammkap an eng enk Schwammbox!)
– Bidon (keen ze klengen), Becher a Gamelle mat Besteck
– Täscheluucht an Täschemesser
– AvEx Pass, wann der een hutt, Bic a Block
– e klengt Täschegeld (+/- 20€)
– klenge Rucksak – Pic-Nic
– Medikamenter falls der gebraucht ginn
– Waasserschlappen oder al Schong déi kennen naass ginn
– Perséinleches
– Oueren-stepp falls ee Problemer mat Geschnarchs huet
Wäertsaachen (z. B. Handy) a Séissegkeete sollen doheem bleiwen! Falls nach Infoen derbäi kommen, kritt dir déi per Mail vum Fredi.

Fir d’Carapio :
Salut Pio, eis läscht Versammlung de 06 Juli fält leider aus wëll kee vun de Chef kann do sinn. Mir wënschen Iech an ärer Famill elo schonns eng schéi Summervakanz.
Mee och an der Vakanz gëtt är Hëllef gebraucht, liest duerfir bei: Fir all d’CaraPio, d’RaRo,
d’Cheféquipe, d’Guilde an d’Matarbechter a maacht mat!

Fir d’RaRo an d‘Albatrossen
Mir hunn bis September keng Versammlung méi. Also gesi mer eis fir d’nächst fir de Camp (an natierlech virdrun op der Pabeiersammlung J ).
Treffpunkt de 24. August um 23 Auer beim Slice. Mir kommen de 4 September am spéiden Owend zréck.
Mathuelen:
Carrymatt, Schlofsak, 1 Zelt pro Grupp, Këssen, Pyjama, Kleedung fir all Wieder, Gamelle, Bidon, Täschemesser an Täscheluucht, Toilettenartikel, Kichendicher, Fest Schong, Wasserschlappen, Kap/Hutt, Sonnebrëll a Sonnecrème, Ersatzbrëll, Gesellschaftsspiller, Studenten/Schülerkaart, Täschegeld (an Leva ëmgewandelt), A ganz wichteg: carte d’identité, carte sociale, fiche médicale, evtl. autorisation parentale
Kuckt och bei „Fir d’Carapio, RaRo, Albatrossen, Chef a Mataarbechter“.

Fir d’Carapio, RaRo, Albatrossen, Chef a Matarbechter

Samschdes de 06 Juli, den 03. August an de 07 September: Pobeiersammlung. R.d.v. um 8.30 Auer zu Péiteng um ale Site vun der Ecosider. Wëll Vakanz ass, a fill Leit fort sinn ass et extra wichteg dass jidderee wou kann, och do ass. MERCI!

Groupe Hl. Franz vun Assisi