Category Archives: Scoutsziedel

Fir den regelméisseg verschéckten Scoutsziedel.

Infoziedel fir Buergbrennen an Theater 2020

Fir Iech alleguer :

Invitatioun fir d’Buergbrennen den 29 Februar:

Mir invitéieren Iech alleguer mat äre Famillen, Frënn, Noperen, Bomie …… op eist traditionellt Buergbrennen ze kommen.

Mir brennen d’Buerg, e Samschdeg den 29 Februar. De Fakelzuch geet um 18:30 Auer ënne beim Wee fort, an d’Buerg gëtt géint 19°° ugefaangen. Jidderee wou beim Opriichten hëlleft kritt och virum Fakelzuch e gudden Teller Zopp. All déi aner Leit brauchen sech keng Suergen ze maachen, de Grill steet schonns prett.

Scoutstheater

Den Weekend drop, den 06. an den 07. Mäerz spille mer Theater zu Péiteng am Home St.Hubert.

Et gëtt gespillt :

Biber: D‘Biberzaubershow

Wëllefcher: Na Sie Penn’n Ja

AvEx: Action an der Schoul

CaraPio: La chasse au porc

D’Cheféquipe an Mataarbechter spillen e lëschtegen 3 Akter vum Josy Christen: Kuddel-Muddel

De Riddo ass um 19:30 (d’Kanner déi matspille sollen um 19°°Auer am grousse Sall sinn.) De Preis ass 10 Euro fir Erwuessener a 5 Euro fir d’Kanner. Déi Kanner wou matspille mussen natierlech näischt bezuelen, Kanner bis 6 Joer sinn och gratis. Reservéiert hinnen awer eng Platz mat, sot just bei der Reservatioun Bescheed. Dir kennt Är Platzen, elo um 621 814 883 (Elsen) ëmmer no 18 Auer reservéieren.

P.S Wann dir eis e klenge Cadeau fir an d’Tombola wëllt ginn, da gitt Ärem Kand et einfach mat an eng Prouf. Villmools Merci am viraus!

Fir d’Biber :

No der Vakanz hunn mer den 29.02 Buergbrennen (kuckt bei „Fir Iech alleguer“); mir si vun 15°° un um Bierg, a bleiwen do bis d’Buerg brennt.
Denkt weider un eis Prouwen: den 10.02, 12.02, 24.02, 26.02, 02.03 an de 04.03 vun 16:30-18h zu Péiteng am Home St. Hubert. Eisen Theater ass dann de 6-7.03: di jonk Actricen/Acteure sollen um 19h am Home si fir sech kennen unzedoen/schminken.
De 14.03 hunn mir normal Versammlung vu 14-16h um Prënzebierg.

Fir d’Wëllef :

No der Vakanz hunn mer den 29.02 Buergbrennen; mir si vun 15°° un um Bierg, a bleiwen do bis d’Buerg brennt.
Eis nächst Prouwen sinn den 11.02, 13.02, 25.02 , 03.03, 05.03 vun 18:45 bis 19:45 am Home St. Hubert zu Péiteng. De 6 a 7.03 ass dann endlech eisen Theaterowend. Di jonk Actricen/Acteure sollen um 19h am Home si fir sech kennen unzedoen/schminken. Kuckt och bei „Fir Iech alleguer“.
Den 14. 03 hunn mer erëm normal Versammlung vu 14-16 Auer um Prënzebierg.

Fir d’Avex :

Den 29.02 ass Buergbrennen, do gesi mer eis um 15:00 um Bierg, a mir bleiwen do bis d’Buerg brennt.
Den 6.03 an de 7.03 ass Theater, d’AvEx déi matspille sollen um 19:00 am grousse Sall sinn. Déi aner kennen awer roueg kucke kommen. Fir dass dat och eppes gëtt, prouwe mir den de 25.02 / 28.02 / 3.03 / 5.03 am Home St. Hubert zu Péiteng, all kéiers vu 17:00-18:30.
Samschdes de 14.03 hu mer normal Versammlung vu 14:00-16:00.

Fir d’Carapio :

28.2.: An de Pause vum Theater verkafe mer béid Deeg Kuch a Kichelcher fir kënnen de Präis vum Summer Camp ze drécken. Sot dem Gilles bis den 28. Februar wat der wëllt bake fir dass mer net e puer mol dat selwecht hunn.

29.2.: Mir gesinn eis um 9:00 um Prënzebierg fir beim Opriichte vun der Buerg ze hëllefen.* Mëttes gëtt et eppes z’iessen an Owes maache mer mat beim Programm vum Buergbrennen.

2.3.: Umeldeschluss fir den Iron Scout 2020. Den Iron Scout ass zu Klierf vum 17.4. Owes bis den 19.4. Mëttes (de leschte Weekend vun der Ouschtervakanz). Mir wanderen 65km ronderëm Klierf a 24 Stonnen. En Trailer fannt der hei: lgspeiteng.lu/3636 . Dat ganzt ass fir e gudden Zweck: mir ënnerstëtzen d’Odysseë vun de RaRo. Dir kritt en Dokument fir Sponsoren ze sichen an enger vun den nächste Versammlungen. Fir dass mir eise Grupp kënnen umellen (d’Plaze si begrenzt), maacht e Virement bis den 2. März:

LGS Péiteng Grupp Hl. Franz vun Assisi
BCEE IBAN LU 67 0019 6803 7218 2000
30€

Vermierk: Iron Scout [Numm vum CaraPio]

Detailer zum Transport an Material kommen an engem spéideren Scoutsziedel.

6. & 7.3.: Fir den Theater (http://lgspeiteng.lu/8685) hëllefe mer ab 17:00 beim Opriichten.* Wee mat am CaraPio Stéck „Chasse au porc“ spillt muss spéitstens um 19:00 do sinn.

14.3.: Mir gesinn eis moies fir d’Pabeiersammlung* an um 14:00 fir eis Versammlung um Prënzebierg.

*Kuckt ënne bei „Fir d’CaraPio, RaRo, Albatrossen, Chef, Guilde an Mataarbechter“

Fir d’RaRo :

De 15.02 ass Pabeiersammlung. De 29.02 ass Buergbrennen. Di Woch drop , den 6 an 7 .03 ass Theater. Kuckt do bei Fir d’CaraPio, RaRo,…“ a kommt hëllefen. Den 14.03 ass moies Pabeiersammlung an mëttes Versammlung vun 16.15-18:15.

Fir d’Albatrossen

Fir Buergbrennen an Theater kuckt bei „ Fir d’CaraPio,….“. Den 21.02 hunn mer Versammlung um 20h um Prënzebierg. Loosst Iech vum Ben iwwerraschen. Den 20.03 ass Albatrossentreff zu Klierf . Mir maache Fuergemeinschafte fir dohin. Wieder Infoe kommen no.

 Fir d’CaraPio, RaRo, Albatrossen, Chef, Guilde an Mataarbechter 

De Samschdes den 29.02 riichte mir d’Buerg op. Mir treffen eis um 9°° Auer um Bierg. Mir iessen zesummen zu Mëtteg, duerno gëtt weider geschafft bis d’Buerg steet. Matbréngen: Schaffhändschen a gutt Laun 🙂

De 06 a 07. 03 ass den Theater. Mir riichten de Sall, a këmmeren eis em d’Iessen an d’Gedrénks, sou ewéi em d’ofriichten. R.dv vu 17°° un am Home.

De Samschde 15.02 a 14.03 ass Pabeiersammlung. R.d.v. wie gewinnt um 8:30h um ale Site vun der Eucosider. Kommt a maacht mat bei enger Partie „ Këschte stapelen“!!:)

Fir d‘Chef

De Mëttwoch 12.02 ass Grupperoot um 20h am Avexsall.

 

Relevant Fotoen (automatesch generéiert)

Infoziedel Charity Wanterhike Februar 2020

Fir Iech alleguer :

Charity Wanter Hike:

All 3-4 Joer gëtt et bei de LGS d’Méiglechkeet fir Raro a fir Chef un enger Odyssée deelzehuelen. Eng Odyssee ass en Camp, deen et de  Jonken erméiglecht en Austausch mat Jonken aus enger anerer Kultur ze hunn, hautno ze erliewe wéi d’Liewen an anere Länner ausgesäit an zesummen ze schaffe fir Verännerungen am Gaaschtland ze bewierken. Dëst Joer ginn d’Odysséeën a Bolivien, Georgien an an de Senegal. All Participant a Staffmember bezillt d’Rees an den Openthalt selwer. D’Chantieren (Material fir Bau a Renovatioun) ginn duerch Spende finanzéiert. Wëll e puer vun eise RaRo a Chef matginn, wëlle mir als Grupp hëllefen, a maachen den 8. Februar beim Wanter Charity Hike 2020 zu Miersch mat (https://raro.lgs.lu/wanter-charity-hike-2020/).

Wanter Charity Hike 2020
Wanter Charity Hike 2020

D’Iddi ass dat d’Kanner/di Jonk an hirer Famill/Frëndeskrees Sponsore sichen, déi pro getrëppeltem Kilometer eng kleng Somme spenden. Den Dag selwer ginn d’Kanner/di Jonk en Trëppelwee a sammelen op Statioune „Kilometerpunkten“. Fir déi di net esou wäit kënnen oder wëllen trëppelen, ginn et och Kiermesspiller, wou si „Kilometerpunkten“ kënne gewannen. Fir Sponsoren ze fanne luet iech d’Lëscht als PDF ënnen op der Säit https://raro.lgs.lu/wanter-charity-hike-2020/patter-giedel-system/ erof. D’Chef verdeelen och eng Lëscht an der nächster Versammlung.

Fir d’Biber :

Den 1. Februar ass aus organisatoresche Grënn keng Versammlung. Den 8. Februar ass Charity Wanterhike. Mir gi zesumme mat de Wëllef mam Zuch op Miersch wou d’Mathilde op Iech waart an zesumme mat Iech de Wee trëppelt. Mellt Iech w.e.g. beim Anna (621 754 360) un a  sicht fläisseg Sponsoren an der Famill. Kuckt dofir bei „Fir Iech alleguer“.
Dann ass gläich den Theater ugesot: eis Prouwen sinn ëmmer Méindes a Mëttwochs vun 16:30-18h zu Péiteng am Home St. Hubert. Di genau Deeg sinn: 10.02, 12.02, 24.02, 26.02, 02.03 an de 04.03. Mellt Iech och do beim Anna (621 754 360) bis den 3. Februar un ob dir um Theater deel huelt oder net.
An der Vakanz, den 15. an den 22. Februar sinn keng Versammlungen.

Fir d’Wëllef :

De Samschden 01.02 ass eng klassesch Versammlung vun 14-16h um Prënzebierg.
Den 08. Februar gi mir dofir ob den Charity Hike. Mir treffen eis um 13h00 zu Péiteng ob der Gare a si géint 18h15 erëm do. Dir braucht ee klenge Rucksak mat Bidon, Pic Nic, 5€ Täschegeld. Ditt äre Foulard an Trëppelschong un an vergiesst net är Lëscht mat de Sponsoren (Kuckt bei „ Fir Iech all“). Mellt Iech och beim Alex un.

Deemnächst ass et esou wäit, mir spillen zesummen Theater. Wann dir elo scho wësst dass dir sécher matspillt kennt dir iech scho beim Alex un mellen. Eis Prouwen sinn Dënschdes an Donneschdes vun 18:45 bis 19:45 am Home St. Hubert zu Péiteng. Déi genau Deeg sinn: 4.02, 06.02, 11.02, 13.02, 25.02 , 03.03, 05.03.  An der Vakanz, den 15. an den 22. Februar sinn keng Versammlungen.

Fir d’Avex :

Samschdes den 1.02 hunn mer normal Versammlung vun 14:00-16:00. Mir schaffen un eise Fotosrummen an um Theater.

Samschdes, den 8.02 gi mer op den Charity Wanterhike zu Miersch. Start ass um 13:00 zu Péiteng op der Gare. Zeréck si mer géint 18:15 rëm zu Péiteng op der Gare. Unzedoen ass de Foulard an Trëppelschong. Matzehuelen ass e klenge Rucksak mat engem Bidon Waasser, eventuell e bëssen Täschegeld an de Pätter/Giedel-ziedel (deen fannt der op https://raro.lgs.lu/wanter-charity-hike-2020/patter-giedel-system/ oder kritt en an der nächster Versammlung).

Eis Theaterprouwen sinn den 25.02 / 28.02 / 3.03 / 5.03 am Home St. Hubert zu Péiteng, all kéiers vun 17:00-18:30.

Fir d’Carapio :

E Samschden 1. Februar hu mer normal Versammlung vu 14:00 – 16:00 um Prënzebierg.

De 5. Februar ass eis éischt Theaterprouf. Eis Prouwe sinn ëmmer am Home St. Hubert (52 rue de l’Église) vun 18:30 bis 19:30 op dësen Deg: 5.2., 12.2., 26.2., 28.2., an 4.3.

E Samschden den 8. Februar gi mer op den RaRo Wanter Charity Hike zu Miersch beim Home St. Michel. Umeldung ass per SMS un de Gilles bis den 31. Januar. Denkt drun Sponsore fir är Lëscht ze fannen. RDV: En Zuch vun der Péitenger Gare aus fiert um 9:15 an d’Stat (RB 4734), dee musst der ouni Chef huelen. Treff mat de CaraPio Chef ass um 9:40 an der Stater Gare an der grousser Hal. Vun do aus fuere mer zesumme weider op Miersch. Well vläit net jiddereen d’selwecht laang wëll trëppelen ass kee fixe Retour geplangt. Fir den Heemwee kënnt der entweder mat den anere Branchen zesummen zeréck fueren (kuckt hir Deeler vum Infobréif) oder dir huelt eleng den Zuch zeréck op Péiteng.

De 15. Februar ass Pabeiersammlung, RDV um 8:30 um Site Eucosider.

Den 4. Abrëll ass JoCaPi zu Dikrech. Dat ass en nationale CaraPio Rally vu Moies fréi bis an de fréien Owend. Mir maachen wann et méiglech ass eng Ekipp zesumme mat de Kärjenger CaraPio, mat deene mer och um Summercamp wëllen zesumme schaffen. Offiziell Säit vun der JoCaPi: https://carapio.lgs.lu/2020/01/19/jocapi-2020-zu-dikrich/ E puer Fotoen vun 2013: http://lgspeiteng.lu/fotoen/nggallery/2013bis/20130414-jocapi Umeldung ass per Virement bis den 10. Februar 2020.

LGS Péiteng Grupp Hl. Franz vun Assisi
BCEE IBAN LU 67 0019 6803 7218 2000
15€
Vermierk: JoCaPi [Numm vum CaraPio]

Als Erënnerung fir op de Kalenner: de 17.-19. Abrëll ass Iron Scout. Detailer zum Weekend an zur Umeldung kommen no.

Fir eise Summercamp ass et Zäit fir den zweeten Acompte, maacht de Virement bis de 10. Februar.

LGS Péiteng Grupp Hl. Franz vun Assisi
BCEE IBAN LU 67 0019 6803 7218 2000
200€

Vermierk: CaraPio Camp 2 [Numm vum CaraPio]

Fir d’RaRo :

Den 1. Februar hu mer eng Versammlung wou mer zesumme kachen an iessen an duerfir bleiwe mer bis 19h zesummen um Bierg. Den 8. Februar ass keng Versammlung well mir op de Charity Wanterhike gi. Detailer kläre mer dofir an der nächster Versammlung. Den 15. Februar ass dann Pabeiersammlung, RDV um 8:30 op der Eucosider. Mëttes ass keng Versammlung well Vakanz ass.

 Fir d’CaraPio, RaRo, Albatrossen, Chef, Guilde an Mataarbechter 

Den Samsden 15. Februar as Papeiersammlung. R.d.v. wie gewinnt um 8:30h op der Eucosider. Elo schons Merci fier äer Hellef.

Fir d’Chef:

De Mettwoch 12. Februar as Grupperoot um 20h am Avexsall.

 

 

 

Relevant Fotoen (automatesch generéiert)

Infoziedel bis den 25 Januar 2020

D’Cheféquipe vun den Péitenger Guiden a Scouten wënscht Iech alleguer en schéint Joer 2020.

 

Fir Iech alleguer: E puer Datumer fir op de Kalenner

Charity Wanter Hike

Wanter Charity Hike 2020
Wanter Charity Hike 2020

Den 8. Februar geet eise Grupp mat op de Wanter Charity Hike 2020 (https://raro.lgs.lu/wanter-charity-hike-2020/).“De Charity Wanter Hike ass eng Aktivitéit, déi an d’Liewe geruff gouf vir d’Odyssee’en, déi am Summer 2020 stattfannen, ze ënnerstëtzen. Haaptzil vun dëser Aktivitéit ass et, Don’en ze sammelen, déi benotzt ginn, vir d’Camp-Chantier’en ze finanzéieren.” Fir Sponsoren ze fanne luet iech d’Lëscht als PDF ënnen op der Säit https://raro.lgs.lu/wanter-charity-hike-2020/patter-giedel-system/ erof.

Buergbrennen:
Eist traditionellt Buergbrennen ass den Samschden 29 Februar.

Theater:

De 6. an de 7. Mäerz spille mir Theater zu Péiteng am Home St.Hubert. Haalt Iech dës Datumer scho mol fräi. Wieder Infoe kommen no.

Fir d’Biber:

E neit Joer bréngt och nei Aktivitéite mat sech. Also kommt den Samschden 11.01, den 18.01 an de 25.01 allkéiers vun 14-16h op de Prënzebierg kucken. Frot och äer Elteren op dier kennt beim Theater matspillen a sot eis Bescheed.

Fir d’Wëllef:

Dir léif Wëllef, no dëser laanger Paus gesi mer eis erëm. Den 11. an den 18. Januar hunn mir vun 14-16h Versammlung um Prënzebierg. Mir fänke mat engem neie Komet un. Falls et awer iwwerraschend sollt schneie kennt dir ee Schlitt matbréngen. Den 25 Januar gi mir zesummen ob d’Äispist „Kockelscheier“. Dofir treffe mir eis um 14h00 zu Péiteng ob der Gare a fir 18h15 si mir erëm zréck zu Péiteng. Et gëtt mat Sécherheet kal ditt iech entspriechend un. Entrée kascht 5€ an 10€ Täschegeld kennt dir och mathuelen. Fir déi di eege Schlittschong hunn kennen déi och matbréngen. Vergiesst äre Foulard net. Kuckt och bei „ Fir Iech alleguer“ a sot eis w.e.g. an der nächster Versammlung Bescheed op der kennt beim Theater matspillen.

Fir d’Avex:

Samschdes, den 11.01, den 18.01 an de 25.01 hunn mer Versammlung vun 14:00-16:00. Mir fänke mat eiser Expeditioun “Pimp my AvEx-Sall” un wäerten eis och Gedanke maache fir den Theater. Denkt also drun är Elteren ze froen ob der matspille kennt.

Fir d’Carapio:

Wéinst ze wéinegen Umeldunge gi mer awer net op de CaraPio Funkraid. Amplaz hu mer Programm wéi hei drënner beschriwwen.
Den 11. Januar moies gesi mer eis um 8:30 fir d’Pabeiersammlung. Dëst ass oft déi Pabeiersammlung vum Joer wou mer am meeschten Aarbecht hunn, also ziele mer op är Hëllef. D’Detailer sti bei “Fir d’Mataarbechter…”.
Den 11. Januar Mëttes ass Versammlung vun 14:00-16:00 um Prënzebierg. Mir wëlle viru komme mat de Virbereedunge vum Theater, dat wärt also een Deel vun der Versammlung sinn. Bréngt är Iddie mat.
Den 18. an 19. Januar ass de CaraPio Wanterhike. (Just fir déi déi sech ugemellt hunn.) D’Detailer dovu stinn op http://lgspeiteng.lu/8643 .
De 25. Januar hu mer Versammlung vun 14:00-16:00 um Prënzebierg.

Fir d’RaRo:

De Samschden den 11. Januar an de 25 Januar hu mer normal Versammlung um Prënzebierg.
De Samschden 11 Januar ass och moies Pabeiersammlung.
De Samschden 18 Januar ass eist renomméiert „RaRo-Wantergrillen“. Mir wäerten do direkt no de Versammlungen um 16h ufänke mat opriichten.

Fir d’Albatrossen:

De Samschden 11 Januar ass Pabeiersammlung. Mir hunn de Freide 17. Januar um 20h Versammlung um Prënzebierg.
Zudeem organiséieren de 15 Februar d’Walfer LGS hier traditionell Raclettfriess. Mir hunn fir eng Gruppenumeldung ze maachen, also kennen déi, di wëlle matgoen, sech beim Christelle mellen.

Fir d’CaraPio, RaRo, Albatrossen, Chef, Guilde an Mataarbechter:

Dëse Samschden den 11 Januar ass déi eicht Pabeiersammlung fir d’Joer 2020. Och dëst Joer ass DENG Hëllef natierlech wëllkomm. Rdv um 8:30 Auer um aale Site vun der Ecosider.

Pabeiersammlungen 2020:

Hei d’Pabeiersammlunge fir dat ganzt Joer 2020: 15 Februar, 14 Mäerz, 18 Abrëll, 23 Mee, 20 Juni, 11 Juli, 8 August, 5 September, 10 Oktober, 7 November, 5 Dezember

Fir d’Chef: Den Donnëschden 23 Januar ass Grupperot um 20h am Chalet.

Relevant Fotoen (automatesch generéiert)

Infoziedel bis d'Chrëschtvakanz 2019

Dëst ass den lëschten Infoziedel fir d‘Joer 2019. Déi ganz Cheféquipe wënscht Iech an ärer Famill schéin Feierdeeg an en gudden Rutsch an dat neit Joer!

Fir Iech alleguer :

  • leschten Rappel : Cotisatiounen

Nëmmen duerch d’bezuele vun der Cotisatioun ass äert Kand bei de Scoute verséchert. Fir déi di et nach net gemaach hunn, iwwerweist w.e.g esou séier wéi méiglech 15€ fir dat eelst Kand an 12€ fir déi aner Kanner op eise Konto : LGS Péiteng  Grupp hl. Franz vun Assisi, BCEE IBAN LU 67 0019 6803 7218 2000, mam Vermierk: Cotisatioun an den Numm vun ärem(n) Kand/Kanner.

  • Friddensliicht-Feier

Samschdes den 21. Dezember verdeelen d’Péitenger Guiden a Scouten d’Friddensliicht. Bei dëser Feier kritt jidderee symbolesch de Fridden a Form vun enger Käerz mat Heem, fir en dann am Bekanntekrees  weider ze verdeelen. Mir hunn deen Samschden keng Versammlung um Prënzebierg, mee mir treffen eis, an Uniform, um 17:00 zu Péiteng an der Kirch fir d‘Virowendmass. No der Mass verdeelen mer dann d’Liicht. Äer Elteren, Geschwëster, Familijenmemberen an Bekannten sin häerzlech wëllkomm fir dëse méi besënnleche Moment mat eis ze feieren.

Fir d’Biber :

Ho Ho Ho Biber, hei ass de leschte Bréif ier en neit Joer ugeet! Den 7 Dezember hunn mir vun 14-16h eng normal Versammlung um Prënzebierg. Den 14 Dezember ass eng, méi laang! „ special Edition Versammlung“ vu 14-17h um Prënzebierg. Et wier keng „special Edition“ wann et net eppes Extraes géif gi: also bréngt alleguer ee klenge Kaddo mat , entweder selwer gebastelt oder kaaft, (am Wäert vun max 5€) . Dat ass fir engem anere Biber eng kleng Freed virun de Chrëschtdeeg ze maachen. Duerno ass keng Versammlung méi bis no der Vakanz.

Fir d’Wëllef :

Den 7 Dezember maache mir eng After-Kleeserchersfeier vun 14-16h um Prënzebierg. Bréngt dofir alleguerten ee klenge Kaddo, am beschte selwer gemaach, an net méi deier wei 5€ mat. De Samschden drop den 14 Dezember hu mir normal Versammlung vu 14-16h um Prënzebierg. Ditt Iech ganz waarm un et ass kal dobaussen. Duerno ass keng Versammlung méi bis no der Vakanz.

Fir d’Avex :

Samschdes, den 7.12, hunn mer normal Versammlung vun 14-16h um Prënzebierg.  Samschdes, den 14.12, ass eis Chrëschtdags-Versammlung. Déi Versammlung dauert vun 14-17h!. Bréngt all eng Chrëschtdaagsboule fir op de Beemchen an ee Kaddo (net méi wie 5€, am beschte selwer gemaach) mat. Duerno ass keng Versammlung méi bis no der Vakanz.

Fir d’Carapio :
Samschden de 7. Dezember an de 14 Dezember gesi mer eis vu 14:00-16:00 um Prënzebierg. Mir schaffe wieder un eiser Seefekëscht a fänken och mam Theater un.

Fir d’RaRo:

Den 7.12 ass normal Versammlung vun 16-18h. De Weekend drop den 14-15 Dezember ass eis RaRo-Alba-Montée. Dat geet vu Samschdes 16:30 bis Sonndes 14h. Vergiesst net är Carrymatt, Schlofsak a Gamelle. Fir de Ravi ass gesuergt. Mellt Iech w.e.g beim Christelle (691 93 06 41) un. Fir den 21.12 kuckt bei „ Fir Iech alleguer“.

Fir d’Albatrossen:

De Weekend vum 14-15 Dezember fënnt eisen RaRo-Alba-Montéesweekend statt. Mir treffen eis de Samschden um 16:30h um Prënzebierg an trëppele vun do aus op eis Schlofplaz. De Weekend ass Sonndes géint 14h eriwwer. Vergiesst net eng Carrymatt, Schlofsak an eng Gamelle matzebréngen. Fir de Ravi ass gesuergt. Mellt Iech w.e.g. beim Christelle un. Den 20ten Dezember treffe mir eis um 20h beim Christelle doheem fir eis Tâchë fir d’Wanteraktioun opzedeelen. Vum 21ten bis de 27ten Dezember hëllefe mer da bei der Wanteraktioun vun der Croix Rouge. Fir den 21.12 kuckt bei „ Fir Iech alleguer“ a vergiesst net Iech beim Martine (um 621 414 040 bis de 14.12) fir d’Veillée mat Träipefriess vun der Guilde no der Friddensliichtfeier unzemellen. 

Fir all d’Carapio, RaRo, Albatrossen, Matarbechter, Chef a Guildememberen

Den 7. Dezember ass Pabeiersammlung. Um 8h30 ass Rdv op dem ale Site vun der Eucosider. Gëff dengem Häerz e Stouss a pack eng oder zwou Hänn mat un J MERCI

Fir d‘Chef

Den nächsten Grupperoot as den 19 Dezember um 20h um Prënzebierg.

Programme vun der Guilde: November-Dezember2019

Ce n’est qu’un au revoir
Den 13. Oktober 2019 huet eise laangjärege Member
d’ Marthe Steimenz – Reiles eis am Alter vun 93 Joer
fir ëmmer verlooss.
Hierer Famill drécken mir eist häerzlechst Bäileed aus.
Mir wäerten d’Marthe a gudder Erënnerung behalen.

Mëtt. 27.11. Assemblée générale

Péitenger Guilde ass op d’Assemblée générale de l’Entente des organisations catholiques agelueden ginn. Dëst fënnt den Mëttwoch, 27.11. um 19h zu Péiteng am Home statt.

Méi. 25.11. – Donn 28.11 Bastelen vun Adeventsdekoratioun
All Owend ab 19 Auer gëtt am Chalet un der Adventsdekoratioun fir den Crëschtbazar gebastelt.

Sam. 30.11. & 01.12.: Chrëschtmaart
Wéi all Joers hunn d`Péitenger Scouten ee Stand um Péitenger Chrëschtmaart. Dir sidd häerzlech wellkomm ee waarmen Téi drenken ze kommen. Natierlech ginn och wonnerschéin selwergemaachen Adventskränz verkaaft.

Mëtt. 04.12.: Keelenowend am Café Muller zu Lampech
Den leschten Keelenowend am Joer gëtt nees eppes Besonneches ! Dowéinst gëtt et virum spillen ee gudden Menü z’iessen.
Et gëtt Fierkelhämmchen am Deeg mat Kaffi an Dessert fir 22 €.
Rdv ass um 18 :45 Auer. Mellt iech bis den 27. November beim Martine un (621 414 040).

Sam. 07.12.: Pabeiersammlung
Rendezvous um 8:30h um fréiere Site Eucosider. Merci fir är Hëllef.

Méi. 16.12.: Comité.
Um 20:00h am Home

Sam. 21.12.: Traipenfriess
Traditionell fënnt den 21. Dezember eis Traipenfriess statt. Éier mir iessen, maachen mir nach eng Réi optional Aktivitéiten.
Mir treffen eis um 14 :45 Auer virum Ausstellungszelt um fréieren Site vum Lycée Mathias Adam, rue Batty Weber zu Péiteng, fir d’Ausstellung ‘Lëtzebuerg am Zweete Weltkrich kucken ze goen.
Dono ginn mir zesummen vir 17 Auer zu Péiteng an d`Kierch, fir d’Mass mat Verdeelen vum Friddensliicht.
Schlussendlech treffen mir eis um Prenzebierg am Chalet. RDV ass um 18 :30 Auer fir eng Chrëschtveilée, dono gëtt et wéi üblech
Traipen z’iessen. Vegetarier sin natierlech och wëllkomm, sot just bei der Umeldung Bescheed, fir dass eng Alternativ organiséiert a gekacht kann ginn. Umeldungen beim Martine um 621 414 040 bis den 14.12.2019.

Sam. 11.01.2020: Pabeiersammlung
Rendez-vous um 8:30h um fréiere Site Eucosider. Merci fir är Hëllef.

21. – 27. Dezember 2019 : Wanteraktioun bei der Croix-Rouge
Séit 2001 hëlleft Croix-Rouge dem Familljeministère den Sans-abri een Mëttesiessen ze verdeelen. Bei dëser Aktivitéit, genannt Wanteraktioun, ginn all Joers Fräiwëlleger gesicht fir ze hëllefen. Dëst Joer hellëfen mer vum 21. bis den 27. Dezember vun 11.30 bis ong. 14.30 Auer d’Iessen ausdeelen. Wann der mathellëfen wëllt, mellt Iech beim CHRISTELLE (691 930 641) an gitt un, wéi eng Deeg Dier dobäii sidd.

Wëllt dir nächst Joer mat den Guildememberen an eng Vakanz goen ? Iddi ass em Päischten vir ongféier 4 Nuechten an d’Vogesen ze fueren. Bei Interessi mellt Iech unbedingt sou schnell wéi méiglech beim Marianne (691 910 294).

Mir wollten en Opruff maachen,
fir eis ze hëllefen kleng Gadgeten
ze sammelen fir an eis Virwëtztuten,
déi mir all Joer um Scoutstheater verkafen.
Mellt iech beim Martine (621 414 040)