Category Archives: Neiegkeeten

Neiegkeeten rondrëm de Grupp oder iwwer d’Scouten am allgemengen déi net am Scoutziedel dran sin.

Theater 2016: Eng Kur zu Mondorf


Programm vun der Guilde: Januar - Februar 2016

 


Sam. 9.1.:  Pabeiersammlung [Org. Grupp]

Rendezvous um 8:30h beim Chantier Alleva op der Léngerstrooss.

All Mataarbecht ass wëllkomm.

Don. 21.1.:  Keelenowend

Uspill um 20:00h am Café Müller zu Lampech

Sam. 23.1.:  Sortie: Vum Sennengerbierg op de Kierchbierg.

Départ: Péiteng-Gare um 10:47h mam Zuch an d’Stad, da mam Bus 29 um 11:27h op de Sennengerbierg.

Mëttegiessen am Restaurant Poiré.

Duerno: gemittlecher Fousstour iwwer de Kiem op de Kierchbierg (5 km)

Visite vun der Tramsmaquette.

Retour mam Bus op d’Gare a mam Zuch op Péiteng.

Umeldung bis Mëttwochs, 20.1. um Tel: 43 46 49 (Scherer)

Sam. 6.2.:  Pabeiersammlung [Org. Grupp]

Rendezvous um 8:30h beim Chantier Alleva op der Léngerstrooss.

All Mataarbecht ass wëllkomm.

Sam. 13.2.:  Buergbrennen [Org. Grupp]

Jiddereen ass häerzlech invitéiert um Buergbrennen deelzehuelen. De Fakelzuch geet um 18:30h ënnen am Wee (rue Belle-Vue) fort an d’Buerg gëtt géint 19:00h ugefaang. Géint Honger an Duuscht ass gesuergt, de Grill steet schons prett. D’Mataarbecht vun der Guilde beim Opriichten an Ofbrenne vun der Buerg gëtt, sou wéi all Joer, staark begréisst.

Mon. 15.02.:  Comité um 20:00h am Home

Don. 18.02.:  Uucht: „E Péitenger zu Esch/Sauer“ um 20:00h zu Péiteng am Home

Eise Member Guy Hansen, 6 Joer laang Buergermeeschter zu Esch/Sauer, erzielt: „1.200 Joer Esch/Sauer“


De Comité wënscht all Membre vun der Guilde e glécklecht neit Joer bei gudder Gesondheet !


Sam. 20.02.:  Sortie
op Kéinzeg

Mam Bus 334 vu Péiteng/Gare, dep. 10:45h, op Féngeg/Dillesbierg, arr. 10:58h.
Fousstour a Richtung „Geessenhaischen“, dann iwwer d’Vëlospist PC 12 op Kéinzeg = 3 km.
Mëttegiessen am Restaurant „Rugantino“, 1, rue de Bascharage, Kéinzeg: „à la carte“
Retour entweder – mam Trëppeltour iwwer de Kierchepad op Péiteng = 6 km  oder – mam Bus 334, dep. 14:21h oder 15:21h op Péiteng.
Umeldung bis den 16.02. beim Martine, Tel: 53 32 71 oder GSM : 621 414 0470 oder Mail: jschlott@pt.lu


Don. 25.2.:  Keelenowend

Uspill um 20:00h am Café Müller zu Lampech

Fir an den Agenda

Pabeiersammlungen: 12.03.;  9.04.;  7.05.;

Keelenowenter: 16.03.;  21.04.;

Scoutstheater:  4./5.03.;

De Comité wënscht all Membre vun der Guilde e glécklecht neit Joer bei gudder Gesondheet !

Programm vun der Guilde: November-Dezember 2015

Sam. 14.11.: Pabeiersammlung [Org. Grupp]

Rendezvous um 8:30h beim Chantier Alleva op der Léngerstrooss.

All Mataarbecht ass wëllkomm.

Sam. / Son. 14./15.: Aarbechtsweekend um Kuelbicherhaff [Org. Equipe Kuelbicherhaff]

Rendezvous: Samschdes um 9:00h an/oder Sonndes um 9:00h um Haff

Fir Iessen an Drénken ass gesuergt.

Matbréngen: Schaffgezei an, wann ee wëllt do schlofen, Schlofsaachen wéi Schlofsak asw.

Umelle bis den 11.11. beim Claude Poensgen, GSM 621 294 348, wou Dir all Informatioune kritt.

Sam. 21.11.: Äscht schneiden [Org. Grupp]

Rendezvous um 9:00h zu Péiteng beim ale Pompjeesbau.

Méin. 23. – Frei. 27.11.: Schaffen um Prënzebierg [Org. Grupp]

Wickele vun Adventskränz a Bastele vun Adventsarrangementer déi um Niklosmaart verkaaft ginn. Rendezvous all Dag vun 19:00h un am Chalet.

Sam. / Son. 28./29. 11.: Niklosmaart virum Stadhaus, wou mir eis Dekoratiounen verkafen. Och hei ass d’Mataarbecht vun der Guilde wëllkomm, a sief et och nëmmen als „acte de présence“.

Méin. 7.12.: Comité um 20:00h am Home.

Mët. 9..12.: Keelenowend mat Agape

Rendezvous um 19:00h am Café Müller zu Lampech.

Menü: Choucroute bien garnie mat Dessert a Kaffi fir 21,00 EUR

Umelle bis Méindes, 7.12., 12:00h um Tel. 50 21 03 (Peiffer) oder Mail guilde-petange@pt.lu

Sam. 12.12.: Pabeiersammlung [Org. Grupp]

Rendezvous um 8:30h beim Chantier Alleva op der Léngerstrooss.

All Mataarbecht ass wëllkomm.

Sam. 19.12.: 14:00h Wanterwanderung iwwert de Prënzebierg

Rendezvous ënnen an der Belle-vue-Strooss (Coin-de-terre-Lokal)

17:30h Mass mat Friddensliichtfeier an der Kierch zu Péiteng, animéiert vum Grupp. [Org. Grupp]

19:00h Chrëschtveillée, am Chalet um Prënzebierg, animéiert vum Renée

Duerno: Träipeniessen

Mir organiséieren no der Mass eng Transportméiglechkeet fir déi, déi Problemer hu fir op de Bierg ze kommen; bei der Umeldung mat uginn w.e.gl.

Umeldung bis den 14.12. um Tel. 50 32 71 oder 621 414 040 (Schlottert) oder Mail jschlott@pt.lu

Ce n’est qu’un au revoir

De 7. Oktober 2015 huet eise laangjäerege Member Louis Weber eis am Alter vun 80 Joer no laanger Krankheet fir ëmmer verlooss. De Louis war säi Liewe laang en engagéierte Scout a Guildemember. Hien huet jorelaang aktiv bei eiser Lepra-Aktioun matgehollef. Seng grouss Passioune waren d’Astronomie, den Alpinismus, d’Photographie, d’Liesen, d’klassesch Musek, d’Sangen an d’Kachen. Mir wäerten hien a gudder Erënnerung behalen

 

Mäi Kand umellen

Wann ärt Kand bei eise Versammlungen an Aktivitéiten wëll deelhuelen, ass et ganz einfach fir et un ze mellen. Kommt einfach an eng vun eise Versammlugen a schwätzt mat engem vun de Chef. Si erklären iech alles a soen iech wéi eng Altersbranche bei d’Kand oder de Jonke passt. Dozou kënnt der scho méi liesen am Deel Iwwert eis.

Wéini eis Versammlunge si gesidd der am Agenda. Déi éischt Versammlung fir d’Joër 2017-18 fir d’Branchen Biber, Wëllef, AvEx a CaraPio ass e Samgde 16. September vu 14:00-16:00. D’RaRo (17-23 Joër) gesi sech vu 16:15-18:30.
Mir treffen eis gewéinlech bei eisem Chalet an der rue Belle Vue zu Péiteng. Loost den Auto am léifsten ënne Stoen a kommt zu Fouss de Bierg erop.

Scout fir een Dag 2015

Wéi d’lescht Joer organiséieren d’Péitenger Guiden a Scouten och fir dëse Start an dat neit Scoutsjoer eng ganz Rei Aktivitéiten, Atelieren a Spiller fir Grouss a Kleng. Kommt a besicht eis de 26. September ab 15 Auer zu Péiteng bei der Gemengeplaz a maacht iech e Bild dovun wat mir alles ënnerhuelen. Fir Iessen a Gedrénks ass gesuergt.

D’Péitenger Guiden a Scouten begréisse Kanner a Jonker ab dem 2. Cycle bis 23 Joer Samschdes vu 14-16 Auer um Prënzebierg.

Kuckt eis Fotoe vum Scout fir een Dag 2014: