Infoziedel Buergbrennen 2018

Fir Iech alleguer :

Invitatioun fier d’Buergbrennen:

Mir invitéieren Iech alleguer mat äre Famillen, Frënn, Noperen, Bomie …… op eist traditionellt Buergbrennen ze kommen. Mir brennen d’Buerg, e Samschdeg de 17 Februar. Den Fakelzuch geet um 18.30 Auer ënne beim Wee fort, an d’Buerg gëtt géint 19°° ugefaangen. Jidderee wou beim Opriichten hëlleft kritt och virum Fakelzuch e gudden Teller Zopp. All déi aner Leit brauchen sech keng Suergen ze maachen, de Grill steet schonns prett.

Theater

Wéi Dir alleguer wësst, spille mir den 2. an de 3. Mäerz Theater zu Péiteng am Home St.Hubert.

Et gëtt gespillt :

Biber: Mario & Peter e ganz neit Abenteuer

Wëllefcher: Grouss Klassiker

AvEx: Am Restaurant

CaraPio: Scouten a fräier Wildnis

D’Cheféquipe an Mataarbechter spillen e lëschtegen 3- Akter vum Jennifer Hülser:

Mord aus Versinn

De Riddo ass um 19:30 (d’Kanner déi matspille sollen um 19°°Auer am grousse Sall sinn.) De Preis ass 10 Euro fir Erwuessener a 5 Euro fir d’Kanner. Déi Kanner wou matspille mussen natierlech näischt bezuelen, Kanner bis 6 Joer sinn och gratis. Reservéiert hinnen awer eng Platz mat, sot just bei der Reservatioun Bescheed. Dir kennt Är Platzen, no 18 Auer um 621 814 883 reservéieren.

P.S. Wann dir eis e bësse wëllt ënnerstëtzen, da kennt der Ärem Kand einfach bis den 1. Mäerz e klenge Cadeau fir an d’Tombola mat a Prouf ginn. Villmools Merci am virau

Fir d’Biber :

Den Theater ass net méi wäit, an dofir wiere mer frou wann dir sou oft wie méiglech a Versammlung komme kéint fir dass mer dat übe kennen. Samschdes den 3 Februar hunn mer normal Versammlung vun 14h-16h um Prënzebierg. Samschdes den 10 Februar fänke mer mat de Prouwen un, mir gesinn eis dofir vun 14h-16h um Prënzebierg. Eis Prouwen am Home St.Hubert sin Freides den 02.02 an den 23.02 vun 18:00-19:30 Auer an eis Generalprouf ass den Donneschden 01.03 vun 18:00-19:00 och am Home. De Samschden 17 Februar hunn mer Buergbrennen (kuckt bei „Fier Iech alleguer“), mir si vun 15°° un um Bierg, a bleiwen do bis d’Buerg brennt.

Fir d’Wëllef :

De Samschden 3. Februar hunn mer wei gewinnt vun 14h00 bis 16h00 Versammlung um Prënzenbierg, wou mer weider un de Kulisse schaffen. Den 10 Februar ass keng Versammlung wéinst der Vakanz, Eis Prouwe fir den Theater sinn ëmmer Dënschdes an Donneschdes vun 17h30 bis 19h00 an Home St. Hubert zu Péiteng. Mir prouwen: 6. Feb, 8. Feb, 20 Feb, 22 Feb, 26 Feb, Generalprouf mat Verkleedungen ass den Dënschden 27. Februar vu 17h30 bis19h00. Fir mat ze spille wär et gutt wann dir kéint bei souvill wei méiglech Prouwen derbäi sinn. De Samschden 17 Februar hunn mer Buergbrennen; mir si vun 15°° un um Bierg, a bleiwen do bis d’Buerg brennt.  Fir op den Kalenner: Eise Summercamp ass vum 22- 28 Juli zu Iechternach. Halt Iech des Woch emol fräi.

Fir d’Avex :

Salut AvEx, Samschdes den 3.02 hunn mer normal Versammlung vun 14:00-16:00. Mir maachen eis Kulisse fäerdeg a wäerten och d’ Rolle verdeelen. Samschdes den 10.02 ass keng Versammlung. Eis Prouwen si Mëttwochs, den 14.02 /21.02 / 28.02 vun 18:00-19:00 a Freides, den 16.02 / 23.02 vun 17:00-18:00 am Home St. Hubert zu Péiteng. Den 17 Februar ass Buergbrennen, do gesi mer eis um 15°°  um Bierg, a mir bleiwen do bis d’Buerg brennt.

Fir d’Carapio :

Den 03. Februar hunn mir normal Versammlung vun 14-16h. Den 03. Februar ass och Pabeier-sammlung. Kuckt bei „Fir d’CaraPio, RaRo,…. Prouwen fir op de Kalenner:  6. Feb, 8 Feb ,20 Feb,22 Feb, 27 Feb a Generalprouf ass den 1 Mäerz. Alles am Home vun 19:00- 20:00. De Samschden 10 Februar ass keng Versammlung, an de Samschden den 17 Februar ass Buergbrennen.Kuckt bei „Fir d’CaraPio, RaRo,…“.

Fir d’RaRo : 

Den 03. Februar ass Pabeiersammlung moies an duerfir hunn mir da mëttes keng Versammlung. Denkt un d’RaRo-Alba Versammlung den Freiden 9 Februar um 19h um Prënzebierg, wou mer eise gemeinsame Summercamp plangen. De Samschden 17 Februar ass Buergbrennen. Kuck dofir bei “Fir d’CaraPio, RaRo,…“.

Fir d’Albatrossen:

Eis nächst Versammlung ass den Freiden 9. Februar um 19:00 Auer um Prënzenbierg fir de RaRo/Alba-Camping ze plangen. Dann gesi mer eis de Samschden 17 Februar fir d‘Buergbrenne wou all Hänn gebraucht ginn. Kuck dofir bei “Fir d’CaraPio, RaRo,…“.

Fir d’CaraPio, RaRo, Albatrossen, Chef, Guilde an Mataarbechter 

De Samschden 03. Februar ass Pabeiersammlung. R.d.v. wie gewinnt um 8:30h op der Lengerstroos. Komm maach mat bei enger Partie „ Këschte stapelen“!!:)

Samschdes den 17 Februar riichten mir d’Buerg op. Mir treffen eis um 9°° Auer um Bierg. Mir iessen zesummen zu Mëtteg, duerno gëtt weider geschafft bis d’Buerg steet.

Fir d‘Chef: Den nächste Gruppenroot as den 7 Februar um 20:00 um Prënzebierg.

 

 

Theater 2018

Den 2. an 3. Mäerz spille mir Theater zu Péiteng am Home St.Hubert. Riddo ass um 19:30. Fir unzefänke spillt all Branche e kuerzt Stéck. D’Cheféquipe spillt Fraepensioun – oder Mord aus Versinn, e lëschtegen Dräi-Akter vum Jennifer Hülser, iwwersat vum Robby Zenner.

De Präis ass 10€ fir Erwuessener a 5€ fir d’Kanner. Déi Kanner wou matspille mussen natierlech näischt bezuelen, Kanner bis 6 Joer sinn och gratis. Reservéiert hinnen awer eng Plaz mat, sot just bei der Reservatioun dass et fir een ass wou mat Theater spillt oder nach keng 7 Joer huet.

Dir kennt Är Plaze vun elo un, um 621 814 883 reservéieren. Rufft w.e.g. eréischt no 18:00 Auer un!

 

Infoziedel Enn Januar 2018

Fir Iech alleguer :  2 wichteg Datumer fir op de Kalenner

Buergbrennen:

Eist traditionellt Buergbrenne fënnt de Samschden 17. Februar um Prënzebierg statt. De Fakelzuch geet um 18:30h ënne beim Wee fort, an d’Buerg gëtt géint 19:00h ugefaangen. Detailer kommen am nächste Bréif no.

Theater:

De 2. an de 3. Mäerz spille mir Theater zu Péiteng am Home St.Hubert.

Riddo ass um 19:30h. Am Ufank spillt all Branche e kuerzt Steck, duerno spille Chef a Mataarbechter e lëschtegen dräi-Akter vum Jennifer Hülser: Mord aus Versinn (lëtzebuergesch Iwwersetzung vum Roby Zenner). De Preis ass 10 € fir Erwuessener a 5 € fir d’Kanner. Detailer zur Reservatioun kommen am nächsten Bréif no.

Fir d’Biber :

Eis nächst 2 Versammlunge sinn de Samschden 20 Januar an de Samschden 27 Januar allkéiers vun 14:00 bis 16:00 Auer um Prënzebierg. Kuckt och bei „ Fir Iech alleguer“ an haalt Iech déi 2 Datumer fräi.

Fir d’Wëllef :

Mir hunn dëse Samschden den 20. Januar eng flott Sortie geplangt: mir ginn nämlech an d’ Kockelscheier Schlittschong fueren! Dofir musst dir iech beim Alex (691 177 773) umellen. Mir treffen eis um 14:00 op der Gare zu Péiteng, vun do huele mer den Zuch fir an d’Stad. Opgepasst d’Versammlung dauert méi laang, mir sinn erreicht fir 17:45 Auer erëm zereck op der Gare. Vergiesst net eppes Waarmes unzedoen an huelt och deck Strëmp an Händsche mat. Wann der selwer Schlittschong hutt, kennt der ze och matbréngen. Ausserdeem sollt der 10€ Täschegeld matbréngen.

De Samschden 27. Januar ass erëm wei gewinnt eng klassesch Versammlung vu 14h00 bis 16h00 Auer um Prënzenbierg. Kuckt och bei „ Fir Iech alleguer“ a sot eis w.e.g. an der nächster Versammlung Bescheed op der kennt beim Theater matspillen.

Fir d’Avex :

Salut AvEx, Samschdes den 20.01 an de 27.01 hunn mer normal Versammlung vu 14:00-16:00 Auer um Prënzenbierg. Mir schaffe wéider um Theater, bréngt also puer Iddie mat an denkt drun är Elteren ze froen ob der matspille kennt.

Samschdes de 24.02 maache mir um nationalen AvEx-Nuetsrallye mat. Dier sollt Iech awer elo schonn bis den 19.01 beim Claire Zwick per SMS um 691 309 108 umellen. Weider Infoe kommen no.

Fir d’Carapio :

Den 20. a de 27. Januar hu mer allkéiers eng normal Versammlung vu 14-16 Auer um Prënzebierg, wou mer eis dann weider kreativ un eisem Theaterstéck ausloossen.

Denkt och drun Iech fir de nationalen JoCaPi Rally zu Niederanven (Sonndes de 25. Mäerz 2018) bis den 22. Januar unzemellen. Macht dat mat engem Virement, wieder Detailer kommen no.

LGS Péiteng  Grupp hl. Franz vun Assisi

BCEE IBAN LU 67 0019 6803 7218 2000

15€, Vermierk: JoCaPi + Numm vum CaraPio

Fir d’RaRo : 

De Samschden 20. Januar organiséiere mir fir di zweete Kéier eist RaRo-Wantergrillen. Direkt no de Versammlunge vun den anere Branchen um 16:00 Auer preparéiere mer d‘ „Location“. De Samschden drop den 27 Januar hu mer erëm normal Versammlung vu 16:15-18:15 Auer um Prënzebierg.

Infoziedel Januar 2018

Fir Iech alleguer :

Leschten Rappell fir  d‘Cotisatiounen

Fir e puer Kanner/Jugendlecher ass d’Cotisatioun nach net bezuelt ginn. Léif Elteren maacht dat w.e.g elo, well et muss een d’Cotisatioun bezuele fir kenne Member bei eis ze sinn! Iwwerweist w.e.g 15 Euro fir dat eelst Kand an 12 Euro fir déi aner Kanner op eise Konto: LGS Péiteng  Grupp hl. Franz vun Assisi, BCEE IBAN LU 67 0019 6803 7218 2000 mam Vermierk: Cotisatioun an den Numm vun ärem(n) Kand/Kanner

Infoziedel

Wann dier dësen Infoziedel net méi an Pabeierformat vun der Post kréien wëllt, dann gitt mer einfach är Email-Adress (per Email op claire.dording@gmail.com oder per Telefon : 621683999), fir den Ziedel per Email geschéckt ze kréien. Et besteet natierlech och ëmmer nach d‘Meiglechkeet den Ziedel op eisen Site www.lgspeiteng.lu liesen ze goen, wou en och nach zousätzlech op Franséisch iwwersat gëtt

Fir d’Biber :

Den 6 an den 13 Januar hunn mir wéi gewinnt Versammlung vun 14:00 bis 16:00 um Prënzenbierg. Gespaant wat dat neit Thema ass ??  Dann kommt an d‘Versammlung, do gitt der et gewuer 😉

Fir d’Wëllef :

Alles Guddes am neien Joer gewënscht! Den 6. an den 13. Januar ass wéi gewinnt Versammlung vun 14-16 Auer. Denkt drun: wann et kal ass dann ditt iech entspriechend un, an wann Schnéi läit dann kennt dir een Schlitt matbréngen

Fir d’Avex :

Mir hunn Samschdes, den 6.01 an den 13.01 Versammlung vun 14:00-16:00.  Mir fänken do mat den Préparatiounen fir den Theater un, well et sinn nëmmen nach 2 Méint bis mer spillen. Kommt w.e.g zuvill, dann kennen mer e coolt Theatersteck schreiwen. Hei nach eppes fir op de Kalenner: eise Camp ass dëst Joer vum 21.07-29.07

Fier d’Carapio :

E Samschden, 6. Januar hëllefe mer bei der Pabeiersammlung. Kuckt bei “Fir d’Matarbeschter,…” Nomëttes hu mer Versammlung vu 14-16 Auer um Prënzebierg. Well d’Versammlung virun der Vakanz ausgefall war, huele mer deen d’Dag d’Wichtelen no: Bréngt e klenge Kado mat (selwer gemaach, max. 5€ wäert). Mir wëllen och iwwer de Stand vum Theaterstéck kucken a Rolle verdeelen. Ween net kann do sinn soll sech of mellen an dee Moment och soen ob en am Theater (2. a 3. März) mat spillt.

Bis den 8. Januar kënnt der eng Bestellung opginn fir e CaraPio Süden T-Shirt mat ärem Numm / Spëtznumm um Réck. Déi meescht vun iech hunn hir Gréisst an Numm/Spëtznumm schon uginn, also musst der just nach rechtzäiteg e Virement maachen:

LGS Péiteng  Grupp hl. Franz vun Assisi

BCEE IBAN LU 67 0019 6803 7218 2000

15€, Vermierk: T-Shirt + Numm vum CaraPio

Den 13. Januar ass keng Versammlung wéinst der CaraPio eXtrem Night. RDV fir déi déi ugemellt sinn ass an Uniform den 13.1. um 9:05 zu Péiteng op der Gare. Do huelt der eleng ouni Chef den RB4734 vun 9:15 bis an d’Stat. Waart bei der Stater Gare virum Delhaize: de Gilles kënnt iech dohi mam Auto sichen. Mir iwwernuechten um Neihaischen. Während dem Nuetsraid sidd der an Ekippe vu 4-6 Leit ouni Chef ënnerwee, vu 17 bis 01 Auer. Ënnerwee kritt der z’iessen. Matbréngen: Gamelle, Becher, Läffelsgeschir, Bidon (1L), Spullduch, Uniform a Foulard (undoen), Mutz, Schal, Händschen, Wanderschong, waarm Kleeder fir bei all Wieder dobaussen, Ersatzkleeder, Schlappe fir am Chalet, Schlofsak (keng Matratz), Täscheluucht mat neie Batterien (en Handy ass keng Täscheluucht), e klenge Rucksak fir ënnerwee, Bic a Bloc, perséinlech Medikamenter, e Sécherheetsgilet, eng ausgefëllt Fiche Médicale F09A (lgspeiteng.lu/doc). Schluss ass Sonndes géint 11 Auer, dono bréngt de Gilles iech mam Auto nees heem.

De JoCaPi Rallye fir all d’CaraPio vu Lëtzebuerg ass dëst Joer de Sonnden, 25. Mäerz zu Niederanven (d’Gewënner vum leschte Joer) an dauert vu 7:40 bis 18:43. Detailer kommen no, mä dir musst iech schonn umelle bis den 22. Januar mat engem Virement.

LGS Péiteng  Grupp hl. Franz vun Assisi

BCEE IBAN LU 67 0019 6803 7218 2000

15€, Vermierk: JoCaPi + Numm vum CaraPio

Déi 11. Editioun vum Iron Scout (65km Wanderung) fir CaraPio ass dëst Joer vum 13.-15. Abrëll. D’ Detailer an den Delai fir d’Umeldung kommen eréischt méi spéit, mä haalt iech dee Weekend scho fräi.

Fir d’RaRo : 

Den Samschden 6 Januar as keng Versammlung well mer op der Pabeiersammlung hëllefen, kuckt dofir bei „ Fier d’Carapio, RaRo,….“. Den 13 Januar ass dann erëm eng normal Versammlung um Prënzebierg.

Fir d’Albatrossen:

Eis nächst Versammlung ass den Freiden 12. Januar um 19:00 Auer um Prënzenbierg. Bréngt alleguer e puer Ideen mat wat mer nach kennen fir den Summercamp 2018 ënnerhuelen.

Fir d’CaraPio, RaRo, Albatrossen, Chef, Guilde an Mataarbechter 

Dësen Samschden den 6 Januar ass déi eicht Pabeiersammlung fir d’Joer 2018. Och des Joer ass DENG Hëllef natierlech wëllkomm. Rdv um 8:30 Auer an der Lengerstroos.

Fir op de Kalenner: Hei d’Pabeiersammlungen fir dat ganzt Joer 2018: 3 Februar,10 Mäerz,7 Abrëll,5 Mee,2 Juni, 7 Juli,11 August,15 September,13 Oktober,10 November, 8 Dezember

Fir d’Chef

Den Dënschden 9 Januar ass Grupperoot um 20h  am Avexsall.

 

Programm Januar – Februar 2018

Sam. 06.1.: Pabeiersammlung (Org. Grupp)

Rendez-vous um 8:30h beim Chantier Alleva op der Lénger Strooss. All Hëllef ass net nëmme wëllkomm, mä déck néideg.

Son. 14.1.: Sortie op Peppeng mat Visite vun 3 Muséen.

Rendez-vous A: 10:15h um Parking hannert „Rousen“ (Acces duerch d‘rue de la Liberté).

Rendez-vous B: 10:50h um 38, rue de Crauthem zu Peppeng.

11:00h: Visite guidée vum Kutschemusée, a vun der Expo vun der „Métallurgie ancienne“.

12:30h: Mëttegiessen am Café vum Musée.

14:00h: Visite guidée vum „Musée rural et artisanal“.

Entréespräis (ouni d‘Iessen): 10,00 EUR / Kapp

UMELDUNG fir d‘Mëttegiessen bis den 8.01.2018

um Tel. 43 46 49 (Scherer) oder Mail schererg@pt.lu

Dën. 16.1.: Keelenowend zu Lampech am Café Müller.

Uspill um 20:00h.

Sam. 03.2.: Pabeiersammlung (Org. Grupp)

Rendez-vous um 8:30h beim Chantier Alleva op der Lénger Strooss. All Hëllef ass net nëmme wëllkomm, mä déck néideg.

Mon. 05.2.: Comité um 20:00h am Home

Sam. 17.2.: (an net den 18.02.) Buergbrennen . [Org. Grupp]

De Fakelzuch geet um 18.30h ënne beim Wee fort an d’Buerg gëtt géint 19:00h ugefaang. Jiddereen dee beim Opriichten hëlleft kritt och virum Fakelzuch e gudden Teller Zopp. All déi aner brauchen sech keng Suergen ze maachen, de Grill steet schonns prett.

Dën. 20.2.: Keelenowend zu Lampech am Café Müller.

Uspill um 20:00h.

Fir an den Agenda:

Scoutstheater: 2. & 3.03.2018 (an net den 16. & 17.) D‘Guilde bekëmmert sech ëm d‘Tombola a wier frou Gewënner gestëft ze kréien, déi d‘Martine Schlottert-Didier gären an der Parkstrooss, 12, entgéint hëlt.

Keelenowenter 2018: 16.1. – 20.2. – 20.3. – 19.4. – 13.6.

Pabeiersammlungen 2018: 10.3. – 7.4. – 5.5. – 2.6. – 7.7. – 11.8. – 15.9. – 13.10. – 10.11. – 8.12.

Grill-Party um Kuelbecher-Haff: 29.07.2018

Groupe Hl. Franz vun Assisi