Guilde

Hei stinn all d’Artikelen vum Site déi an d’Kategorie Guilde gesat goufen.

  • PROGRAMM VUN DER GUILDE: SEPTEMBER 2019 18/08/2019

    Sam. 31.08.: Trëppeltour op Käerch
    Opgrond dovunner, dass den Trëppeltour vum 10. August wéinst den schlechten Wiederkonditiounen ofgesot gouf, wäerten mer dessen um Schluss vum Mount realiséieren.
    Trëppeltour vun ong. 7 km duerch den Härebesch zu Käerch.
    De Samschden 31. August treffen mir eis :
    1. Rdv um 13:30h zu Péiteng hannert « Rousen »
    2. Rdv um 14:00h zu Käerch um Parking bei der Gemeng

    Umeldungen beim Martine um : 621 414 040

    Sam. 07.09.: Pabeiersammlung
    Rendez-vous um 8:30h um fréiere Site Eucosider. All Hëllef ass wëllkomm.

    Méi. 09.09.: Commémoration officielle de la libération
    Rendez-vous um 18:15h virun der Gemeng fir den Cortège.

    Sam. 14.09.: Commémoration officielle de la libération
    Um 9:30h ass Mass an der Péitenger Kierch duerno Zeremonie bei der Borne du Passeur.

    Sam. 21.09.: Kleedersammlung
    Rendez-vous um 9:00h beim alen Pompjeesbau zu Péiteng. All Hëllef ass häerzlech wëllkomm.

    Méi. 23.09.: Comité
    Um 20:00h am Home.

    Continue reading →
  • Programm vun der Guilde: Juli - August 2019 04/07/2019

    Ce n’est qu’un au revoir
    Den 20. Mee 2019 ass eise Member
    Fernand Spies am Alter vun
    86 Joer vun eis gang
    an den
    31. Mee 2019 huet eis Member Irène Heyart-Walin
    eis am Alter vun 80 Joer fir ëmmer verloss.
    Allen zwee hunn si aktiv bei eiser Lepra-Aktioun matgehollef.
    Mir wärten si a gudder Erënnerung behalen.
    Dem Gilberte Spies-Meyer an der Famill Heyart drécke mir nodréiglech eist
    Bäilled aus.

    Sam. 06.07.: Pabeiersammlung
    Rendez-vous um 8:30h um fréiere Site Eucosider. All Hëllef ass wëllkomm.

    Mon. 12.08.: Comité
    Um 20:00h am Home

    Sam. 03.08.: Pabeiersammlung
    Mir treffen eis um 8:30h um fréiere Site Eucosider.

    Sam. 10.08.: Treppeltour op Käerch
    Trëppeltour vun ong. 7 km duerch den Härebesch zu Käerch.
    De Samschden 10. August treffen mir eis :
    1. Rdv um 13:30h zu Péiteng hannert « Rousen »
    2. Rdv um 14:00h zu Käerch um Parking bei der Gemeng

    Son. 14.07. : Grillfest um Kuelbecherhaff
    Rendez-vous um Haff vun 11 :00 Auer un. Um Menü ass Fierkel um Spies mat Gromperen. Präis : +/- 20 €
    E Grill fir déi, déi keen Fierkel iessen ass op der Plaz. Eppes fir op den Grill muss een sech selwer matbrengen.
    Jidereen soll sech sein Gedrenks selwer matbrengen. Geméiszaloten an Desser brengen Memberen vum Comité mat.
    « Promenade digestive » nom Iessen.
    Wien Loscht huet, kann mam Fernand Glod mam Velo op den Haff fueren. Dir kennt iech fir Détailler bei him mellen um 691 507 737.

    Zesummesetzung vum Comité fir nächst Joer
    Eirepresident : BROSIUS Norbert
    President : SCHERER Georges
    Vize-President : MARTIN Arnold
    Sekretärin : SCHLOTTERT Martine
    Sekretärin adjointe : MASUTTI Christelle
    Trésorier : FELTEN Alex
    Memberen: QUINTUS Marco,
    GUIRSCH Robert,
    LIPPERT Fritz,
    GLOD Marianne

    Continue reading →
  • Programm vun der Guilde: Mee-Juni 2019 15/05/2019

    Sam. 18.05.: Feier zu 100 Joer Scoutismus
    De Samschden 18 Mee feieren d’Lëtzebuerger Guiden a Scouten am ganze Land hiren 100ten Gebuertsdag. Dofir ginn op 3 Plaze Feierlechkeeten organiséiert. Dir sidd häerzlech invitéiert mat der ganzer Famill vun 10h00-18h00 op Esch/Belval bei d’Héichiewen kucken ze kommen. Do kann een flott Spiller a Workshops maachen, an natierlech och eppes Guddes iessen an drénken. Eise Grupp wäert mathëllefen a freet sech op äre Besuch.

    Sam. 26.05. : Trëppeltour iwwert den Hierchtbierg
    Rendez-vous um 14 :00 h um Parking niewent der Kierch (rue Gillardin).

    07. – 11.06. : Kandersteg
    10 Persoune sinn ugemellt.

    Mëtt. 12.06.: Keelenowend mat Agape am Café Muller zu Lampech
    Ufank schon um 19 :00 Auer. Um Menü : Haam, Fritten an Zalot.
    Umelldung beim Martine Schloettert ! (Nummer um Enn vum Ziedel)

    Sam. 15.06.: Chaletfest zu Rodange
    Rodanger Guiden a Scouten féieren hiert jäerlech Chaletfest, bei deem mir häerzlech wëllkomm sinn. Eisen Grupp hëlleft ab 14 :00 h an verkeeft op engem Stand Kaffi a Kuch.
    Adress: Rue de la Minière, 4772 Rodange

    Son. 16.06. : Traditionell Sortie op Bilschdrëf op d’Guiden /Scoutskiermes
    Rendez-vous um 10 :00 h zu Péiteng hannert Rousen oder um 10.55 h zu Bilschdrëf beim Relais de l’Amitié.
    11 :00 Auer : Scoutsmass um Terrain, dono Apéritif. Mëttesiessen um 12 :00 Auer à 23,00 EUR.
    Menü : Zopp, Kallefsbrëschtchen mat Speckgromperen a Geméis, Dessert.
    Umelldungen beim Martine Schlottert (Nummer um Enn vum Ziedel) bis den Don. 06.06.

    Son. 23.06.: Nationalféierdag
    Rendez-vous um 10.15 Auer beim Centre de Loisir zu Lamadelaine fir beim Cortège matzegoen.
    Ab 10.00 Auer riicht den Grupp zu Péiteng am Park hannert dem Gemengenhaus Spiller an Aktivitéiten fir dës Feierlechkeeten op. All Hëllef ass wëllkomm.

    Mon. 24.06.: Comité.
    Um 20:00 h am Home.

    Son. 14.07. : Grillfest um Kuebecherhaff
    Um Menü ass Fierkel um Spiess. Fir den Prais kennen festzeléen, brauchen mir déi genëee Unzuel vun Persounen. Dofir ass eng Umelldung bis den 01.07. beim Martine Schloettert noutwendeg. Détailler kritt dir op eisem nächsten Ziedel.

    Fir d’Umelldungen :
    Martine Schlottert
    TEL. : 50 32 71
    GSM. : 621 414 040
    Mail : didier.martine@education.lu

    Mat beschten Scoutsgréiss,
    äre Comité.

    Continue reading →
  • PROGRAMM VUN DER GUILDE: Abrëll 2019 27/03/2019

    Sam. 13.04.: Pabeiersammlung

    Rendez-vous um 8:30h um fréiere Site Eucosider. All Hëllef ass wëllkomm.

    Dën. 16.04.: Keelenowend am Café Müller zu Lampech.

    Uspill um 20:00h

    Sam. 27.04.: Generalversammlung am Chalet um Bierg.

    Ufank um 19:00h

    Ordre du jour:

    1. Usprooch vum President

    2. Aktivitéitsrapport vun der Sekretärin

    3. Keessrapport vum Trésorier

    4. Rapport vun de Keess-Kontroller

    5. Zoustëmmung vun de Rapporten an Décharge vum Comité

    6. Wale fir de Comité a Confirmatioun vun de Keesskontroller Austriedend an erëmwielbar sinn: Felten Lex, Martin Arny, Peiffer Carlo . Weider Kandidature gi vum President entgéintgeholl.

    7. Festleeë vun der Cotisatioun 2020

    8. Aktivéitsrapport vun der Gruppecheftaine

    9. Aktivitéite vun der FLGS (Fréier Lëtzebuerger Guiden a Scouten)

    10.Rapport vun der Equipe “Kuelbecherhaff”

    11. Zoukënfteg Aktivitéiten

    12.Divers

    13.Agape (Pizza “fait maison”, och vegetaresch) offréiert vum Caissier Umeldung bis Dënsch., 23.04. um 12:00h beim Martine Schlottert, Tel. 50 32 71; GSM 621 414 040 oder Mail didier.martine@education.lu

    Persounen, déi Problemer hu fir op de Prënzebierg ze kommen, sollen dat bei der Umeldung uginn. Mir organiséieren den Tranport.

    Méin. 29.04.: Comité am Home um 20:00h

    Mëtt. 1.05.: Gedenkzeremonie um Neiheisgen

    mat Mass, Planze vun engem Bam an Apéritif. Ufank: 10:00h

    Sam. 4.05.: Sortie an d’Éislék.

    Transfert mat Privatautoen

    Rendez-vous A: 8:00h hannert “a Rousen”zu Péiteng.

    Rendez-vous B: 9:30 um 3-Länner-Eck tëscht Léiler an Ouren

    Zu Fouss bei d’Kaalbermillen = 4 km

    11:00h: Visite guidée vun der Flosspärelziichterei. Wie wëlt an d’Our goen, muss Gummis-Stiwele matbréngen.

    12:30h: Mëttegiessen à la carte am Resto “Cornelyshaff” zu Hengescht.

    Nomëttes Geleeënheet fir ronderëm de Wampecher Séi ze spazéieren.

    Umeldung an Info: bis Dënschdes 30.04. beim Marco Quintus Tel. 39 76 07 ; GSM 621 346 812 ; Mail: marco.quintus5@gmail.com

    Sam. 18.05.: Informatiounsversammlung fir d’Participanten vun eiser Rees op Kandersteg, um 17:00h, doheem beim Marco Quintus, 12 D, rue de Steinfort, Koerich

    Fir an den Agenda

    Keelenowenter 2019: 8/05.; 12/06.; 8/10.; 19/11.; 4/12

    Pabeiersammlungen 2019: 11/05.; 8/06.; 6/07.; 3/08.; 7/09 / 5.10. / 9.11. / 7.12.

    Ausfluch op Kandersteg: 7. – 10/06/2019 (Keng Umeldunge méi méiglech)

    Kiermes zu Bilschdrëf: 16/06/2019

    Grillfest um Kuelbecherhaff: 14/07/19

    Continue reading →
  • PROGRAMM VUN DER GUILDE: MÄERZ 2019 01/03/2019

    Frei. 1.03. + Sam. 2.03.: Theater vum Grupp am Home.

    Rido um 19:30h (Org. Grupp)

    Reservatiounen all Dag no 18:00h um GSM 621 814 883 (Elsen)

    D’Guilde bekëmmert sech ëm d’Tombola a wier frou Gewënner gestëft ze kréien, déi d’Martine Schlottert-Didier gären an der Parkstrooss, 12, entgéint hëlt.

    Sam. 9.03: Buergbrennen. (Org. Grupp)

    De Fakelzuch geet um 18.30h ënne beim Wee fort an d’Buerg gëtt géint 19:00h ugefaang.

    Jiddereen dee beim Opriichten hëlleft, kritt och virum Fakelzuch e gudden Teller Zopp. All déi aner brauchen sech keng Suergen ze maachen, de Grill steet schonns prett.

    Mon. 11.03.: Comité. Um 20:00h am Home

    Sam. 16.03: Pabeiersammlung (Org. Grupp)

    Rendez-vous um 8:30h um fréiere Site “Eucosider”. All Hëllef ass net nëmme wëllkomm, mä déck néideg.

    Son. 17.03.: Scoutsresistenzdag zu Esch/Grenz (Org.: Lëtzebuerger Scouten an der Resistenz)

    10:30h Mass an der Grenzer Kierch, Duerno Generalversammlung vun “LS an der Resistenz” am Wëllefcherssall ënnert der Kierch. 13:00h Mëttegiessen am Resto “Le Parc Laval” bei der Badanstalt. Umeldung bei Duhr Emil, tel. 59 35 67

    Son. 17.03.: Hierkeniessen um 12:30h am Chalet um Bierg

    Nomëttes ass eng “Promenade digestive” iwwer de Bierg.

    Umeldung bis den 10.03. beim Martine Tel. 50 32 71 ; GSM 621 414 040 ; Mail didier.martine@education.lu

    Continue reading →
  • Programm vun der Guilde: Februar 2019 31/01/2019

    Sam. 9.02.: Pabeiersammlung

    Rendez-vous um 8:30h um fréiere Site Eucosider. Wat méi Mataarbechter, wat mer éischter fäerdeg sinn.

    Méin. 11.02.: Comité am Home

    Ufank: 20:00h

    Sam. 16.02.: Sortie

    Rendez-vous um 10:00h zu Rolleng (Lamadelaine) bei der Grondmillen, rue du Vieux Moulin

    Programm: Visite vun der aler Millen

    Durno zu Fouss iwwer den Tëtelbierg.

    Mëttegiessen am Fond-de-Gras bei der (eenzeg richteger an originaler) Giedel.

    Iessen à la carte

    Visite vun der läschter Raschtplaz vum Florent Feller um Bëschkirfecht.

    Zu Fouss op Rolleng.

    Visite vum Lokal vun de Geschichtsfrënn.

    Umeldung bis den 13.02.19 um 12:00h entweder Tel. 50 21 03 (Peiffer) oder Mail guilde-petange@pt.lu

    Dën. 19.02.: Keelenowend zu Lampech am Café Müller

    Uspill um 20:00h

    Frei. 1.03. + Sam. 2.03.: Theater vum Grupp.

    D’Guilde bekëmmert sech ëm d’Tombola a wier frou Gewënner gestëft ze kréien, déi d’Martine Schlottert-Didier gären an der Parkstrooss, 12, entgéint hëlt.

    Fir an den Agenda

    Keelenowenter 2019: 16/04.; 8/05.; 12/06.; 8/10.; 19/11.; 4/12

    Pabeiersammlungen 2019: 16/03.; 13/04.; 11/05.; 8/06.; 6/07.; 3/08.; 7/09 / 5.10. / 9.11. / 7.12.

    Buergbrennen: 9/03/2019

    Hierkeniessen: 17/03/2019 um Bierg, mëttes. Durno: Promenade digestive.

    Generalversammlung: 27/04/2019

    Gedenkfeier zu Neihaischen: 1/05/2019

    Ausfluch op Kandersteg: 7. – 10/06/2019

    Grillfest um Kuelbecherhaff: 14/07/19

    Mass fir all liewend a verstuerwe Member: 5/10/2019

    Continue reading →
  • Programm vun der Guilde: Januar 2019 07/01/2019

    Sam. 12.01.: Pabeiersammlung
    Rendez-vous um 8:30h um fréiere Site Eucosider.
    Wat méi Mataarbechter, wat mer éischter fäerdeg sinn.

    Méin. 21.01.: Comité am Home
    Ufank: 20:00h

    Mët. 23.01.: Keelenowend zu Lampech am Café Müller
    Uspill um 20:00h

    Son. 27.01.: Sortie an d’Stad.
    Rendez-vous A: Péiteng/Gare, Zuch an d’Stad um 8:45h
    Rendez-vous B: Lëtzebuerg/Gare, Zuch an de Pafendall um 9:55h
    Rendez-vous C: Pafendall/Funiculaire, Seelbunn op de Kierchbierg um 10:00h
    Mam Tram bis d’Statioun Auchan.
    Spazéiergang iwwer de Kiem an de Kirchbiergplateau vun 5 km bis an de Pafendall.
    Mëttegiessen an der “Madeira Stuff”, 4, rue du Pont, Pafendall www.madeirastuff.lu

    Nomëttes: Alternativ 1: mam Zuch op Péiteng.
    Alternativ 2: Spazéiergang: mam Lift bei de Pescatore an duerch de Parc op d’Gare (ca 3 km)

    Umeldung bis Donneschdes 24.01. owes beim Georges um Tel.: 43 46 49 oder Mail: schererg@pt.lu

    Fir an den Agenda
    Keelenowenter 2019: 19/02.; 16/04.; 8/05.; 12/06.; 8/10.; 19/11.; 4/12
    Pabeiersammlungen 2019: 9/02.; 16/03.; 13/04.; 11/05.; 8/06.; 6/07.; 3/08.; etc.
    Theater: 2. & 3./03/2019
    Buergbrennen: 9/03/2019
    Generalversammlung: 27/04/2019
    Ausfluch op Kandersteg: 7. – 10/06/2019
    Mass fir all liewend a verstuerwe Member: 5/10/2019


    Ce n’est qu’un au revoir …
    Den 1. Dezember 2018 huet de
    Florent Feller
    eis am Alter vu 63 Joer, no laanger Krankheet,
    verlooss. De Florent war Scout duerch an duerch an
    huet als Explorerchef laang op lokalem a nationalem
    Plang gewierkt.
    Senger Famill eist häerzlechst Bäileed!

    Continue reading →
  • PROGRAMM VUN DER GUILDE: NOVEMBER-DEZEMBER 2018 25/10/2018

    Son. 4.11: Sortie op Bartreng – Stroossen

    Rendez-vous 1: 9:30h hannert „Rousen“. Mat Privat-Autoen op Bartreng (bei der Umeldung uginn wee fuere kann a wéivill Plazen hien nach fräi huet).

    Rdv. 2: 10:00h Parking „Belle Etoile“. Trëppeltour vu 6,6 km

    Rdv. 3: 12:00h . Mëttegiessen am Restaurant Sapori (beim Waassertuerm um Tossebierg, vis-à-vis vun der „Belle-Etoile“)

    Iessen à la carte

    Rdv. 4: 14:30h Sportshal an der rue de Reckenthal.

    Aféierung an d’Bouschéissen, Theorie a Praxis, ënnert der Uleedung vum „Tir à l’Arc Guillaume Tell“ vu Stroossen.

    Duerno e Patt drénken an der Buvette als Ofschloss.

    UMELDUNG beim Roby, 691 300 295 oder guirschrob@gmail.com bis Mëtw. 31.10.18 inclu

    Et kann ee sech fir alles oder och eenzel Programmpunkten umellen

    Frei. 9.11.: Nationale Guildendag

    Rendez-vous: 9:15h bei der Matrasse-Fabrik Stoll am Zare Ouest,  L-4384 Ehlerange.

    Visite vun der Fabrik. Aperitif offréiert vun der Firma.

    12:30h: Mëttegiessen am Restaurant Klensch, 1A, rue de Reckange, L-3943 Monnerech

    Duerno: kuerz statutaresch Generalversammlung.

    UMELDUNG beim Carlo, 50 21 03 oder peiffer4@pt.lu bis Don. 1.11.18 inclu

    Sam. 10.11.: Pabeiersammlung

    Rendez-vous: 8:30h um fréiere Site Eucosider. All Hëllef gëtt dréngend gebraucht.

    Dën. 13.11.: Keelenowend am Café Müller zu Lampech. Uspill um 20:00h

    Sam. 17.11.: Uucht mat Filmvirféierung um 19:30h am Chalet um Bierg

    Gewise gëtt de Filmd „Heemwéi – Eng Oysee“ vum Sacha Bachim. Duerno Diskussioun mam Realisateur iwwer d’Thematik vum Film.

    Méin. 26. – Frei. 30.11.: Bastele vun Adventsdekoratiounen all Owend am Chalet um Bierg. Leit déi Adventskränz kënne wickele ginn dringend gebraucht.

    Sam/Son. 1./2..12. Niklosmaart virum Stadhaus, wou mir eis Dekoratioune verkafen.

    Sam. 18.12.: Pabeiersammlung

    Rendez-vous: 8:30h um fréiere Site Eucosider. All Hëllef gëtt dréngend gebraucht.

    Dën. 11.12.: Keelenowend mat Choucroute garnie am Café Müller zu Lampech.

    Ufank schonn um 19:00h

    UMELDUNG beim Carlo, 50 21 03 oder peiffer4@pt.lu bis Frei. 7.12.18 um 12:00h

    Méin. 17.12.: Comité um 20:00h am Home

    Sam. 22.12.: Friddensliichtfeier no der Owesmass an der Kierch.

    D’Guiden a Scouten verdeelen d‘Friddenliicht vu Betlehem

    19:00h: Chrëschtveillée am Chalet um Prënzebierg.

    Duerno: Träipeniessen, wéi all Joer ( fir Vegetarier ass eng Alternative virgesinn, bei der Umeldung uginn wegl.).

    UMELDUNG (op Wonsch vum Metzler) beim Martine, Tel 50 32 71, Mail jschlott@pt.lu bis den 15.12.18

    Persounen, déi Problemer hu fir op de Bierg ze kommen, sollen dat bei der Umeldung uginn. Mir organiséieren den Transport.

    7.06 – 10.06. 2019 Kandersteg:

    D’Guilde organiséiert, de Päischtweekend 2019, eng Sortie op Kandersteg an der Schwäiz. Transfert mat Privat-Autoen. Hallefpensioun am Berghotel Oeschinensee

    Hei de provisoresche Programm:

    Freides 7.06.: 9:00h Transfert op Kandersteg. Ariichten am Hotel

    Sam./Sonn. 8./9..06: Aktivitéiten an der Biergwelt (Wanderen, Boot fueren, Relaxéieren asw.)

    Méin. 10.06.: Visite vu Luzern an Transfert op Lëtzebuerg

    Riichtpräis (zum aktuellen Zäitpunkt) : 330 CHF (290 €) / Kapp mat Hallefpensioun am 2-Bett-Zëmmer, ouni Transfertkäschten.

    Den Hotel läit um Oeschinensee op 1600 Meter Héicht. En ass NET mam Privatauto z‘erreechen. Et kënnt een dohi vu Kandersteg aus mat der Gondelbunn an dann mat dem Elektro-Mobil. Den Auto kann ënne bei der Gondel-Statioun geparkt ginn. Dat Ganzt natierlech „gegen Gebühr“. An der Schwäiz gëtt et näischt fir näischt.

    Et gëtt och d‘Méiglechkeet fir den Ausfluch ëm eng Nuecht ze verlängeren an zwar zu Luzern am B&B Bettstatt, Neustadtstrasse 10. (zentral geleeën), fir ronn 105 € / Kapp mat Frühstück ( http://www.bettstatt.ch/ )

    Intressente solle sech umelle bis den 1.12.18 beim Marco Quintus, Tel. 39 76 02 oder GSM 621 346 812, wou dir och nach aner Renseignementer kënnt gewuer ginn.

    Continue reading →
  • PROGRAMM VUN DER GUILDE: September - Oktober 2018 02/09/2018

    Son. 9.09.: Liberatiounsfeier

    10:00h     Zeremonie bei der „Borne du Passeur“ niewent der Kierch,

    10:30h              Zeremonie beim Amerikaner-Monument op der Millen

    Sam. 15.09.: Pabeiersammlung

    Rendez-vous um 8:30h bei der fréierer Eucosider

    All Hëllef gëtt gebraucht.

    Son. 16.09.: Sortie op Remerschen

    RDV 1: 9:15h zu Péiteng hannert „Rousen“. Mat Privatautoen op Remerschen iwwer d’Saarautobunn.

    RDV 2: 10:00h zu Remerschen beim BIODIVERSUM, 5, Bréicherwee.

    Visite vun dësem kuckeswäerte Musée

    Mëttegiessen am Restaurant „Le Chalet“, och am Bréicherwee Iessen „à la carte“

    Nomëttes ass en Trëppeltour am Haff Réimech vun 2,3 oder 4,6 km, (gëtt sur place decidéiert)

    Umeldung beim Carlo bis Mëtw. 12.09.18 Tel: 50 21 03 oder Mail: guilde-petange@pt.lu

    Dën. 18.09.: Keelenowend zu Lampech am Café Müller.

    Uspill um 20:00h

    Sam. 22.09.: Kleedersammlung fir d’Kolpingwierk, zu Péiteng duerchgefouert vum Grupp LGS Péiteng.

    Rendez-vous um 9:00h beim ale Pompjeesbau.

    ? . ? . ??: D‘Franziskusmass um Prënzebierg

    war geplangt fir den 6.10.18. Well et awer komplizéiert ass en Zelebrant ze fannen, läit den Datum zu dësem Zäitpunkt nach net fest.

    Son. 7.10.: Sortie op Orscholz / Mettlach (Ugemellt Participanten kréien nach e Qroquis geschéckt)

    RDV 1: 9:15h zu Péiteng hannert „Rousen“. Mat Privatautoen op Orscholz iwwer d’Saarautobunn, Sortie 3 „Borg Orscholz Mettlach“

    RDV 2: 10:00h zu Orscholz um Parking vis-à-vis vum Resto „Porta Romana“, Cloefstrasse 41

    Wanderung um „Baumwipfelpfad“ op 23 m Héicht bis op den Aussiichtstuerm (42m héich) mat vue op d’Saarschleife (liichte Wee, geeegend fir Rollstill a Kannerkutschen).

    RDV 3: 12:00h zu Orscholz am Resto „Porta Romana“, Cloefstrasse 41 fir d‘Mëttegiessen.

    Nom Iesse mam Auto op Mettlach op de Parking, deen op der Kaart gezeechent ass (8km).

    Promenade duerch d‘Foussgängerzon.

    RDV 4: 14:45h um Quai bei der Saar fir d’Schëffstour vun 15:00h Duerch eng Schleis bis an d’Saarschleef, ca. 90 min., Präis 12 € Géint 16h30 Ausschëffung,

    gemittlech zeréck bei d’Autoen an heem op Péiteng.

    > Et kann een och nëmmen un eenzelne Programmdeeler deelhuelen <

    Umeldung beim Roby bis Mëtw. 3.10. um GSM 691 300 295 oder Mail: guirschrob@gmail.com

    Sam. 13.10.: Pabeiersammlung

    Rendez-vous um 8:30h bei der fréierer Eucosider

    All Hëllef gëtt gebraucht.

    Mon. 15.10.: Comité um 20:00h am Home

    Don. 18.10.: Keelenowend zu Lampech am Café Müller.

    Uspill um 20:00h

    Fir an den Agenda:

    Sortie mat Bouschéissen: Son. 4.11.2018 (Detailer um nächsten Ziedel)

    Nationale Guildendag: Frei. 9.11. zu Monnerech (Detailer um nächsten Ziedel)

    Uucht: Sam.17.11. mat Filmvirféierung an uschléissender Diskussioun

    Pabeiersammlungen 2018: 10.11. – 8.12.

    Keelenowenter: 13.11. – 11.12

    Continue reading →
  • Programm vun der Guilde: Juli – August 2018 28/06/2018

    Ce n’est qu’un au revoir …

    De 9. Juni huet eise laangjäerege Comitésmember an Trésorier Jean Lippert eis am Alter vu 85 Joer no laanger Krankheet fir ëmmer verlooss. De Jang war en engagéierte Scout a vun der éischter Stonn un Member vun der Guilde. Mir wënsche senger Famill vill Courage an dëser schwéierer Zäit. Mir wäerten de Jang a gudder Erënnerung behalen.

    Zesummesetzung vum Comité fir d’nächst Joer:

    Éire-President: Norbert BROSIUS

    President: Georges SCHERER

    Vize-President: Arnold MARTIN

    Sekretär: Martine SCHLOTTERT

    Sekretär adj,: Carlo PEIFFER

    Trésorier: Lex FELTEN

    Memberen: Christelle MASUTTI, Robert GUIRSCH, Marco QUINTUS, Fritz LIPPERT

    Vertrieder vum Grupp: Claire DORDING

    Programm Juli – August 2018

    Sam. 30.6.: Virtrag um 16:00h am Chalet.

    Den Oli KERSCHEN referéiert iwwert seng Abenteuer „Vu Nord bis Süd, 11 Méint mam Rucksak ënnerwee vun Alaska bis Feierland“. Intressente solle sech beim Claire umellen (621 68 39 99)

    Sam. 7.7.: Pabeiersammlung

    Rendez-vous um 8:30h um ale Site vun der Eucosider. All Hëllef ass net nëmme wëllkomm, mä déck néideg.

    Son. 29.7.: Grill-Party um Kuelbecher-Haff

    Rendez-vous um Haff vun 11:00h un.

    Grillen:

    – de Grill an dat fir ënnert de Grill (d’Feier) ass op der Plaz;

    – dat fir op de Grill an säi Gedrénks muss jidderee selwer matbréngen;

    – Zaloten an Taarten sinn net nëmme wëllkomm, mä souguer erwënscht.

    Fir am viraus Bescheed ze wëssen wat ongeféier matbruecht gëtt, kontaktéiert w.e.gl. d’Martine ( Tel: 50 32 71 / GSM: 621 414 040 / Mail: jschlott@pt.lu )

    „Promenade digestive“ nom Iessen.

    Mët. 1.8..: Vakanzaktioun vun de Schoulklassen , Cycle 2.2 aus der ganzer Gemeng. (Org. Gemeng Péiteng) beim Chalet um Bierg.

    Mueres gëtt opgeriicht,

    d’Spiller si vun 14:00 bis 16:00 Auer.

    Hei gi Leit gebraucht fir: 1. opzeriichten, 2. mëttes Posten ze besetzen an 3. duerno ofzeriichten.

    Intressenten kënne sech melle beim Martine ( Tel: 50 32 71 / GSM: 621 414 040 / Mail: jschlott@pt.lu )

    Sam. 11.8.: Pabeiersammlung

    Rendez-vous um 8:30h um ale Site vun der Eucosider. All Hëllef ass net nëmme wëllkomm, mä déck néideg.

    Mon. 13.8.: Comité  um 20h00 am Home

    Mët. 15.08.: Sortie an d’Géigend vu Verdun

    Rendez-vous A: 9:00h um Parking hannert „a Rousen“. Transfert mat Privatautoen ( 75 km).

    Rendez-vous B: 10:10h um „Site des Eparges“ beim „Monument du Point X“ (D’Chauffeure kréien um Depart de Wee erklärt).

    Trëppeltour entweder vu 5 km duerch de Bësch oder 3 km iwwer Macadam. Déi 2 Weeër si gréisstendeels am Schied.

    Duerno kuerz Autosfahrt op Saint-Maurice-sous-les-Côtes, wou mer am Restaurant « Côtes de Meuse » zu mëtteg iessen ( www.hotelcotesdemeuse.com/ )

    Nom Mëttegiessen kënnen déi kulturell intresséiert Leit (a ween ass dat net ?) matfueren op SaintRemy-la-Calonne, wou de Schrëftsteller Alain-Fournier (Le Grand Meaulnes (1913)) begruewe läit.

    Umeldung : De Restaurateur wéist gäer fréi genug wéivill Persounen hien ze bekäschtegen huet (de 15.08. ass e Feierdag). Dofir froe mir d’Umeldung bis den 15. Juli 2018 beim Carlo Peiffer : Tel. : 50 21 03, Mail: peiffer4@pt.lu

    Fir an den Agenda:

    Franziskusmass um Bierg: Sam. 06.10.2018

    Pabeiersammlungen 2018: 15.9. – 13.10. – 10.11. – 8.12.

    Keelenowenter: 18.9. – 18.10. – 13.11. – 11.12

    An zu gudder Läscht:
    Le monde ne sera pas détruit par ceux qui font le mal, mais par ceux qui les regardent sans rien faire.
    Albert Einstein

    Continue reading →

3 thoughts on “Guilde”

  1. Pingback: LGS Péiteng
  2. “Hei stinn all d’Artikelen vum Site déi an d’Kategorie Guilde gesat goufen.” steet uewen opo dëser Säit (http://lgspeiteng.lu/lb_LU/guilde) .

    Tatsächlech gesäit een dann nëmmen :
    [catlist id=513 date=yes content=yes]
    One thought on “Guilde”
    Pingback: LGS Péiteng

    An dat war et dann. Schued!
    Dat misst awer garantéiert och esou ze maache si wéi et geduecht war?
    Mä ech ginn d’Hoffnung net op.
    Carlo Peiffer

Schreift Äre Kommentar:

Är Emails-Adress gëtt net verëffentlecht. Déi obligatoresch Felder si mat engem * markéiert

Groupe Hl. Franz vun Assisi