Fotoe vum GoUrban

Den internationale camp GoUrban vum 18. bis den 28. Juli 2017 um Kierchbierg. Fotografen: Claude Künsch, David Mazuel, Fernande Jourdan, Gilles Glod, Nadia Blasen, Claudine Bosseler, René Wersand, RaRo, Sascha Wolsfeld.

Dës Fotoen sinn aus dem Archiv vum GoUrban. Ech hunn déi gesicht wou eppes mat Péiteng ze dinn hunn. Méi Biller a Filmer vum Camp fannt der op https://www.facebook.com/GoUrban2017/, an op https://gourban.lgs.lu/fotoen/. Wann der nach a Bild begéint dat hei feelt da setzt a Link op dat Bild an de Kommentar.

Infoziedel GoUrban 2017

Fir Iech alleguer :

Dier wollt schon emmer wëssen wéi et op engem groussen internationalen Camping esou zougeet?

Dier wellt  déi cool Konstruktiounen an daat interessant Mateneen vun verschiddenen Kulturen an enger Scouts-Stadt live gesin?

Déi kleng Geschwëster sin jalous an wëllen sech och mol eng Kéier ewéi en/eng groussen/grouss  Scout/Guide fillen?

Dier sidd besuergten Elteren an wëllt gesin wou äer Kanner während dem Camping hausen (an wéivill Wäsch der duerno musst man)?

Ma dann kommt op den Open Day vum GoUrban Sonndes, den 23. Juli 2017 vun 12.00 bis 18.00 Auer um Kierchbierg (beim Boulevard Pierre Frieden).

Do gin et den ganzen Daach Ablécker an Scoutsliewen um Camp, Spiller an Ateliers fier Grouss an Kleng, Optrëtter vun Guiden an Scouten aus der ganzer Welt, Iessen an Drenken, an villes méi…

Fier dohin ze kommen benotzt w.e.g. déi gratis Navetten vun P+R Bouillon, P+R Lux-Sud an Letzebuerg Gare well den Boulevard Pierre Frieden as gespart. Dëss Navetten fueren vun 11:30 Auer bis 18:30 Auer. Mier fréen eis schon op äeren Besuch.

Fir d’Biber :  Aer Elteren hun normalerweis schon all Informatiounen vum Anna gescheckt krut.

Fier d’Wellef :

Héi déi läscht Détailer virum Camping: Départ: Sonndes den 23 Juli 2017 sollen d’Elteren hier Kanner op den GoUrban selwer brengen, benotzt w.e.g. déi gratis Navetten! Denkt och un äer Uniform an Foulard (wann der eng hut) RDV um 12 Auer bei der grousser Entreespaard. Do kennen eis d‘Kanner hieren Rucksack , Täschegeld an Fiche médicale ofgin an zesummen mat hieren Elteren bis 16 Auer vum Open Day profitéieren. Um 16 Auer as dann RDV bei den Tipien an den Camp geet lass!! Retour: D’Kanner gin den Freiden 28 Juli mam Bus heemgefouert wou si dann am Nometten zu Péiteng ukommen. Wéini genau Kanner erem zu Péiteng sin soen mer Iech per SMS Bescheed soubal mer déi Infos kréien. Kontakt : Dan ganzen Camp iwer kennt der d‘Claire (621683999) ereechen.

Mathuelen:  Ganz wichteg: schreiwt äeren Numm mat waasserfestem Stëft op all äer Sachen!!!!!

Uniform an Foulard, Pulloveren an T-shirts, Decke pullover/Fleecejacket, laang an kuerz Boxen, Ennerwäsch a Strëmp fier all Daach, deck Stremp fier an Biergschong, Pyjama, Maillot/kuerz an enk Schwammbox, Schwammkaap an Buedduch, Reenjacket/K-way, Biergschong, Turnschlappen an Sandalen, Kap oder Sonnenhutt, Sonnecrème , Sonnebrell (fakultativ), Spray géint Moustiquen, Handduch, Wäschtrousse mat Läppchen, Seef, Zännbiischt, Zännseef, Shampoing; Duschgel, Kämmbiischt,Nueschappecher, 3 Kichendicher, Bidon (1L), 1 klengen Rucksack, Carrymatte (keng Loftmatratz oder Feldbett!!, daat as ze grouss fier an den Tipi), warmen Schlofsack, evt. Kappkëssen, Täschemesser an Täscheluucht, Bloc a Bic, Auer, evt. Buch oder Gesellschaftsspill, Portmonni mat max 15 € Täschegeld, Fiche médicale (https://gourban.lgs.lu/info/downloads/fiche-medicale/, Kopie vun der Impfkaart an der carte de sécurité sociale an perséinlech Medikamenter

Handy, Fotoapparat an aaner Wäertsachen sollen doheem bleiwen!! Verpaackt alles an engem groussen Rucksack. Am dringenden Fall kennen mier iech och e Schlofsack oder eng Carrymatt léinen, dier misst eis just Bescheed soen. 

Fier d’Avex :

Salut AvEx an Elteren, hei sinn dei läscht Informatiounen fir de Camp. Mir gin zesummen mat den Avex vum Käerjenger Grupp an dem Grupp vun Esch-Grenz op dësen Camp.

Et as ganz wichteg, d‘Fiche médicale auszefëllen an eis déi esou séier wéi méiglech mat-zebrengen, well hannert esou engem groussen Camp stecht vill Organisatioun. Dier fannt déi offiziell fiche op https://gourban.lgs.lu/info/downloads/fiche-medicale/, brengt och eng Kopie vun der Impfkaart an der carte de sécurité sociale mat.  Während dem Camping kënnen d‘Avex sech och mat Täschegeld verschidden Saachen um Camp kaafen (z.B. Souvenirs, Glace, etc.). Dat fonktionéiert a Form vun engem Bracelet deen am Viraus mat Suen opgelueden gëtt. Déi genau Detailer dozou kommen iwwert eng SMS vun engem vun de Chef no, soubal mir déi vun der Organisatiounséquip kréien.

Hei dann elo nach weider Detailer: Départ: Dënschdes, den 18. Juli 2017 um 9:25 Auer op der Péitenger Gare. Denkt drun är Uniform an äeren Foulard unzedoen. Retour: Freides, den 28.Juli 2017 geint 16:30 Auer op der Péitenger Gare.

Kontakt: Falls een Noutfall sollt sinn kënnt dir de Fredi iwer Handy kontaktéieren (621472510). W.E.G. just während den normalen Iesszaiten uruffen an och just wann et néideg ass. Nach Froen? Frot an der Versammlung den 8. Juli no oder mellt iech iwwer Telefon.

Mathuelen:  WICHTEG: Markéiert är Saachen (virun allem d‘Gamelle an d’Besteck! vill Leit hunn dat selwecht!)

PIC-NIC fir den éischten Mëtten!!!!!!!, Ennerwäsch fir all Dag ze wiesselen, Strëmp fir all Dag ze wiesselen, Wanderschung (am beschten undoen fir dohin), Uniform a Foulard (Hu mir un wann mir ukommen), Normal Schung oder Turnschlappen, Gezei fir all Wieder, Sonnekap oder –hutt,  Sonnecrème, Wäschsaachen (Zännbicht, Seef, klengt Duch, etc.), 3 Kichendicher, Spray géint Moustiquen, Carrymatt a warmen Schlofsak, K-Way/Reejacket, Schwammsaachen (fir d’Jongen: hudd och eng enk Schwammbox derbai), Bidon (min. 1L), Becher a Gamelle mat Besteck, Täscheluucht a Tàschemesser,  Bic a Bloc, AvEx Pass, 1 klenge Rucksak, e Saack fir d’knaschteg Wäsch dran ze maan, eventuell Ourestepp (fir wann een net gudd bei Geschnarchs schlofen kann), perséinlech Medikamenter (dem Fredi awer och am Virfeld Bescheed soen), Fiche médicale

Wäertsaachen (Handy, Ipod, etc) an Séissegkeeten sollen doheem bleiwen!

Fier d’Carapio :

Schéckt dem Christophe (christophe punkt bintener ät gmail punkt com) bis den 11. Juli eng E-Mail mat: ärer Fiche Médicale Version GoUrban (https://gourban.lgs.lu/info/downloads/fiche-medicale ) (falls der se net schonn ofginn hudd) zesumme mat den Dokumenter déi do opgelëscht sinn (Kopie vun der Impfkaart, carte de sécurité sociale), an är Rezepter mat Quantitéite fir 1 Persoun an 20 Persounen.

Départ an Retour sin jeweils Dënschdes den 18. Juli (an Uniform a Foulard) an Freides den 28 Juli zu Péiteng op der Gare. Déi genau Auerzaiten sin nach net ganz kloer, dier kritt déi Info nach vun engem Chef per SMS.

Mathuelen a mam Numm markéieren:

50€ Täschegeld, Carte d’identité, perséinlech Medikamenter, Schülerkaart fir den ëffentlechen Transport, evt. Picnic fir Dënschdes Mëttes (as nach net kloer kritt der och per SMS gesoot), Ënnerwäsch a Kleeder fir all Wieder, Täschemesser, Täscheluucht, Bic, Bloc, Bidon, Gamelle, Becher, Besteck, Schlofsak, Carrymatt, Fest Wanderschung an ee Puer liicht Schung, Wäschtrousse, Schwammsaachen, Bued- Hand- a Kichenduch, Grouss Dreckstut, grousse Rucksak, klenge Rucksak

 

Infoziedel fier den Juli 2017

Fir Iech alleguer :

Glaich as et esou wait, no 5 Joer Planung vum Verband fennt den groussen internationalen Camping GoUrban um Kierchbierg statt! Wëll desen Camping mei grouss as ewéi mer daat soss gewinnt sin, kommen do nach vil Informatiounen fier Iech no. Dess Détailer vum Camping wäerten also am nächsten Infobreif kommen, deen dann exklusif dem GoUrban gewidmet gëtt.

Fir d’Biber :

Léiw Biber, glaich as et esou wait den GoUrban steet schon virun der Dier. Mee virdrun hun mer nach den 1. Juli an den 8. Juli allkéiers Versammlung vun 1400 bis 1600 Auer um Prënzebierg.

Fier d’Wellef :

Léiw Wellefcher, mir hun nach e puer Versammlungen virun der grousser Vakanz an dem Camping! J Kommt also den 1. Juli an den 8. Juli allkéiers vun 1400 bis 1600 Auer op den Prënzebierg. 

Fier d’Avex :

Léiw Avex mir hun den 1. Juli an och den 8. Juli Versammlung vun 1400 bis 1600 um Prënzebierg. Do wärten mer eis nach weider op den groussen GoUrban Camp virbereeden, wéi zum Beispiel eis cool Pizza-Breifboîte färdeg man.

Fier d’Carapio :

Mir hun den 1. Juli an den 8. Juli normal Versammlung vun 1400 bis 1600 um Prënzebierg. Den 8. Juli as Pabeiersammlung kukt do w.e.g. bei „ Fir Carapio, RaRo,…“

Fier d’RaRo : 

Saluti, RaRo mir hun nach eng lescht Versammlung virun der Summervakanz, si as den 1. Juli wéi gewinnt vun 1600 bis 1800 um Prënzebierg. Den 8. Juli as Pabeiersammlung kukt do w.e.g. bei „Fir Carapio, RaRo,…“

Fir all d’CaraPio, RaRo, Albatrossen, Guildememberen, Matarbechter, a Chef:

Samschdes de 8. Juli: Pabeiersammlung. R.d.v. wéi gewint um 8.30 Auer zu Péiteng op der Lengerstrooss. Wëll do vil Leit schon bei de Préparatiounen vum GoUrban hellefen , ass et extra wichteg dass jidferee wou kann, och do ass. MERCI!

Samschdes de 05 August: Pabeiersammlung. R.d.v. wéi gewint um 8.30 Auer zu Péiteng op der Lengerstrooss. Wëll Vakanz ass, a fill Leit fort sin ass et extra wichteg dass jidferee wou kann och do ass. MERCI!

Samschdes de 09 September: Pabeiersammlung. R.d.v. wéi gewint um 8.30 Auer zu Péiteng op der Lengerstrooss. Wëll Vakanz ass, a fill Leit fort sin ass et extra wichteg dass jidferee wou kann och do ass. MERCI!

 

Programm vun der Guilde: Juli-August 2017

Fir d‘lafend Joer 2017/2018 gesäit eise Comité esou aus:

Éirepresident: Brosius Norbert

President: Scherer Georges

Vize-President: Martin Arny

Sekretär: Schlottert-Didier Martine

Tresorier: Schlottert Jean

Memberen: Felten Lex Guirsch, Robi Lippert Jean, Masutti Christelle, Peiffer Carlo

===================================================

Den 2. Juni 2017 ass eise Member Joseph Steinmetz am Alter vun 90 Joer vun eis gaang.

Hien huet dem Grupp an der Zäit dacks wertvoll Hëllef geleescht wann et drëm gaang ass fir d‘Campmaterial mat sengem Camion op d‘Campplaz ze féieren.

===================================================

Nationalfeierdag

Frei. 23.06.: Mir treffen eis um 9:00 h zu Péiteng op der Maartplaz, do huele mer d‘Navette fir op Rodange, wou mir mam Cortège an den Te Deum ginn. Duerno ass eng Receptioun mat Éirewäin an der Sportshal. Mir komme mat der Navette géint 12:30 Auer zréck op Péiteng.

Sam. 24.06.: De Grupp organiséiert nomëttes vu 14°°-18°° Spiller am Péitenger Park. All eis Membere si natierlech invitéiert fir bis laanscht ze kommen a matzespillen.

Déi Leit déi wëlle bei de Spiller hëllefe sollen sech beim Claire um 621 68 39 99 mellen. Mir treffen eis den 24. Juni um 10°° beim Stadhaus.

P.S.: Mir brauchen nach vill Leit….. =================================================== Programm Juli – August 2017

Son. 2.07.: Kulinareschen Trëppeltour zu Kielen. (Org.: Verschidden Associatioune vu Kielen)

Hei de Programm:

Depart zu Kielen (tëscht 10h30 an 11h30).

Parcours: Kielen – Direndall – Weidendall – Brameschhaff – Kielen = ronn 9 km.

(De Parcours ass geeegent fir Poussetten, deemno och fir eeler Leit.)

Et si 6 Etappen: 1. Apéritif & Amuse-bouche; 2. Entrée végétarienne; 3. Trou normand; 4. Poulet rôti oder Steak végétarien (mat Gromperen a Geméis); 5. Kéis-Assortiment; 6. Trio de desserts mat Kaffi.

Bei de Platen 2, 4 an 5 gëtt et e Gedrénks no Wiel.

Präis: Erwuessen 39,00 €; Kanner (6-12) 15 €; Kanner (<6) gratis.

Umeldung an Info beim Roby Guirsch nach bis Sam. 17.06.,

Tel. 26 30 02 96 oder Mail: guirschrob@gmail.com

Genee Detailer gitt Dir vum Roby no de Umeldung gewuer

Sam. 8.07.: Pabeiersammlung. Rendez-vous um 8:30h virum Chantier Alleva op der Léngerstrooss.

Son. 23.07.: Sortie op d‘Porte-ouverte um internationale Camp Go|Urban um Kierchbierg.

Rendez-vous: Lëtzebuerg/gare um 11:15h. (Départ vum Zuch zu Péiteng um 10:47h) Mir fueren da mat enger spezieller Navette op d‘Plaz vum Camp.

Do gëtt gebueden:

• Vill Spiller an Ateliere fir Grouss a Kleng

• Optrëtter vu Guiden a Scouten aus der ganzer Welt

• Food Villages (Ochs um Spiiss, Tarte Flambée, Paella, Scampis, Grillwurschten, Eisekuchen,…..)

• Concerten (Dëppegéisser, Luxembourg Marching Band, Saxitude, 4DARLA, Mambo Schinki, Duo Lompekréimer, Turlatäin mam Guy Arend)

• Street Animation (Collectif Dadofonic, Pôle Impro Luxembourg…)

• BMX Flatland Champion Viki Gomez

• Camp-Bauerenhaff

• Info- a Verkafsstänn vun eise Partner

• a villes méi

Sam. 5.08.: Pabeiersammlung. Rendez-vous um 8:30h virum Chantier Alleva op der Léngerstrooss.

Son. 6.08..: Traditionnelt Grillfest um Kuelbecherhaff.

Rendez-vous um Haff vun 11:00h un.

Grillen:

– de Grill an dat fir ënnert de Grill (d’Feier) ass op der Plaz;

– dat fir op de Grill an säi Gedrénks muss jidderee selwer matbréngen;

– Zaloten an Taarten sinn net nëmme wëllkomm, mä souguer erwënscht.

Fir am viraus Bescheed ze wëssen wat ongeféier matbruecht gëtt, kontaktéiert w.e.gl. d’Martine

( Tel: 50 32 71 / GSM: 621 414 040 / Mail: jschlott@pt.lu )

„Promenade digestive“ nom Iessen.

Méin. 7.08.: Comité um 20:00h am Home.

Zoukonftsmusek:

Pabeiersammlungen: 9.9. – 7.10. – 4.11. – 9.12.

Sortie op Bouillon: ass geplangt am September

Eis Franziskus-Mass um Bierg Sam. 14.10.

Visite vum „Ofen- und Eisenmuseum“ zu Hüttingen an der Südeifel: Datum läit nach net fest

Ziedel fir Nationalfeierdag

Fir Iech alleguer :

E Freiden den 23. Juni ass Nationalfeierdag. D’Gemeng vu Péiteng huet e grousse Programm fir dëst iwwer zwee Deeg, den Freiden 23. Juni an den Samschden 24 Juni ze feieren. Wéi all Joer huele mir un de Feierlechkeeten Deel.

Mir treffen eis Freides den 23. Juni an Uniform (ween eng huet) um 9:00 Auer zu Péiteng op der Maartplaaz, vun do huele mer d‘Navette fir op Rodange, um wou mir mam Cortège an den Te Deum ginn. Den offiziellen Deel ass géint 11:15 Auer eriwwer, d‘Kanner kënnen da vun den Elteren bei der Rodanger Sportshal ofgeholl ginn oder kommen mat de Chef an der Navette géint 12:30 Auer zeréck op Maartplaz.

Den Samschden 24 Juni organiséieren mir nomëttes vu 14°°-18°° Spiller am Péitenger Park. All eis Memberen si natierlech invitéiert fir bis laanscht ze kommen a matzespillen. De ganze Programm vun der Gemeng fannt dir op: www.petange.lu

Fir all d’CaraPio, RaRo, Albatrossen, Guildememberen, Mataarbechter, a Chef: Déi Leit déi wëlle bei de Spiller hëllefe sollen sech beim Claire um 621 68 39 99 mellen. Mir treffen eis den 24  Juni um 10°° beim Staatshaus. P.S. Mir brauchen nach vill Leit…..

Fir d’Biber :

Dir léif Biber , mir hun den Samsden 17 Juni normal Versammlung vun 14:00 bis 16:00 Auer um Prenzebierg. Den Samsden 24 Juni as keng Versammlung weinst dem Nationalfeierdaach, kukt dofir bei „Fier Iech alleguer“.

Fier d’Wellef :

Dir léif Wellëfcher den Samsden 17. Juni gin mir zesummen an den Walygator. Dofir fueren mir schon mettes um 13h00 um Prënzenbierg ennen wou emmer d‘Eucosider war fort an wärten fir 18h45 erem do zereck sin. Mathuelen musst dir dofir 20€ Entree, eppes geint d’Sonn (zB eng Kapp an Sonnecrème), bequem Schung, e Bidon mat Waasser an falls schlecht Wierder as och eppes géint den Reen. Ausserdem musst iech weinst dem Transport beim Alex (691 177 773) unmellen. Den 24. Juni as keng Versammlung kukt do bei „ Fir Iech alleguer“.

Fier d’Avex :

Samsdes, den 17.06 hun mer Versammlung vun 14:00-17:00 um Prënzebierg. Mir bauen do eis Breifkëscht fir de Camp zesummen mat den AvEx vun Käerjeng an Esch/Grenz.

Samsdes, den 24.06 ass keng Versammlung, well do d’Festivitéiten vum Nationalfeierdaach sin. Kommt roueg mettes lanscht an den Park kuken.

Fier d’Carapio :

Léif Carapio, mir hunn den nächsten Samschden de 17. Juni normal Versammlung vun 14-16 Auer, wou mer wieder un eisem Sall schaffen. Den 24 Juni as keng Versammlung, kuckt bei „ Fir Iech alleguer“ an kommt mat hëllefen.

Fier d’RaRo : 

Den Samsden 17.06 hun mer normal Versammlung vun 16-18h um Prenzebierg. Den Samsden drop, den 24 Juni hellefen mer d’Spiller am Park oprichten an animéieren, kukt dofir bei „Fir Iech alleguer“.

 Fier d’Chef: Mettwochs, den 14 Juni as Grupperoot um 20 Auer am Avexsall.

Groupe Hl. Franz vun Assisi