All posts by Claire D

Infoziedel Mëtt Oktober 2018

Fir iech alleguer:

Samschdes a Sonndes den 27 an 28 Oktober: Gruppe-Montéésweekend zu Klierf

Bei der Montée wiesselen di eelste Kanner aus all Branche (Altersgrupp) an di Branche doriwwer. Fir déi di sech nach net ugemellt hunn: et ass nach net ze spéit! Mellt iech beim Claire (621 68 39 99) un (och Chef a RaRo). De Weekend kascht 20€ fir dat 1. Kand aus der Famill dat an de Scouten ass, an 15 € fir all weider Geschwëster. Ӓrt Kand ass nëmmen definitiv ugemellt wann déi Suen iwwerwisen sinn. D’Iwwerweisunge kennt der bis den 14 Oktober op eise Kont maachen:

LGS Péiteng  Grupp Hl. Franz vun Assisi

BCEE IBAN LU 67 0019 6803 7218 2000

20 oder 15€

Mentioun “Montée [Numm vum Kand+Branche wou Kand grad dran ass]”

Mier bieden iech fir all Kand aus ärer Famill eenzel!!! ze iwwerweisen.

Et ass geplangt dat mer zesumme mam Zuch op Klierf fueren, wëll awer d’Horairë vun den Zich nach deemnächst änneren, kënne mer nach keng Detailer soen. Soubal mer Bescheed wësse kënnt nach en Infoziedel reng iwwert Montée eraus.

Fir all d’Biber:

Léiw Biber, de Samschden 13.Oktober an de Samschden 20.Oktober hunn mir vu 14h bis 16h Versammlung um Prënzenbierg. Huelt fir den 13.Oktober en wäissen alen T-shirt mat, deen dir faarweg mole kennt… Wéi mir dat maachen ? Dat gesitt dier an der Versammlung :). Kuckt och bei „ Fir iech alleguer“.

Fir all d’Wëllefcher:
Dier léif Wëllefcher, esou laang d’Wieder nach matspillt maache mir nach vill Spiller dobaussen. Kommt duerfir den 13. Oktober an den 20. Oktober allkéiers vu 14-16 Auer op de Prënzenbierg. Ditt Iech natierlech dem Wieder no un. Kuckt och bei „ Fir iech alleguer“.

Fir all d’ AvEx:

Salut AvEx, Samschdes, den 13.10 an den 20.10 hunn mer Versammlung vu 14:00-16:00. Mir fuere mat eiser Expeditioun “Survival” virun. Denkt och drun iech nach fir d’Montée unzemellen.

Fir all d’CaraPio:

Mir hunn de Samschden 13 Oktober moies Pabeiersammlung, Rdv wie gewinnt um 8:30 op dem ale Site vun  der Eucosider, nomëttes ass da Versammlung vun 14:00-16:00 Auer. De Samschden 20 Oktober hunn mer eng normal Versammlung vu 14:00 bis 16:00. Kuckt och bei „ Fir iech alleguer“.

Fir all d’RaRo:  

De Samschden 13. Oktober hunn mer moies Pabeiersammlung, nomëttes ass keng Versammlung. De Samschden drop, den 20.Oktober ass Versammlung vu 16:15-18.15, wou mer eis Gedanken iwwert d‘RaRo/Alba-Montée maachen. Kuckt och bei „ Fir iech alleguer“.

Fir all d’Carapio,RaRo, Albatrossen, Matarbechter, Chef a Guildememberen

Den 13. Oktober ass Pabeiersammlung. Um 8h30 ass Rdv op dem ale Site vun der Eucosider. Gëff dengem Häerz e Stouss a pack eng oder zwou Hänn mat un 🙂 MERCI

Infoziedel Enn September 2018

Fir iech alleguer:

Samschdes den 29. September: Scouts-Mass um Prënzebierg fir d’Fest vum Hl. Franz vun Assisi

Dier alleguer, är Elteren, Geschwëster, Grousselteren,… sidd häerzlech invitéiert op den Prënzebierg bei d’Kapell ze kommen a mat eis des Scouts-Mass ze feieren.  D‘Mass fänkt um 15:00 Auer un. Duerno gëtt d’Méiglechkeet bei engem Patt nach gemittlech zesummen ze sin.

Samschdes an Sonndes de 27 an 28 Oktober: Gruppe-Montéésweekend zu Klierf

Bei der Montée wiesselen di eelste Kanner aus all Branche (Altersgrupp) an di Branche doriwwer. Dëst ass eng wichteg Etapp am Liewe vun all Scout/Guide an duerfir mëscht de ganze Grupp en Weekend fir dat ze feieren. Wichteg: Wëll mir fir d’Organisatioun wësse musse wéivil Leit matginn, brauche mer d‘Umeldungen sou schnell wie méiglech! Mellt iech beim Claire (621 68 39 99) un (och Chef an RaRo). De Weekend kascht 20€ fir dat 1. Kand aus der Famill dat an de Scouten ass, an 15 € fir all weider Geschwëster. Ӓrt Kand ass nëmmen definitiv ugemellt wann déi Suen iwwerwise sinn! D’Iwwerweisunge kennt der bis den 14 Oktober op eise Kont maachen:

LGS Péiteng  Grupp Hl. Franz vun Assisi

BCEE IBAN LU 67 0019 6803 7218 2000

20 oder 15€

Mentioun “Montée [Numm vum Kand+Branche wou d’Kand grad dran ass]”

Mier bieden iech fir all Kand aus ärer Famill eenzel!!! ze iwwerweise wëll soss gëtt et en grousse Chaos. Weider Detailer kommen och nach am nächsten Infobréif.

Fir all d’Biber:

Dier léif Biber, mir gesinn äis de Samschden 29 September um 14:00 Auer um Prenzebierg. Ӓer Elteren sinn agelueden um 15h och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). De Samschden 6 Oktober hunn mir eng normal Versammlung vun 14:00 bis 16:00 Auer um Prënzebierg am Chalet. Kuckt och bei „ Fir iech alleguer“ fir de Montées-Weekend.

Fir all d’Wëllefcher:
Dier léif Wëllefcher, kommt de Samschden 29 September um 14h op de Prënzebierg. Ӓer Elteren sinn agelueden um 15h och erop op de Bierg ze kommen a mat eis zesummen eis Scouts-Mass ze feieren (an duerno natierlech en Patt ze drénken). Déi nächst Versammlung , de 6 Oktober ass wéi gewinnt vun 14:00 bis 16:00 Auer um Prënzebierg. Fir déi 2 Versammlunge gëllt: Bréngt alleguer souvill wéi méiglech Frënn/dinne mat, et mëscht méi Spaass wann si och derbäi si. Kuckt och bei „ Fir iech alleguer“.

Fir all d’ AvEx:

Salut AvEx, Samschdes den 29.09 hunn mer Versammlung mat Scouts-Mass vun 14:00 bis ongeféier 16:00 (et ka bëssche méi spéit ginn). De Samschden drop, de 6 Oktober , ass wéi gewinnt Versammlung vu 14h-16h. Kuckt och bei „ Fir iech alleguer“.

Fir all d’CaraPio:

Mir hunn de Samschden 29 September um 14:00 Auer Versammlung mat Scouts-Mass. De Samschden 6 Oktober hunn mer eng normal Versammlung vu 14-16 Auer wou mir wieder un eisem Insektenhotel schaffen. Denkt w.e.g. drun iech den Dag virdru bei engem Chef of ze melle wann der net kënnt kommen. Kuckt och bei „ Fir iech alleguer“.

Fir all d’RaRo:  

De Samschden 29 September hëllefe mer bei der Scoutsmass an dem Patt duerno. Rdv um 15h um Prënzebierg. Den 6 Oktober hunn mer eng normal Versammlung vun 16:15-17:15.  Kuckt och bei „ Fir iech alleguer“ (a mëllt iech fir de Montées-WE un!).

Fir all d’Albatrossen:  

Mëttlerweil hunn mir eis Versammlung op de leschte Freiden am Mount gesat. Dowéinst haalt Iech den 26ten Oktober fräi fir eng Versammlung um 20 Auer. Genausou fir dësen Datum: Eisen RaRo/Alba-Montées-WE ass den 2-3 November.

Fir all d’Chef:  

Den 3. Oktober ass Grupperot um 20:00 am Avexsall.  

Infoziedel september 2018

Moien alleguer,

Ech hoffen dir hat eng schéin, erhuelsam Vakanz a sidd elo prett fir en neit Scoutsjoer mat ville flotte Momenter.

Fir de ganze Grupp: (also fir Biber, Wëllefcher, Avex, CaraPio, RaRo, Albatrossen, Chef  a Guilde)

Sonndes den 9. September: Offiziell Gedenkfeier

Dëst Joer ass erëm de Festival de l’amitié Americo-Luxembourgeoise (virdru bekannt als Anniversaire vun der Liberatioun). D’Gemeng an de Syndikat d‘Initiative organiséiere fill Aktivitéite fir dëst ze feieren. Als Grupp maache mir bei dem offiziellen Deel mat: R.d.v um 10:00 Auer an Uniform bei der Borne des Passeurs bei der Péitenger Kierch an duerno ass um 10:30 Auer eng Zeremonie beim Denkmal vum gefaalenen Zaldot um Square Hyman Josefson. Déi offiziell Participatioun vun de Scouten ass duerno eriwwer.

Samschdes den 22. September an Samschdes den 29 September:

Éischt Versammlunge fir dat neit Scoutsjoer:

D’Biber, d’Wëllef, d’Avex an d’CaraPio hu vu 14°° bis 16°° Versammlung um Prënzebierg. Macht Reklamm fir d’Scouten an äre Schoulklassen a bréngt roueg all är Frënn mat an d‘ Versammlung. D‘RaRo hu vu 16.15 Auer bis 18.30 Auer Versammlung um Prënzebierg.

Fir d‘CaraPio, d‘RaRo,d‘Albatrossen, d’Matarbechter, d‘Guilde a d’Chef:

Samschdes den 15. September: Pabeiersammlung

R.d.v wéi gewinnt um 8.30 Auer zu Péiteng um ale Site vun der Ecosider. Dir kennt de Prinzip: wat méi Leit mathëllefe wat et méi schnell fäerdeg ass J Elo schonns en decke Merci.

Samschdes den 22. September: Kleedersammlung vum Kolpingswierk

R.d.v wéi gewinnt um 9:00 Auer zu Péiteng beim ale Pompjeesbau. Hai gëllt dat nämmlecht wie virdrun, all Hëllef gëtt gebraucht. Elo schonns en decke Merci.

Fir d’Chef:

Mëttwochs den 19.September an Sonndes den 23. September: Kongress a Chefdaag zu Réimech

Detailer fannt dir am „Kompass“ deen der normalerweis per E-mail geschéckt krut, oder op  https://news.lgs.lu/2018/07/30/invitatioun-kongress-chefdag-aktiviteitsrapport-2017-18/ .

Sot w.e.g dem Kim esou séier wéi méiglech um 621197160 Bescheed op dir mat gitt a wat dier iesse wëllt.

Dënschdes den 11. September: Grupperot

R.d.v ass um 20°° am Avexsall.

 

 

Infoziedel fir Juli an August 2018

  • Fir Iech alleguer : Dest ass de läschten Ziedel fir dest Scoutsjoer, duefir ass en och een extra groussen. Ech wenschen Iech alleguer e flotte Camp an eng schéi Vakanz! Ech profitéieren och vun der Geléenheet allen flaissegen Helfer e groussen Merci ze soen fir hieren Asaatz daat ganzt Joer iwer op den Pabeiersammlungen. Duerch dest Akommes kennen d’Praisser fir d’Campinger an sozialen Mossen gehaalen gin. Ech wënschen der  Gewënnerin  vun eiser klenger Emfro vill Freed mam Akaafsbong an soen alleguer Merci déi matgemaach hun  .
  • Fir d’Biber :   Den Camp ass dëss Joer wei schon‘s annonceiert vum 20/07 bis den 23/07 zu Roeser (44, Grand-Rue L-3394 Roeser). Den Rendez-Vous ass den 20/07 um 15h00 op der Gare zu Péiteng mam Foulard!!, vun do aus huelen mir Kanner mat den Autoen mat. Den 23/07 sollen d‘Elteren dann fir 14h30 op Roeser kommen wou sie mat enger klenger Erfreschung erwaard ginn. Den Camp kascht 80€. Wann mei Kanner aus der Famill mat eisem Grupp matgin bezillt deen eelsten den vollen Preis, dei aaner 20€ manner. Mathuelen soll dir: – 1 Autosschuel – Een groussen Rucksaack wou alles dranpasst – Kleeder dem Wieder no apaacken – frësch Ënnerwäsch – een dënnen Kuerf fir knaschteg Wäsch – fest Schung – Schlappen – Piyama – Schloofsaack – Täscheluucht – Täschemesser – Wäschsaachen (Zännbiischt, Zännpasta, etc.) – een klengen Kuerf mat Schwammsaachen + Ärmecher!!! – Eppes fir op den Kapp (Kaap oder Sonnenhut) – Reenjacket – 3€ (fir an der Jumpbox Strëmp ze kaafen dei dir duerno haalen kennt) -Fiche Médicale ausgefëllt (fannt der op lgspeiteng.lu) – Carrymat fir dei wou eng hunn – Sonnencrème -Kichenduch Alles soll mam Numm vum Kand markeiert sinn.
  • Fir d’Wëllef : Hei kommen dei lescht Infos fir den Camping. Deen geet vun Meindes dem 23ten Juli 14h00 bis Freides den 27ten Juli 14h30. Daat ganzt spillt zu Echternach am Chalet Robert Schaffner (route de Berdorf L- 6409 Echternach). Et wär super gutt wann d’Elteren hier Kanner kéinten brengen an och sichen kommen, ansonsten arrangeiren mir Chef eis mat iech. (691 177 773) Fir den Oofschloss vum Camp wollten mer mat Iech zesummen grillen. Mir suergen fir Feier, Zalot an Gegrills fir d’Kanner . Dir misst also just äert eegend Grillfleesch matbrengen. Präis: De Camp vun den Wellef kascht 130 Euro. Wann mei Kanner aus der Famill mat eisem Grupp matgin bezillt deen eelsten den vollen Preis, dei aaner 20€ manner. Unmellen: Mellt iech weg bis den 18. Juli beim Alex un. (691 177 773) Mathuelen:
  • Eng Kopie vun der Impfkaart
  • Kopie vun der Carte d’Idendité
  • d’Fiche médicale déi fannt dir ënner lgspeiteng.lu/doc
  • Wäschsaachen: Zännbiischt, Zahnpasta, ee Läppchen, Seef a Shampoing, ee klengt Duch, eng Biicht
  • Schwammsaachen: e grousst Duch, e Maillot/ uleiend Schwammbox / Wasserschlappen fir Spiller dobaussen/ Schwammkaap / wa néideg Ärmecher
  • Ee Schlofsaack
  • Carrymatt oder Loftmatratz ( dei wou wellen kennen ev. eng Nuet dobaussen schloofen)
  • evt. een Kappkessen an e Petzi, Pyjama
  • ganz wichteg: 3 Spulldicher* ( ja et gett och gespullt)
  • ee klenge Rucksack
  • een Bidon
  • eppes fir ze liesen fir an der Freizeit oder ee Kaartespill
  • e Stoffene Saack fir déi knaschteg Kleeder
  • frësch Ennerwäsch an Strëmp fir all Daag
  • eng gudd Reejaket (net onbedingt eng schéin awer eng déi gudd géint de Reen ass !!!)
  • dëck Schung, Turnschlappen
  • Gezei fir all Wieder an dees waat kann knaschteg gin
  • eng Kaap an eng Mutz (owes kann et kaal gin)
  • Sonnecrème (hoffentlech brauche mir se)
  • Spray géint Zecken a Moussetiken
  • een Täschmesser
  • eng Täschelucht
  • Schlappen
  • een aalt Leinduch fir ze zerschneiden

Verpaackt alles an engem Rucksaak. Et ass wichteg dass all är Saachen mat äerem Numm gezeechend sin! Gitt d’Kopie vun der Impfkaart,eng Kopie vun der Carte d’idendité , d’Fiche an d’Suen op der Plaatz of. Net matbrengen: Wertsaachen, Handy, Täschegeld an Séissegkeeten.

Fir d’Avex : Samschdes den 14.07 ginn mer an d’ Piko (Schwemm zu Rodange). Rdv ass um 13:30 virun der Schwemm. Schluss ass um 16:30 virun der Schwemm. D’Entrée fir an d’Schwemm gett vum Grupp bezuelt. Mat ze huelen ass: Maillot/Schwammbox, Duch, Shampoo an eventuell en Schwammbrell. Fir Glacen, Gedrenks, etc. musst der ierch Täschengeld matbrengen. Hei sinn dei läscht Informatiounen fir de Camp: Ufank: Bréngt äert Kand w.e.g. de Samschden, 21. Juli 2018  fir 14:00 Auer an den Fënsterdall. Adress vun der Plaatz ass:  Finsterthal, 7425 Finsterthal. Op der Strooss misst et gezeechent sinn, wou de Wee bei d’Camplaatz rof geet. De Camp kascht 150€. Wann mei Kanner aus der Famill mat eisem Grupp matgin, bezillt deen eelsten den vollen Preis, dei aaner 20€ manner. D’Geld, zesummen mat der Fiche Médicale direkt ofginn, wann der ukomm sidd. Fiche médicale fannt der op lgspeiteng.lu ennert Dokumenter. Schluss: Sonndes, 29.Juli 2018 kënnt dir äert Kand fir 14:30 Auer rem an den Fënsterdall sichen kommen. Kontakt: Falls een Noutfall sollt sinn kënnt dir eis iwwer Telefon kontaktéieren. (Campchef Annick: 691 309 928, Fredi: 621 472 510). Nach Froen?  Frot beim Annick oder beim Fredi no.  WICHTEG: Markéiert är Saachen virun allem d’Gamelle an d’Besteck, vill Leit hunn dat selwecht! Hei dann elo nach weider Detailer wat der mathuelen sollt:  – Ënnerwäsch fir all Dag ze wiesselen – Strëmp fir all Dag ze wiesselen – Wanderschung (Am beschten undoen fir dohin) – Uniform a Foulard (Hu mir un wann mir ukommen) – Normal Schung oder Turnschlappen – Gezei fir all Wieder – Sonnekap oder –hutt – Sonnecrème – Wäschsaachen (Zännbicht, Seef, klengt Duch, etc.) – 3 Kichendicher – eppes fir géint Moustiquen – Carrymatt – Schlofsak – K-Way/Reejacket – Schwammsaachen (fir d’Jongen: hudd och eng enk Schwammbox derbai) – Bidon (min. 1L) – Becher a Gamelle mat Besteck – Täscheluucht – Täschemesser – AvEx Pass – Bic an Block – 1 klenge Rucksak – eventuell Ourestepp, fir wann een net gudd bei Geschnarchs schlofen kann – Medikamenter falls der gebraucht ginn (dem Fredi awer och am Virfeld Bescheet soen) – Perséinleches – e Saack fir d’knaschteg Wäsch dran ze maan – Fiche médicale  Wäertsaachen (Handy, Ipod, etc) an Séissegkeeten sollen doheem bleiwen!

Fir d’Carapio : Wandercamp an Estland RDV: Den Dënschdeg 17.7. um 6:00 an Uniform a Foulard um Findel an der Entréeshal virum Check-in Beräich. Mir invitéieren iech Fahrgemeinschaften ze organiséieren. De Fliger start um 8:20. Mathuelen: Fir mat an de Fliger: ? Täschegeld (max. 50€) ? Original Dokumenter: Carte d’identité respektiv Pass (dat wouvunn der eis eng Kopie ginn hutt), Impfkaart, Sécurité Sociale, Autorisation Parentale, Bic. ? Mir kréien am Fliger eppes z’iessen an ze drénken. Fir an de grousse Rucksak mat Housse géint de Reen ? Kleeder fir Sonn a Reen (inkl. Reejacket / K-Way) ? Ënnerwäsch, Strëmp ? Biergschung ? Hutt oder Kap ? Warnwest oder Reflekterbännchen ? Schwammboxkompakt Handduch ? Wäschsaachen (Seef am beschte biologesch ofbaubar) ? 1 Rouleau Toilettepabeier ? 1 Spullduch ? Schlofsak ? Carrymatt ? 1 Dreckstut ? Perséinlech Medikamenter ? Spray géint Moustiquen ? Sonnecrème ? Gamelle ? Besteck ? Bidon(en) fir am ganzen 2L ? Becher ? Täscheluucht ? Täschemesser Wichteg: loosst Plaz am Rucksak fir déi puer Saache wou mer als Grupp mat huelen an op jidderee verdeelen (Zelter, Dëppen, Waasser, Iessen, …). Pakt kompakt a liicht. Dir musst ären egene Rucksak eng Woch lang droen. Als Grupp huele mer ë.a. och nach dës Saache mat déi der kënnt benotzen: eng portabel Wäschmaschinn (Geet mat Seef. Dir braucht esou manner Kleeder mat ze huelen.), enTennisball, eng Apdikt, eng Axt. Retour: Den Donneschden 26.7. komme mer um 19:30 zu zu Frankfurt (FRA) un. D’Eltere vum Jimmy an Tim hu frëndlecherweis ugebueden eis vun do aus mat dem Auto zeréck ze bréngen – hinnen dofir e ganz grousse Merci! Rechent géint 23:00 mat eis. Och an der Vakanz gëtt är Hëllef gebraucht, liest duefir bei: Fir all d’CaraPio, d’RaRo,d’Cheféquipe, d’Guilde an d’Matarbechter a maacht mat!

Fir d’Albatrossen De Freiden den 13 Juli um 19h treffen mir eis um Bierg fir nach e bessen ze schaffen virum Camp. Den Freiden 10 August ass och Versammlung um 19h . Dest get eng mei gemitterlech Veranstaltung. Kuckt och bei „Fir d’Carapio, RaRo, Albatrossen, Chef a Matarbechter“.

Fir d’Carapio, RaRo, Albatrossen, Chef a Matarbechter
Mettwochs den 01.08:  Spillnometten mat der Vakanzaktioun : Mir organiséiren een Nomettëg mat flotte Spiller um Bierg, dest ass fir d’Kanner vum Cycle 2, déi bei der Vakanzenaktioun matmachen. Well fill Kanner kommen brauchen mir Leit déi eis do eng Hand upacken. Moies vun 9°° un, riichte mir op. Mir iessen um Bierg zu Metteg d’Kanner sin vun 14.30 Auer bis 17.30 Auer do. Wanns Du wëlls hëllefen, da so mir w.e.g Bescheed um 621 68 39 99 .  MERCI!!! Samschdes de 11.08: Pabeiersammlung. R.d.v. um 8.30 Auer zu Péiteng um aalen Site vun der Ecosider.  Wëll Vakanz ass, a fill Leit fort sin ass et extra wichteg dass jidferee wou kann, och do ass. MERCI!

Infoziedel Ufank Juli 2018

Fir Iech all :

Mir invitéieren eis Memberen, Elteren a Frënn op de Virtrag “Vun Nord bis Süd”, de Samschden 30. Juni um 16 Auer zu Péiteng: Den Oli Kerschen gouf fir e Joer zum Weltebummler. Zréck op Lëtzebuerg koum hien elo mat ville fantastesche Geschichten an eenzegaartege Biller am Gepäck. Jiddereen deen interesséiert ass soll sech bis den 28.06 beim Claire (621 68 39 99) umellen.

Vun Nord bis Süd – E Fotovirtrag vum Olivier Kerschen

Fir d’Biber :

Den Samschden 30. 06 ass di läscht Versammlung fir dëst Scoutsjoer a virum Camp! Kommt also wie gewinnt vun 14-16h op de Prenzebierg. Duerno kennt dir an är Elteren nach gäre bleiwe fir dem Oli Kerschen nozelauschteren. Den Samschden 7. Juli ass den BiberMud 2018 um Neihaischen ( 1, rue Principale, L-5290, Neihaischen). Dat ganzt geet vun 11h bis 17h , mee dir hutt Iech jo schonn ugemellt a krut di néideg Infoen.

De Camp ass wie scho’s annoncéiert vum 20.07 bis den 23.07 zu Roeser (44 Grand-rue, L3394 , Roeser). De Rendezvous ass den 20.07 um 15:00 op der Gare zu Péiteng mam Foulard! vun do aus huele mir d’Kanner mam Auto mat. Den 23.07 sollen d’Elteren da fir 14:30 op Roeser komme wou si mat enger klenger Erfrëschung erwaart ginn. De Camp kascht 80€ (wann méi Kanner aus der Famill mat eisem Grupp op de Camp ginn, da bezilt den eelsten de volle Preis, déi aner bezuelen 20 Euro manner). Mëllt Iech w.e.g. beim Anna (621754360) UN oder Of! Eng detailléiert Lescht wat dir alles sollt fir de Camping apake kennt am nächsten Ziedel.

Fir d’Wëllef :

Di nächst 2 Versammlungen dréinen sech ëmmer méi em de Summercamp zu Iechternach. #India. Mir treffen eis dofir wei gewinnt den 30.06 an de 07.07 vu 14h00 bis 16h00 zu Péiteng um Prenzenbierg. Den 30.07 kennt dier an är Elteren no der Versammlung gäre bleiwe fir dem Oli Kerschen säi Virtrag ze gesinn . Den 07.07 komme mir Chef och no der Versammlung mat Iech de Bierg erof bis bei de Parking fir mat ären Elteren ze schwätze wann si nach Froen iwwert de Camping hunn. Dir sollt iech och scho beim Alex (691 177 773) fir den Camping umellen. Eng ausféierlech Lescht mat Material an dem Preis fir de Camping kennt nach no. 

Fir d’Avex :

 Samschdes, den 30.06 hunn mer Versammlung vun 14:00-16:00 wou mer eis weider op de Camp virbereeden. Bréngt dofir en grousse Scoutsrucksack, Carrymate, Schlofsak a Biergschong mat. Samschdes, de 7.07 übe mir an der Versammlung vun 14:00-16:00 wie een Kniet richteg mécht.

Fir d’Carapio :
De Samschden 30. Juni an 7. Juli ass all Kéier normal Versammlung vu 14-16 Auer. Den 30. Juni ass och de Fotovirtrag vum Olivier Kerschen, kuckt dofir bei “Fir iech all”.
Bréngt den 30. Juni d’Dokumenter fir de Camp mat déi um leschten Ziedel stounge, wann der dat net scho gemaach hutt. Mir brauchen och Iddie fir Rezepter déi mer an Estland kache kënnen – fir Inspiratioun kuckt d’Rezepter vum Schwede Wandercamp: http://lgspeiteng.lu/7420

Rappel: Den 29. Juni ass et Zäit fir de leschte Virement: 100€, Mentioun “Estland 4 [Numm vum CaraPio]” Eise Konto ass: LGS Péiteng Grupp Hl. Franz vun Assisi BCEE IBAN LU 67 0019 6803 7218 2000

Fir all d’CaraPio, RaRo, Albatrossen, Guildememberen, Matarbechter, a Chef:

Samschdes de 7. Juli: Pabeiersammlung. R.d.v. um 8.30 Auer zu Péiteng op dem ale Site vun der Ecosider!