Tag Archives: Verband

Ersatz Plooschteren

Bei engem klenge Bobo wou grad keng Plooschter zu Hand ass kann een sech aus engem Nueschnappeg an Duct Tape (eng Zort Isoléierband) eng Ersatz Plooschter maachen. Vläicht ass dat net déi bescht Léisung iwwer laang Zäit, mä op mannst kënnt esou laang keen Dreck un d’Wonn. Wann ee fäert dass den Band ze vill päscht (soss kommen d’Hoer mat, Aua) kann een en e puermol un der Jeans upäschen an nees lass zéien fir de Päsch méi schwaach ze maachen.

Scoutsziedel bis den 11. Juli 2010

Fir all déi wou mat op den „Mini Interville“ waren:
De Buergermeeschter an de Schäfferot wëllen Iech Merci soen, wëll dir Péiteng esou gutt vertrueden hutt, duerfir invitéieren si iech e Mëttwoch den 30.6 op eng kleng Feier. Kommt alleguer an Uniform (och d’Chef déi mat waren) fir 17.50 Auer fir un de Centre Culturel a Rousen (Maartplaz); et dauert bis 19:30 Auer.
Fir all d’Wëllefcher:
Mir hunn déi 2 nächst Samschdeger, den 3. an den 10. Juli all Kéier vun 14:00-16:00 Versammlung um Bierg. Den 3. prouwen mir eist Zirkusopféierung, bréngt all är Verkleedungen mat.  Fir d’Elteren: Kommt alleguer den 10. Juli um 15:00 op de Bierg an den Zirkus! Ausserdeem kritt dir och wichteg Informatiounen fir de Camp.
Fir all d’ AvEx:
Samschdes den 3. an den 10. Juli ass all Kéier  Versammlung vun 14:00 bis 16:00 um Bierg. Et ass wichteg dass jiddereen den mat op den Camping geet do ass, well mir fänken un eis Wikingerverkleedung ze maachen. Detailer zum Camping kommen no.
Un d’Elteren vun den Avex:
Et misst lo nach de Rescht vum Camp bezuelt ginn, dat wären 130 € op de Kapp. Iwwerweist déi Suen w.e.g. op de Compte Peitenger Guiden a Scouten: BCEE IBAN LU 67 0019 6803 7218 2000 mam Vermierk : Avex Camp 2010 mat Numm an Virnumm.
Fir all CaraPio:
Samschdes den 3. Juli ass Versammlung vun 14:00 bis 16:00 um Bierg. Moies ass  Pobeiersammlung, kommt zu fill mir brauchen iech. Merci!
Sonndes den 11. Juli hu mir nach eng Kéier een LARP treffen, R.D.V. ass um 13:00 beim ale Pompjeesbau; um 17:00 si mir zeréck. Et misst lo nach de Rescht vum Camp bezuelt gin, daat wären 220 € op de Kapp. Iwwerweist dei Suen w.e.g. op de Compte Peitenger Guiden a Scouten: BCEE IBAN LU 67 0019 6803 7218 2000  mam Vermierk : CaraPio Camp 2010 mat Numm an Virnumm. Détailer zum Camping kommen no. Liest och bei: Fir all d’Mataarbechter, Chef, RaRo an CaraPio.
Fir all d’RaRo:
Samschdes den 3. an den 10. Juli ass all Kéier  Versammlung vun 16:00 bis 18:00 um Bierg. Et misst lo nach de Rescht vum Camp bezuelt ginn, dat wären 250 € op de Kapp. Iwwerweist dei Suen w.e.g. op de Compte Peitenger Guiden a Scouten: BCEE IBAN LU 67 0019 6803 7218 2000 mam Vermierk : RaRo Camp 2010 mat Numm an Virnumm. Détailer zum Camping kommen no. Liest och bei: Fir all d’Mataarbechter, Chef, RaRo an CaraPio.
Fir all d’Mataarbechter, Chef, RaRo an CaraPio:
Den 3. Juli an den 14. August  ass Pabeiersammlung, hoffentlech kenns du hëllefen, elo schonns villmools Merci! R.D.V. ass um 8:30 zu Péiteng op der Léngerstrooss.
E Mëttwoch, den 7. Juli gi mir (CaraPio, RaRo, Chefen a Cheftainen, …)  an d’Géisserei.  Hei ass eng interessant Versammlung zum Thema : Scoutsresistenzler, e Gespréich mat Zäitzaien vun deemools. Dest ass eng eemoleg Geleeënheet, weider Informatiounen fannt dir op : lgs.lu/node/566. Mellt iech w.e.g. bis den 3.07 beim Davy un: [benotzt w.e.g. den Kontaktformular. -Gilles]  oder um 691 260 841. Mir treffen eis um 18:00 an Uniform beim aalen Pomjeesbau.
Donneschdes den 29.7 maachen mir mat bei der Vakanzaktioun, wou d’Kanner aus dem 1. an 2. Schouljoer e flotten Nomëtten bei eis verbréngen. Den Vakanznomëtteg ass eng super Geleeënheet fir Reklamm ze maachen. Mir brauchen moies vun 9:00 Auer un  a mëttes vun 13.30 Auer  viiiiil Leit déi eis hëllefen. Mell dech w.e.g. bis den 10. Juli  beim Guy um 691435358 un.

70 Joer Scoutsresistenzler

Scouten an der ResistenzDen LGS Verbandscomité invitéiert op e Gespréich mat Zäitzeien vun dem zweeten Weltkrich:

70 Joer nodeem sech op der Escher Grenz couragéiert Scouten bereed soten, de Nazien d’Stiir ze bidden an an d’Resistenz ze goen, wëlle mer haut de Scouten vun deemols eng Stëmm ginn.

Rendezvous fir all interesséiert Memberen ass, an Uniform, den 7. Juli 2010 um 19:00 an der Géisserei. Méi Informatiounen iwwert den Evenement, souwéi Flyeren zum Thema fannt der um Site vun den Lëtzebuerger Guiden a Scouten: http://lgs.lu/node/566.

Liest och den interessanten Artikel “Scouten am Zweete Weltkrich.”