Eise Verband bidd ab elo wëchentlech Guiden a Scouts-Aktivitéiten un déi der kënnt doheem maachen, wa mer scho keng Versammlungen um Prënzebierg kënnen hunn.
Dës Woch sinn dat:
Biber: Ouschtereeër fierwen
Wëllef: Maach en Ouschteree
AvEx: Ouschtereeër fierwen
CaraPio: En Ouschteree op Missioun
Den Joti ass een offiziellen Event vu WOSM an ass och deen gréisste Jamboree op der Welt.
Méi liesen: https://international.lgs.lu/2020/03/29/joti-spezial-editioun-3-5-abrell-2020/
Du kanns dech fir verschidden Aktivitéiten während dem ganze Weekend (3. – 5. Abrëll) umellen – vun E-Léiercoursen iwwer Gesondheet, Wuelbefannen an Online Sécherheet bis iwwer d’Kenne léieren vun verschidde Kulturen. Du kanns Spiller spillen a lëschteg Aktivitéiten leeden an och maache wat’s Du kanns fir déi di an Nout sinn ze ënnerstëtzen. Loosst mir eis géigesäiteg hëllefen, eis Frënn ënnerstëtzen a maachen dass dës Welt erëm e bësse méi hell gëtt.
Léif CaraPio,
De Wanterhike vu CaraPio Süden ass dës Kéier vum 18. bis den 19. Januar 2020. Umeldeschluss per Virement ass de 26. Dezember 2019. Mir wanderen a maache flott Spiller ënnerwee op de Posten.
Ufank ass Samschdes 18.1. um 9:00 zu Péiteng beim Kierfecht, Schluss ass Sonndes 19.1. um 18:00 op der selwechter Plaz.
Dat hei musst der mathuelen: déck Schong (KENG Turnschlappen!), waarmt Gezei fir ze wiesselen, e waarme Schlofsak (mir schlofen um Fond de Gras an enger Hal déi net gehëtzt ass), Carrymatt o.ä., Täscheluucht an Täschemesser, Gamelle an e gefëllte Bidon, eng Secherheetsvest, e Bic, Tupperware fir um Schluss Iessensreschter mat heem ze huelen, Carte d’identité, Fiche médicale (eroflueden hei: http://lgspeiteng.lu/doc) an d’Dokumenter déi dozou gehéieren, an dat wat der soss esou braucht fir e Weekend ze wanderen.
Dat hei rode mer iech mat ze huelen, mä dir musst net: Ouerestëpp fir d’Nuecht, laang Ënnerwäsch, e Kompass.
Dir braucht näischt fir z’iesse mat ze bréngen.
Wann der kee waarme Schlofsak hutt oder soss Material feelt mellt iech w.e.g. beim Gilles a mir fannen eng Léisung. Probéiert net mat engem Summerschlofsak derduerch ze kommen.
Mellt iech un bis de 26. Dezember mat dësem Virement:
20€
LGS Péiteng Grupp hl. Franz vun Assisi
BCEE IBAN LU 67 0019 6803 7218 2000
Vermierk: CaraPio Wanterhike [Numm vum CaraPio]
Hei si Fotoe vun engem Hike virdrunn:
De Wandercamp “100 Joer Estland” vun de Péitenger CaraPio war vum 17. – 26. Juli 2018. Dobäi ware 7 CaraPio an 2 Chef. Mir hunn an Tallinn ugefangen an eis uschléissend Wanderung huet eis op Plaze bruecht wéi Rõuma, Matsalu, Pärnu a Loksa.
Fotoe vum Gilles Glod a Claude Scholtes.
20180413 Iron Scout 2018 Sponsors
Mat dem Link hei driwwer kënnen déi CaraPio déi mat op déi 11. Editioun vum Iron Scout ginn en Dokument ausdrucke, fir Sponsoren ze sichen.
