Infoziedel Charity Wanterhike Februar 2020

Fir Iech alleguer :

Charity Wanter Hike:

All 3-4 Joer gëtt et bei de LGS d’Méiglechkeet fir Raro a fir Chef un enger Odyssée deelzehuelen. Eng Odyssee ass en Camp, deen et de  Jonken erméiglecht en Austausch mat Jonken aus enger anerer Kultur ze hunn, hautno ze erliewe wien d’Liewen an anere Länner ausgesäit an zesummen ze schaffe fir Verännerungen am Gaaschtland ze bewierken. Dëst Joer ginn d’Odysséen a Bolivien, Georgien an an de Senegal. All Participant a Staffmember bezilt d’Rees an den Openthalt selwer. D’Chantieren (Material fir Bau a Renovation) gin duerch Spende finanzéiert. Wëll e puer vun eise Raro a Chef matginn, wëlle mir als Grupp hëllefen, a machen den 8 Februar beim Wanter Charity Hike 2020 zu Miersch (hike-2020/”>https://raro.lgs.lu/wanter-charity-hike-2020/) mat. D’Iddi ass dat d’Kanner/di Jonk an hirer Famill/Frëndeskrees Sponsore sichen, déi pro getrëppelte Kilometer eng kleng Somme spenden. Den Daach selwer ginn d’Kanner/di Jonk en Trëppelwee a sammelen op Statioune „Kilometerpunkten“. Fir déi di net esou wäit kennen oder wëllen tëppelen, ginn et och Kiermesspiller, wou si „Kilometerpunkten“ kenne gewannen. Fir Sponsoren ze fanne luet iech d’Lëscht als PDF ënnen op der Säit hike-2020/patter-giedel-system/”>https://raro.lgs.lu/wanter-charity-hike-2020/patter-giedel-system/ erof. D’Chef verdeelen och eng Lescht an der nächster Versammlung.

Fir d’Biber :

Den 1 Februar ass aus organisatoresche Grënn keng Versammlung. Den 8 Februar ass Charity Wanterhike. Mir gi zesumme mat de Wëllef mam Zuch op Miersch wou d’Mathilde op Iech waart an zesumme mat Iech de Wee trëppelt. Mellt Iech w.e.g. beim Anna (621 754 360) un a  sicht fläisseg Sponsoren an der Famill. Kuckt dofir bei „Fir Iech alleguer“. Dann ass gläich den Theater ugesot: eis Prouwen sinn ëmmer Méindes a Mëttwochs vun 16:30-18h zu Péiteng am Home St. Hubert. Di genau Deeg sinn: 10.02, 12.02, 24.02, 26.02, 02.03 an de 04.03. Mellt Iech och do beim Anna (621 754 360) bis den 03 Februar un ob dir um Theater deel huelt oder net. An der Vakanz, den 15 an den 22 Februar sinn keng Versammlungen.

Fir d’Wellef :

De Samschden 01.02 ass eng klassesch Versammlung vun 14-16h um Prënzebierg, den 08. Februar gi mir dofir ob de Charity Hike. Mir treffen eis um 13h00 zu Péiteng ob der Gare a si géint 18h15 erëm do. Dir braucht ee klenge Rucksak mat Bidon, Pic Nic, 5€ Täschegeld. Ditt äre Foulard an Trëppelschong un an vergiesst net är Lëscht mat de Sponsoren (Kuckt bei „ Fir Iech all“).Mellt Iech och beim Alex un.

Deemnächst ass et esou wäit, mir spillen zesummen Theater. Wann dir elo scho wësst dass dir sécher matspillt kennt dir iech scho beim Alex un mellen. Eis Prouwen sinn Dënschdes an Donneschdes vun 18:45 bis 19:45 am Home St. Hubert zu Péiteng. Déi genau Deeg sinn: 4.02, 06.02, 11.02, 13.02, 25.02 , 03.03, 05.03.  An der Vakanz, den 15 an den 22 Februar sinn keng Versammlungen.

Fir d’Avex :

Samschdes den 1.02 hunn mer normal Versammlung vun 14:00-16:00. Mir schaffen un eise Fotosrummen an um Theater.

Samschdes, den 8.02 gi mer op den Charity Wanterhike zu Miersch. Start ass um 13:00 zu Péiteng op der Gare. Zeréck si mer géint 18:15 rëm zu Péiteng op der Gare. Unzedoen ass de Foulard an Trëppelschong. Matzehuelen ass e klenge Rucksak mat engem Bidon Waasser, eventuell e bëssen Täschegeld an de Pätter/Giedel-ziedel (deen fannt der op hike-2020/patter-giedel-system/”>https://raro.lgs.lu/wanter-charity-hike-2020/patter-giedel-system/ oder kritt en an der nächster Versammlung).

Eis Theaterprouwen sinn den 25.02 / 28.02 / 3.03 / 5.03 am Home St. Hubert zu Péiteng, all kéiers vun 17:00-18:30.

Fir d’Carapio :

E Samschden 1. Februar hu mer normal Versammlung vu 14:00 – 16:00 um Prënzebierg.

De 5. Februar ass eis éischt Theaterprouf. Eis Prouwe sinn ëmmer am Home St. Hubert (52 rue de l’Église) vun 18:30 bis 19:30 op dësen Deg: 5.2., 12.2., 26.2., 28.2., an 4.3.

E Samschden den 8. Februar gi mer op den RaRo Wanter Charity Hike zu Miersch beim Home St. Michel. Umeldung ass per SMS un de Gilles bis den 31. Januar. Denkt drun Sponsore fir är Lëscht ze fannen. RDV: En Zuch vun der Péitenger Gare aus fiert um 9:15 an d’Stat (RB 4734), dee musst der ouni Chef huelen. Treff mat de CaraPio Chef ass um 9:40 an der Stater Gare an der grousser Hal. Vun do aus fuere mer zesumme weider op Miersch. Well vläit net jiddereen d’selwecht laang wëll trëppelen ass kee fixe Retour geplangt. Fir den Heemwee kënnt der entweder mat den anere Branchen zesummen zeréck fueren (kuckt hir Deeler vum Infobréif) oder dir huelt eleng den Zuch zeréck op Péiteng.

Den 4. Abrëll ass JoCaPi zu Dikrech. Dat ass en nationale CaraPio Rally vu Moies fréi bis an de fréien Owend. Mir maachen wann et méiglech ass eng Ekipp zesumme mat de Kärjenger CaraPio, mat deene mer och um Summercamp wëllen zesumme schaffen. Offiziell Säit vun der JoCaPi: https://carapio.lgs.lu/2020/01/19/jocapi-2020-zu-dikrich/ E puer Fotoen vun 2013: http://lgspeiteng.lu/fotoen/nggallery/2013bis/20130414-jocapi Umeldung ass per Virement bis den 10. Februar 2020.

LGS Péiteng Grupp Hl. Franz vun Assisi
BCEE IBAN LU 67 0019 6803 7218 2000
15€
Vermierk: JoCaPi [Numm vum CaraPio]

Als Erënnerung fir op de Kalenner: de 17.-19. Abrëll ass Iron Scout. Detailer zum Weekend an zur Umeldung kommen no.

Fir eise Summercamp ass et Zäit fir den zweeten Acompte, maacht de Virement bis de 10. Februar.

LGS Péiteng Grupp Hl. Franz vun Assisi
BCEE IBAN LU 67 0019 6803 7218 2000
200€

Vermierk: CaraPio Camp 2 [Numm vum CaraPio]

Fir d’RaRo :

Den 1 Februar hu mer eng Versammlung wou mer zesumme kachen an iessen an duerfir bleiwe mer bis 19h zesummen um Bierg. Den 8 Februar ass keng Versammlung well mir op de Charity Wanterhike gi. Detailer kläre mer dofir an der nächster Versammlung. Den 15 Februar ass dann Pabeiersammlung, RDV um 8:30 op der Eucosider. Mëttes ass keng Versammlung well Vakanz ass.

 Fir d’CaraPio, RaRo, Albatrossen, Chef, Guilde an Mataarbechter 

Den Samsden 15. Februar as Papeiersammlung. R.d.v. wie gewinnt um 8:30h op der Eucosider. Elo schons Merci fier äer Hellef.

Fir d’Chef:

Den Mettwoch 12 Februar as Grupperoot um 20h am Avexsall.

 

 

 

Programm vun der Guilde: Januar-Februar 2020

Den. 07.01.: Keelenowend zu Lampech
Ufank um 20 :00 Auer.

Sam. 11.01: Pabéiersammlung
Rdv wéi emmer um 8.30 Auer bei der Eucosider.

Son. 26.01.: Hierkeniessen
Am Januar fënnt erëm een vun eisen traditionellen Iessen statt. Mir iessen um 12 Auer zu Péiteng am Chalet. Et ass wichteg, dass Dir iech umellt ! Am Nomëtten ginn, wann der Loscht an Zéit hutt, nach gemeinsam Gesellschaftsspiller gespillt. Umeldung bis den 19.01.2019 beim Martine : 621 414 040.

Den. 04.02.: Keelenowend zu Lampech
Ufank um 20 :00 Auer.

Mon. 10.02.: Comité
Um 20:00 h am Home

Sam. 29.02.: Buergbrennen
Ab 9:30 Auer treffen mir eis zu Péiteng um Prenzebierg, wou mir Buerg opriichten. Owes um 18 :30 Auer fänkt den Fakelzuch ënnen bei der Eucosider un.

Datumer fir op den Agenda:

Theater : 6 & 7.03.2020 

Summerfest : 12.07.2020

Mir wënschen Iech nach een schéint néit Joer !

Infoziedel bis den 25 Januar 2020

D’Cheféquipe vun den Péitenger Guiden a Scouten wënscht Iech alleguer en schéint Joer 2020.

 

Fir Iech alleguer: E puer Datumer fir op de Kalenner

Charity Wanter Hike

Wanter Charity Hike 2020
Wanter Charity Hike 2020

Den 8. Februar geet eise Grupp mat op de Wanter Charity Hike 2020 (https://raro.lgs.lu/wanter-charity-hike-2020/).“De Charity Wanter Hike ass eng Aktivitéit, déi an d’Liewe geruff gouf vir d’Odyssee’en, déi am Summer 2020 stattfannen, ze ënnerstëtzen. Haaptzil vun dëser Aktivitéit ass et, Don’en ze sammelen, déi benotzt ginn, vir d’Camp-Chantier’en ze finanzéieren.” Fir Sponsoren ze fanne luet iech d’Lëscht als PDF ënnen op der Säit https://raro.lgs.lu/wanter-charity-hike-2020/patter-giedel-system/ erof.

Buergbrennen:
Eist traditionellt Buergbrennen ass den Samschden 29 Februar.

Theater:

De 6. an de 7. Mäerz spille mir Theater zu Péiteng am Home St.Hubert. Haalt Iech dës Datumer scho mol fräi. Wieder Infoe kommen no.

Fir d’Biber:

E neit Joer bréngt och nei Aktivitéite mat sech. Also kommt den Samschden 11.01, den 18.01 an de 25.01 allkéiers vun 14-16h op de Prënzebierg kucken. Frot och äer Elteren op dier kennt beim Theater matspillen a sot eis Bescheed.

Fir d’Wëllef:

Dir léif Wëllef, no dëser laanger Paus gesi mer eis erëm. Den 11. an den 18. Januar hunn mir vun 14-16h Versammlung um Prënzebierg. Mir fänke mat engem neie Komet un. Falls et awer iwwerraschend sollt schneie kennt dir ee Schlitt matbréngen. Den 25 Januar gi mir zesummen ob d’Äispist „Kockelscheier“. Dofir treffe mir eis um 14h00 zu Péiteng ob der Gare a fir 18h15 si mir erëm zréck zu Péiteng. Et gëtt mat Sécherheet kal ditt iech entspriechend un. Entrée kascht 5€ an 10€ Täschegeld kennt dir och mathuelen. Fir déi di eege Schlittschong hunn kennen déi och matbréngen. Vergiesst äre Foulard net. Kuckt och bei „ Fir Iech alleguer“ a sot eis w.e.g. an der nächster Versammlung Bescheed op der kennt beim Theater matspillen.

Fir d’Avex:

Samschdes, den 11.01, den 18.01 an de 25.01 hunn mer Versammlung vun 14:00-16:00. Mir fänke mat eiser Expeditioun “Pimp my AvEx-Sall” un wäerten eis och Gedanke maache fir den Theater. Denkt also drun är Elteren ze froen ob der matspille kennt.

Fir d’Carapio:

Wéinst ze wéinegen Umeldunge gi mer awer net op de CaraPio Funkraid. Amplaz hu mer Programm wéi hei drënner beschriwwen.
Den 11. Januar moies gesi mer eis um 8:30 fir d’Pabeiersammlung. Dëst ass oft déi Pabeiersammlung vum Joer wou mer am meeschten Aarbecht hunn, also ziele mer op är Hëllef. D’Detailer sti bei “Fir d’Mataarbechter…”.
Den 11. Januar Mëttes ass Versammlung vun 14:00-16:00 um Prënzebierg. Mir wëlle viru komme mat de Virbereedunge vum Theater, dat wärt also een Deel vun der Versammlung sinn. Bréngt är Iddie mat.
Den 18. an 19. Januar ass de CaraPio Wanterhike. (Just fir déi déi sech ugemellt hunn.) D’Detailer dovu stinn op http://lgspeiteng.lu/8643 .
De 25. Januar hu mer Versammlung vun 14:00-16:00 um Prënzebierg.

Fir d’RaRo:

De Samschden den 11. Januar an de 25 Januar hu mer normal Versammlung um Prënzebierg.
De Samschden 11 Januar ass och moies Pabeiersammlung.
De Samschden 18 Januar ass eist renomméiert „RaRo-Wantergrillen“. Mir wäerten do direkt no de Versammlungen um 16h ufänke mat opriichten.

Fir d’Albatrossen:

De Samschden 11 Januar ass Pabeiersammlung. Mir hunn de Freide 17. Januar um 20h Versammlung um Prënzebierg.
Zudeem organiséieren de 15 Februar d’Walfer LGS hier traditionell Raclettfriess. Mir hunn fir eng Gruppenumeldung ze maachen, also kennen déi, di wëlle matgoen, sech beim Christelle mellen.

Fir d’CaraPio, RaRo, Albatrossen, Chef, Guilde an Mataarbechter:

Dëse Samschden den 11 Januar ass déi eicht Pabeiersammlung fir d’Joer 2020. Och dëst Joer ass DENG Hëllef natierlech wëllkomm. Rdv um 8:30 Auer um aale Site vun der Ecosider.

Pabeiersammlungen 2020:

Hei d’Pabeiersammlunge fir dat ganzt Joer 2020: 15 Februar, 14 Mäerz, 18 Abrëll, 23 Mee, 20 Juni, 11 Juli, 8 August, 5 September, 10 Oktober, 7 November, 5 Dezember

Fir d’Chef: Den Donnëschden 23 Januar ass Grupperot um 20h am Chalet.

CaraPio Wanterhike 2020

Léif CaraPio,

De Wanterhike vu CaraPio Süden ass dës Kéier vum 18. bis den 19. Januar 2020. Umeldeschluss per Virement ass de 26. Dezember 2019. Mir wanderen a maache flott Spiller ënnerwee op de Posten.

Ufank ass Samschdes 18.1. um 9:00 zu Péiteng beim Kierfecht, Schluss ass Sonndes 19.1. um 18:00 op der selwechter Plaz.

Dat hei musst der mathuelen: déck Schong (KENG Turnschlappen!), waarmt Gezei fir ze wiesselen, e waarme Schlofsak (mir schlofen um Fond de Gras an enger Hal déi net gehëtzt ass), Carrymatt o.ä., Täscheluucht an Täschemesser, Gamelle an e gefëllte Bidon, eng Secherheetsvest, e Bic, Tupperware fir um Schluss Iessensreschter mat heem ze huelen, Carte d’identité, Fiche médicale (eroflueden hei: http://lgspeiteng.lu/doc) an d’Dokumenter déi dozou gehéieren, an dat wat der soss esou braucht fir e Weekend ze wanderen.
Dat hei rode mer iech mat ze huelen, mä dir musst net: Ouerestëpp fir d’Nuecht, laang Ënnerwäsch, e Kompass.
Dir braucht näischt fir z’iesse mat ze bréngen.

Wann der kee waarme Schlofsak hutt oder soss Material feelt mellt iech w.e.g. beim Gilles a mir fannen eng Léisung. Probéiert net mat engem Summerschlofsak derduerch ze kommen.

Mellt iech un bis de 26. Dezember mat dësem Virement:

20€
LGS Péiteng Grupp hl. Franz vun Assisi
BCEE IBAN LU 67 0019 6803 7218 2000
Vermierk: CaraPio Wanterhike [Numm vum CaraPio]

Hei si Fotoe vun engem Hike virdrunn:

Infoziedel bis d'Chrëschtvakanz 2019

Dëst ass den lëschten Infoziedel fir d‘Joer 2019. Déi ganz Cheféquipe wënscht Iech an ärer Famill schéin Feierdeeg an en gudden Rutsch an dat neit Joer!

Fir Iech alleguer :

  • leschten Rappel : Cotisatiounen

Nëmmen duerch d’bezuele vun der Cotisatioun ass äert Kand bei de Scoute verséchert. Fir déi di et nach net gemaach hunn, iwwerweist w.e.g esou séier wéi méiglech 15€ fir dat eelst Kand an 12€ fir déi aner Kanner op eise Konto : LGS Péiteng  Grupp hl. Franz vun Assisi, BCEE IBAN LU 67 0019 6803 7218 2000, mam Vermierk: Cotisatioun an den Numm vun ärem(n) Kand/Kanner.

  • Friddensliicht-Feier

Samschdes den 21. Dezember verdeelen d’Péitenger Guiden a Scouten d’Friddensliicht. Bei dëser Feier kritt jidderee symbolesch de Fridden a Form vun enger Käerz mat Heem, fir en dann am Bekanntekrees  weider ze verdeelen. Mir hunn deen Samschden keng Versammlung um Prënzebierg, mee mir treffen eis, an Uniform, um 17:00 zu Péiteng an der Kirch fir d‘Virowendmass. No der Mass verdeelen mer dann d’Liicht. Äer Elteren, Geschwëster, Familijenmemberen an Bekannten sin häerzlech wëllkomm fir dëse méi besënnleche Moment mat eis ze feieren.

Fir d’Biber :

Ho Ho Ho Biber, hei ass de leschte Bréif ier en neit Joer ugeet! Den 7 Dezember hunn mir vun 14-16h eng normal Versammlung um Prënzebierg. Den 14 Dezember ass eng, méi laang! „ special Edition Versammlung“ vu 14-17h um Prënzebierg. Et wier keng „special Edition“ wann et net eppes Extraes géif gi: also bréngt alleguer ee klenge Kaddo mat , entweder selwer gebastelt oder kaaft, (am Wäert vun max 5€) . Dat ass fir engem anere Biber eng kleng Freed virun de Chrëschtdeeg ze maachen. Duerno ass keng Versammlung méi bis no der Vakanz.

Fir d’Wëllef :

Den 7 Dezember maache mir eng After-Kleeserchersfeier vun 14-16h um Prënzebierg. Bréngt dofir alleguerten ee klenge Kaddo, am beschte selwer gemaach, an net méi deier wei 5€ mat. De Samschden drop den 14 Dezember hu mir normal Versammlung vu 14-16h um Prënzebierg. Ditt Iech ganz waarm un et ass kal dobaussen. Duerno ass keng Versammlung méi bis no der Vakanz.

Fir d’Avex :

Samschdes, den 7.12, hunn mer normal Versammlung vun 14-16h um Prënzebierg.  Samschdes, den 14.12, ass eis Chrëschtdags-Versammlung. Déi Versammlung dauert vun 14-17h!. Bréngt all eng Chrëschtdaagsboule fir op de Beemchen an ee Kaddo (net méi wie 5€, am beschte selwer gemaach) mat. Duerno ass keng Versammlung méi bis no der Vakanz.

Fir d’Carapio :
Samschden de 7. Dezember an de 14 Dezember gesi mer eis vu 14:00-16:00 um Prënzebierg. Mir schaffe wieder un eiser Seefekëscht a fänken och mam Theater un.

Fir d’RaRo:

Den 7.12 ass normal Versammlung vun 16-18h. De Weekend drop den 14-15 Dezember ass eis RaRo-Alba-Montée. Dat geet vu Samschdes 16:30 bis Sonndes 14h. Vergiesst net är Carrymatt, Schlofsak a Gamelle. Fir de Ravi ass gesuergt. Mellt Iech w.e.g beim Christelle (691 93 06 41) un. Fir den 21.12 kuckt bei „ Fir Iech alleguer“.

Fir d’Albatrossen:

De Weekend vum 14-15 Dezember fënnt eisen RaRo-Alba-Montéesweekend statt. Mir treffen eis de Samschden um 16:30h um Prënzebierg an trëppele vun do aus op eis Schlofplaz. De Weekend ass Sonndes géint 14h eriwwer. Vergiesst net eng Carrymatt, Schlofsak an eng Gamelle matzebréngen. Fir de Ravi ass gesuergt. Mellt Iech w.e.g. beim Christelle un. Den 20ten Dezember treffe mir eis um 20h beim Christelle doheem fir eis Tâchë fir d’Wanteraktioun opzedeelen. Vum 21ten bis de 27ten Dezember hëllefe mer da bei der Wanteraktioun vun der Croix Rouge. Fir den 21.12 kuckt bei „ Fir Iech alleguer“ a vergiesst net Iech beim Martine (um 621 414 040 bis de 14.12) fir d’Veillée mat Träipefriess vun der Guilde no der Friddensliichtfeier unzemellen. 

Fir all d’Carapio, RaRo, Albatrossen, Matarbechter, Chef a Guildememberen

Den 7. Dezember ass Pabeiersammlung. Um 8h30 ass Rdv op dem ale Site vun der Eucosider. Gëff dengem Häerz e Stouss a pack eng oder zwou Hänn mat un J MERCI

Fir d‘Chef

Den nächsten Grupperoot as den 19 Dezember um 20h um Prënzebierg.

Groupe Hl. Franz vun Assisi