All posts by Claire D

Infoziedel Niklosmaart 2019

Fir Iech alleguer :

  • Niklosmaart

Wéi all Joer hu mir e Stand um Niklosmaart zu Péiteng. Mir sinn den 30 November an den 1 Dezember op der Maartplaz fir flott Arrangementer ze verkafen. Mir freeën eis op äre Besuch! Um Maart selwer si meeschtens wéineg Adventskränz ze verkafen, duerfir bestellt séier e Kranz per Telefon oder Email beim Anna Monaco (621 754 360, anna.monaco.1995@gmail.com ) fir och sécher een ze kréien. Kuckt dofir an der Annexe.

  • Cotisatiounen

Fir déi, di et nach net scho gemaach hunn: et ass nees un der Zäit fir de Joresbäitrag ze bezuelen. Des Sue ginn integral un de Verband vun de Lëtzebuerger Guiden a Scouten iwwerwisen. Duerch d’Bezuele vun der Cotisatioun ass äert Kand verséchert a kritt e puer mol am Joer eng Zeitschreft geschéckt. Iwwerweist w.e.g esou séier wéi méiglech 15 Euro fir dat eelst Kand an 12 Euro fir déi aner Kanner op eise Konto. Villmools Merci!

 P.S. D’Mataarbechter a Chef brauche kee Beitrag ze bezuelen, de Péitenger Grupp mëscht dat fir si als kleng Unerkennung fir hir Aarbecht.

LGS Péiteng  Grupp hl. Franz vun Assisi
BCEE IBAN LU 67 0019 6803 7218 2000
Vermierk: Cotisatioun an den Numm vun ärem(n) Kand/Kanner

Fir d’Biber :

Hallo dir léif Biber, de 16.11 hunn mir Versammlung vu 14h bis 16h um Prënzenbierg. Mir léieren do méi iwwert eise Kierper. A wann dir wësse wëllt wat mir an der Versammlung vum 23 November maachen, da kommt vun 14-16h op de Prënzebierg kucken. Den 30 November ass keng Versammlung well mir um Niklosmaart zu Péiteng sinn. Mee kommt roueg mat ären Eltere luussen! P.S. de Kleesche kennt och.

Fir d’Wëllef :

Dir léif Wëllef, den 16 an den 23 November ass Versammlung vun 14-16h um Prënzebierg. Mir kucken emol wien vun iech méi schnell wéi säin Schied ass an am wilde Westen eens gëtt. Den 30. November ass Niklosmaart, do ass keng Versammlung. Dir kennt awer gär laanscht kommen an och dem Kleesche Moie soen.

Fir d’Avex :

Samschdes, de 16.11 an den 23.11 hunn mer Versammlung vun 14:00-16:00 um Prënzebierg. Samschdes, den 30.11 ass keng Versammlung, well do ass Niklosmaart. Kommt op alle Fall laanscht bei eise Stand kucken.

Fir d’Carapio :

WICHTEG: den 20. November ass Umeldeschluss fir de Camp an de Funkraid – liest alles duerch fir dass der dat net verpasst.

Mir mussen den éischten Acompte fir den nationalen CaraPio Camp Slov’It un de Verband bezuelen. Dofir brauche mer vun iech virum 20. November eng éischt Iwwerweisung, déi och als Umeldung zielt:

LGS Péiteng  Grupp Hl. Franz vun Assisi
BCEE IBAN LU 67 0019 6803 7218 2000
150€
Vermierk: CaraPio Camp 1 [Numm vum CaraPio]

 De Verband rechent dass den Total pro Participant duerno 525€ ass. Mir probéieren fir d’Péitenger CaraPio de Präiss ze drécken, z.B. mat Kuchverkaf beim Theater. Wa mer op Ënnerstëtzung vun der Péitenger Gruppekeess hoffe pake mer natierlech och ëmmer zu vill bei der Pabeiersammlung eng Hand mat un.

 Vum 11. bis den 12. Januar 2020 ass de CaraPio Funkraid: “Een Nuets-Hike mat Funk-Guidage: Crashcours an Orientatioun (Kaart a Kompass), Crashcours an Funkkommunikatioun, Orientéirungslaf  bei all Wieder duerch d’Land, Gruppenchallenge a klengen Ekippen 4-6 Leit… Een Erliefnis wat sécher hänken bleift.“ (https://carapio.lgs.lu/2019/09/24/carapio-funkraid-2020/) Et gi just 60 Plazen, dofir brauche mer är Umeldung per Virement virum 20. November. Maacht w.e.g. e getrennte Virement fir de Camp an de Funkraid. (Mir gi just wann op mannst 2 Leit sech umellen.)

 LGS Péiteng  Grupp Hl. Franz vun Assisi
BCEE IBAN LU 67 0019 6803 7218 2000
40€
Vermierk: CaraPio Funkraid [Numm vum CaraPio]

 Dir hudd eng nei Entreprise gewielt: bis Chrëschtdag baue mer un enger Seefekëscht. Eis nächst Versammlunge sinn um Prënzebierg, Samschdes vu 14:00-16:00, den 16., 23. an 30. November. Sicht no Pläng vu Seefekëschten a bréngt se mat. Wee wëll kann och nach emol säi Scoutsmaterial matbrénge fir et ze gravéieren. An der Woch vum 25. – 29. November hëllefe mer um Prënzebierg bei de Virbereedunge vum Chrëschtmaart. Kuckt dofir bei “Fir all d’Carapio, RaRo, Albatrossen, Matarbechter, Chef a Guildememberen”.

Fir d’RaRo:

Mir hunn den Samschden 16.11 an den 23.11 normal Versammlungen. Duerno gëtt är Hëllef beim Wéckele vun de Kränz an um Niklosmaart gebraucht. Kuckt dofir bei „Fir d’CaraPio, RaRo, Albatrossen, Chef, Guilde a Mataarbechter“.

Fir d’Albatrossen:

Denkt drun de 15 November ass Versammlung um 20h um Bierg. Save the date: vum 14-15 Dezember maache mir eis Ralba-Montee hei am Land. Infoe kommen no. Kuckt och bei „“Fir all d’Carapio, RaRo, Albatrossen, Mataarbechter, Chef a Guildememberen”.

 Fir d’CaraPio, RaRo, Albatrossen, Chef, Guilde an Mataarbechter 

 Fir äis Adventskränz-Aktioun schaffe mer an der Woch vum 25-29 November vu Méindes bis Donneschdes all Owend vun 18°° un um Bierg. De Freiden 30. November ass Rdv um 18:30h zu Rodange bei der Garage fir Material vun eisem Stand opzelueden. Um Niklosmaart selwer, de Samschden 30.11 bis de Sonnden 1.12. brauche mir och deng Hëllef fir op-an oofzerichten a fir ze verkafen.

Infoziedel Oktober 2019

Fir iech alleguer:

Samschdes a Sonndes den 26 an 27 Oktober: Gruppe-Montéésweekend zu Monnerech

Bei der Montée wiesselen di eelste Kanner aus all Branche (Altersgrupp) an di Branche doriwwer.

Fir déi di sech nach net ugemellt hunn: et ass nach net ze spéit! Mellt iech beim Claire (621 68 39 99) un (och Chef a RaRo). De Weekend kascht 20€ fir dat 1. Kand aus der Famill dat an de Scouten ass, an 15 € fir all weider Geschwëster. Ӓrt Kand ass nëmmen definitiv ugemellt wann déi Suen iwwerwisen sinn. Wëll den leschten Ziedel Verspéidung krut , kennt der d’Iwwerweisunge bis den 21 Oktober op eise Kont maachen:

LGS Péiteng  Grupp Hl. Franz vun Assisi

BCEE IBAN LU 67 0019 6803 7218 2000

20 oder 15€

Mentioun “Montée [Numm vum Kand+Branche wou Kand grad dran ass]”

Mier bieden iech fir all Kand aus ärer Famill eenzel!!! ze iwwerweisen.

Ufank vum W.E.:

Mir bieden d’Elteren d’Kanner Samschdes den 26 Oktober fir 15h op Monnerech bei de Chalet (rue de Pontpierre, L-3940 Mondercange) ze bréngen. Et ass gutt wann dier Fuergemeinschaften kennt maachen. Fir d’Chef, Albatrossen a RaRo: Eise Start ass um 11h zu Monnerech.

Mathuelen:

Foulard undoen, Täscheluucht, Täschemesser, Bidon, Wäschsaachen (Zahnpasta, Zännbiischt, Seef, Handduch…), Pyjama, frësch Ënnerwäsch, Gezei fir all Wieder (et soll waarm sinn an eppes géint de Reen daachen), Schlofsak, déck Schong, Schlappen, Spullduch, déi ausgefëllte Fiche Médicale (dir fannt d’Fiche Médicale op: www.lgspeiteng.lu/doc ) a perséinlech Medikamenter. Verpaakt alles an engem Rucksak. Dir braucht näischt fir z’iesse matzebréngen. Fir d’Avex déi Montée machen, Pio a RaRo: denkt och un är Carrymatt.

Fir d’Chef: Verkleet Iech w.e.g. als Réimer. Carrymatt net vergiessen, et sinn net Better fir jiddereen do.

Schluss:

D’Eltere kënnen hier Kanner nees Sonndes um 16:00 Auer op Monnerech bei de Chalet siche kommen.

Fir all d’Biber:

Léif Biber, den 19 Oktober hunn mir eng Versammlung zesummen mat den Wëllef. Dir wëllt wëssen wat iech erwaart?? ma dann kommt vun 14H00 bis 16H00 op den Prënzebierg an bréngt en Bidon mat Waasser mat…. eppes kennen mir iech verooden… et gëtt sportlech 😉 P.s dot iech dem Wieder entspriechend un an och méi sportlech. Den 26 Oktober bis den 27 Oktober ass d’Montée, kuckt bei „ Fir iech alleguer“. Den 2 November ass keng Versammlung well Vakanz as. Den 9 November hunn mir normal Versammlung vun 14h00 bis 16h00 um Prënzebierg. 

Fir all d’Wëllefcher:
Mir hunn de Samschden 19.Oktober an de Samschden 9.November hunn mir vu 14h bis 16h Versammlung um Prënzenbierg. Den 19 Oktober maache mer d’Versammlung zesumme mat de Biber. Mir treffen eis um Prënzebierg a gin duerno op Lamadelaine bei de Fitnessparcours (de Mowgli ass e sportleche Jong). Mir kommen awer erëm op de Prënzebierg zréck. Den 9. November fänke mir mat engem neie Komet un, loosst Iech iwwerraschen. Fir den 26-27 Oktober, kuckt do bei „ Fir iech alleguer“. Den 2. November ass keng Versammlung well do Vakanz ass.

Fir all d’ AvEx:

Salut AvEx, Samschdes, den 19.10 an den 09.11 hunn mer Versammlung vu 14:00-16:00. Fir den 26-27 Oktober, kuckt do bei „ Fir iech alleguer“. Den 2. November ass keng Versammlung well do Vakanz ass.

Fir all d’CaraPio:

E Samschden 19. Oktober gesi mer eis vu 14-16 Auer fir d’Montée vir ze bereeden.

De Weekend vum 26. a 27. Oktober gi mer mat op d’Montée. Kuckt dofir bei „Fir Iech alleguer“.

E Samschden 2. November hëllefe mer bei der Pabeiersammlung. Esou ennerstëtze mir eisem Grupp – schließlech hëlleft de Grupp eis jo och, zB fir eis Campen am Ausland. Fir d’Detailer kuckt bei “Fir all d’Carapio,RaRo, …” Didd iech dem Wieder no un, Hännsche sinn och eng gutt Iddi.

Den Samschden 9. November gesi mer eis vu 14-16 Auer um Prënzebierg. Mir wielen eng Entreprise a sichen éischt Iddie fir den Theater. Dëst Scoutsjoër hu mer schonn des Aktivitéite am Ausbléck wou mer kënnen deel huelen:

Fir all d’RaRo:  

De Samschden 19. Oktober an den 9 November hu mer normal Versammlung vun 16:15-18.15. Fir d’Montée kuckt bei „ Fir iech alleguer“ a mellt Iech beim Claire un. De Samschden 2 November ass just moies Pabeiersammlung .

Fir d’Albatrossen:

Opgepasst eis Versammlunge fannen dëst Joer all 3ten Freiden am Mount um 20h statt. Falls der net komme kennt, mellt iech beim Christelle of, dat ass wichteg fir d’Organisatioun. Di nächst Versammlunge sinn den 18 Oktober an de 15 November. Den Mëttwoch den 25 Oktober bereede mir eise Camp an eise Ralba-MonteesWE vir.

Fir all d’Carapio,RaRo, Albatrossen, Matarbechter, Chef a Guildememberen

Den 2. November ass Pabeiersammlung. Um 8h30 ass Rdv op dem ale Site vun der Eucosider. Gëff dengem Häerz e Stouss a pack eng oder zwou Hänn mat un  MERCI

Infoziedel Enn September 2019

Fir iech alleguer:

Freides de 4. Oktober: Versprieche vum neie Chefscout

Chef Scout Guillaume
Foto: © World Scout Foundation / Victor Ortega via sil.lu

 Mir sinn frou dat den Ierfgroussherzog Guillaume sech bereet erkläert huet d’Nofolleg als Chefscout vu sengem Grousspapp, dem Groussherzog Jean, unzetrieden. Dowéinst biede mir iech all de Freiden, 4. Oktober 2019 Nomëttes op d’Kinnekswiss ze kommen, well do eisen zukünftege Chefscout feierlech säi Verspriechen ofleet. Mir fueren zesumme mam Zuch an d’Stad fir um 14:30 op deem eemolegen Event mat derbäi ze sinn. Treffpunkt ass um 13:30 zu Péiteng op der Gare, den Zuch fiert um 13:45h. Mir wäerte géint 18h erëm zréck zu Péiteng op der Gare sinn. Tenue: Uniform a Foulard (falls et reent Uniform iwwer dem K -Way undoen). Mathuelen: Bréngt wann ech gelift e Becher mat. Schüler a Studente kenne mat dem Formular,deen dem Bréif derbäi gefügt ass, an der Schoul fräi froen.  PDF: Excuse MENJE Wëll mir eise Grupp umelle mussen, géif ech iech bieden Iech beim Claire (621 68 39 99) bis den 29. September unzemellen.                                               

Samschdes de 5. Oktober: Scouts-Mass um Prënzebierg fir d’Fest vum Hl. Franz vun Assisi

Dier alleguer, är Elteren, Geschwëster, Grousselteren,… sidd häerzlech invitéiert op den Prënzebierg bei d’Kapell ze kommen a mat eis des Scouts-Mass ze feieren.  D‘Mass fänkt um 15:30 Auer un. Duerno gëtt d’Méiglechkeet bei engem Patt nach gemittlech zesummen ze sinn.

Samschdes an Sonndes de 26. a 27. Oktober: Gruppe-Montéesweekend zu Monnerech

Bei der Montée wiesselen di eelste Kanner aus all Branche (Altersgrupp) an di Branche doriwwer. Wichteg: Wëll mir fir d’Organisatioun wësse musse wéivil Leit matginn, brauche mer d‘Umeldungen sou schnell wie méiglech! Mellt iech beim Claire (621 68 39 99) un (och Chef a RaRo). De Weekend kascht 20€ fir dat 1. Kand aus der Famill dat an de Scouten ass, an 15€ fir all weider Geschwëster. D’Iwwerweisunge kennt der bis den 14. Oktober op eise Kont maachen:

LGS Péiteng  Grupp Hl. Franz vun Assisi,
BCEE IBAN LU 67 0019 6803 7218 2000,
20 oder 15€,
Mentioun “Montée [Numm vum Kand+Branche wou d’Kand grad dran ass]”

Mier bieden iech fir all Kand aus ärer Famill eenzel!!! ze iwwerweise wëll soss gëtt et en grousse Chaos. Weider Detailer kommen och nach am nächsten Infobréif.

Fir all d’Biber:

Mir gesinn äis de Samschden 28. September an den 12. Oktober um 14:00 Auer um Prënzebierg. Zeckt net a bréngt är Kollegen aus der Schoul mat an d’Versammlung. Den 5. Oktober fänke mer normal um 14:00 mat der Versammlung un, an dann um 15:30 h hunn mir eis Scouts-Mass. Do sinn är Elteren häerzlech agelueden och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Kuckt och bei „ Fir iech alleguer“.

Fir all d’Wëllefcher:
Dier léif Wëllefcher, kommt de Samschden 28. September an den 12. Oktober um 14h op de Prënzebierg. De 5. Oktober fänkt eis Versammlung normal um 14:00 un, an da sinn är Elteren agelueden um 15:30h och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Fir all Versammlunge gëllt: Bréngt alleguer souvill wéi méiglech Frënn/dinne mat, et mëscht méi Spaass wann sinn och derbäi sinn. Kuckt och bei „ Fir iech alleguer“.

Fir all d’ AvEx:

Salut AvEx, Samschdes den 28. 09 an den 12. 10 ass wéi gewinnt Versammlung vu 14-16h. De Samschde 5 Oktober hunn mer Versammlung mat Scouts-Mass vun 14:00 bis ongeféier 16:00 (et ka bëssche méi spéit ginn). Kuckt och bei „ Fir iech alleguer“.

Fir all d’CaraPio:

Mir hunn de Samschden 28. September an den 12. Oktober vun 14-16h Versammlung um Prënzebierg. De Samschden 5. Oktober hunn mir moies Pabeiersammlung um 8:30 an nomëttes um 14:00 Auer Versammlung mat Scouts-Mass. Kuckt och bei „ Fir iech alleguer“.

Fir all d’RaRo:  

De Samschden 28. September an den 12. Oktober hunn mir normal Versammlung vu 16:15-18:15h. Den 28. September ginn mer moies hëllefe fir Fäschen fir d’Buergbrennen ze bannen. Rdv um 9:30h beim Annick hannenaus (46, rue Prënzenbierg). De Samschde 5. Oktober hunn mer vill fir: Moies hëllefen mer bei der Pabeiersammlung, mëttes as Scoutsmass an duerno géint 17h fänkt eise RaRo-Cup un. Kuckt och bei „ Fir iech alleguer“ (a mëllt iech fir de Montées-WE un!).

Fir all d’Albatrossen:  

Eis Versammlung sinn ëmmer de leschte Freiden am Mount. Deemno ass éischt Versammlung fir dëst Joer de 27. September vun 20-22h um Prënzebierg. Är Hëllef gëtt natierlech och de 5. Oktober fir d’Pabeiersammlung an eis Scouts-mass gebraucht. Kuckt och bei „Fir iech alleguer“.

Fir all d’Carapio, RaRo, Albatrossen, Chef a Mataarbechter

Den Samschde 5. Oktober ass Pabeiersammlung. Rdv as moies um 8:30 um ale Site Eucosider. Wëll mëttes nach muss d’Scouts-mass firbereed ginn , ass et wierklech wichteg dat esou vill wéi méiglech Läit hëllefen fir dat mer moies gutt virun kommen !!! Dir däerft natierlech och mëttes fir d’Mass an de Patt duerno bleiwe. 🙂

Fir all d’Chef

Den 16. Oktober as Kongress um 19:30 am Artikuss zu Zolwer. Mellt iech w.e.g. beim Claire (621 68 39 99) bis den 12 Oktober, un fir dat eng Gruppenumeldung ka gemaach ginn. Den 8. Oktober ass Grupperot um 20:30 am Avexsall. Kuckt och bei „Fir Iech alleguer“.