Category Archives: Neiegkeeten

Neiegkeeten rondrëm de Grupp oder iwwer d’Scouten am allgemengen déi net am Scoutziedel dran sin.

Programm vun der Guilde Februar - März - Abrëll 2020

Sam. 15.02.: Pabeiersammlung
Rendezvous um 8:30h um fréiere Site Eucosider. All Hëllef ass wëllkomm.

Sam. 29.02.: Buergbrennen
Ab 9:00 Auer treffen mir eis zu Péiteng um Prenzebierg, wou mir d‘Buerg opriichten. Owes um 18 :30 Auer fänkt den Fakelzuch ënnen bei der Eucosider un.

Dën. 03.03. : Keelenowend am Café Muller zu Lampech
Rendezvous um 20 :00 Auer.

Fr. & Sam. 6. + 7. 03. : Theater
Freides a Samschdes spillen eis Branchen zu Péiteng am Home Theater. Den Riddo geet um 19 :30 Auer op. Vergiesst net är Plazen ze reservéieren.
Mataarbechter sinn gebieden schonn ab 17 Auer ze kommen.
D’Memberen déi nach eppes fir an Tombola hunn, kennen hier Gadgeten ab den 02.03. am Home ofginn. Ab 19 Auer ass ëmmer een do, well an dëser Zéit sinn Prouwen.

Sam. 14.03.: Pabeiersammlung
Rendezvous wéi gewinnt um 8:30h um fréiere Site Eucosider. Kommt w.g.l hëllefen.

Sam. 21.03 : Filmowend « E Liewe laang » vum Emil Angel, Member vun der Guilde
Treffpunkt um 19 :00 Auer am Péitenger Chalet.

Son. 29.03. : Scout-Resistenzdag mat Mass an Generalversammlung
Rendezvous um 9 :30 h zu Péiteng hannert Rousen.
Mëttesiessen ass um 13 Auer am Restaurant « Parc Laval ».
Mellt Iech wgl. bis den 20.03. beim Georges un (691 434 649).

Mon. 30.03.: Comité.
Um 20:00 h am Home zu Péiteng.

Sam. 04.04.: Sortie op de Lac de Cherapont mat Picknick
1. Départ um 9 :00 Auer zu Péiteng hannert Rousen.
2. Départ ass um 10 :30 Auer um Parking vum Lac de Cherapont.
Den Tour ass ong . 6 – 7 Kilometer laang. Jiiddereen bréngt sain
eegenen Picknick mat an muss deen och droen.

Sam & Sonn. 18. & 19.04.: Pabeiersammlung an Schaffweekend
Mir treffen eis um 8 :30 Auer zu Péiteng op der Eucosider. Fir
d’éischt sammelen mir den Pabeier. Soubal d‘Pabeiersammlung
ofgeschloss ass, schaffen a botzen mir am an ronderëm de Chalet.
Et handelt sech em een Weekend, dowéinst schlofen mir am Chalet.

Sam. 25.04. :Generalversammlung
D’Generalversammlung ass den 25. Abrëll an fänkt um 18.00 Auer
un. Traditionell get et no der Versammlung eppes z’iessen.

Theater 2020

De 6. an 7. Mäerz spille mir Theater zu Péiteng am Home St.Hubert. Riddo ass um 19:30. Fir unzefänke spillt all Branche e kuerzt Stéck. D’Cheféquipe spillt Kuddel Muddel, e lëschtegen Dräi-Akter vum Josy Christen.

De Präis ass 10€ fir Erwuessener a 5€ fir d’Kanner. Déi Kanner wou matspille mussen natierlech näischt bezuelen, Kanner bis 6 Joer sinn och gratis. Reservéiert hinnen awer eng Plaz mat, sot just bei der Reservatioun dass et fir een ass wou mat Theater spillt oder nach keng 7 Joer huet.

Dir kennt Är Plaze vun elo un, um 621 814 883 reservéieren. Rufft w.e.g. eréischt no 18:00 Auer un! 

Relevant Fotoen (automatesch generéiert)

Programm vun der Guilde: Januar-Februar 2020

Den. 07.01.: Keelenowend zu Lampech
Ufank um 20 :00 Auer.

Sam. 11.01: Pabéiersammlung
Rdv wéi emmer um 8.30 Auer bei der Eucosider.

Son. 26.01.: Hierkeniessen
Am Januar fënnt erëm een vun eisen traditionellen Iessen statt. Mir iessen um 12 Auer zu Péiteng am Chalet. Et ass wichteg, dass Dir iech umellt ! Am Nomëtten ginn, wann der Loscht an Zéit hutt, nach gemeinsam Gesellschaftsspiller gespillt. Umeldung bis den 19.01.2019 beim Martine : 621 414 040.

Den. 04.02.: Keelenowend zu Lampech
Ufank um 20 :00 Auer.

Mon. 10.02.: Comité
Um 20:00 h am Home

Sam. 29.02.: Buergbrennen
Ab 9:30 Auer treffen mir eis zu Péiteng um Prenzebierg, wou mir Buerg opriichten. Owes um 18 :30 Auer fänkt den Fakelzuch ënnen bei der Eucosider un.

Datumer fir op den Agenda:

Theater : 6 & 7.03.2020 

Summerfest : 12.07.2020

Mir wënschen Iech nach een schéint néit Joer !

Programm vun der Guilde: Oktober-November

Sam. 05.10.: Pabeiersammlung
Rendez-vous um 8:30 Auer um fréiere Site Eucosider. Är Hëllef gëtt dringend gebraucht !
Sam. 05.10.: Franziskus-Mass
Wéi all Joers gedenken mir um Namensdag vun eisem Schutzpatréiner dem Hl. Franz vun Assissi un eis Verstuerwen Memberen a Frënn. Dowéinst fënnt den 05. Oktober um 15 :30 Auer eng Mass bei der Kapell um Prenzebierg statt. No der Mass ass nach ee klengen Apero um Prenzebierg.
Den. 08.10.: Keelenowend am Café Muller zu Lampech
Ufank wéi ëmmer um 20 :00 Auer.
Fr. 11.10. : Guildendag
Den 11. Oktober ass den Guildendag am Possenhaus zu Bech-Klengmacher.
Rendez-vous : um 10 :45 Auer beim Musée « A Possen » mam Poppemusée, 2, Keeseschgaessel fir eng individuell Visitt ëm 11 Auer. D’Visitt kascht 5 Euro.
Fir d’Iessen si mer niewendrun an der « Wäistuff a Possen » géint 12 :30 Auer. Mir iessen à la Carte. Beim Kaffi halen mir eng kuerz, mee obligatoresch Generalversammlung.
Mellt iech un bis allerspéitstens den 4. Oktober beim Martine : 621 414 040.
Et besteet Méiglechkeet mam ëffentlechen Transport ze fueren, weider Infoen kritt der bei der Umeldung.
Sam. 26.10.: ArtistinderKirche
Besuch vun ong. 1 ½ Stonn vun der Kënschtlerin Josiane Ginter, Member vun der Guilde, zu Malberg.
Link : http://artistinderkirche.com/index.php/de/
Rendez-vous um 9 :30 Auer hannert Rousen.
Fir Mëttes iesse mer an der Pizzeria « Bella Italia » zu Kyllburg.
Nom Iessen besichen mir nach Schlass Malberg.
Retour ass géint 17 Auer. Umeldungen beim MARCO : 621 346 812
Sam. 02.11.: Pabeiersammlung
Rendez-vous um 8:30h um fréiere Site Eucosider. Merci fir är Hëllef.
Sonn. 10.11.: Mines zu Hussigny
Mir man zu Hussigny een Tour duerch d’Minère. Entrée ass 10 Euro op de Kapp.
Rendez-vous um 8 :45 Auer um Parking hannert Rousen zu Péiteng. No eisem Ausfluch duerch d’Minen ginn mer zesummen iessen (Restaurant « Angolo Divino » Zolwereck) Umeldungen bis den 05. Oktober beim Martine 621 414 040.
Mon. 11.11.: Comité.
Um 20:15 Auer am Home
Den. 19.11.: Keelenowend am Café Muller zu Lampech
Ufank um 20 :00 Auer.
Dezember 2019 : Wanteraktioun bei der Caritas
Séit 2001 hëlleft Caritas dem Familljeministère den Sans-abri een Mëttesiessen ze verdeelen. Bei dëser Aktivitéit, genannt Wanteraktioun, ginn all Joers Fräiwëlleger gesicht fir ze hëllefen. Dëst Joer wëllen mir gären mat den Albatrossen dobäi hëllefen. Bei Interessi kennt der iech beim CHRISTELLE    691 930 641 mellen an informéieren. Déi genau Datumer kritt der dann matgedeelt.

Programm vun der Guilde: Juli - August 2019

Ce n’est qu’un au revoir
Den 20. Mee 2019 ass eise Member
Fernand Spies am Alter vun
86 Joer vun eis gang
an den
31. Mee 2019 huet eis Member Irène Heyart-Walin
eis am Alter vun 80 Joer fir ëmmer verloss.
Allen zwee hunn si aktiv bei eiser Lepra-Aktioun matgehollef.
Mir wärten si a gudder Erënnerung behalen.
Dem Gilberte Spies-Meyer an der Famill Heyart drécke mir nodréiglech eist
Bäilled aus.

Sam. 06.07.: Pabeiersammlung
Rendez-vous um 8:30h um fréiere Site Eucosider. All Hëllef ass wëllkomm.

Mon. 12.08.: Comité
Um 20:00h am Home

Sam. 03.08.: Pabeiersammlung
Mir treffen eis um 8:30h um fréiere Site Eucosider.

Sam. 10.08.: Treppeltour op Käerch
Trëppeltour vun ong. 7 km duerch den Härebesch zu Käerch.
De Samschden 10. August treffen mir eis :
1. Rdv um 13:30h zu Péiteng hannert « Rousen »
2. Rdv um 14:00h zu Käerch um Parking bei der Gemeng

Son. 14.07. : Grillfest um Kuelbecherhaff
Rendez-vous um Haff vun 11 :00 Auer un. Um Menü ass Fierkel um Spies mat Gromperen. Präis : +/- 20 €
E Grill fir déi, déi keen Fierkel iessen ass op der Plaz. Eppes fir op den Grill muss een sech selwer matbrengen.
Jidereen soll sech sein Gedrenks selwer matbrengen. Geméiszaloten an Desser brengen Memberen vum Comité mat.
« Promenade digestive » nom Iessen.
Wien Loscht huet, kann mam Fernand Glod mam Velo op den Haff fueren. Dir kennt iech fir Détailler bei him mellen um 691 507 737.

Zesummesetzung vum Comité fir nächst Joer
Eirepresident : BROSIUS Norbert
President : SCHERER Georges
Vize-President : MARTIN Arnold
Sekretärin : SCHLOTTERT Martine
Sekretärin adjointe : MASUTTI Christelle
Trésorier : FELTEN Alex
Memberen: QUINTUS Marco,
GUIRSCH Robert,
LIPPERT Fritz,
GLOD Marianne